23.2.2013   

MT

Il-Ġurnal Uffiċjali tal-Unjoni Ewropea

L 52/11

(1)

Għandu jiġi pprovdut qafas biex jinġabru r-regoli applikabbli għall-obbligu tal-ikklerjar, l-applikazzjoni tiegħu, l-eżenzjonijiet possibbli u t-tekniki ta’ mitigazzjoni tar-riskji li għandhom jiġu stabbiliti meta ma jkunx jista’ jsir ikklerjar ma’ kontroparti ċentrali (CCP). Biex tkun żgurata l-koerenza bejn dawn id-dispożizzjonijiet, li għandhom jidħlu fis-seħħ fl-istess ħin, u biex tkun iffaċilitata stampa komprensiva u aċċess effiċjenti għall-partijiet interessati u b’mod partikolari dawk li huma soġġetti għall-obbligi, huwa xieraq li l-biċċa l-kbira tal-istandards tekniċi regolatorji meħtieġa skont it-Titolu II tar-Regolament (UE) Nru 648/2012 jinġabru f’Regolament wieħed.

(2)

Fid-dawl tan-natura globali tas-suq tad-derivattivi OTC (over the counter), dan ir-Regolament għandu jikkunsidra l-linji gwida u rakkomandazzjonijiet rilevanti miftiehma internazzjonalment dwar ir-riformi fis-suq tad-derivattivi OTC u l-ikklerjar obbligatorju kif ukoll ir-regoli relatati żviluppati f’ġurisdizzjonijiet oħra. B’mod partikolari l-qafas għad-determinazzjoni ta’ obbligu tal-ikklerjar iqis ir-rekwiżiti tal-Ikklerjar Obbligatorju ppubblikati mill-Organizzazzjoni Internazzjonali tal-Kummissjonijiet tat-Titoli. Dan se jsostni, kemm jista’ jkun, il-konverġenza lejn l-approċċ f’ġurisdizzjonijiet oħra.

(3)

Sabiex jiġu identifikati b’mod ċar għadd limitat ta’ kunċetti li joħorġu mir-Regolament (UE) Nru 648/2012, kif ukoll biex jiġu speċifikati t-termini tekniċi meħtieġa għall-iżvilupp ta’ dan l-istandard tekniku, għandhom jiġu definiti għadd ta’ termini.

(4)

Arranġament tal-ikklerjar indirett ma għandux jesponi CCP, membru tal-ikklerjar, klijent jew klijent indirett għal riskju tal-kontroparti addizzjonali u l-assi u l-pożizzjonijiet tal-klijent indiretti għandhom jibbenefikaw minn livell xieraq ta’ protezzjoni. Għalhekk huwa essenzjali li kwalunkwe tip ta’ arranġament tal-ikklerjar indirett jikkonforma mal-kondizzjonijiet minimi biex tiġi żgurata s-sigurtà tagħhom. Għal dak il-għan, il-partijiet involuti f’arranġamenti tal-ikklerjar indiretti għandhom ikunu soġġetti għal obbligi speċifiċi. Arranġamenti bħal dawn jestendu lil hinn mir-relazzjoni kuntrattwali bejn klijenti indiretti u l-klijent ta’ membru tal-ikklerjar li jipprovdi servizzi tal-ikklerjar indiretti.

(5)

Ir-Regolament (UE) Nru 648/2012 jirrikjedi li CCP tkun sistema stabbilita skont id-Direttiva 98/26/KE tal-Parlament Ewropew u tal-Kunsill tad-19 ta’ Mejju 1998 dwar finalità ta’ settlement fis-sistemi ta’ settlement ta’ pagamenti u titoli (3). Dan jimplika li l-membri tal-ikklerjar tas-CCPs għandhom jikkwalifikaw bħala parteċipanti fis-sens ta’ dik id-Direttiva. Għalhekk biex jiġi żgurat livell ekwivalenti ta’ protezzjoni lil klijenti indiretti kif mogħti lil klijenti skont ir-Regolament (UE) Nru 648/2012, huwa meħtieġ li jiġi żgurat li l-klijenti li jipprovdu servizzi tal-ikklerjar indiretti jkunu istituzzjonijiet tal-kreditu, ditti tal-investiment jew istituzzjonijiet ta’ kreditu jew ditti tal-investiment ekwivalenti minn pajjiż terz.

