li jemenda l-Anness I tar-Regolament (UE) Nru 206/2010 fejn għandu x'jaqsam mar-rekwiżiti tas-saħħa tal-annimali għall-iscrapie fil-mudell taċ-ċertifikat veterinarju għall-importazzjoni fl-Unjoni ta' annimali ovini u kaprini li jkunu maħsubin għat-tgħammir u għall-produzzjoni

Wara li kkunsidrat id-Direttiva tal-Kunsill 2004/68/KE tas-26 ta’ April 2004 li tistabbilixxi r-regoli tas-saħħa tal-annimali għall-importazzjoni lejn u t-transitu matul il-Komunità għal ċerti annimali ungulati ħajjin, u temenda d-Direttivi 90/426/KEE u 92/65/KEE u tħassar id-Direttiva 72/462/KEE (1), u b’mod partikolari l-Artikolu 13(1)(e) tagħha,

Fil-Parti 2 tal-Anness I tar-Regolament (UE) Nru 206/2010, il-mudell taċ-ċertifikat veterinarju "OVI-X" huwa ssostitwit mit-test fl-Anness ta’ dan ir-Regolament.

Għal perjodu tranżizzjonali sal-31 ta' Diċembru 2013, l-Istati Membri għandhom jawtorizzaw l-importazzjoni fl-Unjoni ta' kunsinni ta' annimali ħajjin ovini u kaprini għat-tgħammir u għall-produzzjoni, akkumpanjati minn ċertifikat veterinarju li jkun imtela u ffirmat skont il-mudell "OVI-X" stabbilit fil-Parti 2 tal-Anness I tal-verżjoni tar-Regolament (UE) Nru 206/2010 ta' qabel id-dħul fis-seħħ ta' dan ir-Regolament, sakemm iċ-ċertifikati jkunu mtlew u ġew iffirmati qabel l-1 ta' Diċembru 2013.

Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

(2) Ir-Regolament tal-Kummissjoni (UE) Nru 206/2010 tat-12 ta’ Marzu 2010 li jistabbilixxi listi ta’ pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta’ annimali partikulari u laħam frisk u r-rekwiżiti relatati maċ-ċertifikazzjoni veterinarja (ĠU L 73, 20.3.2010, p. 1).

(3) Ir-Regolament (KE) Nru 999/2001 tal-Parlament Ewropew u tal-Kunsill tat-22 ta' Mejju 2001 li jistabblixxi regoli għall-prevenzjoni, kontroll u eradikazzjoni ta' ċertu enċefalopatija sponġiformi li tinxtered (ĠU L 147, 31.5.2001, p. 1)

(4) Ir-Regolament tal-Kummissjoni (UE) Nru 630/2013 tat-28 ta’ Ġunju 2013 li jemenda l-Annessi għar-Regolament tal-Parlament Ewropew u tal-Kunsill (KE) Nru 999/2001 li jistabblixxi r-regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (ĠU L 179, 29.6.2013, p. 60).

ANNESS

“Mudell OVI-X

Test ta 'immaġni

Parti II: Ċertifikazzjoni

PAJJIŻ

Mudell OVI-X

II. Tagħrif dwar is-saħħa

II.a. Numru ta’ referenza taċ-ċertifikat

II.b.

II.1. Attestazzjoni tas-Saħħa Pubblika

Jiena, il-veterinarju uffiċjali sottoskritt, b’dan niċċertifika, li l-annimali deskritti f’dan iċ-ċertifikat:

II.1.1. ġejjin minn stabbilimenti li kienu ħielsa minn kwalunkwe projbizzjoni uffiċjali minħabba raġunijiet ta’ saħħa, għall-aħħar 42 jum fil-każ tal-bruċellożi, għall-aħħar 30 jum fil-każ tal-antraċe u għall-aħħar sitt xhur fil-każ tar-rabja, u ma ġewx f’kuntatt ma’ annimali minn irziezet li ma kinux jissodisfaw dawn il-kondizzjonijiet;

II.1.2. ma ngħataw ebda stilbene jew sustanza oħra tirostatika, estroġenika, androġenika, ġestaġenika jew ß-agonistika għal skopijiet li ma kinux trattament terapewtiku jew żootekniku (kif iddefinit fid-Direttiva 96/22/KE).

