DEĊIŻJONI TA' IMPLIMENTAZZJONI TAL-KUMMISSJONI

tat-18 ta' Novembru 2014

dwar l-approvazzjoni tas-saqaf solari li jiċċarġja l-batterija tal-marka kummerċjali Webasto bħala teknoloġija innovattiva għat-tnaqqis tal-emissjonijiet tad-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill

(Test b'rilevanza għaż-ŻEE)

(2014/806/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 443/2009 tal-Parlament Ewropew u tal-Kunsill tat-23 ta' April 2009 li jistabbilixxi standards ta' rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta' CO2 minn vetturi ħfief (1), u b'mod partikolari l-Artikolu 12(4) tiegħu,

Billi:

(1)

Fil-5 ta' Marzu 2014, il-fornitur Webasto Roof & Components SE (l-“Applikant”) issottometta applikazzjoni għall-approvazzjoni tas-saqaf solari li jiċċarġja l-batterija tal-marka kummerċjali Webasto bħala teknoloġija innovattiva. Instab li l-applikazzjoni kienet kompleta u l-perjodu għall-valutazzjoni tal-applikazzjoni mill-Kummissjoni beda l-għada tad-data tal-wasla uffiċjali tagħha, jiġifieri s-6 ta' Marzu 2014.

(2)

L-applikazzjoni ġiet ivvalutata skont l-Artikolu 12 tar-Regolament (KE) Nru 443/2009, skont ir-Regolament ta' Implimentazzjoni tal-Kummissjoni (UE) Nru 725/2011 (2) u skont il-Linji Gwida Tekniċi għat-tħejjija tal-applikazzjonijiet għall-approvazzjoni ta' teknoloġiji innovattivi skont ir-Regolament (KE) Nru 443/2009 (il-Linji Gwida Tekniċi) (3).

(3)

L-applikazzjoni tirreferi għas-saqaf solari tal-marka kummerċjali Webasto. Is-saqaf solari jikkonsisti minn pannell fotovoltajku li jiġi nstallat fuq is-saqaf tal-vettura. Il-pannell fotovoltajku jibdel l-enerġija ambjentali f'waħda elettrika, li permezz ta' konvertitur-DC-DC tinħażen f'batterija abbord. Il-Kummissjoni ssib li l-informazzjoni li l-applikant ta fl-applikazzjoni turi li l-kundizzjonijiet u l-kriterji msemmija fl-Artikolu 12 tar-Regolament (KE) Nru 443/2009 u fl-Artikoli 2 u 4 tar-Regolament ta' Implimentazzjoni (UE) Nru 725/2011 ġew issodisfati.

(4)	L-Applikant wera li fis-sena ta' referenza 2009 l-ammont ta' karozzi ġodda mgħammra b'saqaf solari li jiċċarġja l-batterija tat-tip deskritt f'din l-applikazzjoni ma kienx jaqbeż it-3 %.

(5)

Sabiex jiġi stabbilit l-iffrankar tad-CO2 li t-teknoloġija innovattiva se tagħti meta vettura tiġi mgħammra biha, jeħtieġ li tiġi ddefinita l-vettura ta' referenza li magħha għandha titqabbel l-effiċjenza tal-vettura mgħammra bit-teknoloġija innovattiva kif previst fl-Artikoli 5 u 8 tar-Regolament ta' Implimentazzjoni tal-Kummissjoni (UE) Nru 725/2011. Il-Kummissjoni jidhrilha li l-vettura ta' referenza għandha tkun varjant ta' vettura li fl-aspetti kollha hija l-istess bħall-vettura ekoinnovattiva, bl-eċċezzjoni ta' saqaf solari u, fejn applikabbli, mingħajr batterija addizzjonali u tagħmir ieħor meħtieġ speċifikament għall-konverżjoni tal-enerġija tax-xemx f'elettriku u l-ħażna tiegħu. Għal verżjoni ġdida ta' vettura li fiha jkun installat pannell tas-saqaf solari, il-vettura ta' referenza għandha tkun il-vettura li fiha l-pannell tas-saqaf solari jkun skonnettjat u l-bidla fil-piż minħabba l-installazzjoni ta' soqfa solari tittieħed inkonsiderazzjoni.