(6)

Għandhom jiġu stabbiliti arranġamenti tal-ikklerjar indiretti sabiex jiġi żgurat li l-klijenti indiretti jkunu jistgħu jiksbu livell ekwivalenti ta’ protezzjoni bħall-klijenti diretti f’xenarju ta’ inadempjenza. Wara l-falliment ta’ membru tal-ikklerjar li jiffaċilita arranġament tal-ikklerjar indirett, klijenti indiretti għandhom jiġu inklużi fit-trasferiment tal-pożizzjonijiet tal-klijenti lejn membru tal-ikklerjar alternattiv skont ir-rekwiżiti tal-portabbiltà stabbiliti fl-Artikoli 39 u 48 tar-Regolament (UE) Nru 648/2012. Salvagwardji xierqa kontra l-falliment ta’ klijent għandhom jeżistu wkoll fl-arranġamenti tal-ikklerjar indiretti u għandhom jappoġġjaw it-trasferiment tal-pożizzjonijiet indiretti tal-klijenti lejn fornitur alternattiv ta’ servizzi tal-ikklerjar.

(7)

Peress li l-arranġamenti tal-ikklerjar indiretti jistgħu jagħtu lok għal riskji speċifiċi, il-partijiet kollha inklużi f’arranġament tal-ikklerjar indiretti, inklużi l-membri tal-ikklerjar u s-CCPs, għandhom regolarment jidentifikaw, jimmonitorjaw u jimmaniġġjaw kwalunkwe riskji materjali li jirriżultaw mill-arranġament. Il-qsim xieraq tal-informazzjoni bejn l-klijenti li jipprovdu servizzi tal-ikklerjar indiretti u l-membri tal-ikklerjar li jiffaċilitaw dawk is-servizzi huwa speċjalment importanti f’dan il-kuntest. Il-membri tal-ikklerjar għandhom jużaw l-informazzjoni pprovduta mill-klijenti għal skopijiet ta’ mmaniġġjar tar-riskji biss u għandhom jimpedixxu l-użu ħażin ta’ informazzjoni kummerċjalment sensittiva, inkluż permezz tal-użu ta’ separazzjonijiet effettivi bejn id-diviżjonijiet differenti ta’ istituzzjoni finanzjarja biex jiġu evitati l-konflitti ta’ interess

(8)

Meta tawtorizza CCP sabiex tikklerja klassi ta’ derivattivi OTC, l-awtorità kompetenti hija meħtieġa tinnotifika l-Awtorità Ewropea tat-Titoli u s-Swieq (AETS). Din in-notifika għandha tinkludi informazzjoni dettaljata li hija meħtieġa sabiex l-AETS twettaq il-proċess ta’ valutazzjoni tagħha, inkluża l-informazzjoni dwar il-likwidità u l-volum tal-klassi rilevanti ta’ derivattivi OTC. Għalkemm l-informazzjoni timxi mingħand l-awtorità kompetenti lejn l-AETS, huwa s-CCP li tkun talbet l-awtorizzazzjoni li għandha inizjalment tipprovdi l-informazzjoni meħtieġa lill-awtoritajiet kompetenti li mbagħad ikunu jistgħu jikkomplimentawha.

(9)

Għalkemm l-informazzjoni kollha li għandha tiġi inkluża fin-notifika mill-awtorità kompetenti lill-AETS għall-fini tal-obbligu tal-ikklerjar tista’ mhux dejjem tkun disponibbli, speċjalment għal prodotti ġodda, għandhom jiġu pprovduti l-istimi disponibbli, inkluża indikazzjoni ċara tas-suppożizzjonijiet li saru. In-notifika għandu jkun fiha wkoll informazzjoni dwar il-kontropartijiet, bħalma huma t-tip u l-għadd ta’ kontropartijiet, il-passi meħtieġa biex jibdew jikklerjaw ma’ CCP, il-kapaċità ġuridika u operazzjonali tagħhom jew il-qafas tal-immaniġġjar tar-riskji tagħhom sabiex l-AETS tkun tista’ tivvaluta l-kapaċità tal-kontropartijiet attivi li jikkonformaw mal-obbligu tal-ikklerjar mingħajr ma jiddisturbaw lis-suq.

