7.12.2013   

MT

Il-Ġurnal Uffiċjali tal-Unjoni Ewropea

L 328/79

REGOLAMENT TAL-KUMMISSJONI (UE) Nru 1274/2013

tas-6 ta’ Diċembru 2013

li jemenda l-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill u l-Anness tar-Regolament tal-Kummissjoni (UE) Nru 231/2012 fir-rigward ta’ ċerti addittivi tal-ikel

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikoli 10(3), 14 u 30(5) tiegħu,

Wara li kkunsidrat ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (2), u b’mod partikolari l-Artikolu 7(5) tiegħu,

Billi:

(1)

L-Anness II tar-Regolament (KE) Nru 1333/2008 jistabbilixxi lista ta’ addittivi tal-ikel tal-Unjoni approvati għall-użu fl-ikel, u l-kundizzjonijiet tal-użu tagħhom.

(2)

L-Anness III tar-Regolament (KE) Nru 1333/2008 jistabbilixxi lista tal-Unjoni ta’ addittivi tal-ikel approvati għall-użu fl-ikel, f’enżimi tal-ikel, f’aromatizzanti, f’nutrijenti u l-kundizzjonijiet tal-użu tagħhom.

(3)

Ir-Regolament tal-Kummissjoni (UE) Nru 231/2012 jistabbilixxi speċifikazzjonijiet għall-addittivi tal-ikel (3) elenkati fl-Annessi II u III tar-Regolament (KE) Nru 1333/2008.

(4)

Dawk il-listi jistgħu jiġu aġġornati skont il-proċedura komuni msemmija fl-Artikolu 3(1) tar-Regolament (KE) Nru 1331/2008, kemm fuq inizjattiva tal-Kummissjoni u kemm fuq talba.

(5)

Meta jiġu aġġornati l-ispeċifikazzjonijiet jeħtieġ li jitqiesu l-ispeċifikazzjonijiet u t-tekniki analitiċi għal addittivi tal-ikel kif stabbiliti fl-ispeċifikazzjonijiet tal-Kumitat Espert Konġunt tal-FAO/WHO dwar tal-Addittivi tal-Ikel adottati mill-Kummissjoni tal-Codex Alimentarius kif ukoll mis-Sistema Internazzjonali ta’ Numerazzjoni għall-Addittivi tal-Ikel, jiġifieri, l-isem INS (4).

(6)

Il-kulur alimentari attwalment awtorizzat “Iswed Brillanti BN, Iswed PN” (E 151) għandu jingħata l-isem mill-ġdid “Iswed Brilliant PN” fil-lista tal-Unjoni ta’ addittivi tal-ikel approvati għall-użu fl-ikel u l-kundizzjonijiet tal-użu tagħhom u fl-ispeċifikazzjonijiet għal dan l-addittiv għall-finijiet ta’ ċarezza u sabiex ikun allinjat mal-isem irreġistrat tiegħu fl-INS.

(7)

Fil-preżent, id-definizzjoni tal-addittiv tal-ikel “Algal Carotenes” (E 160a (iv)) fl-ispeċifikazzjonijiet tindika “Karoteni mħallta jistgħu wkoll ikunu magħmula mir-razez tal-alga Dunaliella salina, imkabbra f’lagi melħin kbar f’Whyalla, fin-Nofsinhar tal-Awstralja. (…)” li tirreferi għal post speċifiku fejn l-alga titkabbar, jiġifieri, Whyalla. Madankollu, f’dawn l-aħħar snin, id-domanda globali għall-karoteni mill-alga żdied u ġew stabbiliti lagi melħin oħrajn fl-Awstralja u f’pajjiżi oħra. Ma hemm l-ebda referenza u ma hi indikata l-ebda restrizzjoni dwar il-post(ijiet) fejn titkabbar id-Dunaliella salina fl-ispeċifikazzjonijiet għall-karoteni mill-alga (5) tal-Kumitat Espert Konġunt attwali tal-FAO/WHO dwar l-Addittivi tal-Ikel u fl-opinjoni tal-Awtorità Ewropea dwar is-Sigurtà fl-Ikel dwar l-evalwazzjoni mill-ġdid tal-karoteni mħallta (E 160a (i)) u tal-beta-karoten (E 160a (ii)) bħala addittiv tal-ikel (6). Għalhekk, sabiex ikun evitat it-tfixkil tas-suq, id-deskrizzjoni ta’ Karoteni mill-Alga (E 160a (iv)) fl-ispeċifikazzjonijiet għandha tiġi emendata.