(6)

L-Applikant ipprovda metodoloġija għall-ittestjar tat-tnaqqis tad-CO2 li tinkludi formoli li huma bbażati fuq il-linji gwida tekniċi fir-rigward ta' ċċarġjar tal-batterija tas-saqaf solari. Il-Kummissjoni tqis li barra minn hekk għandu jintwera sa liema grad il-konsum ġenerali tal-enerġija tal-vettura fir-rigward tal-funzjoni tat-trasport tagħha huwa aħjar minn dik li l-enerġija kkunsmata għall-operazzjoni ta' apparati li għandhom l-għan li jtejbu l-kumdità tas-sewwieq jew tal-passiġġieri.

(7)	Sabiex jiġi ddeterminat l-iffrankar huwa neċessarju wkoll li tittieħed inkonsiderazzjoni l-kapaċità ta' ħażna ta' batterija waħda abbord jew il-preżenza ta' batterija addizzjonali ddedikata biss għall-ħażna tal-elettriku mis-saqaf solari

(8)

Il-Kummissjoni hija tal-opinjoni li l-metodoloġija għall-ittestjar se tagħti riżultati li huma verifikabbli, ripetibbli u komparabbli u li l-metodoloġija kapaċi turi b'mod realistiku l-benefiċċji f'termini tal-emissjonijiet tad-CO2 tat-teknoloġija innovattiva b'sinifikat statistiku qawwi skont l-Artikolu 6 tar-Regolament ta' Implimentazzjoni (UE) Nru 725/2011.

(9)	F'dan l-isfond, il-Kummissjoni ssib li l-Applikant wera b'mod sodisfaċenti li t-tnaqqis fl-emissjonijiet miksub mit-teknoloġija innovattiva huwa tal-anqas ta' 1 g CO2/km.

(10)

Peress li test tal-approvazzjoni tat-tip tal-emissjonijiet tad-CO2 imsemmi fir-Regolament (KE) Nru 715/2007 tal-Parlament Ewropew u tal-Kunsill (4) u r-Regolament tal-Kummissjoni (KE) Nru 692/2008 (5) ma jqisx il-preżenza ta' saqaf solari u l-enerġija addizzjonali pprovduti permezz ta' din it-teknoloġija, il-Kummissjoni hija sodisfatta li s-saqaf solari li jiċċarġja l-batterija tal-marka kummerċjali Webasto mhux kopert biċ-ċiklu tat-test standard. Il-Kummissjoni ssib li r-rapport ta' verifika tħejja minn TÜV SÜD Czech s.r.o., li huwa korp indipendenti u ċċertifikat, u li r-rapport jappoġġa s-sejbiet imniżżlin fl-applikazzjoni.

(11)	F'dan l-isfond, il-Kummissjoni ma ssib l-ebda oġġezzjoni fir-rigward tal-approvazzjoni tat-teknoloġija innovattiva inkwistjoni.

(12)

Bil-għan li tiġi stabbilita l-kodiċi tal-ekoinnovazzjoni ġenerali li għandha tintuża fid-dokumenti tal-approvazzjoni tat-tip rilevanti skont l-Annessi I, VIII u IX tad-Direttiva 2007/46/KE, għandha tiġi speċifikata l-kodiċi individwali li għandha tintuża għat-teknoloġija innovattiva approvata permezz ta' din id-Deċiżjoni ta' Implimentazzjoni,

ADOTTAT DIN ID-DEĊIŻJONI:

Artikolu 1

1. Is-saqaf solari li jiċċarġja l-batterija tal-marka kummerċjali Webasto għall-użu f'vetturi M1 huwa approvat bħala teknoloġija innovattiva skont it-tifsira tal-Artikolu 12 tar-Regolament (KE) Nru 443/2009.

2. It-tnaqqis fl-emissjonijiet tad-CO2 li jiġi mill-użu tas-saqaf solari li jiċċarġja l-batterija tal-marka kummerċjali Webasto imsemmi fil-paragrafu 1 għandu jiġi stabbilit bl-użu tal-metodoloġija mogħtija fl-Anness.