(10)

In-notifika mingħand l-awtorità kompetenti lill-AETS għandu jkun fiha informazzjoni fuq il-livell ta’ standardizzazzjoni, id-disponibbiltà tal-likwidità u tal-prezz, sabiex l-ESMA tivvaluta jekk klassi ta’ derivattivi OTC għandhiex tkun soġġetta għall-obbligu tal-ikklerjar. Il-kriterji relatati mal-istandardizzazzjoni tat-termini kuntrattwali u l-proċessi operattivi tal-klassi rilevanti tal-OTC huma indikatur tal-istandardizzazzjoni tat-termini ekonomiċi ta’ klassi ta’ derivattivi OTC peress li huwa biss meta tali termini ekonomiċi jiġu standardizzati li t-termini kontrattwali u l-proċessi operattivi jkunu jistgħu jiġu standardizzati. Il-kriterji relatati mad-disponibbiltà tal-likwidità u l-prezzijiet jiġu vvalutati mill-AETS b’konsiderazzjonijiet differenti mill-valutazzjoni mwettqa mill-awtorità kompetenti meta tawtorizza lis-CCP. Il-likwidità f’dan il-kuntest tiġi vvalutata fuq perspettiva usa’ u hija differenti mil-likwidità wara li jkun japplika l-obbligu tal-ikklerjar. B’mod partikolari, il-fatt li kuntratt ikun likwidu biżżejjed biex jiġi kklerjat minn CCP waħda ma jimplikax neċċessarjament li għandu jkun soġġett għall-obbligu tal-ikklerjar. Il-valutazzjoni tal-AETS ma għandux jirreplika jew jiddupplika l-analiżi li tkun diġà twettqet mill-awtorità kompetenti.

(11)

L-informazzjoni li għandha tiġi pprovduta mill-awtorità kompetenti għall-fini tal-obbligu tal-ikklerjar għandha tippermetti lill-AETS tivvaluta d-disponibbiltà tal-informazzjoni dwar l-ipprezzar. F’dan ir-rigward, l-aċċess ta’ CCP għall-informazzjoni dwar l-ipprezzar f’punt wieħed taż-żmien ma jfissirx li l-parteċipanti fis-suq ikunu jistgħu jaċċessaw l-informazzjoni dwar l-ipprezzar fil-ġejjieni. Bħala riżultat, il-fatt li CCP jkollha aċċess għall-informazzjoni tal-prezz meħtieġa biex timmaniġġja r-riskji tal-ikklerjar ta’ kuntratti tad-derivattivi f’ċertu klassi ta’ derivattivi OTC, ma jimplikax awtomatikament li din il-klassi ta’ derivattivi OTC għandha tkun soġġetta għall-obbligu tal-ikklerjar.

(12)

Il-livell tad-dettalji disponibbli fir-reġistru tal-klassijiet ta’ kuntratti tad-derivattivi OTC soġġetti għall-obbligu tal-ikklerjar jiddependi fuq ir-rilevanza ta’ dawn id-dettalji biex tiġi identifikata kull klassi ta’ kuntratti ta’ derivattivi OTC. B’riżultat ta’ dan il-livell ta’ dettalji fir-reġistru jista’ jvarja bejn il-klassijiet differenti ta’ kuntratti tad-derivattivi OTC.

(13)

Il-permess għall-aċċess minn diversi CCPs għal ċentru tat-tranżazzjonijiet iwessa’ l-aċċess tal-parteċipanti għal dak iċ-ċentru u għalhekk isaħħaħ il-likwidità kumplessiva. Madankollu huwa meħtieġ f’dawn iċ-ċirkustanzi li jiġi speċifikat il-kunċett ta’ frammentazzjoni tal-likwidità f’ċentru f’każ li dan jista’ jhedded l-funzjonament bla xkiel u fl-ordni tas-swieq għall-klassi ta’ strumenti finanzjarji li għalihom issir it-talba.

(14)

Il-valutazzjoni tal-awtorità kompetenti taċ-ċentru tat-tranżazzjonijiet mingħand min CCP tkun talbet aċċess u tal-awtorità kompetenti tas-CCP għandhom ikunu bbażati fuq il-mekkaniżmi disponibbli biex tiġi evitata l-frammentazzjoni tal-likwidità f’ċentru tat-tranżazzjonijiet.

