3.5.2013 |
MT |
Il-Ġurnal Uffiċjali tal-Unjoni Ewropea |
L 121/30 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 404/2013
tat-2 ta’ Mejju 2013
dwar id-derogi mir-regoli ta’ oriġini stabbiliti fl-Anness II tal-Ftehim ta’ Kummerċ bejn l-Unjoni Ewropea u l-Istati Membri tagħha, minn naħa waħda, u l-Kolombja u l-Perù, min-naħa l-oħra, li japplikaw fi kwoti għal ċerti prodotti mill-Peru
IL-KUMMISSJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2012/735/UE tal-31 ta’ Mejju 2012 dwar l-iffirmar, f’isem l-Unjoni Ewropea, u l-applikazzjoni provviżorja, tal-Ftehim Kummerċjali bejn l-Unjoni Ewropea u l-Istati Membri tagħha, min-naħa waħda, u l-Kolombja u l-Perù, min-naħa l-oħra (1), u b’mod partikolari l-Artikolu 6 tagħha,
Billi:
(1) |
Bid-Deċiżjoni 2012/735/UE, il-Kunsill awtorizza l-iffirmar, f’isem l-Unjoni, tal-Ftehim Kummerċjali bejn l-Unjoni Ewropea u l-Istati Membri tagħha, min naħa waħda, u l-Kolombja u l-Peru, min-naħa l-oħra (“il-Ftehim”). F’konformità mad-Deċiżjoni 2012/735/UE, il-Ftehim għandu jiġi applikat fuq bażi provviżorja, sakemm jitlestew il-proċeduri għall-konklużjoni tiegħu. Il-Ftehim jibda japplika fuq bażi provviżorja mill-1 ta’ Marzu 2013. |
(2) |
L-Anness II tal-Ftehim jikkonċerna d-definizzjoni tal-kunċett ta’ “prodotti oriġinarji” u l-metodi ta’ koperazzjoni amministrattiva. Fil-każ ta’ għadd ta’ prodotti, l-Appendiċi 2A u l-Appendiċi 5 ma’ dak l-Anness jipprovdu għal derogi mir-regoli ta’ oriġini spjegati f’dak l-Anness fil-qafas tal-kwoti annwali. Għaldaqstant huwa meħtieġ li jiġu stipulati l-kundizzjonijiet għall-applikazzjoni ta’ dawk id-derogi għal importazzjonijiet mill-Peru. |
(3) |
Il-kwoti stipulati fl-Appendiċi 2A u l-Appendiċi 5 tal-Anness II tal-Ftehim għandhom ikunu ġestiti mill-Kummissjoni fuq il-bażi li min jiġi l-ewwel jinqeda l-ewwel, skont ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (2). |
(4) |
L-intitolament għal-benefiċċju mill-konċessjonijiet tat-tariffa għandu jkun soġġett għall-preżentazzjoni tal-prova relevanti tal-oriġini lill-awtoritajiet doganali, kif provdut fil-Ftehim. |
(5) |
L-Anness I tar-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (3), kif emendat mir-Regolament ta’ Implimentazzjoni tal-Kummissjoni (UE) Nru 927/2012 (4), fih kodiċijiet tan-NM ġodda li huma differenti minn dawk imsemmija f’dan il-Ftehim. Dawn il-kodiċi l-ġodda għandhom għalhekk ikunu riflessi fil-Parti B tal-Anness ta’ dan ir-Regolament. |
(6) |
Peress li l-Ftehim jidħol fis-seħħ nhar l-1 ta’ Marzu 2013, dan ir-Regolament għandu japplika mill-istess data. |
(7) |
Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
1. Ir-regoli tal-oriġini fl-Appendiċi 2A tal-Anness II tal-Ftehim Kummerċjali bejn l-Unjoni Ewropea u l-Istati Membri tagħha, minn naħa waħda, u l-Kolombja u l-Perù, min-naħa l-oħra (minn hawn ‘il quddiem imsejjaħ “il-Ftehim”), japplikaw għall-prodotti elenkati fil-Parti A tal-Anness ta’ dan ir-Regolament.
2. Ir-regoli tal-oriġini stipulati fl-Appendiċi 5 tal-Anness II mal-Ftehim japplikaw għall-prodotti elenkati fil-Parti B tal-Anness ta’ dan ir-Regolament.
Artikolu 2
Sabiex jibbenifikaw mid-deroga stipulata fl-Artikolu, il-prodotti elenkati fl-Anness ikunu akkumpanjati minn prova tal-oriġini kif stabbilit fl-Anness II tal-Ftehim.
