30.9.2014   

MT

Il-Ġurnal Uffiċjali tal-Unjoni Ewropea

L 284/51

(1)

Fl-4 ta' Frar 2008, il-Kunsill adotta l-Azzjoni Konġunta 2008/124/PESK (2).

(2)

Fit-8 ta' Ġunju 2010, il-Kunsill adotta d-Deċiżjoni 2010/322/PESK (3), li emendat l-Azzjoni Konġunta 2008/124/PESK u estendietha għal perijodu ta' sentejn sal-14 ta' Ġunju 2012.

(3)

Fil-5 ta' Ġunju 2012, il-Kunsill adotta d-Deċiżjoni 2012/291/PESK (4), li emendat l-Azzjoni Konġunta 2008/124/PESK u estendietha għal perijodu ta' sentejn sal-14 ta' Ġunju 2014.

(4)

Fit-12 ta' Ġunju 2014, il-Kunsill adotta d-Deċiżjoni 2014/349/PESK (5) li temenda l-Azzjoni Konġunta 2008/124/PESK u li testendiha għal perjodu ta' sentejn sal-14 ta' Ġunju 2016, u li tipprevedi ammont ta' referenza finanzjarja għall-perijodu mill-15 ta' Ġunju 2014 sal-14 ta' Ottubru 2014.

(5)

L-Azzjoni Konġunta 2008/124/PESK għandha tiġi emendata biex tipprevedi ammont ġdid ta' referenza finanzjarja maħsub sabiex ikopri l-perijodu mill-15 ta' Ottubru 2014 sal-14 ta' Ġunju 2015.

(6)

Fil-qafas tal-mandat tagħha u f'konformità mal-konklużjonijiet tal-Kumitat Politiku u ta' Sigurtà tat-2 ta' Settembru 2014, EULEX KOSOVO għandha tipprovdi wkoll appoġġ għal proċedimenti ġudizzjarji kriminali rilokati fi Stat Membru, soġġett għall-konklużjoni tal- arranġamenti legali kollha meħtieġa biex jiġu koperti l-istadji kollha ta' dawn il-proċedimenti.

(7)

EULEX KOSOVO ser titmexxa fil-kuntest ta' sitwazzjoni li tista' tiddeterjora u li tista' timpedixxi l-ksib tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat,

(8)

L-Azzjoni Konġunta 2008/124/PESK għandha għalhekk tiġi emendata kif meħtieġ,

(1)

Jiżdied l-Artikolu li ġej:

“Artikolu 3a

Proċedimenti ġudizzjarji rilokati

1.   Għall-finijiet tal-qadi tal-mandat tagħha, inklużi r-responsabbiltajiet eżekuttivi tagħha, kif jinsabu fl-Artikolu 3(a) u (d), EULEX KOSOVO għandha tappoġġa l-proċedimenti rilokati fi Stat Membru, sabiex jiġu proċessati u jiġu ġudikati l-akkużi kriminali li jirriżultaw mill-investigazzjoni tal-allegazzjonijiet li tqajmu f'rapport bl-isem ‘It-trattament inuman ta' persuni u t-traffikar illeċitu ta' organi tal-bnedmin fil-Kosovo’ li nħareġ fit-12 ta' Diċembru 2010 mir-Relatur Speċjali għall-Kumitat dwar l-Affarijiet Legali u d-Drittijiet tal-Bniedem tal-Kunsill tal-Ewropa.

2.   L-imħallfin u l-prosekuturi responsabbli mill-proċedimenti għandu jkollhom indipendenza u awtonomija sħaħ fil-qadi ta' dmirijiethom.”

(2)

Fl-Artikolu 8(2), tiżdied is-sentenza li ġejja:

“L-Imħallfin u l-Prosekuturi ta' EULEX KOSOVO għandu jkollhom l-ogħla kwalifika professjonali meħtieġa għal-livell jew il-kumplessità tal-materja mressqa quddiemhom u għandhom jinħatru wara proċess ta' għażla indipendenti.”

(3)

Fl-Artikolu 16(1), il-paragrafu finali hu sostitwit b'dan li ġej:

“L-ammont ta' referenza finanzjarja maħsub biex ikopri n-nefqa ta' EULEX KOSOVO mill-15 ta' Ottubru 2014 sal-14 ta' Ġunju 2015 għandu jkun ta' EUR 55 820 000.

L-ammont ta' referenza finanzjarja għall-perijodu sussegwenti għal EULEX KOSOVO għandu jiġi deċiż mill-Kunsill.”

(4)

Fl-Artikolu 18 jiżdied il-paragrafu li ġej:

“5.   L-awtorizzazzjoni mogħtija lir-Rappreżentant Għoli biex jirrilaxxa lil partijiet terzi u lill-awtoritajiet lokali kompetenti informazzjoni u dokumenti klassifikati tal-UE ġġenerati għall-finijiet ta' EULEX KOSOVO skont il-paragrafi 1 u 2 m'għandhiex testendi għal informazzjoni miġbura jew dokumenti ġġenerati għall-fini tal-proċedimenti ġudizzjarji li jsiru fil-qafas tal-mandat ta' EULEX KOSOVO. Dan ma jżommx milli tiġi rilaxxata informazzjoni mhux sensittiva marbuta mal-organizzazzjoni amministrattiva jew l-effiċjenza tal-proċedimenti.”

(5)

Fl-Artikolu 20, it-tieni paragrafu jiġi sostitwit b'dan li ġej:

“Hija għandha tiskadi fl-14 ta' Ġunju 2016. Il-Kunsill, filwaqt li jaġixxi fuq proposta mir-Rappreżentant Għoli, u jqis is-sorsi ta' finanzjament kumplimentari kif ukoll il-kontribuzzjonijiet minn imsieħba oħra, għandu jieħu d-deċiżjonijiet meħtieġa sabiex jiġi żgurat li l-mandat ta' EULEX KOSOVO b'appoġġ għall-proċedimenti ġudizzjarji rilokati msemmijin fl-Artikolu 3a u l-mezzi finanzjarji meħtieġa relatati jibqgħu fis-seħħ sakemm dawn il-proċedimenti ġudizzjarji jkunu ġew konklużi.”