(15)

Biex tiġi evitata l-frammentazzjoni tal-likwidità, il-parteċipanti kollha f’ċentru tat-tranżazzjonijiet għandhom ikunu kapaċi jikklerjaw it-tranżazzjonijiet kollha mwettqa bejniethom. Madankollu, ma jkunx proporzjonat li l-membri kollha tal-ikklerjar ta’ CCP eżistenti jkunu meħtieġa jsiru wkoll membri tal-ikklerjar ta’ kwalunkwe CCP ġdida li taqdi lil dan iċ-ċentru tat-tranżazzjonijiet. Fejn hemm entitajiet li huma membri tal-ikklerjar taż-żewġ CCPs, dawn jistgħu jiffaċilitaw it-trasferiment u l-ikklerjar tat-tranżazzjonijiet eżegwiti minn parteċipanti tas-suq moqdija separatament miż-żewġ CCPs, biex ikun limitat ir-riskju tal-frammentazzjoni likwidità. Madankollu, huwa importanti li talba għall-aċċess għal ċentru tat-tranżazzjonijiet minn CCP ma tifframmentax il-likwidità b’mod li jiżdiedu r-riskji li għalihom hija skoperta s-CCP eżistenti.

(16)

Skont l-Artikolu 8(4) tar-Regolament (UE) Nru 648/2012, talba għal aċċess għal ċentru tat-tranżazzjonijiet minn CCP ma għandhiex teħtieġ l-interoperabbiltà, u konsegwentement, dan ir-Regolament ma għandux jippreskrivi l-interoperabbiltà bħala l-uniku mod biex tissolva l-frammentazzjoni tal-likwidità. Madankollu, dan ir-Regolament ma għandux jipprekludi CCPs milli jidħlu f’tali arranġament fuq bażi volontarja jekk ikunu ssodisfati l-kundizzjonijiet meħtieġa għall-istabbiliment tiegħu

(17)

Sabiex jiġi stabbilit liema kuntratti tad-derivattivi OTC huma oġġettivament miżurabbli bħala li jnaqqsu r-riskji relatati direttament mal-attività kummerċjali jew l-attività ta’ finanzjament tat-teżor, il-kontropartijiet nonfinanzjarji għandhom japplikaw wieħed mill-kriterji previsti f’dan ir-Regolament inkluż id-definizzjoni tal-kontabbiltà bbażata fuq ir-regoli tal-Istandards Internazzjonali ta’ Rapportar Finanzjarju (IFRS). Id-definizzjoni tal-kontabbiltà tista’ tintuża minn kontropartijiet anki jekk dawn ma japplikawx ir-regoli tal-IFRS. Għal dawk il-kontropartijiet nonfinanzjarji li jistgħu jużaw regoli tal-kontabbiltà lokali, huwa mistenni li l-parti l-kbira tal-kuntratti kklassifikati bħala ħeġġing skont ir-regoli lokali tal-kontabbiltà jaqgħu fi ħdan id-definizzjoni ġenerali tal-kuntratti li jnaqqsu r-riskji relatati direttament mal-attività kummerċjali jew attività tal-finanzjament tat-teżor previsti f’dan ir-Regolament.

(18)

F’xi ċirkostanzi, jista’ ma jkunx possibbli li tiħħeġġja riskju bl-użu ta’ kuntratt tad-derivattivi relatat direttament kuntratt b’eżattament l-istess sottostanti u d-data tas-saldu bħar-riskju li jkun qed jiġi kopert. F’każ bħal dan, il-kontroparti nonfinanzjarja tista’ tuża ħeġġing abbażi ta’ indikatur permezz ta’ strument korrelat mill-qrib biex tkopri l-iskopertura tagħha bħal strument b’termini sottostanti differenti iżda qrib ħafna ta’ mġiba ekonomika. Barra minn hekk, ċerti gruppi ta’ kontropartijiet nonfinanzjarji li jidħlu f’kuntratti tad-derivattivi OTC, permezz ta’ entità uniku, biex jiħħeġġjaw ir-riskju tagħhom fir-rigward tar-riskji kumplessivi tal-grupp jistgħu jużaw ħeġġing makro jew tal-portafoll. Dak il-ħeġġing makro, tal-portafoll jew abbażi ta’ indikatur ta’ kuntratti tad-derivattivi OTC jistgħu jikkostitwixxu ħeġġing għall-iskop ta’ dan ir-Regolament u għandhom jiġu meqjusa skont il-kriterji għall-istabbiliment ta’ liema kuntratti tad-derivattivi OTC qegħdin oġġettivament jitnaqqsu r-riskji.

