Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b'mod partikolari l-Artikolu 9(1)(a) tiegħu,

L-oġġetti deskritti fil-kolonna (1) tat-tabella mniżżla fl-Anness għandhom ikunu kklassifikati fin-Nomenklatura Magħquda taħt il-kodiċi NM indikat fil-kolonna (2) ta' din it-tabella.

L-informazzjoni tariffarja vinkolanti li ma tkunx tikkonforma ma’ dan ir-Regolament tista’ tibqa’ tiġi invokata skont l-Artikolu 12(6) tar-Regolament (KEE) Nru 2913/92 għal perjodu ta’ tliet xhur mid-data tad-dħul fis-seħħ ta’ dan ir-Regolament.

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

(2) Ir-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (ĠU L 302, 19.10.1992, p. 1).

ANNESS

Deskrizzjoni tal-oġġetti

Klassifikazzjoni

(Kodiċi NM)

Raġunijiet

(1)

(2)

(3)

Televiżjoni tal-kulur mhux komplut tat-tip bl-iskrin tal-kristalli likwidi (LCD), mingħajr l-hekk imsejjaħ “tuner”, b’kejl dijagonali tal-iskrin ta’ madwar 81 cm (32 pulzier) u b’dimensjonijiet (mingħajr l-istand) ta’ bejn wieħed u ieħor 75 × 44 × 5 cm bi:

—	riżoluzzjoni normali ta' 1 920 × 1 080 pixels,

—	proporzjon tal-aspett ta’ 16:9,

—	pixel pitch ta' 0,369 mm,

—	żewġ loudspeakers ta' 10 W,

—	buttuni biex tixgħelu u titfih u buttuni ta' kontroll, inkluż buttuni biex tbiddel l-istazzjoniet,

—

slot għall-inkorporazzjoni tal-hekk imsejjaħ “tuner” li għandu l-forma ta’ modulu li jinkludi ċirkwiti tal-frekwenza tar-radju (blokka FR), ċirkwiti tal-frekwenza intermedjarja (blokka IF) u ċirkwiti ta’ demodulazzjoni (blokka DEM). Wara l-inkorporazzjoni tal-modulu tat-tuner l-apparat jista’ jirċievi sinjali diġitali tat-televiżjoni.

Huwa mgħammar bl-interfaċċji li ġejjin:

—	żewġ HDMI,

—	IN kompost,

—	IN komponent.

L-apparat huwa wkoll mgħammar b'dekoder MPEG għad-dikompressjoni għal sinjali ta’ video diġitali u bl-elettronika għall-kontroll tal-għażla tal-istazzjonijiet (“tuning”) u li biex dawn jiġu mmemorizzati.

Għandu stand fissa mingħajr mekkaniżmu li jdur jew li jitmejjel u huwa ppreżentat b’remote control.

8528 72 40

Il-klassifikazzjoni hija determinata bid-dispożizzjonijiet tar-regoli ġenerali 1, 2(a) u 6 għall-interpretazzjoni tan-Nomenklatura Maqgħuda, u bil-kliem tal-kodiċijiet tan-NM 8528 , 8528 72 u 8528 72 40 .

Meta jitqiesu l-karatteristiċi oġġettivi tiegħu, jiġifieri slot biex jiddaħħal l-hekk imsejjaħ “tuner”, il-preżenza ta' dekoder MPEG u l-elettronika għall-kontroll tal-għażla tal-istazzjon (tuning) u l-memorizzazzjoni, l-apparat għandu l-karattru essenzjali ta’ apparat ta’ riċezzjoni komplut għat-televiżjoni. Għaldaqstant, il-klassifikazzjoni taħt is-subintestaturi 8528 51 jew 8528 59 bħala moniter hija eskluża.

Għalhekk l-apparat għandu jiġi kklassifikat taħt il-kodiċi tan-NM 8528 72 40 bħala apparat ta' riċezzjoni tat-televiżjoni bi skrin b’teknoloġija tal-kristalli likwidi (LCD).