II.2. Ċertifikazzjoni tas-Saħħa tal-Annimali

Jiena, il-veterinarju uffiċjali sottoskritt, b’dan niċċertifika, li l-annimali deskritti hawn fuq jissodisfaw ir-rekwiżiti li ġejjin:

II.2.1. ġejjin minn territorju bil-kodiċi: … (1) li, fid-data tal-ħruġ ta’ dan iċ-ċertifikat:

(2) jew [(a) ilu ħieles mill-marda tal-ilsien u d-dwiefer għal 24 xahar ]

(2) inkella [(a) ilu meqjus bħala ħieles mill-marda tal-ilsien u d-dwiefer sa minn … (jj/xx/ssss), mingħajr każijiet/tifqigħat wara dik id-data, u ġie awtorizzat li jesporta dawn l-annimali permezz tar-Regolament ta’ Implimentazzjoni tal-Kummissjoni (UE) Nru …/…, ta' … (jj/xx/ssss)]

(b) ilu ħieles għal 12-il xahar mill-pesta bovina, mid-deni tal-Wied tar-Rift, mill-peste des petits ruminants, mill-ġidri tan-ngħaġ u tal-mogħoż, mill-plewropulmonite tal-annimali kaprini li tittieħed u mill-marda epiżootika emorraġika, u għal 6 xhur mill-istomatite vesikulari,

(c) fejn matul l-aħħar 12-il xahar, ma sar l-ebda tilqim kontra dan il-mard imsemmi fil-punti (a) u (b) u l-importazzjonijiet ta’ bhejjem domestiċi bid-difer mifrud imlaqqma kontra dan il-mard mhumiex permessi;]

(2) jew [(d) ilu ħieles mill-marda tal-ilsien blu għal 24 xahar;]

(2)(7) inkella [(d) ilu ħieles mill-bluetongue għal 24 xahar, u l-annimali rreaġixxew negattivament għal test seroloġiku għas-sejbien ta’ antikorpi għall-marda tal-ilsien blu u għall-marda epiżootika emorraġika, liema test sar f’żewġ okkażjonijiet fuq kampjuni tad-demm meħuda fil-bidu tal-perjodu ta’ iżolament/kwarantina u mill-inqas 28 jum wara, fi … (jj/xx/ssss) u fi … (jj/xx/ssss), fejn t-tieni kampjun għandu jkun ittieħed fil-perjodu ta’ għaxart ijiem qabel l-esportazzjoni;]

(2) inkella [(d) ma ilux ħieles mill-bluetongue għal 24 xahar u l-annimali tlaqqmu b'vaċċin inattivat, mill-anqas 60 jum qabel id-data tad-dispaċċ lejn l-Unjoni, kontra s-serotipi tal-bluetongue kollha… (daħħal is-serotip/i) li huma dawk preżenti fil-popolazzjoni tas-sors kif muri permezz ta' programm ta' sorveljanza (9) f'żona b'raġġ ta' 150 km madwar ir-razzett(l-irziezet) tal-oriġini deskritt(i) fil-kaxxa bin-numru ta' referenza I.11., u l-annimali għadhom fil-perjodu ta' immunità garantita fl-ispeċifikazzjonijiet tal-vaċċin;]

II.2.2. dawn baqgħu fit-territorju deskritt fil-punt II.2.1 minn twelidhom, jew għal tal-inqas dawn l-aħħar sitt xhur qabel ma ntbagħtu lejn l-Unjoni u bla ma ġew f’kuntatt, ma’ annimali bid-difer mifruq impurtati fl-aħħar 30 jum;

II.2.3. baqgħu minn twelidhom jew mill-inqas għal 40 jum fir-razzett(irziezet) deskritt(i) fil-kaxxa bin-numru ta’ referenza I.11 qabel ma ntbagħtu:

(a) fejn fih(om) u madwaru(hom), f’żona b’raġġ ta’ 150 km, ma kien hemm l-ebda każ/tifqigħa tal-marda epiżootika emorraġika matul is-60 jum ta' qabel, u

(b) fejn fih(om) u madwaru(hom), f’żona b’raġġ ta’ 10 km, ma kien hemm l-ebda każ/tifqigħa tal-marda tal-ilsien u d-dwiefer, tal-pesta tal-ifrat, tad-deni Rift valley, tal-peste des petits ruminants, mill-ġidri tan-ngħaġ u tal-mogħoż, mill-plewropnewmonja tal-annimali kaprini li tittieħed u mill-istomatite vesikulari matul l-40 jum ta' qabel;