Artikolu 3
Il-kwoti elenkati fl-Anness ikunu ġestiti mill-Kummissjoni skont id-dispożizzjonijiet tal-Artikoli 308a sa 308c tar-Regolament (KEE) Nru 2454/93.
Artikolu 4
Dan ir-Regolament jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Huwa japplika mill-1 ta’ Marzu 2013.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Mejju 2013.
Għall-Kummissjoni
Il-President
José Manuel BARROSO
(1) ĠU L 354, 21.12.2012, p. 1.
(2) ĠU L 253, 11.10.1993, p. 1.
(4) ĠU L 304, 31.10.2012, p. 1.
ANNESS
Il-Perù
Minkejja r-regoli ta’ interpretazzjoni tan-Nomenklatura Magħquda, il-kliem użat għad-deskrizzjoni tal-prodotti għandu jitqies biss bħala kliem ta’ valur indikattiv, bl-iskema preferenzjali tkun deċiża, fi ħdan il-kuntest ta’ dan l-Anness, permezz tal-kopertura tal-kodiċi tan-NM kif jeżistu meta jiġi adottat dan ir-Regolament. Fejn ex kodiċijiet tan-NM huma indikati, l-iskema preferenzjali għandha tiġi ddeterminata bl-applikazzjoni tal-kodiċi tan-NM u d-deskrizzjoni li tikkorrispondi meħuda flimkien.
PARTI A
Ordni Nru |
Kodiċi NM |
Isem il-prodotti |
Perjodu tal-kwota |
Volum ta’ kwoti annwali (piż nett f’tunnellati sakemm mhux speċifikat mod ieħor) |
09.7170 |
3920 |
Pjanċi, folji, film, fojl u strixxa oħrajn, ta’ plastiks, mhux ċellulari u mhux rinfurzati, laminati, mirfudin jew magħqudin b’mod simili ma’ materjali oħrajn: |
Mill-1 ta’ Marzu sal-aħħar ta’ Frar |
15 000 |
09.7171 |
ex 5607 50 (1) u 5608 |
Spag u xbieki |
Mill-1 ta’ Marzu sal-aħħar ta’ Frar |
650 |
09.7172 |
6108 22 00 |
Qliezet ta’ taħt tan-nisa jew tal-bniet, maħdumin bil-labar jew bil-ganċ, ta’ fibri sintetiċi |
Mill-1 ta’ Marzu sal-aħħar ta’ Frar |
200 |
09.7173 |
6112 31 |
Malji tal-għawm tal-irġiel jew tas-subien maħdumin bil-labar jew bil-ganċ, ta’ fibri sintetiċi |
Mill-1 ta’ Marzu sal-aħħar ta’ Frar |
25 |
09.7174 |
6112 41 |
Malji tal-għawm tan-nisa jew tal-bniet maħdumin bil-labar jew bil-ganċ, ta’ fibri sintetiċi |
Mill-1 ta’ Marzu sal-aħħar ta’ Frar |
100 |
09.7175 |
6115 10 |
Maljerija b’kompressjoni gradwata (pereżempju, kalzetti għall-vini varikużi), maħdumin bil-labar jew bil-ganċ |
Mill-1 ta’ Marzu sal-aħħar ta’ Frar |
25 |
09.7176 |
6115 21 00 |
Pantyhose u tajts oħrajn, ta’ fibri sintetiċi, ta’ qies kull ħajta singla inqas minn 67 deċitexs, maħdumin bil-labar jew bil-ganċ |
Mill-1 ta’ Marzu sal-aħħar ta’ Frar |
40 |
09.7177 |
6115 22 00 |
Pantyhose u tajts oħrajn, ta’ fibri sintetiċi, ta’ qies kull ħajta singla ta’ 67 deċitexs, maħdumin bil-labar jew bil-ganċ |
Mill-1 ta’ Marzu sal-aħħar ta’ Frar |
15 |
09.7178 |
6115 30 |
Maljerija oħra tan-nisa t-tul kollu jew li tasal sal- irkoppa, ta’ qjies kull ħajta singla ta’ anqas minn 67 deċiteks, maħdumin bil-labar jew bil-ganċ |
Mill-1 ta’ Marzu sal-aħħar ta’ Frar |
25 |
09.7179 |
6115 96 |
Oħrajn, ta’ fibri sintetiċi, maħduma bil-labar jew bil-ganċ |
Mill-1 ta’ Marzu sal-aħħar ta’ Frar |
175 |
09.7192 |
7321 |
Fuklari, stufi, gradilji, kukers (inklużi dawk b’kaldaruni sussidjarji għal tisħin ċentrali), barbikju, braċieri, ċrieki tal-gass, apparat għat tisħin tal-platti u tagħmir simili tad-dar mhux tal-elettriku, u bċejjeċ taghom, ta’ ħadid jew azzar |
Mill-1 ta’ Marzu sal-aħħar ta’ Frar |
20 000 għadd ta’oġġetti |
09.7193 |
7323 |
Oġġetti tal-mejda, tal-kċina jew oġġetti oħrajn tad-dar u bċejjeċ tagħhom, tal-ħadid jew azzar; suf tal-ħadid jew tal-azzar (iron jew steel wool); barraxxi għal borom u biċċiet għal brix jew illustrar, ingwanti u x-xorta, tal-ħadid jew tal-azzar |
Mill-1 ta’ Marzu sal-aħħar ta’ Frar |
50 000 |
09.7194 |
7325 |
Oġġetti oħrajn ikkastjati ta’ ħadid jew azzar |
Mill-1 ta’ Marzu sal-aħħar ta’ Frar |
50 000 |
PARTI B
Ordni Nru |
Kodiċi NM |
Isem il-prodotti |
Perjodu tal-kwota |
Volum ta’ kwoti annwali (f ‘tunnellati metriċi) |
09.7195 |
0303 54 10 |
Kavalli tal-friża Scomber scombrus u Scomber japonicas |
Mill-1 ta’ Marzu sal-aħħar ta’ Frar |
4 000 |
09.7196 |
0303 89 45 |
Inċova ffriżata (Engraulis spp.) |
Mill-1 ta’ Marzu sal-aħħar ta’ Frar |
120 |
09.7197 |
0303 55 10 |
Sawrell tal-Atlantiku (Trachurus trachurus) ffriżat |
Mill-1 ta’ Marzu sal-aħħar ta’ Frar |
60 |
0303 55 90 (2) |
Sawrell (Caranx trachurus), iffriżat |
|||
09.7198 |
0307 49 59 |
Klamari ffriżati (Ommastrephes spp. bl-esklużjoni ta’ Ommastrephes sagittatus, Nototodarus spp u Sepioteuthis spp.), fil-qoxra jew le |
Mill-1 ta’ Marzu sal-aħħar ta’ Frar |
4 200 |
09.7199 |
0307 49 99 |
Klamari (Ommastrephes spp. bl-esklużjoni ta’ Ommastrephes sagittatus, Nototodarus spp u Sepioteuthis spp.), imnixxef, immellaħ jew fis-salmura, fil-qoxra jew le |
Mill-1 ta’ Marzu sal-aħħar ta’ Frar |
2 500 |
09.7200 |
1604 15 11 |
Filletti tal-kavalli tal-ispeċi Scomber scombrus u Scomber japonicus, ippreparati jew ippreservati |
Mill-1 ta’ Marzu sal-aħħar ta’ Frar |
2 000 |
09.7201 |
1604 15 19 |
Kavalli tal-ispeċi Scomber scombrus u Scomber japonicus, ippreparati jew ippreżervati, sħaħ jew f’biċċiet, iżda mhux ikkapuljat, għajr fletti |
Mill-1 ta’ Marzu sal-aħħar ta’ Frar |
800 |
09.7202 |
1604 15 90 |
Kavalli tal-ispeċi Scomber australasicus, ippreparat jew ippriservat, sħiħ jew f’biċċiet, iżda mhux ikkapuljat |
Mill-1 ta’ Marzu sal-aħħar ta’ Frar |
20 |
09.7203 |
1604 16 00 |
Inċova, ippreparata jew ippreżervata, sħiħa jew f’biċċiet, imma mhux ikkapuljat |
Mill-1 ta’ Marzu sal-aħħar ta’ Frar |
400 |
09.7204 |
1604 20 40 |
Inċova ppreparata jew ippreżervata, ħlief sħiħa jew f’biċċiet |
Mill-1 ta’ Marzu sal-aħħar ta’ Frar |
30 |
09.7205 |
0307 19 10 0307 29 05 0307 49 05 0307 59 05 0307 60 10 0307 79 10 0307 89 10 0307 99 10 1605 51 00 1605 52 00 1605 53 10 (3) 1605 53 90 (4) 1605 54 00 1605 55 00 1605 56 00 1605 57 00 1605 58 00 1605 59 00 |
Molluski, ippreparati jew ippreservati, bl-eċċezzjoni ta’ molluski tal-ispeċi Mytilus spp. u tal-ġens Perna spp.) |
Mill-1 ta’ Marzu sal-aħħar ta’ Frar |
500 |
(1) Kodiċi TARIC 5607501110, 5607501910, 5607503010 u 5607509091.
(2) Kodiċi TARIC 0303559010.
(3) Kodiċi TARIC 1605531095.
(4) Kodiċi TARIC 1605539095.