3. Il-kodiċi individwali tal-ekoinnovazzjoni li għandha tiddaħħal fid-dokumentazzjoni tal-approvazzjoni tat-tip li għandha tintuża għat-teknoloġija innovattiva approvata permezz ta' din id-Deċiżjoni ta' Implimentazzjoni għandu jkun “7”.

Artikolu 2

Din id-Deċiżjoni tidħol fis-seħħ fl-20 jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Brussell, it-18 ta' Novembru 2014.

Għall-Kummissjoni

Il-President

Jean-Claude JUNCKER

(1) ĠU L 140, 5.6.2009, p. 1.

(2) Ir-Regolament ta' Implimentazzjoni tal-Kummissjoni (UE) Nru 725/2011 tal-25 ta' Lulju 2011 li jistabbilixxi proċedura għall-approvazzjoni u ċ-ċertifikazzjoni ta' teknoloġiji innovattivi għat-tnaqqis tal-emissjonijiet ta' CO2 minn karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill, ĠU L 194, 26.7.2011, p. 19.

(3) http://ec.europa.eu/clima/policies/transport/vehicles/cars/docs/guidelines_en.pdf (verżjoni ta' Frar 2013).

(4) Ir-Regolament (KE) Nru 715/2007 tal-Parlament Ewropew u tal-Kunsill tal-20 ta' Ġunju 2007 dwar l-approvazzjoni tat-tip ta' vetturi bil-mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi (ĠU L 171, 29.6.2007, p. 1).

(5) Ir-Regolament tal-Kummissjoni (KE) Nru 692/2008 tat-18 ta' Lulju 2008 li jimplimenta u jemenda r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta' vetturi bil-mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għall-informazzjoni dwar it-tiswija u l-manutenzjoni tal-vettura (ĠU L 199, 28.7.2008, p. 1).

ANNESS

IL-METODOLOĠIJA BIEX JIĠI DDETERMINAT IT-TNAQQIS TAL-EMISSJONIJIET TAD-CO2 MINĦABBA L-UŻU TAS-SAQAF SOLARI LI JIĊĊARĠJA L-BATTERIJA TAL-MARKA KUMMERĊJALI WEBASTO

1. Introduzzjoni

Il-proċedura tat-testijiet u l-kundizzjonijiet tat-testijiet li għandhom jiġu applikati sabiex jiġi ddeterminat it-tnaqqis tad-CO2 li jista' jiġi attribwit għall-użu tas-saqaf solari li jiċċarġja l-batterija tal-marka kummerċjali Webasto f'vettura M1 kif stipulat fil-punti 2 u 3.

2. Il-proċedura tat-testijiet

L-output ta' punt massimu (PP) tal-pannell PV għandu jiġi ddeterminat b'mod sperimentali għal kull varjant ta' vettura. Il-kejl għandu jsir skont il-metodoloġija tal-ittestjar speċifikata fl-istandard internazzjonali IEC 61215:2005 (1).

Għandu jintuża pannell PV komplet żarmat. L-erba' angoli tal-panell għandhom jolqtu l-panell ta' kejl orizzontali.

Il-kejl kollu għandu jitwettaq b'mod konsekuttiv għall-anqas ħames darbiet.

L-angolu tal-inklinazzjoni mit-tul u l-kapaċità totali tal-ħżin (jew il-Koeffiċjent ta' Korrezzjoni Solari (SCC) li jirriżulta) għandhom jiġu pprovduti mill-manifattur tal-vettura.

L-inklinazzjoni mit-tul possibbli tas-saqaf tal-karozzi għandu jkun ikkoreġut b'mod matematiku wara billi tiġi applikata l-funzjoni tal-cosine.

3. Formuli

Id-devjazzjoni standard tal-medja aritmetika tal-output tal-enerġija massima għandha tiġi kkalkulata bil-formula (1).

Formula (1):

Fejn:

	:	Id-devjazzjoni standard tal-medja aritmetika tal-output ta' potenza massima (Wp);
PPi	:	Il-valur tal-kejl tal-output ta' enerġija massima (Wp);
	:	Il-medja aritmetika tal-output ta' potenza massima (Wp);
n	:	Numru ta' kejl

Il-gwadann ta' potenza elettrika addizzjonali jiddependi fuq il-kapaċità ta' ħażna abbord tal-elettriku disponibbli li għandha tiġi vverifikata. Jekk il-kapaċità hija anqas minn 0,666 Ah għal kull tal-qawwa massima tal-pannell PV, ir-radjazzjoni solari li tirriżulta f'jiem xemxin u ċari tas-sajf ma tistax tintuża kompletament minħabba batteriji ċċarġjati kompletament. F'dan il-każ, il-koeffiċjent ta' korrezzjoni solari msemmi fil-punt 2 għandu japplika sabiex jittieħed is-sehem li jista' jintuża tal-enerġija solari li tkun ġejja.

Għall-kalkolu tal-potenzjal tat-tfaddil tad-CO2 użat għandha tintuża d-dejta tal-input li ġejja:

—	irradjazzjoni solari medja PSR speċifikata fil-Kapitolu 5.7.1 tal-Linji Gwida Tekniċi (2), i.e.120 W/m2;

—	fattur tal-użu/l-effett tad-dell UFIR peċifikat fil-Kapitolu 5.4.2 tal-Linji Gwida Tekniċi, jiġifieri 0,51;

—	l-effiċjenza tas-sistema solari ηSS speċifikata fil-Kapitolu 5.1.3 tal-Linji Gwida Tekniċi, jiġifieir 0,76;

—

il-koeffiċjent ta' korrezzjoni solari SCC speċifikat fit-Tabella 1 u fil-Kapitolu 5.7.2 tal-Linji Gwida Tekniċi;

Tabella 1

Il-kapaċità tal-ħżin totali disponibbli (12 V)/il-potenza massima tal-PV (Ah/Wp) (3)	0,10	0,20	0,30	0,40	0,50	0,60	> 0,666
Il-koeffiċjent ta' korrezzjoni solari (SCC)	0,481	0,656	0,784	0,873	0,934	0,977	1

—

il-konsum tal-potenza effettiva għal vetturi li jaħdmu bil-petrol VPe – P u vetturi li jaħdmu bid-diżil VPe – D peċifikat fit-Tabella 2 u fil-Kapitolu 5.1.1 tal-Linji Gwida Tekniċi;

Tabella 2

Tip ta' magna	Konsum tal-enerġija effettiva VPe (l/kWh)
Petrol (VPe – P)	0,264
Diżil (VPe – D)	0,22

—	l-effiċjenza tal-alternatur ηΑ, speċifikata fil-Kapitolu 5.1.2 tal-Linji Gwida Tekniċi, jiġifieri 0,67;

Għall-fatturi ta' konverżjoni CF għandha tintuża d-dejta fit-Tabella 3:

Tabella 3

Tip ta' fjuwil	Fattur ta' konverżjoni (l/100 km) → (g CO2/km) (100 g/l)
Petrol (CFP)	23,3 (= 2 330 g CO2/l)
Diżil (CFD)	26,4 (= 2 640 g CO2/l)

Għall-kilometraġġ medju annwali għandha tintuża d-dejta fit-Tabella 4 (km/sena):

Tabella 4

Tip ta' fjuwil	Il-kilometraġġ medju annwali (km/sena)
Petrol (MP)	12 700
Diżil (MD)	17 000

B'din id-data tal-input l-iffrankar ta' CO2 għal vetturi li jaħdmu bil-petrol għandu jiġi kkalkulat bil-Formola (2).

Id-differenza fil-piż bejn vettura ta' xenarju bażi u l-vettura ekoinnovattiva minħabba l-installazzjoni ta' soqfa solari u fejn rilevanti, batterija addizzjonali, għandha tiġi kkunsidrata billi jiġi applikat il-koeffiċjent ta' korrezzjoni tal-massa (4). Il-vettura tax-xenajru bażi għandha tkun vettura varjant li fl-aspetti kollha hija l-istess bħall-vettura ekoinnovattiva, bl-eċċezzjoni ta' saqaf solari u, fejn applikabbli, mingħajr batterija addizzjonali u tagħmir ieħor meħtieġ speċifikament għall-konverżjoni tal-enerġija tax-xemx f'elettriku u l-ħażna tiegħu.

