(1)

L-Artikolu 13(1) tar-Regolament (KE) Nru 1967/2006 jipprojbixxi l-użu ta’ rkaptu rmunkat fl-inħawi ta’ 3 mili nawtiċi tal-kosta jew fl-isobath ta’ 50 metru fejn jintlaħaq dak il-fond f’distanza iqsar mill-kosta.

(2)

Fuq talba ta’ Stat Membru, il-Kummissjoni tista’ tippermetti deroga mill-Artikolu 13(1) tar-Regolament (KE) Nru 1967/2006, sakemm jiġu ssodisfati għadd ta’ kundizzjonijiet stabbiliti fl-Artikolu 13(5) u (9).

(3)

Fis-17 ta’ April 2012 il-Kummissjoni rċeviet talba minn Spanja għal deroga mill-Artikolu 13(1) ta’ dak ir-Regolament, biex jintużaw tartaruni għas-sajd għall-makku (Aphia minuta), fl-ilmijiet territorjali tagħha fil-Komunità Awtonoma ta' Murcia.

(4)

It-talba tkopri l-bastimenti rreġistrati f’Ċensiment Uffiċjali tal-Flotta Operattiva ġestit mid-Direttorat Ġenerali għall-Bhejjem u s-Sajd tal-Komunità Awtonoma ta’ Murcia li għandhom esperjenza vasta ta’ aktar minn ħames snin fis-sajd u li se joperaw skont pjan ta’ ġestjoni li jirregola s-sajd mit-tartaruni għall-makku (Aphia minuta).

(5)

Il-pjan ta’ ġestjoni ma jiggarantixxi l-ebda żieda fil-futur fl-isforz tas-sajd, u jipprevedi li meta wieħed mid-29 bastiment iwaqqaf l-attività, fiċ-Ċensiment ikun jista’ jiġi sostitwit biss minn bastiment li għandu l-istess kapaċità jew kapaċità inqas f’termini ta’ qawwa u tul.

(6)

Il-Kumitat Xjentifiku, Tekniku u Ekonomiku għas-Sajd (STECF) ivvaluta d-deroga mitluba minn Spanja u l-abbozz relatat għall-pjan ta’ ġestjoni fis-sessjoni plenarja li saret mill-5 sad-9 ta’ Novembru 2012.

(7)

Spanja adottat il-pjan ta’ ġestjoni billi approvat l-“Ordni tas-27 ta’ Marzu 2013 tal-Ministeru reġjonali għall-Agrikoltura u l-Ilma li tirregola s-sajd għall-makku (Aphia minuta) fl-ilmijiet interni tar-reġjun ta’ Murcia” (2) skont l-Artikolu 19(2) tar-Regolament (KE) Nru 1967/2006.

(8)

Id-deroga mitluba minn Spanja hija konformi mal-kundizzjonijiet stipulati fl-Artikolu 13(5) u (9) tar-Regolament (KE) Nru 1967/2006.

(9)

B'mod partikolari, l-inħawi tas-sajd huma limitati minħabba d-daqs limitat tal-blata kontinentali u d-distribuzzjoni spazjali tal-ispeċi fil-mira, li hija limitata esklussivament għal ċerti żoni fiż-żoni kostali għal fond inqas minn 50 metru.

(10)

Barra minn hekk, is-sajd ma jistax isir b’irkapti oħrajn, ma għandu l-ebda impatt sinifikanti fuq ħabitati protetti u huwa selettiv ħafna, peress li t-tartaruni jiġu rmonkati fil-kolonna tal-ilma u ma jmissux qiegħ il-baħar. Tabilħaqq il-ġbir tal-materjal minn qiegħ il-baħar jagħmel ħsara lill-ispeċi fil-mira u jwassal biex l-għażla tal-ispeċi mistada tkun virtwalment impossibbli minħabba d-daqs żgħir ħafna tagħha

(11)

Id-deroga mitluba minn Spanja taffettwa għadd limitat ta’ bastimenti, peress illi hemm involuti biss 29 bastiment.