(19)

Riskju jista’ jevolvi maż-żmien u sabiex jadattaw għall-evoluzzjoni tar-riskji, il-kuntratti tad-derivattivi OTC inizjalment eżegwiti biex inaqqsu r-riskji relatati ma’ attività kummerċjali jew finanzjament tat-teżor jistgħu jkollhom jiġu paċuti permezz ta’ użu addizzjonali ta’ kuntratti ta’ derivattivi OTC. Bħala riżultat, il-ħeġġing ta’ riskju jista’ jintlaħaq b’kombinazzjoni ta’ kuntratti tad-derivattivi OTC inkluż kuntratti tad-derivattivi OTC ta’ tpaċija li jtemmu lil dawk il-kuntratti tad-derivattivi OTC li ma baqgħux relatati mar-riskju kummerċjali jew ta’ finanzjament tat-teżor.

(20)

Il-firxa tar-riskji relatati direttament ma’ attivitajiet kummerċjali u finanzjament tat-teżor hija wiesgħa ħafna u tvarja skont is-setturi ekonomiċi differenti. Riskji relatati mal-attivitajiet kummerċjali huma tipikament marbuta mal-inputs għall-funzjoni produttiva ta’ kumpanija kif ukoll prodotti u servizzi li tbigħ jew tipprovdi. Attivitajiet ta’ finanzjament tat-teżor huma tipikament relatati mal-immaniġġjar tal-finanzjament fuq terminu ta’ żmien qasir u twil ta’ entità, inkluż id-dejn tagħha, u l-modi kif tinvesti r-riżorsi finanzjarji li tiġġenera, jew ikollha, inkluż l-immaniġġjar tal-flus. Attivitajiet ta’ finanzjament tat-teżor u attivitajiet kummerċjali jistgħu jiġu affettwati minn sorsi ta’ riskji komuni, bħall-kambju, il-prezzijiet tal-komoditajiet, l-inflazzjoni jew ir-riskju tal-kreditu. Minħabba li d-derivattivi OTC huma konklużi biex jiħħeġġjaw riskju partikolari, meta jiġu analizzati r-riskji marbuta direttament ma’ attivitajiet kummerċjali jew ta’ finanzjament tat-teżor, dawk ir-riskji għandhom jiġu definiti b’mod konsistenti li jkopri ż-żewġ attivitajiet. Barra minn hekk, is-separazzjoni taż-żewġ kunċetti tista’ jkollha konsegwenzi mhux intenzjonati, minħabba li skont is-settur li fih joperaw il-kontropartijiet nonfinanzjarji, riskju partikolari jista’ jiġi ħħeġġjat taħt attività kummerċjali jew taħt attività ta’ finanzjament tat-teżor.

(21)

Filwaqt li l-limiti tal-ikklerjar għandhom jiġu stabbiliti b’konsiderazzjoni għar-rilevanza sistemika tar-riskji relatati, huwa importanti li wieħed jikkunsidra li d-derivattivi OTC li jnaqqsu r-riskji huma esklużi mill-kompjutazzjoni tal-limiti tal-ikklerjar u li l-limiti tal-ikklerjar jippermettu eċċezzjoni għall-prinċipju tal-obbligu tal-ikklerjar għal dawk il-kuntratti tad-derivattivi OTC li jistgħu jitqiesu li mhumiex konklużi għal għanijiet ta’ ħħeġġjar. Aktar speċifikament, il-valur tal-limiti tal-ikklerjar għandhom jiġu riveduti perjodikament u għandhom jiġu ddeterminati skont il-klassi tal-kuntratti tad-derivattivi OTC. Il-klassijiet tad-derivattivi OTC determinati għall-iskop tal-limiti tal-ikklerjar jistgħu jkunu differenti mill-klassijiet tad-derivattivi OTC għall-iskop tal-obbligu tal-ikklerjar. Meta ġie stipulat il-valur tal-limitu tal-ikklerjar, għandha titqies kif dovut il-ħtieġa li jiġi ddefinit indikatur uniku li jirrifletti r-rilevanza sistemika tas-somma tal-pożizzjonijiet netti u l-iskoperturi għal kull kontroparti u għal kull klassi tal-assi tad-derivattivi OTC. Barra minn hekk, peress li l-limiti tal-ikklerjar qed jintużaw minn kontropartijiet nonfinanzjarji, għandu jkun sempliċi li jiġu implimentati.