(8)

Ir-Regolament (UE) Nru 231/2012 fih żbalji fl-ispeċifikazzjonijiet għall-Bisulfit tal-Kalċju (E 227) u għall-Bisulfit tal-Potassju (E 228). Dawn l-iżbalji għandhom jiġu kkorreġuti.

(9)

Ir-Regolament (UE) Nru 231/2012 jistabbilixxi speċifikazzjonijiet ukoll għaċ-Ċelluloża Mikrokristallina (E 460(i)) li jindikaw li s-sinonimu għal dan l-addittiv tal-ikel huwa l-Ġell taċ-ċelluloża. Peress li l-Codex Alimentarius adotta isem doppju għaċ-Ċelluloża Mikrokristallina (E 460(i)), l-isem INS uffiċjali huwa “Ċelluloża Mikrokristallina (Ġell taċ-ċelluloża)”. B’kunsiderazzjoni tal-prattika preċedenti (7) u sabiex tkun żgurata l-konsistenza, u jiġi evitat kull tip ta’ tfixkil fil-kummerċ, l-isem doppju ta’ Ċelluloża Mikrokristallina, Ġell taċ-Ċelluloża għandu jiġi adottat għall-addittiv tal-ikel (E 460(i)). Għalhekk, l-isem “Ġell taċ-ċelluloża” għandu jitneħħa mill-annotazzjoni “Sinonimi” fl-ispeċifikazzjonijiet għal dak l-addittiv tal-ikel u l-isem għandu jiġi emendat skont dan fl-Anness II tar-Regolament (KE) Nru 1333/2008.

(10)

L-addittiv tal-ikel “Karbossimetilċelluloża, Karbossimetilċelluloża tas-sodju, Gomma taċ-ċelluloża” (E 466) għandu jingħata l-isem mill-ġdid ta’ “Karbossimetilċelluloża tas-sodju, Gomma taċ-ċelluloża” fil-lista tal-Unjoni ta’ addittivi tal-ikel imniżżla fl-Annessi II u III tar-Regolament (KE) Nru 1333/2008 u fl-ispeċifikazzjonijiet għal dan l-addittiv għall-finijiet ta’ ċarezza u sabiex jiġi allinjat mal-isem reġistrat tiegħu fl-INS.

(11)

Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità Ewropea dwar is-Sigurtà fl-Ikel (“l-Awtorità”) sabiex taġġorna l-lista tal-Unjoni ta’ addittivi tal-ikel stipulata fl-Anness II tar-Regolament (KE) Nru 1333/2008, għajr meta l-aġġornamenti inkwistjoni ma jkunux mistennija li jħallu effett fuq is-saħħa tal-bniedem. Billi l-aġġornamenti fil-listi tal-Unjoni msemmija hawn fuq mhumiex mistennija li jħallu effett fuq is-saħħa tal-bniedem, ma hemmx bżonn li tintalab l-opinjoni tal-Awtorità.

(12)

Ir-Regolamenti (KE) Nru 1333/2008 u (UE) Nru 231/2012 għandhom għalhekk jiġu emendati skont dan.

(13)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

L-Annessi II u III tar-Regolament (KE) Nru 1333/2008 huma emendati skont l-Anness I ta’ dan ir-Regolament.

Artikolu 2

L-Anness tar-Regolament (UE) Nru 231/2012 huwa emendat skont l-Anness II ta’ dan ir-Regolament.

Artikolu 3

L-addittivi tal-ikel “Iswed Brillanti BN, Iswed PN” (E 151) jew “Karbossimetilċelluloża, Karbossimetilċelluloża tas-sodju, Gomma taċ-ċelluloża” (E 466) u l-ikel li fih dawn l-addittivi tal-ikel, ittikkettati jew mqiegħda fis-suq sa erbgħa u għoxrin xahar wara d-dħul fis-seħħ ta’ dan ir-Regolament u li ma jikkonformawx mar-rekwiżiti ta’ dan ir-Regolament, jistgħu jibqgħu jiġu kkummerċjalizzati sakemm il-ħażniet jiġu eżawriti.

Artikolu 4

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-6 ta’ Diċembru 2013.

Għall-Kummissjoni

Il-President

José Manuel BARROSO

(1)   ĠU L 354, 31.12.2008, p. 16.

(2)   ĠU L 354, 31.12.2008, p. 1.

(3)   ĠU L 83, 22.3.2012, p. 1.

(4)  Is-Sistema Internazzjonali ta’ Numerazzjoni għall-Addittivi tal-Ikel (INS).

(5)  Monografija 4 (2007) dwar il-KAROTENI (Alga) disponibbli fuq http://www.fao.org/ag/agn/jecfa-additives/specs/Monograph1/Additive-114.pdf

(6)  Il-Bord tal-EFSA dwar l-Addittivi tal-Ikel u s-Sorsi tan-Nutrijenti miżjuda mal-Ikel (ANS); Opinjoni Xjentifika dwar ir-rivalutazzjoni tal-karoeteni mħallta (E 160a(i)) u tal-beta-karoteni (E 160a(ii)) bħala addittiv tal-ikel. Il-Ġurnal tal-EFSA 2012; 10(3):2593.

(7)  L-emenda proposta hija konformi ma’ każi simili oħra, bħall-Karbossimetilċelluloża tas-sodju (E 466), u l-karbossimetilċelluloża tas-sodju retikolata (E 468) u l-Karbossimetilċelluloża idrolizzata bl-enżimi (E 469), li ġew attribwiti ismijiet doppji.

ANNESS I

A.

L-Anness II tar-Regolament (KE) Nru 1333/2008 huwa emendat kif ġej:

(1)

Fit-tabella 3 tal-Parti A, l-annotazzjoni dwar l-addittiv tal-ikel E 151 tinbidel b’dan li ġej:

“E 151

Iswed Brillanti PN”

(2)

Fil-Parti B:

(a)

fil-punt 1, “Kuluri” l-annotazzjoni dwar l-addittiv tal-ikel E 151 tinbidel b’dan li ġej:

“E 151

Iswed Brillanti PN”

(b)

fil-punt 3 “Addittivi għajr kuluri u sustanzi li jagħtu l-ħlewwa” l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża”

(3)

Fil-Parti C:

(a)

fil-Grupp III: Kuluri tal-ikel b’limitu massimu kkombinat, l-annotazzjoni dwar l-addittiv tal-ikel E 151 tinbidel b’dan li ġej:

“E 151

Iswed Brillanti PN”

(b)

fil-Grupp I, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

quantum satis”

(4)

Fil-Parti E:

(a)

fil-kategorija tal-ikel 09.2 “Ħut u prodotti tal-ħut ipproċessati inklużi molluski u krustaċji”, l-annotazzjoni dwar l-addittiv tal-ikel E 151 tinbidel b’dan li ġej:

“E 151

Iswed Brillanti PN

100

(35)

pejst tal-ħut u pejst tal-krustaċji biss”

(b)

fil-kategorija tal-ikel 09.2 “Ħut u prodotti tal-ħut ipproċessati inklużi molluski u krustaċji”, l-annotazzjoni dwar l-addittiv tal-ikel E 151 tinbidel b’dan li ġej:

“E 151

Iswed Brillanti PN

250

(36)

krustaċji msajrin minn qabel biss”

(c)

fil-kategorija tal-ikel 09.2 “Ħut u prodotti tal-ħut ipproċessati inklużi molluski u krustaċji”, l-annotazzjoni dwar l-addittiv tal-ikel E 151 tinbidel b’dan li ġej:

“E 151

Iswed Brillanti PN

100

(37)

ħut iffumikat biss”

(d)

fil-kategorija tal-ikel 11.4.1 “Prodotti li jżidu l-ħlewwa ta’ fuq il-mejda f’forma likwida”, l-annotazzjoni dwar l-addittiv tal-ikel E 460 (i) tinbidel b’dan li ġej:

“E 460 (i)

Ċelluloża mikrokristallina, Ġell taċ-ċelluloża

quantum satis”

 

 

(e)

fil-kategorija tal-ikel 11.4.3 “Prodotti li jżidu l-ħlewwa ta’ fuq il-mejda f’pilloli”, l-annotazzjoni dwar l-addittiv tal-ikel E 460(i) tinbidel b’dan li ġej:

“E 460 (i)

Ċelluloża mikrokristallina, Ġell taċ-ċelluloża

quantum satis”

 

 

(f)

fil-kategorija tal-ikel 01.6.1 “Krema pastorizzata bla togħmiet miżjuda (minbarra kremi b’xaħam imnaqqas)”, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

quantum satis”

 

 

(g)

fil-kategorija tal-ikel 01.6.2 “Prodotti tal-krema ħajjin iffermentati u mhux mogħtija t-togħma u prodotti li jissostitwixxu b’kontenut ta’ xaħam ta’ inqas minn 20 %”, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

quantum satis”

 

 

(h)

fil-kategorija tal-ikel 11.4.1 “Prodotti li jżidu l-ħlewwa ta’ fuq il-mejda f’forma likwida”, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

quantum satis”

 

 

(i)

fil-kategorija tal-ikel 11.4.2 “Prodotti li jżidu l-ħlewwa ta’ fuq il-mejda f’forma ta’ trab”, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

quantum satis”

 

 

(j)

fil-kategorija tal-ikel 11.4.3 “Prodotti li jżidu l-ħlewwa għal fuq il-mejda f’pilloli”, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

quantum satis”

 

 

(k)

fil-kategorija tal-ikel 13.1.5.1 “Ikel dijetetiku għal trabi u tfal żgħar għal skopijiet mediċi speċjali u formuli speċjali għal trabi”, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

10 000

 

Mit-twelid ‘il quddiem fi prodotti għall-ġestjoni dijetetika f’każ ta’ problemi metaboliċi”

(l)

fil-kategorija tal-ikel 13.1.5.2 “Ikel dijetetiku għal trabi u tfal żgħar għal skopijiet mediċi speċjali kif definiti fid-Direttiva 1999/21/KE”, l-annotazzjoni dwar l-additiv tal-ikel E 466 jinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

10 000

 

Mit-twelid ‘il quddiem fi prodotti għall-ġestjoni dijetetika f’każ ta’ problemi metaboliċi”

(m)

fil-kategorija tal-ikel 14.1.3 “Nettari tal-frott kif definiti mid-Direttiva tal-Kunsill 2001/112/KE u nettari tal-ħaxix u prodotti simili”, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża

quantum satis

 

ġuleppijiet Svediżi u Finlandiżi tal-frott tradizzjonali miċ-ċitru biss”

B.

L-Anness III tar-Regolament (KE) Nru 1333/2008 huwa emendat kif ġej:

(1)

Fil-Parti 1, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, gomma taċ-ċelluloża

quantum satis

L-addittivi tal-ikel kollha”

(2)

Fil-Parti 3, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju,

Gomma taċ-ċelluloża

quantum satis

quantum satis

quantum satis

Iva”

(3)

Fil-Parti 5, it-Taqsima A, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju,

Gomma taċ-ċelluloża

quantum satis

In-nutrijenti kollha

Iva”

(4)

Fil-Parti 5, it-Taqsima B, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju,

Gomma taċ-ċelluloża

Għal użijiet fil-preparazzjonijiet ta’ nutrijenti bil-kundizzjoni li l-livell massimu fl-ikel imsemmi fil-punt 13.1 tal-Parti E tal-Anness II ma jinqabiżx

In-nutrijenti kollha

Ikel dijetetiku għat-trabi u t-tfal żgħar għal skopijiet mediċi speċjali kif definiti fid-Direttiva 1999/21/KE”

(5)

Fit-tabella 1 tal-Parti 6, l-annotazzjoni dwar l-addittiv tal-ikel E 466 tinbidel b’dan li ġej:

“E 466

Karbossimetilċelluloża tas-sodju, Gomma taċ-ċelluloża”

ANNESS II

L-Anness tar-Regolament (UE) Nru 231/2012 huwa emendat kif ġej:

(1)

Fl-annotazzjoni dwar E 160a(iv) Karoteni mill-Alga, l-ispeċifikazzjoni fir-rigward tad-definizzjoni tinbidel b’dan li ġej:

“Definizzjoni

Karoteni mħallta jistgħu wkoll ikunu magħmula mir-razez tal-alga Dunaliella salina. Il-beta-karoten jiġi estratt b’żejt essenzali. Il-preparazzjoni hija suspensjoni ta’ 20-30 % f’żejt tajjeb għall-ikel. Il-proporzjon tal-iżomeri “trans-cis” huwa fil-firxa ta’ 50/50 sa 71/29.

Il-prinċipju ewlieni tal-koloranti jikkonsisti f’karotenojdi li minnhom il-beta-karoten jikkostitwixxi l-biċċa l-kbira tagħhom. Jistgħu jkunu preżenti l-alfa-karoten, il-luteina, iż-żeaksantin u l-beta-kriptoksantin. Minbarra l-pigmenti koloranti, din is-sustanza jista’ jkollha żjut, xaħam u xama’ preżenti b’mod naturali fil-materja tal-oriġini.”

(2)

L-annotazzjoni dwar E 151 Iswed Brillanti BN, Iswed PN, tinbidel b’dan li ġej:

(a)

l-intestatura tinbidel b’dan li ġej:

“E 151 ISWED BRILLANTI PN”

(b)

l-ispeċifikazzjoni fir-rigward tad-definizzjoni tinbidel b’dan li ġej:

“Definizzjoni

L-Iswed Brillanti PN jikkonsisti essenzjalment minn tetrasodju-4-aċetammido-5-irdossi-6-[7-sulfonato-4-(4-sulfonatofenilażo)-1-naftilażo] naftalen-1,7-disulfonat u s-sustanzi sussidjarji koloranti flimkien mal-klorur tas-sodju u/jew is-sulfat tas-sodju bħala l-komposti prinċipali mingħajr kulur.

L-Iswed Brillanti PN huwa deskritt bħala melħ tas-sodju.

Il-melħ tal-kalċju u tal-potassju huma wkoll permessi.”

(3)

Fl-annotazzjoni dwar E 227, Bisulfit tal-Kalċju l-intestatura tinbidel b’dan li ġej:

“E 227 IDROĠENSULFIT TAL-KALĊJU”

(4)

Fl-annotazzjoni dwar E 228, Bisulfit tal-Potassju, l-intestatura tinbidel b’dan li ġej:

“E 228 IDROĠENSULFIT TAL-POTASSJU”

(5)

L-annotazzjoni dwar E 460(i) Ċelluloża Mikrokristallina hija emendata kif ġej:

(a)

l-intestatura tinbidel b’dan li ġej:

“E 460(i) ĊELLULOŻA MIKROKRISTALLINA, ĠELL TAĊ-ĊELLULOŻA”

(b)

l-ispeċifikazzjoni fir-rigward tas-sinonimi tinbidel b’dan li ġej:

“Sinonimi”

 

(6)

L-annotazzjoni dwar E 466 Karbossimetilċelluloża tas-Sodju, Karbossimetilċelluloża, Gomma taċ-Ċelluloża hija emendata kif ġej:

(a)

l-intestatura tinbidel b’dan li ġej:

“E 466 KARBOSSIMETILĊELLULOŻA TAS-SODJU, GOMMA TAĊ-ĊELLULOŻA”

(b)

l-ispeċifikazzjoni fir-rigward tas-sinonimi tinbidel b’dan li ġej:

“Sinonimi

NaCMC; CMC tas-sodju”

(c)

l-ispeċifikazzjoni fir-rigward tad-definizzjoni tinbidel b’dan li ġej:

“Definizzjoni

Il-karbossimetilċelluloża tas-sodju hija l-melħ parzjali tas-sodju tal-etere karbossimetiliku taċ-ċelluloża, billi ċ-ċelluloża tkun inkisbet direttament mir-razez tal-materja fibruża tal-pjanti”