|
25.5.2013 |
MT |
Il-Ġurnal Uffiċjali tal-Unjoni Ewropea |
L 139/11 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 484/2013
tal-24 ta’ Mejju 2013
li jemenda r-Regolament (KE) Nru 718/2007 li jimplimenta r-Regolament tal-Kunsill (KE) Nru 1085/2006 li jistabbilixxi strument għall-assistenza ta’ qabel l-adeżjoni (IPA)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1085/2006 tas-17 ta’ Lulju 2006 li jistabbilixxi Strument għall-Assistenza ta’ Qabel l-Adeżjoni (IPA) (1) (“ir-Regolament dwar l-IPA”) u b’mod partikolari l-Artikolu 3(3) tiegħu;
Billi:
|
(1) |
Ir-Regolament tal-Kummissjoni (KE) Nru 718/2007 tat-12 ta’ Ġunju 2007 li jimplimenta r-Regolament tal-Kunsill (KE) Nru 1085/2006 li jistabbilixxi strument għall-assistenza ta’ qabel l-adeżjoni (IPA) (2) jipprovdi regoli ddettaljati għall-implimentazzjoni tar-Regolament dwar l-IPA. |
|
(2) |
Sabiex jinkisbu l-objettivi fl-oqsma ta’ assistenza tal-komponent ta’ assistenza ta’ tranżizzjoni u bini tal-istituzzjonijiet, għal xi operazzjonijiet, bħal dawk li jikkontribwixxu biex tkun risolta l-problema ta’ akkomodazzjoni għar-refuġġjati u għall-persuni spostati fil-Balkanai tal-Punent l-eliġġibbiltà tan-nefqa għax-xiri ta’ art u binjiet eżistenti hija indispensabbli u tikkostitwixxi parti importanti tal-azzjoni. L-eliġibilità tan-nefqa għax-xiri ta’ art u binjiet eżistenti għandha tkun prevista f’deroga ġdida. |
|
(3) |
Ir-Regolament (KE) Nru 718/2007 għandu għaldaqstant jiġi emendat skont dan. |
|
(4) |
Id-dispożizzjonijiet stipulati f’dan ir-Regolament huma konformi mal-opinjoni tal-Kumitat tal-IPA, |
ADOTTAT DAN IR-REGOLAMENT:
Artikolu 1
Fl-Artikolu 66(3) tar-Regolament (KE) Nru 718/2007,, jiżdied il-punt (d) li ġej:
|
“(d) |
xiri ta’ art u binjiet eżistenti meta ġġustifikat min-natura tal-operazzjoni”. |
Artikolu 2
Dan ir-Regolament għandu jidħol fis-seħħ wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta’ Mejju 2013.
Għall-Kummissjoni
Il-President
José Manuel BARROSO
(1) ĠU L 210, 31.7.2006, p. 82.
(2) ĠU L 170, 29.6.2007, p. 1.