II.2.4. safejn naf jien u skont id-dikjarazzjoni bil-miktub magħmula mis-sid, l-annimali:

(a) mhumiex ġejjin minn stabbilimenti, u ma ġewx f’kuntatt ma’ annimali minn stabbilimenti, li fihom instabu s-sinjali kliniċi tal-mard li ġej:

(i) agalactia kontaġġjuża tan-ngħaġ jew tal-mogħoż (Mycoplasma agalactiae, Mycoplasma capricolum, Mycoplasma mycoides var. mycoides kolonja kbira), fl-aħħar sitt xhur,

(ii) il-paratuberkulożi u l-limfadeniti ġobnija, fl-aħħar 12-il xahar,

(iii) l-adenomatożi pulmonarja, fl-aħħar tliet snin, u

(iv) Maedi/Visna jew artrite/enċefalite virali kaprina:

(2) jew [matul dawn l-aħħar 3 snin,]

(2) inkella [fl-aħħar 12-il xahar, u l-annimali infettati kollha nqatlu u l-annimali li kien baqa’, sussegwentement irreaġixxew b’riżultat negattiv għaż-żewġ testijiet li sarulhom b’intervall ta’ mill-inqas sitt xhur bejniethom,]

Test ta 'immaġni

PAJJIŻ

Mudell OVI-X

II. Tagħrif dwar is-saħħa

II.a. Numru ta’ referenza taċ-ċertifikat

II.b.

(b) huma inklużi f’sistema uffiċjali għan-notifikazzjoni ta’ dan il-mard, u

(c) kienu ħielsa minn evidenza klinika jew evidenza oħra ta’ tuberkulożi u bruċellożi matul it-tliet snin ta’ qabel l-esportazzjoni;

II.2.5. mhumiex annimali li se jinqatlu skont programm nazzjonali għall-eradikazzjoni ta’ mard, u lanqas ma tlaqqmu kontra l-mard imsemmi fil-punt II.2.1.(a) u (b);

II.2.6. joriġinaw:

(2)(3) jew [mit-territorju deskritt fil-kaxxa bin-numru ta’ referenza I.8, li ġie rikonoxxut uffiċjalment ħieles mill-bruċellożi;]

(2) inkella [mir-razzett jew l-irżieżet deskritt(i) skont il-kaxxa bin-numru ta’ referenza I.11, fejn, fir-rigward tal-bruċellożi (Brucella melitensis):

(a) l-annimali kollha suxxettibbli ilhom ħielsa minn sinjali kliniċi jew kwalunkwe sinjal ta’ din il-marda għall-aħħar 12-il xahar,

(b) għadd rappreżentattiv ta’ annimali ovini u kaprini domestiċi li għandhom iktar minn sitt xhur jitressqu kull sena għal test seroloġiku, (4)]

(2)(5) jew [(c) l-annimali domestiċi ovini u kaprini kollha ma tlaqqmux kontra din il-marda, minbarra dawk li tlaqqmu bil-vaċċin Rev. 1 iktar minn sentejn ilu;

(d) l-aħħar żewġ testijiet(6), separati minn xulxin b’intervall ta’ mill-inqas sitt xhur, saru fil-… (jj/xx/ssss) u fil-… (jj/xx/ssss) fuq l-annimali domestiċi ovini u kaprini kollha li għandhom iktar minn sitt xhur taw riżultati negattivi, u]

(2) inkella [(c) l-annimali domestiċi ovini u kaprini ta’ taħt is-7 xhur tlaqqmu kontra din il-marda bil-vaċċin Rev. 1;

(d) l-aħħar żewġ testijiet(6), mifrudin minn xulxin b’intervall ta’ mill-inqas sitt xhur, saru: fil-… (jj/xx/ssss) u fil-… (jj/xx/ssss) fuq l-annimali domestiċi ovini u kaprini kollha mhux imlaqqma li għandhom iktar minn sitt xhur, u fil-… (jj/xx/ssss) u fil-… (jj/xx/ssss) fuq l-annimali domestiċi ovini u kaprini kollha li għandhom iktar minn 18-il xahar taw riżultati negattivi, u]

