|
26.3.2013 |
MT |
Il-Ġurnal Uffiċjali tal-Unjoni Ewropea |
L 86/12 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 287/2013
tat-22 ta’ Marzu 2013
li jemenda l-Anness IV u l-Anness VIII tar-Regolament tal-Kunsill (KE) Nru 73/2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa, u li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka r-Regolament (KE) Nru 1782/2003 (1), u b’mod partikolari l-punti (a) u (b) tal-Artikolu 8(2) u t-tieni subparagrafu tal-Artikolu 40(1) tiegħu,
Billi:
|
(1) |
L-Artikolu 10b tar-Regolament (KE) Nru 73/2009 jipprevedi l-possibbiltà għall-Istati Membri li jkunu applikaw il-modulazzjoni volontarja għas-sena kalendarja 2012 li jibqgħu jnaqqsu l-pagamenti diretti għas-sena kalendarja 2013. Ir-Renju Unit għarraf lill-Kummissjoni bid-deċiżjoni tiegħu li jaħtaf din il-possibbiltà, li tingħata bid-Deċiżjoni ta’ Implimentazzjoni tal-Kummissjoni 2013/146/UE tal-20 ta’ Marzu 2013 li tiffissa l-ammont li jirriżulta mill-applikazzjoni tal-aġġustament volontarju fir-Renju Unit għas-sena kalendarja 2013 (2). Għalhekk huwa xieraq li ssir reviżjoni tal-limitu massimu korrispondenti kif jissemma fl-Artikolu 8 tar-Regolament (KE) Nru 73/2009. |
|
(2) |
Il-Greċja, Spanja, il-Lussemburgu, Malta u r-Renju Unit għarrfu lill-Kummissjoni li beħsiebhom jagħtu appoġġ lill-vitikulturi għall-2014 billi jallokaw pagament skont l-Artikolu 103(o) tar-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (3). Għalhekk il-limiti massimi nazzjonali rispettivi msemmijin fl-Artikolu 40(1) tar-Regolament (KE) Nru 73/2009 għandhom jiġu adattati skont dan. |
|
(3) |
L-informazzjoni li jridu jagħtu l-Istati Membri skont l-Artikolu 188a(3) tar-Regolament (KE) Nru 1234/2007 dwar l-oqsma mħammla u skont l-Artikolu 40(1) tar-Regolament (KE) Nru 73/2009 dwar il-medja reġjonali tal-valur tal-drittijiet tal-oqsma mħammla meta jkun għadu mhux magħruf meta ġew stabbiliti l-limiti massimi msemmija fl-Artikolu 8 tar-Regolament (KE) Nru 73/2009, għall-2013, fl-Anness IV ta’ dan ir-Regolament kif emendat mir-Regolament (UE) Nru 671/2012 tal-Parlament Ewropew u tal-Kunsill (4). Għalhekk l-ammonti ta’ dawn il-limiti massimi huma msejsa fuq stimi. Wara n-notifiki tal-Ġermanja, il-Greċja, Spanja, Franza, l-Italja, il-Lussemburgu, l-Awstrija, il-Portugall u s-Slovenja f’konformità mal-Artikolu 188a(3) tar-Regolament (KE) Nru 1234/2007 u mal-Artikolu 40(1) tar-Regolament (KE) Nru 73/2009, għandha ssir reviżjoni tal-limiti massimi stabbiliti fl-Anness IV tar-Regolament (KE) Nru 73/2009 għall-2013. |
|
(4) |
Għaldaqstant, l-Anness IV u l-Anness VIII tar-Regolament (KE) Nru 73/2009 għandhom jiġu emendati skont dan. |
|
(5) |
Il-miżuri pprovduti f’dan ir-Regolament huma konformi mal-opinjoni tal-Kumitat ta’ Ġestjoni għall-Pagamenti Diretti, |
ADOTTAT DAN IR-REGOLAMENT:
Artikolu 1
L-Anness IV u l-Anness VIII tar-Regolament (KE) Nru 73/2009 huma emendati skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fis-seba’ jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-22 ta’ Marzu 2013.
Għall-Kummissjoni
Il-President
José Manuel BARROSO
(1) ĠU L 30, 31.1.2009, p. 16.
(2) ĠU L 82, 22.3.2013, p. 58.
ANNESS
L-Anness IV u l-Anness VIII tar-Regolament (KE) Nru 73/2009 huma emendati kif ġej:
|
(1) |
L-Anness IV jinbidel b’dan li ġej: “ANNESS IV Limiti massimi nazzjonali msemmijin fl-Artikolu 8
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
L-Anness VIII jinbidel b’dan li ġej: “ANNESS VIII Limiti massimi nazzjonali msemmijin fl-Artikolu 40 Tabella 1
Tabella 2 (*1)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(*1) Il-limiti massimi kkalkolati jqisu l-iskeda taż-żidiet inkrementali prevista fl-Artikolu 121.”