(12)

L-attivitajiet tas-sajd ikkonċernati jissodisfaw ir-rekwiżiti tat-tieni subparagrafu tal-Artikolu 4(1) tar-Regolament (KE) Nru 1967/2006 dwar il-ħabitati protetti li, permezz ta’ deroga, jippermetti s-sajd fuq dawk il-ħabitati sakemm is-sajd isir mingħajr ma jintmiss il-qiegħ tal-algi skont ċerti kundizzjonijiet.

(13)

Ir-rekwiżiti tal-Artikolu 8(1)(h) tar-Regolament (KE) Nru 1967/2006 mhumiex applikabbli minħabba li dawn huma relatati ma’ bastimenti tat-tkarkir.

(14)

Peress li l-attivitajiet tas-sajd ikkonċernati huma selettivi ħafna, għandhom effett negliġibbli fuq l-ambjent u mhumiex affettwati mid-dispożizzjonijiet fl-Artikolu 4(5) tar-Regolament (KE) Nru 1967/2006, dawn huma eleġibbli għad-deroga għad-daqs minimu tal-malji tax-xibka msemmi fl-Artikolu 9(7) tar-Regolament (KE) Nru 1967/2006. Għaldaqstant, ma japplikawx ir-regoli dwar id-daqs minimu tal-malji tax-xibka stipulati fl-Artikolu 9(3).

(15)

Il-pjan ta’ ġestjoni Spanjol jinkludi miżuri għall-monitoraġġ tal-attivitajiet tas-sajd, u għaldaqstant jissodisfa l-kundizzjonijiet stipulati fl-Artikolu 13(9) tar-Regolament (KE) Nru 1967/2006 u fl-Artikolu 14 tal-Kunsill. Ir-Regolament (KE) Nru 1224/2009 (3).

(16)

L-attivitajiet tas-sajd ikkonċernati jitwettqu f’distanza qasira ħafna mill-kosta u għaldaqstant ma jostakolawx l-attivitajiet ta’ bastimenti oħra.

(17)

Il-pjan ta’ ġestjoni Spanjol jiżgura li l-qbid tal-ispeċi msemmija fl-Anness III tar-Regolament (KE) Nru 1967/2006 huwa minimu u li l-attivitajiet tas-sajd ma jkollhomx fil-mira ċ-ċefalopodi.

(18)

Għalhekk, id-deroga mitluba għandha tingħata.

(19)

Spanja għandha tirrapporta lill-Kummissjoni fi żmien xieraq u skont il-pjan ta' monitoraġġ stipulat fil-pjan ta’ ġestjoni Spanjol.

(20)

F’konformità mat-talba ta’ Spanja, limitazzjoni fit-tul ta’ żmien tad-deroga se tippermetti li jittieħdu miżuri ta' ġestjoni korrettivi fil-pront f'każ li r-rapport lill-Kummissjoni juri stat ħażin ta' konservazzjoni tal-istokk sfruttat filwaqt li tipprovdi kamp ta' applikazzjoni biex tittejjeb il-bażi xjentifika għal pjan ta' ġestjoni mtejjeb.

(21)

Il-miżuri previsti f'dan ir-Regolament huma skont l-opinjoni tal-Kumitat dwar is-Sajd u l-Akkwakultura,

(a)

irreġistrati f’ċensiment marittimu ġestit mid-Direttorat Ġenerali għall-Bhejjem u s-Sajd tal-Komunità Awtonoma ta’ Murcia;

(b)

li għandhom esperjenza vasta ta’ aktar minn ħames snin fis-sajd u li ma jinvolvu l-ebda żieda fil-futur fl-isforz tas-sajd ipprovdut; kif ukoll

(c)

li jkollhom awtorizzazzjoni għas-sajd u li joperaw skont pjan ta’ ġestjoni adottat minn Spanja skont l-Artikolu 19(2) tar-Regolament (KE) Nru 1967/2006 (minn hawn ’il quddiem imsejjaħ “il-pjan ta’ ġestjoni”).