|
29.11.2013 |
MT |
Il-Ġurnal Uffiċjali tal-Unjoni Ewropea |
L 319/3 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 1215/2013
tat-28 ta’ Novembru 2013
i jemenda r-Regolament tal-Kunsill (KE) Nru 32/2000 rigward l-estensjoni tat-tariffa ta’ kwoti tal-Unjoni għall-prodotti magħmulin mill-ġuta u mill-fibra tal-ġewż tal-Indi
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 32/2000 tas-17 ta’ Diċembru 1999 li jiftaħ u jipprovdi għall-amministrazzjoni tal-kwoti ta’ tariffi Komunitarji marbutin fil-GATT u ċerti kwoti ta’ tariffi Komunitarji oħra u li jistabbilixxi regoli dettaljati għall-aġġustament tal-kwoti, u li jirrevoka r-Regolament tal-Kunsill (KE) Nru 1808/95 (1), u b’mod partikolari t-tieni inċiż tal-Artikolu 9(1)(b) tiegħu,
Billi:
|
(1) |
Skont l-offerta li għamlet fi ħdan il-Konferenza tan-Nazzjonijiet Uniti dwar il-Kummerċ u l-Iżvilupp (UNCTAD) flimkien mal-iskema tagħha ta’ preferenzi ġeneralizzati (SPĠ), fl-1971 l-Unjoni introduċiet preferenzi ta’ tariffi għall-prodotti magħmulin mill-ġuta u mill-fibra tal-ġewż tal-Indi li joriġinaw f’ċerti pajjiżi li għadhom qegħdin jiżviluppaw. Dawn il-preferenzi ħadu l-għamla ta’ tnaqqis gradwali tad-dazji tat-Tariffa Doganali Komuni u, mill-1978 sal-31 ta’ Diċembru 1994, ta’ sospensjoni sħiħa ta’ dawn id-dazji. |
|
(2) |
Sa mid-dħul fis-seħħ tal-SPĠ fl-1995, l-Unjoni, flimkien mal-GATT, fetħet kwoti ta’ tariffa awtonomi ta’ dazju-żero tal-Unjoni għal kwanitajiet speċifiċi ta’ prodotti tal-ġuta u tal-fibra tal-ġewż tal-Indi. Il-kwoti ta’ tariffi li nfetħu għal dawk il-prodotti skont ir-Regolament (KE) Nru 32/2000 ġew estiżi sal-31 ta’ Diċembru 2013 mir-Regolament ta’ Implimentazzjoni tal-Kummissjoni (UE) Nru 17/2012 (2). |
|
(3) |
Peress li SPĠ ġdida għandha tapplika mill-1 ta’ Jannar 2014 sal-31 ta’ Diċembru 2023 skont ir-Regolament (UE) Nru 978/2012 tal-Parlament Ewropew u tal-Kunsill (3), l-arranġament għal kwoti ta’ tariffi għall-prodotti magħmulin mill-ġuta u mill-fibra tal-ġewża tal-Indi għandu jiġi estiż skont dan. |
|
(4) |
Għalhekk, ir-Regolament (KE) Nru 32/2000 għandu jiġi emendat skont dan. |
|
(5) |
Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-ħames kolonna (“Perjodu tal-kwota”) tat-tabella fl-Anness III tar-Regolament (KE) Nru 32/2000 hija emendata kif ġej:
|
1. |
It-test għan-numru tas-serje 09.0107 huwa sostitwit b’dan li ġej: “mill-1 ta’ Jannar sal-31 ta’ Diċembru ta’ kull sena sal-31 ta’ Diċembru 2023”, |
|
2. |
It-test għan-numru tas-serje 09.0109 huwa sostitwit b’dan li ġej: “mill-1 ta’ Jannar sal-31 ta’ Diċembru ta’ kull sena sal-31 ta’ Diċembru 2023”, |
|
3. |
It-test għan-numru tas-serje 09.0111 huwa sostitwit b’dan li ġej: “mill-1 ta’ Jannar sal-31 ta’ Diċembru ta’ kull sena sal-31 ta’ Diċembru 2023”. |
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Huwa għandu jibda japplika mill-1 ta’ Jannar 2014.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Novembru 2013.
Għall-Kummissjoni
Il-President
José Manuel BARROSO
(2) Regolament ta’ Implimentazzjoni tal-Kummissjoni (UE) Nru 17/2012 tal-11 ta’ Jannar 2012 li jemenda r-Regolament tal-Kunsill (KE) Nru 32/2000 fir-rigward tal-estensjoni tal-kwoti ta’ tariffi tal-Unjoni għal prodotti magħmulin mill-ġuta u mill-fibra tal-ġewż tal-Indi (ĠU L 8, 12.1.2012, p. 31).
(3) Regolament (UE) Nru 978/2012 tal-Parlament Ewropew u tal-Kunsill tal-25 ta’ Ottubru 2012 li japplika skema ta’ preferenzi tariffarji ġeneralizzati u li jħassar ir-Regolament tal-Kunsill (KE) Nru 732/2008 (ĠU L 303, 31.10.2012, p. 1).