(e) hemm biss annimali domestiċi ovini u kaprini li jissodisfaw il-kondizzjonijiet u r-rekwiżiti ta’ hawn fuq;]

(2) [II.2.7. l-imtaten mhux ikkastrati nżammu kontinwament matul is-60 jum ta’ qabel, f'razzett fejn ma ġie ddijanjostikat l-ebda każ ta’ epididimite li tittieħed (Brucella ovis) fl-aħħar 12-il xahar u, matul it-30 jum ta’ qabel, lil dawn l-imtaten sarilhom test ta' fissazzjoni tal-komplement biex jindividwa l-epididimite li tittieħed b’riżultat ta’ inqas minn 50 IU/ml;]

II.2.8. inżammu kontinwament mit-twelid fil-pajjiż fejn jiġu sodisfatti l-kundizzjonijiet li ġejjin:

(a) l-iscrapie klassika hija notifikabbli b’mod obbligatorju;

(b) hemm stabbilita sistema ta' għarfien, sorveljanza u monitoraġġ tal-iscrapie klassika;

(d) l-għalf lill-annimali ovini u kaprini ta’ laħam u għadam imfarrak jew ta' qrieqeċ li joriġinaw minn ruminanti huwa pprojbit u l-projbizzjoni hija infurzata b’mod effettiv fil-pajjiż kollu għal perjodu ta’ mill-inqas seba’ snin, u

(2) jew [II.2.8.1 dawn huma annimali maħsubin għall-produzzjoni u biex jintbagħtu fi Stat Membru barra minn dawk li ma għandhomx status ta' riskju negliġibbli għall-iscrapie klassika, jew minbarra dawk li huma approvati skont il-punt 2.2 tat-Taqsima A tal-Kapitolu A tal-Anness VIII tar-Regolament (KE) Nru 999/2001, jew minbarra dawk li huma elenkati fil-punt 3.2 tat-Taqsima A tal-Kapitolu A tal-Anness VIII tar-Regolament (KE) Nru 999/2001 li għandhom programm nazzjonali approvat għall-kontroll tal-iscrapie;

(2) inkella [II.2.8.1 dawn huma annimali maħsubin għat-tgħammir u biex jintbagħtu fi Stat Membru minn dawk li ma għandhomx status ta' riskju negliġibbli għall-iscrapie klassika, li huma approvati skont il-punt 2.2 tat-Taqsima A tal-Kapitolu A tal-Anness VIII tar-Regolament (KE) Nru 999/2001 jew minbarra dawk elenkati fil-punt 3.2 tat-Taqsima A tal-Kapitolu A tal-Anness VIII tar-Regolament (KE) Nru 999/2001 li għandhom programm nazzjonali approvat għall-kontroll tal-iscrapie u:

(2) jew [ġejjin min stabbiliment(i) li kkonforma(w) mal-kundizzjonijiet stipulati fil-punt 1.3 tat-Taqsima A tal-Kapitolu A tal-Anness VIII tar-Regolament (KE) Nru 999/2001;]]

(2) inkella [huma annimali ovini tal-ġenotip tal-proteina prijonika ARR/ARR u ġejjin minn stabbiliment fejn fl-aħħar sentejn ma tkun ġiet imposta l-ebda restrizzjoni uffiċjali fuq il-moviment tagħhom minħabba BSE jew scrapie klassika;]]

Test ta 'immaġni

PAJJIŻ

Mudell OVI-X

II. Tagħrif dwar is-saħħa

II.a. Numru ta’ referenza taċ-ċertifikat

II.b.

(2) inkella [II.2.8.1 huma maħsubin biex jintbagħtu fi Stat Membru li għandu status ta' riskju negliġibbli għall-iscrapie klassika, li hu approvat skont il-punt 2.2 tat-Taqsima A tal-Kapitolu A tal-Anness VIII tar-Regolament (KE) Nru 999/2001 jew għal Stat Membru elenkat fil-punt 3.2 tat-Taqsima A tal-Kapitolu A tal-Anness VIII tar-Regolament (KE) Nru 999/2001 li għandu programm nazzjonali approvat għall-kontroll tal-iscrapie; u:

(2) jew [ġejjin min stabbiliment(i) li kkonforma(w) mal-kundizzjonijiet stipulati fil-punt 1.2 tat-Taqsima A tal-Kapitolu A tal-Anness VIII tar-Regolament (KE) Nru 999/2001;]]

