9.10.2014   

MT

Il-Ġurnal Uffiċjali tal-Unjoni Ewropea

L 293/34

DEĊIŻJONI TAL-KUNSILL 2014/700/PESK

tat-8 ta' Ottubru 2014

li temenda d-Deċiżjoni 2013/183/PESK dwar miżuri restrittivi kontra r-Repubblika Demokratika tal-Popolari tal-Korea

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 tiegħu,

Wara li kkunsidra d-Deċiżjoni tal-Kunsill 2013/183/PESK dwar miżuri restrittivi kontra r-Repubblika Demokratika Popolari tal-Korea (1), u b'mod partikolari l-Artikolu 19 tagħha,

Billi:

(1)

Fit-22 ta' April 2013, il-Kunsill adotta d-Deċiżjoni 2013/183/PESK.

(2)

Fit-28 ta' Lulju 2014, il-Kumitat tas-Sanzjonijiet stabbilit skont ir-Riżoluzzjoni 1718 (2006) tal-Kunsill tas-Sigurtà tan-Nazzjonijiet Uniti dwar ir-Repubblika Demokratika Popolari tal-Korea (il-“Kumitat tas-Sanzjonijiet”), approva ż-żieda ta' entità ġdida mal-lista konsolidata ta' individwi u entitajiet soġġetti għal miżuri restrittivi.

(3)

Fit-30 ta' Lulju 2014, il-Kumitat tas-Sanzjonijiet aġġorna l-lista tal-individwi u l-entitajiet soġġetti għal miżuri restrittivi.

(4)

Skont l-Artikolu 22(1) tad-Deċiżjoni 2013/183/PESK, il-lista li tinsab fl-Anness I għal dik id-Deċiżjoni għandha għalhekk tiġi emendata skont dan.

(5)

Barra minn hekk, fid-dawl tal-mewt irrappurtat ta' wieħed mill-individwi elenkati, l-Anness II għad-Deċiżjoni 2013/183/PESK għandu jiġi emendat skont dan,

ADOTTA DIN ID-DEĊIŻJONI:

Artikolu 1

L-Annessi I u II għad-Deċiżjoni 2013/183/PESK huma emendati kif stabbilit fl-Anness għal din id-Deċiżjoni.

Artikolu 2

Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Lussemburgu, it-8 ta' Ottubru 2014.

Għall-Kunsill

Il-President

M. LUPI

(1)   ĠU L 111, 23.4.2013, p. 52.

ANNESS

I.   

L-entità elenkata hawn taħt tiżdied mal-lista li tinsab fl-Anness I għad-Deċiżjoni 2013/183/PESK:

Lista ta' persuni msemmija fl-Artikolu 13(1)(a) u ta' persuni u entitajiet imsemmija fl-Artikolu 15(1)(a)

B.   Entitajiet

 

Isem

Psewdonimu

Lokalità

Data tal-indikazzjoni

Informazzjoni oħra

20.

Ocean Maritime Management Company, Limited

(OMM)

 

Donghung Dong, Central District, PO BOX 120, Pyongyang, DPRK;

Dongheung-dong Changgwang Street, Chung-Ku, PO Box 125, Pyongyang.

28.7.2014

Ocean Maritime Management Company, Limited (Numru OMI: 1790183) huwa l-operatur/maniġer tal-bastiment Chong Chon Gang. Kellu rwol ewlieni fl-arranġamenti għall-ġarr ta' merkanzija moħbija ta' armi u materjal relatat minn Kuba lejn ir-RDPK f'Lulju 2013. Bħala tali, Ocean Maritime Management Company, Limited ikkontribwixxiet f'attivitajiet ipprojbiti mir-riżoluzzjonijiet, b'mod partikolari l-embargo fuq l-armi impost bir-riżoluzzjoni 1718 (2006), kif emendata bir-riżoluzzjoni 1874 (2009), u kkontribwixxiet fl-evażjoni tal-miżuri imposti minn dawn ir-Riżoluzzjonijiet.

II.   

L-entrati għall-persuni u l-entitajiet li ġejjin li jinsabu fl-Anness I għad-Deċiżjoni 2013/183/PESK huma sostitwiti bl-entrati ta' hawn taħt:

Lista ta' persuni msemmija fl-Artikolu 13(1)(a) u ta' persuni u entitajiet imsemmija fl-Artikolu 15(1)(a)

A.   Persuni

 

Isem

Psewdonimu

Data tat-twelid

Data tal-indikazzjoni

Informazzjoni oħra

2.

Ri Je-son

Isem bil-Korean:

Image 1
;

Isem biċ-Ċiniż:

Image 2

magħruf ukoll bħala Ri Che Son

Imwieled fl-1938

16.7.2009

Ministru tal-Industrija tal-Enerġija Atomika minn April 2014. Qabel kien Direttur tal-Uffiċċju Ġenerali tal-Enerġija Atomika (General Bureau of Atomic Energy — GBAE), l-aġenzija ewlenija li tmexxi l-programm nukleari tar-RDPK; iffaċilita diversi inizjattivi nukleari inkluż il-ġestjoni mill-GBAE taċ-Ċentru għar-Riċerka Nukleari ta' Yongbyon u l-Korporazzjoni tal-Kummerċ Namchongang.

B.   Entitajiet

 

Isem

Psewdonimu

Lokalità

Data tal-indikazzjoni

Informazzjoni oħra

14.

Leader (Hong Kong) International

Leader International Trading Limited; Leader (Hong Kong) International Trading Limited

LM-873, RM B, 14/F, Wah Hen Commercial Centre, 383 Hennessy Road, Wanchai, Hong Kong, China.

22.1.2013

Leader International (Numru tar-reġistrazzjoni tal-kumpannija ta' Hong Kong 1177053), tiffaċilita vjeġġi f'isem il-Korea Mining Development Trading Corporation (KOMID). Il-KOMID ġiet inkluża mill-Kumitat f'April 2009 u hija l-kummerċjant ewlieni fl-armi u l-esportatur prinċipali ta' oġġetti u tagħmir relatati ma' missili ballistiċi u armi konvenzjonali tar-RDPK.

III.   

Il-persuna elenkata hawn taħt titħassar mil-lista li tinsab fl-Anness II għad-Deċiżjoni 2013/183/PESK.

A.   Persuni

5.

 JON Pyong-Ho.