(22)

Id-determinazzjoni tal-valur tal-limiti tal-ikklerjar għandhom iqisu r-rilevanza sistemika tas-somma tal-pożizzjonijiet netti u l-iskoperturi għal kull kontroparti u kull klassi ta’ derivattivi OTC skont ir-Regolament (UE) Nru 648/2012. Madankollu, għandu jitqies li dawn il-pożizzjonijiet u l-iskoperturi netti huma differenti minn skopertura netta għall-kontropartijiet kollha u l-klassi sħiħa ta’ assi. Barra minn hekk, f’konformità mar-Regolament (UE) Nru 648/2012 dawn il-pożizzjonijiet netti għandhom jingħaddu sabiex tiġi ddeterminata d-data li trid titqies biex jiġu stipulati l-limiti tal-ikklerjar. Hija s-somma gross totali li tirriżulta miż-żieda ta’ dawn il-pożizzjonijiet netti li għandha titqies meta jiġu stabbiliti l-limiti tal-ikklerjar. Il-valur nozzjonali gross li jirriżulta minn dik iż-żieda għandu jintuża bħala referenza biex jiġu stabbiliti l-limiti tal-ikklerjar.

(23)

Barra minn hekk, l-istruttura tal-attività tad-derivattivi OTC ta’ kontropartijiet nonfinanzjarji normalment twassal għal livell baxx ta’ nnettjar peress li l-kuntratti tad-derivattivi OTC jiġu konklużi fl-istess direzzjoni. Bħala riżultat, id-differenza bejn is-somma tal-pożizzjonijiet netti u l-iskoperturi għal kull kontroparti u għal kull klassi ta’ derivattivi OTC tkun qrib ħafna tal-valur gross tal-kuntratti. Għalhekk, u sabiex jintlaħaq l-għan tas-sempliċità, il-valur gross tal-kuntratti tad-derivattivi OTC għandu jintuża bħala indikatur validu tal-kejl li jrid jitqies fid-determinazzjoni tal-limitu tal-ikklerjar.

(24)

Minħabba li n-nonfinanzjarji li ma jaqbżux il-limitu tal-ikklerjar mhumiex meħtieġa jagħmlu valwazzjoni skont is-suq tal-kuntratti tad-derivattivi OTC tagħhom, ma jkunx raġonevoli li dan il-kejl jintuża sabiex jiġu ddeterminati l-limiti tal-ikklerjar peress li dan kieku jimponi piż kbir fuq in-nonfinanzjarji li ma jkunx proporzjonat mar-riskju li jindirizza. Minflok, l-użu tal-valur nozzjonali tal-kuntratti tad-derivattivi OTC jippermetti approċċ sempliċi li ma jkunx skopert għal avvenimenti esterni għan-nonfinanzjarji.

(25)

Il-qbiż ta’ wieħed mill-valuri stabbiliti għal klassi ta’ derivattivi OTC għandu jiskatta l-qbiż tal-limitu tal-ikklerjar għall-klassijiet kollha, minħabba li l-kuntratti tad-derivattivi OTC li jnaqqsu r-riskji huma esklużi mill-kalkolu tal-limitu tal-ikklerjar, bil-konsegwenzi li l-qbiż tal-limitu tal-ikklerjar humiex relatati biss mal-obbligu tal-ikklerjar iżda jestendi għat-tekniki tal-mitigazzjoni tar-riskji, u l-approċċ għall-obbligi rilevanti skont ir-Regolament (UE) Nru 648/2012 applikabbli għal kontropartijiet nonfinanzjarji għandu jkun sempliċiment minħabba n-natura mhux sofistikata tal-biċċa l-kbira tagħhom.

(26)

Għal dawk il-kuntratti tad-derivattivi OTC li mhumiex ikklerjati, għandhom japplikaw tekniki tal-mitigazzjoni tar-riskji, bħal konferma f’waqtha. Il-konferma ta’ kuntratti tad-derivattivi OTC tista’ tirreferi għal ftehim qafas wieħed jew aktar, ftehimiet qafas ta’ konferma, jew termini standard oħra. Tista’ tieħu l-forma ta’ kuntratt eżegwit elettronikament jew dokument iffirmat miż-żewġ kontropartijiet.