Għal verżjoni ġdida ta' vettura b'saqaf solar installat, il-vettura ta' xenarju bażi għandha tiġi speċifikata kif ġej: hija l-vettura li fiha l-pannell tas-saqaf solari mhuwiex imqabbad u titqies il-bidla fil-massa minħabba l-installazzjoni tas-saqaf solari. F'każ li l-pannell tas-saqaf solari jkun magħmul mill-ħġieġ għandha tiġi aġġornata l-bidla fil-massa, jiġifieri żieda ta' massa ta' 3,4 kg. F'każ li l-pannell tas-saqaf solari jkun magħmul minn materjal sintetiku ħafif ma għandha ssir l-ebda korrezzjoni għall-bidla fil-massa. Fuq din il-bidla fil-piż il-manifattur irid jgħaddi dokumentazzjoni vverifikata lill-Awtorità tal-Approvazzjoni tat-Tip.

Formula (2):

Fejn:

CCO 2	:	Iffrankar tad-CO2 (g CO2/km);
PSR	:	Insolazzjoni medja (W/m2);
UFIR	:	Il-fattur tal-użu/effett tad-dell (-);
ηSS	:	L-effiċjenza tas-sistema solari (-);
PP	:	L-output ta' potenza massima (Wp);
SCC	:	Il-koeffiċjent ta' korrezzjoni solari (-);
VPe – P	:	Il-konsum tal-potenza effettiva għall-vetturi li jaħdmu bil-petrol (l/kWh);
ηA	:	L-effiċjenza tal-alternatur (-);
CFP	:	Il-fattur tal-konverżjoni għall-vetturi li jaħdmu bil-petrol (100 g/l);
MP	:	Il-kilometraġġ medju annwali għall-vetturi li jaħdmu bil-petrol (km/sena);
Φ	:	L-inklinazzjoni fit-tul tal-pannelli solari (°);
ΔCO2mP	:	Il-koeffiċjent ta' korrezzjoni tad-CO2 minħabba tibdil fil-massa wara li jiġi nstallat is-saqaf solari u fejn applikabbli, il-batterija addizzjonali u tagħmir ieħor meħtieġ speċifikament għall-konverżjoni tal-enerġija saolari f'elettriku u l-ħżin tagħha għal vetturi li jaħdmu bil-petrol (g CO2/km).

L-iffrankar tad-CO2 għal vetturi li jaħdmu bid-diżil għandu jiġi kkalkulat bil-Formula (3).

Id-differenza fil-massa bejn vettura ta' xenarju bażi u vettura ekoinnovattiva minħabba l-installazzjoni ta' soqfa solari u, fejn rilevanti, batterija addizzjonali għandu jiġi kkunsidrat billi jiġi applikat il-koeffiċjent ta' korrezzjoni tal-massa (4). Il-vettura tax-xenajru bażi għandha tkun vettura varjant li fl-aspetti kollha hija l-istess bħall-vettura ekoinnovattiva, bl-eċċezzjoni ta' saqaf solari u, fejn applikabbli, mingħajr il-batterija addizzjonali u tagħmir ieħor meħtieġ speċifikament għall-konverżjoni tal-enerġija tax-xemx f'elettriku u l-ħażna tiegħu.

Għal verżjoni ġdida ta' vettura b'saqaf solari installat, il-vettura ta' xenarju bażi għandha tiġi speċifikata kif ġej: hija l-vettura li fiha l-pannell tas-saqaf solari mhuwiex imqabbad u titqies il-bidla fil-massa minħabba l-installazzjoni tas-saqaf solari. F'każ li l-pannell tas-saqaf solari jkun magħmul mill-ħġieġ għandha tiġi aġġornata l-bidla fil-massa, jiġifieri żieda ta' massa ta' 3,4 kg. F'każ li l-pannell tas-saqaf solari jkun magħmul minn materjal sintetiku ħafif ma għandha ssir l-ebda korrezzjoni għall-bidla fil-massa. Fuq din il-bidla fil-piż il-manifattur irid jgħaddi dokumentazzjoni vverifikata lill-Awtorità tal-Approvazzjoni tat-Tip.