II.2.9. huma/kienu (2) mibgħuta mill-istabbiliment(i) tagħhom tal-oriġini, mingħajr ma għaddew minn ebda suq,

(2) jew [direttament lejn l-Unjoni,]

(2) inkella [lejn ċentru ta’ raggruppament awtorizzat uffiċjalment deskritt fil-kaxxa bin-numru ta' referenza I.13 li jinsab fit-territorju deskritt fil-punt II.2.1.,]

u, sakemm intbagħtu lejn l-Unjoni:

(a) ma ġewx f’kuntatt ma’ annimali oħra bid-difer mifruq li mhumiex konformi mal-istess rekwiżiti tas-saħħa kif deskritti f’dan iċ-ċertifikat, u

(b) ma kienu fl-ebda post fejn fih, jew madwaru f’raġġ ta’ 10 km, matul it-30 jum ta’ qabel, kien hemm każ/tifqigħa ta’ ebda mill-mardiet imsemmijin fil-punt II.2.1.;

II.2.10. kull vettura tat-trasport jew kontejner li tgħabbew fiha, tnaddfet u ġiet iddiżinfettata qabel it-tagħbija, b’diżinfettant awtorizzat uffiċjalment;

II.2.11. ġew eżaminati minn veterinarju uffiċjali fi żmien 24 siegħa mit-tagħbija u ma wrew l-ebda sinjal kliniku ta’ mard;

II.2.12. tgħabbew għad-dispaċċ lejn l-Unjoni fil-… (jj/xx/ssss) (8) fil-mezzi tat-trasport deskritti fil-kaxxa bin-numru ta’ referenza I.15 aktar ’il fuq, li tnaddfu u ġew diżinfettati qabel it-tagħbija b’diżinfettant awtorizzat uffiċjalment u li huma mibnija b’tali mod li l-feċi, l-urina, l-imfierex jew l-għalf ma jkunux jistgħu jnixxu jew jaqgħu barra mill-vettura jew mill-kontejner waqt it-trasport.

II.3. Attestazzjoni tat-trasport tal-annimali

Jiena, il-veterinarju uffiċjali sottoskritt, b’dan niċċertifika li l-annimali deskritti aktar 'il fuq ġew ittrattati qabel u waqt it-tagħbija skont id-dispożizzjonijiet rilevanti tar-Regolament (KE) Nru 1/2005, b’mod partikolari fejn jikkonċerna l-ilma u l-għalf, u huma f’kundizzjoni tajba għat-trasport maħsub.

Noti

Dan iċ-ċertifikat huwa maħsub għal annimali ovini domestiċi (Ovis aries) u annimali kaprini domestiċi (Capra hircus) ħajjin maħsuba għat-tgħammir jew għall-produzzjoni.

Wara l-importazzjoni l-annimali għandhom jittieħdu mingħajr dewmien lejn ir-razzett tad-destinazzjoni fejn għandhom jibqgħu għal perjodu minimu ta’ 30 jum qabel ma jerġgħu jinħarġu mill-istabbiliment, ħlief fil-każ li jintbagħtu lejn biċċerija.

Parti I:

Il-kaxxa bin-numru ta' referenza I.8.: Agħti l-kodiċi tat-territorju li jidher fil-Parti 1 tal-Anness I tar-Regolament (UE) Nru 206/2010.

Il-kaxxa bin-numru ta' referenza I.13.: Jekk ikun hemm ċentru ta’ raggruppament, dan għandu jissodisfa l-kundizzjonijiet għall-approvazzjoni tiegħu, kif stabbilit fil-Parti 5 tal-Anness I tar-Regolament (UE) Nru 206/2010.

Il-kaxxa bin-numru ta' referenza I.15.: Għandu jingħata n-numru tar-reġistrazzjoni (vaguni tal-ferrovija jew kontejner u trakkijiet), in-numru tat-titjira (ajruplan) jew l-isem (tal-vapur). Fil-każ ta’ ħatt u tagħbija mill-ġdid, il-kunsinnatur għandu jinforma lill-BIP bid-dħul fl-Unjoni.

Il-kaxxa bin-numru ta’ referenza I.19: Uża l-kodiċi HS rilevanti: 01.04.10 jew 01.04.20.