(27)

Huwa essenzjali li l-kontropartijiet jikkonfermaw it-termini tat-tranżazzjonijiet tagħhom mill-aktar fis possibbli wara l-eżekuzzjoni tat-tranżazzjoni, speċjalment meta t-tranżazzjoni tiġi pproċessata jew titwettaq elettronikament, sabiex ikun żgurat ftehim komuni u ċertezza legali tat-termini tat-tranżazzjoni. Kontropartijiet li jidħlu f’kuntratti tad-derivattivi OTC mhux standard jew kumplessi, b’mod partikolari, jista’ jkollhom bżonn jimplimentaw għodod sabiex jikkonformaw mar-rekwiżit li jikkonferma l-kuntratti tad-derivattivo OTC tagħhom fil-ħin. Il-konferma fil-ħin tantiċipa wkoll li f’dan il-qasam jistgħu jevolvu prassi rilevanti tas-suq.

(28)

Biex ir-riskji jkomplu jiġu mmitigati, rikonċiljazzjoni tal-portafoll tippermetti lil kull kontroparti twettaq analiżi komprensiva ta’ portafoll ta’ tranżazzjonijiet kif jidhru mill-kontroparti tagħha sabiex jiġi identifikat fil-pront kwalukwe nuqqas ta’ ftehim fit-termini ewlenin tat-tranżazzjonijiet. Tali termini għandhom jinkludu valwazzjoni ta’ kull tranżazzjoni u jistgħu jinkludu wkoll dettalji rilevanti oħra bħad-data effettiva, id-data skedata tal-maturità, kwalunkwe pagament jew data tas-saldu, il-valur nozzjonali tal-kuntratt u l-munita tat-tranżazzjoni, l-istrument sottostanti, il-pożizzjoni tal-kontropartijiet, il-konvenzjoni dwar il-ġurnata tax-xogħol u kwalunkwe rata fissa jew varjabbli rilevanti tal-kuntratt tad-derivattivi OTC.

(29)

Fid-dawl tal-profili differenti tar-riskji u sabiex ir-rikonċiljazzjoni tal-portafoll tkun teknika tal-mitigazzjoni tar-riskju proporzjonata, il-frekwenza tar-rikonċiljazzjoni u d-daqs tal-portafoll li se jitqies għandhom ikunu differenti skont in-natura tal-kontropartijiet. Għandhom jiġu applikati rekwiżiti aktar eżiġenti kemm għall-kontropartijiet finanzjarji kif ukoll għall-kontropartijiet nonfinanzjarji li jaqbżu l-limitu tal-ikklerjar filwaqt li għandhom japplikaw frekwenzi aktar baxxi għall-kontrapartijiet nonfinanzjarji li ma jaqbżux il-limitu tal-ikklerjar, irrispettivament mill-kategorija tal-kontroparti tagħhom li tgawdi wkoll minn din ir-rikonċiljazzjoni inqas frekwenti għal dik il-parti tal-portafoll tagħha.

(30)

Kompressjoni tal-portafoll tista’ wkoll tkun għodda effiċjenti għall-iskopijiet tal-mitigazzjoni tar-riskji skont iċ-ċirkostanzi, bħalma huma d-daqs tal-portafoll ma’ kontroparti, il-maturità, l-iskop u l-livell tal-istandardizzazzjoni tal-kuntratti tad-derivattivi OTC. Il-kontropartijiet finanzjarji u l-kontropartijiet nonfinanzjarji li għandhom portafoll ta’ kuntratti tad-derivattivi OTC mhux ikklerjati minn CCP ‘il fuq mil-livell stabbilit f’dan ir-Regolament għandu jkollhom proċeduri fis-seħħ biex janalizzaw il-possibbiltà li jużaw kompressjoni tal-portafoll li tippermettilhom inaqqsu r-riskji tal-kreditu tal-kontroparti tagħhom.

(31)

Ir-riżoluzzjoni tat-tilwim għandha l-għan li timmitiga r-riskji li jirriżultaw minn kuntratti li ma jiġux ikklerjati ċentralment. Meta derivattivi OTC jidħlu fi tranżazzjonijiet ma’ xulxin, il-kontropartijiet għandu jkollhom qafas miftiehem biex isolvu kwalunkwe tilwima relatata li tista’ tinqala’. Il-qafas għandu jirreferi għal mekkaniżmi ta’ riżoluzzjoni bħal arbitraġġ terz jew mekkaniżmu ta’ stħarriġ mis-suq. Il-qafas għandu l-għan li jevita li t-tilwim mhux solvut jikber u jesponi lill-kontropartijiet għal riskji addizzjonali. It-tilwim għandu jiġu identifikat, immaniġġjati u divulgat b’mod xieraq.

