|
11.7.2013 |
MT |
Il-Ġurnal Uffiċjali tal-Unjoni Ewropea |
L 190/37 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 657/2013
tal-10 ta’ Lulju 2013
li jemenda r-Regolament ta’ Implimentazzjoni tal-Kummissjoni (UE) Nru 1079/2012 li jistabbilixxi rekwiżiti ta’ spazjar bejn il-kanali ta’ komunikazzjoni vokali għall-Ajru Uniku Ewropew
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 552/2004 tal-Parlament Ewropew u tal-Kunsill tal-10 ta’ Marzu 2004 dwar l-interoperabilità tax-Xibka Ewropea ta’ Amministrazzjoni ta’ Traffiku tal-Ajru (ir-Regolament ta’ interoperabilità) (1), u b’mod partikolari l-Artikolu 3(5) tiegħu,
Wara li kkunsidrat ir-Regolament (KE) Nru 549/2004 tal-Parlament Ewropew u tal-Kunsill tal-10 ta’ Marzu 2004 li jippreskrivi l-qafas għall-ħolqien tal-Ajru Uniku Ewropew (ir-Regolament qafas) (2), u b’mod partikolari l-Artikolu 8(1) tiegħu,
Billi:
|
(1) |
Ir-Regolament ta’ Implimentazzjoni tal-Kummissjoni (UE) Nru 1079/2012 (3) jeħtieġ l-introduzzjoni koordinata ta’ komunikazzjonijiet vokali mill-ajru għall-art ibbażati fuq spazjar bejn il-kanali ta’ 8,33 kHz imnaqqas, bil-għan li jiżdied l-għadd ta’ frekwenzi disponibbli għal komunikazzjonijiet vokali mill-ajru għall-art u li jippermetti żidiet fin-numru ta’ setturi tal-ispazju tal-ajru u l-kapaċità relatata tal-kontroll tat-traffiku tal-ajru. |
|
(2) |
L-Artikolu 6(3) tar-Regolament ta’ Implimentazzjoni (UE) Nru 1079/2012 kien maħsub biex jimponi mira fuq l-Istati Membri elenkati fl-Anness I, li biha n-numru ta’ konverżazzjonijet fi spazjar tal-kanali ta’ 8,33 kHz għandu jkunu ekwivalenti għal mill-inqas 25 % tan-numru totali ta’ assenjazzjonijiet ta’ frekwenzi ta’ 25 kHz allokat lil kull ċentru ta’ kontroll fl-Istat Membru. Madankollu, it-test attwali ppubblikat tal-Artikolu 6(3) jista’ jiġi interpretat bħala li qed jimponi dazju inqas ambizzjuż li fil-fatt jista’ jnaqqas b’mod sinifikanti, għall-Istati Membri b’aktar minn ċentru ta’ kontroll taż-żona wieħed, il-kompitu li jiġġeneraw frekwenzi addizzjonali. |
|
(3) |
L-għan tal-emenda huwa li jiċċara l-Artikolu 6(3) tar-Regolament ta’ Implimentazzjoni (UE) Nru 1079/2012, għalhekk id-data oriġinali tal-applikazzjoni ta’ dak l-Att għandha tinżamm. |
|
(4) |
Għalhekk ir-Regolament ta’ Implimentazzjoni (UE) Nru 1079/2012 għandu jiġi emendat skont dan. |
|
(5) |
Il-miżuri stipulati f’dan ir-Regolament huma konformi mal-opinjoni tal-Kumitat dwar l-Ajru Uniku, |
ADOTTAT DAN IR-REGOLAMENT:
Artikolu 1
L-Artikolu 6(3) tar-Regolament ta’ Implimentazzjoni (UE) Nru 1079/2012 jinbidel b’dan li ġej:
“3. Sa mhux aktar tard mill-31 ta’ Diċembru 2014, l-Istati Membri elenkati fl-Anness I għandhom jimplimentaw għadd ta’ konverżjonijiet ġodda għall-ispazjar bejn il-kanali ta’ 8,33 kHz li jkun ekwivalenti għal mill-inqas 25 % tal-għadd totali ta’ assenjazzjonijiet ta’ frekwenzi ta’ 25 kHz fir-reġistru ċentrali u allokati lil ċentru tal-kontroll speċifiku ta’ żona (“ACC” — Area Control Centre) fl-Istat Membru. Dawn il-konverżjonijiet ma għandhomx ikunu limitati għall-assenjazzjonijiet ta’ frekwenzi tal-ACC u ma għandhomx jinkludu l-assenjazzjonijiet ta’ frekwenzi għall-komunikazzjonijiet ta’ kontroll operazzjonali.”
Artikolu 2
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mis-7 ta’ Diċembru 2012.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta’ Lulju 2013.
Għall-Kummissjoni
Il-President
José Manuel BARROSO
(1) ĠU L 96, 31.3.2004, p. 26.
(3) ĠU L 320, 17.11.2012, p. 14.