Il-kaxxa bin-numru ta' referenza I.23.: Fil-każ ta’ kontejners jew kaxex, għandu jiġi inkluż in-numru tal-kontejner u n-numru tas-siġill (fejn applikabbli).

Test ta 'immaġni

PAJJIŻ

Mudell OVI-X

II. Tagħrif dwar is-saħħa

II.a. Numru ta’ referenza taċ-ċertifikat

II.b.

Il-kaxxa bin-numru ta' referenza I.28.: Sistema ta' identifikazzjoni: L-annimali għandu jkollhom:

Numru individwali li jippermetti li jiġi rintraċċat il-post tal-oriġini tagħhom. Speċifika s-sistema ta’ identifikazzjoni (bħal tikketta, tatwaġġi, ħruq fuq il-ġilda, ċippa, transponder) u l-post anatomiku użat fuq l-annimal.

Tikketta tal-widnejn li tinkludi l-kodiċi ISO tal-pajjiż tal-esportazzjoni. Numru individwali li jippermetti li jiġi rintraċċat l-istabbiliment tal-oriġini tagħhom.

Speċi: Agħżel bejn ‘Ovis aries’ u ‘Capra hircus’ skont il-każ.

Età: (xhur).

Sess (M = maskil, F = femminili, C = ikkastrat).

Parti II:

(1) Il-kodiċi tat-territorju li jidher fil-Parti 1 tal-Anness I tar-Regolament (UE) Nru 206/2010.

(2) Żomm, kif suppost.

(3) Biss għal territorju li jkollu l-annotazzjoni ‘V’ fil-kolonna 6 tal-Parti 1 tal-Anness I tar- Regolament (UE) Nru 206/2010.

(4) L-għadd rappreżentattiv ta’ annimali li għandhom jiġu ttestjati għall-bruċellożi għal kull stabbiliment għandu jikkonsisti minn:

l-annimali maskili kollha mhux ikkastrati, li ma tlaqqmux kontra l-bruċellożi, li għandhom iktar minn sitt-xhur,

l-annimali maskili kollha mhux ikkastrati, imlaqqma kontra l-bruċellożi, li għandhom iktar minn 18-il xahar,

l-annimali kollha miġjuba fl-istabbiliment wara l-aħħar testijiet, u

25% tas-sess femminili li huma sesswalment maturi, b’mill-inqas 50 tas-sess femminili.

(5) Din trid timtela meta d-destinazzjoni tkun Stat Membru jew parti minn Stat Membru elenkat f’wieħed mill-Annessi tad-Deċiżjoni 93/52/KEE.

(6) Skont il-Parti 6 tal-Anness I tar-Regolament (UE) Nru 206/2010.

Meta jkun involut iktar minn stabbiliment wieħed tal-oriġini, id-data tal-aktar test reċenti f’kull stabbiliment għandha tiġi indikata b’mod ċar.

(7) Il-garanziji supplimentari li għandhom jiġu ppreżentati meta meħtieġ fil-kolonna 5 “SG” tal-Parti 1 tal-Anness I tar-Regolament (UE) Nru 206/2010, bl-annotazzjoni “A”. Testijiet għall-marda tal-ilsien blu u għall-marda epiżootika emorraġika skont il-Parti 6 tal-Anness tar-Regolament (UE) Nru 206/2010.

(8) Id-data tat-tagħbija. L-importazzjoni ta’ dawn l-annimali ma għandhiex tkun permessa meta l-annimali jkunu tgħabbew, jew qabel id-data tal-awtorizzazzjoni tal-pajjiż terz, tat-territorju msemmi fil-Kaxxi I.7 u I.8, jew ta' parti minnu, għall-esportazzjoni lejn l-Unjoni; jew matul perjodu fejn ġew adottati miżuri restrittivi mill-Unjoni kontra l-importazzjoni ta’ dawn l-annimali minn dan il-pajjiż terz, minn dan it-territorju, jew minn parti minnu.

(9) Programm ta' sorveljanza kif stipulat fl-Anness I tar-Regolament tal-Kummissjoni (KE) Nru 1266/2007 (ĠU L 283, 27.10.2007, p. 37.)

Veterinarju uffiċjali

Isem (b’ittri kapitali):

Kwalifika u titlu:

Data:

Firma:”

Timbru: