17.5.2014   

MT

Il-Ġurnal Uffiċjali tal-Unjoni Ewropea

L 147/88

DEĊIŻJONI TA' IMPLIMENTAZZJONI TAL-KUMMISSJONI

tat-12 ta' Mejju 2014

fir-rigward tar-rekwiżiti standard ta' rapportaġġ għall-programmi nazzjonali għall-eradikazzjoni, il-kontroll u l-monitoraġġ ta' ċertu mard u mard żoonotiku tal-annimali kofinanzjati mill-Unjoni u li jirrevokaw d-Deċiżjoni 2008/940/KE

(notifikata bid-dokument C(2014) 2976)

(2014/288/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Deċiżjoni tal-Kunsill 2009/470/KE tal-25 ta' Mejju 2009 dwar in-nefqa fil-kamp veterinarju (1), u b' mod partikolari l-Artikolu 27(10) tagħha,

Billi:

(1)

Id-Deċiżjoni 2009/470/KE tistabbilixxi l-proċeduri li jirregolaw il-kontribuzzjoni finanzjarja tal-Unjoni għall-programmi għall-eradikazzjoni, il-kontroll u l-monitoraġġ ta' mard u mard żoonotiku fl-annimali.

(2)

Skont l-Artikolu 27(1) tad-Deċiżjoni 2009/470/KE, qed tiġi introdotta miżura finanzjarja tal-Unjoni biex jiġu rimborsati l-ispejjeż li ġarrbu l-Istati Membri għall-finanzjament tal-programmi nazzjonali għall-eradikazzjoni, il-kontroll u l-monitoraġġ ta' mard u mard żoonotiku tal-annimali elenkat fl-Anness ta' dik id-Deċiżjoni.

(3)

L-Artikolu 27(7) tad-Deċiżjoni 2009/470/KE jistabbilixxi li l-Istati Membri għandhom jissottomettu, għal kull programm approvat, rapporti tekniċi u finanzjarji intermedji u, sa mhux aktar tard mit-30 ta' April ta' kull sena, rapport tekniku annwali dettaljat li jinkludi valutazzjoni tar-riżultati miksuba u rendikont dettaljat tal-ispejjeż għas-sena ta' qabel.

(4)

Id-Deċiżjoni tal-Kummissjoni 2008/940/KE (2) tiddefinixxi l-informazzjoni li għandha tingħata fl-ambitu tar-rapporti tekniċi u finanzjarji intermedji u finali mill-Istati Membri li għandhom programmi għall-eradikazzjoni, il-monitoraġġ u l-kontroll ta' ċertu mard tal-annimali approvati għal kofinanzjament min-naħa tal-Unjoni.

(5)

Minn meta seħħet l-adozzjoni tad-Deċiżjoni 2008/940/KE u fil-qafas tas-simplifikazzjoni u t-titjib tar-rekwiżiti u l-proċeduri f'dak li jikkonċerna l-programmi, ġie introdott tibdil fir-rigward tal-miżuri li ġew ikkunsidrati bħala eliġibbli għal kontribuzzjoni finanzjarja tal-Unjoni u l-metodu tal-kalkolu tar-rimborż kif stipulati fid-deċiżjonijiet dwar l-iffinanzjar li japprovaw il-programmi għal kull sena kalendarja.

(6)

Barra minn hekk, sabiex jittejjeb aktar il-proċess ta' sottomissjoni ta' rapporti, l-ipproċessar u l-evalwazzjoni tagħhom kif ukoll is-segwitu tal-progress matul is-snin, rapporti intermedji u finali għall-implimentazzjoni tal-programmi għandhom jiġu sottomessi mill-Istati Membri onlajn mill-1 ta' Lulju 2015 'il quddiem billi jintużaw mudelli elettroniċi żviluppati mill-Kummissjoni għal dan l-għan. L-istruttura tar-rapporti rilevanti għandha għalhekk tiġi adattata għas-sottomissjoni elettronika u għall-ipproċessar tad-dejta b'mezzi elettroniċi.

(7)

Għaldaqstant, ir-rekwiżiti standard għas-sottomissjoni mill-Istati Membri ta' applikazzjonijiet għal finanzjament tal-Unjoni għal programmi nazzjonali għall-eradikazzjoni, il-kontroll u l-monitoraġġ ta' ċertu mard tal-annimali u mard żoonotiku għandhom jiġu emendati u jiġu magħmula konsistenti mal-emendi li saru għal-leġiżlazzjoni rilevanti tal-Unjoni u kompatibbli mas-sistema tas-sottomissjoni onlajn.

(8)

Fit-tieni nofs ta' kull sena, il-Kummissjoni titlob lill-Istati Membri biex jipprovdu informazzjoni aġġornata dwar l-użu ta' fondi għal miżuri eliġibbli skont il-programmi tagħhom mill-bidu tas-sena, u l-istimi għall-baġit totali meħtieġ għas-sena kollha. Fuq il-bażi ta' din l-informazzjoni, u sabiex jittejjeb l-użu tal-fondi disponibbli, il-Kummissjoni ta' kull sena tipprepara Deċiżjoni li temenda d-Deċiżjoni ta' finanzjament għal dik is-sena għall-allokazzjoni mill-ġdid ta' fondi bejn il-programmi li huma mistennija li ma jużawx l-allokazzjoni inizjali tagħhom ta' fondi u l-programmi li jkun irrappurtat li jkollhom bżonn ta' fondi addizzjonali.

(9)

Sabiex jittejbu l-effiċjenza tal-eżerċizzju ta' allokazzjoni mill-ġdid ta' fondi bejn il-programmi, huwa xieraq li l-Istati Membri jippreżentaw ukoll informazzjoni kwantitattiva dwar l-attivitajiet li twettqu u dawk mistennija li jiġu mwettqa, kif ukoll dejta dwar il-kost unitarju. Barra minn hekk, biex jitnaqqas il-piż amministrattiv, il-preżentazzjoni ta' tagħrif għall-allokazzjoni mill-ġdid ta' fondi għandha tiġi integrata mas-sottomissjoni tar-rapporti intermedji.

(10)

Għalhekk, huwa xieraq li d-Deċiżjoni 2008/940/KE tiġi rrevokata u sostitwita b'din id-Deċiżjoni.

(11)

Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Katina tal-Ikel u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

L-Istati Membri għandhom, skont din id-Deċiżjoni, jissottomettu rapport intermedju u finali dwar il-programmi approvati skont l-Artikolu 27 tad-Deċiżjoni 2009/470/KE.

Artikolu 2

Għall-finijiet ta' din id-Deċiżjoni, għandhom japplikaw id-definizzjonijiet li ġejjin:

(a)

“rapporti intermedji” tfisser rapporti tekniċi (3) u finanzjarji intermedji dwar l-implimentazzjoni tal-programmi li jkunu għaddejjin, li jridu jiġu sottomessi lill-Kummissjoni kif stabbilit fl-Artikolu 27(7)(a) tad-Deċiżjoni 2009/470/KE;

(b)

“rapporti finali” tfisser rapporti tekniċi u finanzjarji dettaljati li jridu jiġu sottomessi lill-Kummissjoni sa mhux aktar tard mit-30 ta' April ta' kull sena għas-sena sħiħa preċedenti tal-applikazzjoni ta' kull programm approvat, kif previst fl-Artikolu 27(7)(b) tad-Deċiżjoni 2009/470/KE;

(c)

“applikazzjonijiet ta' ħlas” tfisser applikazzjonijiet ta' ħlas relatati mal-ispejjeż imġarrba minn Stat Membru, li jridu jiġu sottomessi lill-Kummissjoni, kif stabbilit fl-Artikolu 27(8) tad-Deċiżjoni 2009/470/KE.

Artikolu 3

1.   Fir-rigward tal-programmi li jkunu għaddejjin approvati għall-kofinanzjament mill-Unjoni skont l-Artikolu 27(5) tad-Deċiżjoni 2009/470/KE, sa mhux aktar tard mill-31 ta' Awwissu ta' kull sena għandu jiġi sottomess rapport intermedjarju lill-Kummissjoni.

2.   Ir-rapporti intermedji għandhom jipprovdu l-informazzjoni rilevanti kollha skont l-Anness I.

Artikolu 4

Ir-rapporti finali u l-applikazzjonijiet għall-ħlas għandhom jipprovdu l-informazzjoni kollha rilevanti b'konformità mal-Anness II, kif ukoll:

(a)

informazzjoni teknika skont-:

(i)

l-Anness III, fir-rigward tat-tuberkulożi bovina, il-bruċellożi bovina, il-bruċellożi ovina u kaprina, il-marda tal-ilsien blu f'żoni ta' riskju għoli jew endemiku, l-antraċe, il-plewropulmonite bovina li tittieħed, l-ekinokokkożi, it-trikinellożi u l-E. coli verotossiġeniku;

(ii)

l-Anness IV, fir-rigward tas-Salmonellożi (Salmonella żoonotika);

(iii)

l-Anness V, fir-rigward tad-deni Afrikan tal-ħnieżer, tal-marda vesikulari tal-ħnieżer, tad-deni klassiku tal-ħnieżer;

(iv)

l-Anness VI, fir-rigward tar-rabja;

(v)

l-Anness VII, fir-rigward tal-enċefalopatiji sponġiformi trażmissibbli (TSE);

(vi)

l-Anness VIII, fir-rigward tal-influwenza avjarja;

(vii)

l-Anness IX, fir-rigward tan-nekrożi ematopojetika infettiva (IHN), l-anemija infettiva tas-salamun (ISA), is-settiċemija emorraġika virali (VHS), l-infezzjoni tal-virus Koi herpes (KHV), l-infezzjoni bil-Bonamia ostreae, l-infezzjoni bil-Marteilia refringens u l-marda tat-tikka bajda fil-krustaċji.

(b)

informazzjoni dwar l-attivitajiet u l-ispejjeż, skont il-Parti I tal-Anness X u dikjarazzjoni ffirmata għal kull programm, skont il-Parti II tal-Anness X.

Artikolu 5

1.   Mill-1 ta' Lulju 2015, ir-rapporti intermedji previsti fl-Artikolu 3 u r-rapporti finali u l-applikazzjonijiet għall-ħlas previsti fl-Artikolu 4 għandhom jiġu sottomessi onlajn mill-Istati Membri billi jintużaw il-mudelli elettroniċi standard korrispondenti pprovduti mill-Kummissjoni, ħlief għall-programmi għall-mard imsemmi fl-Artikolu 4(a)(vii).

2.   Apparti r-rekwiżiti tal-paragrafu 1, verżjoni ffirmata tal-parti tar-rapporti finali u tal-applikazzjonijiet għall-ħlas imsemmija fl- Artikolu 4(b) għandha tiġi sottomessa lill-Kummissjoni.

Artikolu 6

Id-Deċiżjoni 2008/940/KE hija rrevokata.

Artikolu 7

Mingħajr preġudizzju għall-Artikolu 5, din id-Deċiżjoni għandha tapplika għall-programmi għall-eradikazzjoni, il-kontroll u l-monitoraġġ tal-mard tal-annimali li jridu jiġu implimentati mill-1 ta' Jannar 2015.

Artikolu 8

Din id-Deċiżjoni hija indirizzata lill-Istati Membri.

Magħmul fi Brussell, it-12 ta' Mejju 2014.

Għall-Kummissjoni

Tonio BORG

Membru tal-Kummissjoni

(1)   ĠU L 155, 18.6.2009, p. 30.

(2)  Id-Deċiżjoni tal-Kummissjoni 2008/940/KE tal-21 ta' Ottubru 2008 li tistabbilixxi r-rekwiżiti standard għall-programmi nazzjonali għall-eradikazzjoni, il-kontroll u l-monitoraġġ ta' ċertu mard u mard żoonotiku tal-annimali kofinanzjati mill-Komunità (ĠU L 335, 13.12.2008, p. 61).

(3)  Sal-2015 huwa previst biss rapport finanzjarju intermedju.

ANNESS I

Rekwiżiti għar-rapporti intermedji

Image 1

Test ta 'immaġni

ANNESS II

Rekwiżiti għar-rapporti finali u għall-applikazzjonijiet għall-ħlas

Image 2

Test ta 'immaġni

ANNESS III

Rapport tekniku finali dwar programmi tal-mard tar-ruminanti

Image 3

Test ta 'immaġni

Image 4

Test ta 'immaġni

Image 5

Test ta 'immaġni

Image 6

Test ta 'immaġni

Image 7

Test ta 'immaġni

ANNESS IV

Rapport tekniku dwar programmi tas-salmonella żoonotika

Image 8

Test ta 'immaġni

Image 9

Test ta 'immaġni

ANNESS V

Rapport tekniku finali dwar il-programmi tal-mard tal-ħnieżer

Image 10

Test ta 'immaġni

Image 11

Test ta 'immaġni

ANNESS VI

Rapport tekniku finali dwar il-programmi kontra l-idrofobija

Image 12

Test ta 'immaġni

Image 13

Test ta 'immaġni

ANNESS VII

Rapport tekniku finali dwar il-programmi ta' monitoraġġ u ta' eradikazzjoni tat-tse

Image 14

Test ta 'immaġni

Image 15

Test ta 'immaġni

Image 16

Test ta 'immaġni

ANNESS VIII

Rapport tekniku finali dwar programmi ta' sorveljanza tal-influwenza tat-tjur

Image 17

Test ta 'immaġni

ANNESS IX

Rapport dwar programmi tal-mard tal-ħut

Image 18

Test ta 'immaġni

Image 19

Test ta 'immaġni

ANNESS X

PART I

Rapport dwar l-attivitajiet u l-ispejjeż

Image 20

Test ta 'immaġni

Image 21

Test ta 'immaġni

Image 22

Test ta 'immaġni

PART I II

Dikjarazzjoni ffirmata li takkumpanja r-rapport finali/l-applikazzjoni għall-ħlas

Stat Membru:

Programm:

Sena ta' implimentazzjoni:

Niċċertifikaw li

—

l-informazzjoni pprovduta fir-rapport finali u fl-applikazzjoni għall-ħlas hija kompluta, kredibbli u vera; l-attivitajiet iddikkjarati twettqu verament u li l-kosti ddikjarati tqiesu b'eżattezza u huma eliġibbli skont id-dispożizzjonijiet tad-Deċiżjoni …/Regolament (KE) Nru ……. (semmi d-deċiżjoni speċifika tal-finanzjament); ….

—

id-dokumenti ta' sostenn kollha relatati mal-attivitajiet u l-infiq huma disponibbli għall-ispezzjoni, jiġifieri biex jiġġustifikaw il-livell ta' kumpens għall-annimali;

—

il-programm twettaq skont il-leġiżlazzjoni rilevanti tal-Unjoni, b'mod partikolari skont ir-regoli dwar il-kompetizzjoni, l-aġġudikazzjoni ta' kuntratti pubbliċi u l-għajnuna mill-Istat;

—

ma ntalbet ebda kontribuzzjoni oħra mill-Unjoni għal dan il-programm, u d-dħul kollu mill-operazzjonijiet tal-programm ġie ddikjarat lill-Kummissjoni,

—

il-proċeduri ta' verifika japplikaw, b'mod partikolari għall-verifika tal-akkuratezza tal-ammont tal-attivitajiet u l-kost iddikjarat, għall-prevenzjoni, l-iskoperta u l-korrezzjoni tal- irregolaritajiet.

Data

Isem u firma tad-direttur tal-operazzjoni