Formula (3):

Fejn:

VPe – D	:	Il-konsum tal-potenza effettiva għal vetturi li jaħdmu bid-diżil (l/kWh);
CFD	:	Il-fattur ta' konverżjoni għal vetturi li jaħdmu bid-diżil (100 g/l);
MD	:	Il-kilometraġġ medju annwali għal vetturi li jaħdmu bid-diżil (km/year);
ΔCO2mD	:	Il-koeffiċjent ta' korrezzjoni tad- CO2 minħabba tibdil fil-massa wara li jiġi nstallat is-saqaf solari u fejn applikabbli, il-batterija addizzjonali u tagħmir ieħor meħtieġ speċifikament għall-konverżjoni tal-enerġija saolari f'elettriku u l-ħżin tagħha għal vetturi li jaħdmu bil-petrol (g CO2/km).

Il-koeffiċjent ta' korrezzjoni tad-CO2 minħabba l-bidla fil-massa għandu jiġi kkalkulat bil-Formuli (4) u (5).

Formula (4):

għal vettura li taħdem bil-petrol

Formula (5):

għal vettura li taħdem bid-diżil

Fejn:

Δm

Bidla fil-piż minħabba l-installazzjoni ta' soqfa solari u, fejn applikabbli, batterija addizzjonali u tagħmir ieħor meħtieġ speċifikament għall-konverżjoni ta' enerġija tax-xemx f'elettriku u l-ħażna tiegħu, (eż. 5 kg).

L-iżball fl-iffrankar tad-CO2 għandu jiġi kkalkulat bil-Formula (6).

Formula (6):

Where:

Żball tal-iffrankar totali tad-CO2 (g CO2/km);

Is-sensittività tal-iffrankar ta'CO2 kkalkulat marbut mal- imkejjel matul it-test I;

Numru ta' kejl

Sabiex l-iżball fl-iffrankar tad-CO2 għal vetturi li jaħdmu bil-petrol jiġi kkalkulat, ir-riżultati tal-formula (6) għandhom jiġu applikati fil-formula (2) skont il-formula li ġejja (7):

Formula (7):

Sabiex l-iżball fl-iffrankar tad-CO2 ta' vettura li taħdem bi fjuwil tad-diżil jiġi kkalkulat, ir-riżultati tal-formula (6) għandhom jiġu applikati fil-formula (3), li twassal għal formula (8). Dan huwa l-iżball fl-iffrankar tad-CO2 għal vettura li taħdem bil-fjuwil.

Formula (8):

Sabiex jintwera li l-limitu minimu ta' 1 gCO2/km inqabeż b'mod sinifikanti statistikament għandha tintuża l-Formula (9) li ġejja:.

Formula (9):

Fejn:

Limitu minimu (g CO2/km), jiġifieri 1 g CO2/km;

CCO 2

Iffrankar totali ta' CO2 (g CO2/km);

Żball tal-iffrankar totali tad-CO2 (g CO2/km).

Meta l-iffrankar fl-emissjonijiet tad-CO2, bħala riżultat tal-kalkolu bl-użu tal-formula (9), jkun taħt il-livell limitu speċifikat fl-Artikolu 9(1) tar-Regolament ta' Implimentazzjoni (UE) Nru 725/2011, għandu japplika t-tieni subparagrafu tal-Artikolu 11(2) ta' dak ir-Regolament.

(1) Moduli fotovoltajċi terrestri tas-siliċju kristallin (PV) — Kwalifikazzjoni tad-disinn u l-approvazzjoni tat-tip. Numru ta' referenza IEC 61215:2005(E).

(2) Il-Linji Gwida Tekniċi għat-tħejjija tal-applikazzjonijiet għall-approvazzjoni ta' teknoloġiji innovattivi skont ir-Regolament (KE) Nru 443/2009 (verżjoni ta' Frar 2013).

(3) Il-kapaċità totali tal-ħżin tinkludi mezz ta' ħżin medja li tista' intuża tal-batterija tal-istartjar b'kapaċità ta' 10 Ah (12 V). Il-valuri kollha jirreferu għal radjazzjoni solari medja annwali ta' 120 W/m2, sehem ta' sfumaturi ta' 0,49 u medja ta' ħin ta' sewqan tal-vettura ta' siegħa kuljum għal qawwa elettrika meħtieġa ta' 750 W.

(4) Il-Kapitolu 5, Par. 5.1 tal-istudju JRC ta' referenza, http://europa.eu/!qN68wc