(32)

Sabiex jiġu speċifikati l-kundizzjonijiet tas-suq li jimpedixxu l-valwazzjoni skont is-suq, huwa meħtieġ li jiġu speċifikati swieq inattivi. Suq jista’ jkun inattivi għal diversi raġunijiet inkluż meta ma jseħħux tranżazzjonijiet tas-suq b’mod regolari fuq bażi distakkata, fejn bażi distakkata għandu jkollha l-istess tifsira bħal għall-iskopijiet tal-kontabbiltà.

(33)

Dan ir-Regolament japplika għal kontropartijiet finanzjarji u l-kontropartijiet nonfinanzjarji ‘il fuq mil-limitu tal-ikklerjar u jqis id-Direttiva 2006/49/KE tal-Parlament Ewropew u tal-Kunsill tal-14 ta’ Ġunju 2006 dwar l-adegwatezza tal-kapital ta’ kumpaniji tal-investiment u istituzzjonijiet ta’ kreditu (4), li tistabbilixxi wkoll rekwiżiti li għandhom jiġu ssodisfati meta ssir valwazzjoni skont mudell.

(34)

Għalkemm id-disinn tal-mudell użat għall-valwazzjoni skont mudell jista’ jiġi żviluppat internament jew esternament, sabiex tiġi żgurata r-responsabbiltà xierqa, l-approvazzjoni tal-mudell hija r-responsabbiltà tal-bord tad-diretturi jew tal-kumitat delegat ta’ dan il-bord.

(35)

Meta kontropartijiet ikunu jistgħu japplikaw eżenzjoni intragrupp wara n-notifika tagħhom lill-awtoritajiet kompetenti iżda mingħajr ma jistennew tmiem il-perjodu ta’ nuqqas ta’ oġġezzjoni minn dawk l-awtoritajiet kompetenti, huwa importanti li jiġi żgurat li l-awtoritajiet kompetenti jiksbu informazzjoni fil-ħin, xierqa u suffiċjenti biex jivvalutaw jekk għandhomx joġġezzjonaw għall-użu tal-eżenzjoni.

(36)

Id-daqs, il-volumi u l-frekwenza antiċipati tal-kuntratti tad-derivattivi OTC intragrupp jistgħu jkunu ddeterminati fuq il-bażi tat-tranżazzjonijiet intragrupp storiċi tal-kontropartijiet kif ukoll abbażi tal-mudell antiċipat u l-attività mistennija fil-futur.

(37)

Meta kontropartijiet japplikaw eżenzjoni intragrupp, huma għandhom jiddivulgaw pubblikament informazzjoni sabiex tiġi żgurata t-trasparenza fir-rigward tal-parteċipanti tas-suq u l-kredituri potenzjali. Dan huwa partikolarment importanti għal kredituri potenzjali tal-kontropartijiet f’termini ta’ valutazzjoni tar-riskji. Id-divulgazzjoni għandha l-għan li timpedixxi l-perċezzjoni ħażina li l-kuntratti tad-derivattivi OTC huma kklerjati ċentralment jew soġġetti għal tekniki tal-mitigazzjoni tar-riskji meta dan ma jkunx il-każ.

(38)

Il-qafas ta’ żmien biex tinkiseb konferma fil-ħin jeħtieġ sforzi ta’ adattament fosthom tal-bidliet fil-prassi tas-suq u t-tisħiħ tas-sistemi tal-IT. Minħabba li r-ritmu tal-adattament għall-konformità jista’ jvarja skont il-kategorija tal-kontrapartijiet u l-klasis tal-assi tad-derivattivi OTC, l-istipular ta’ dati progressivi tal-applikazzjoni li jirrispondu għal dawn id-differenzi jippermetti t-tisħiħ tal-qafas ta’ żmien għall-konferma ta’ dawk il-kontropartijiet u l-prodotti li jistgħu jkunu lesti aktar malajr.

(39)

L-istandards stabbiliti għar-rikonċiljazzjoni tal-portafoll, il-kompressjoni tal-portafoll jew ir-riżoluzzjoni tat-tilwim jeħtieġu lill-kontropartijiet jistabbilixxu proċeduri, politiki, proċessi, u jemendaw dokumentazzjoni li jieħdu iż-żmien. Id-dħul fis-seħħ tar-rekwiżiti relatati għandu jitressaq lura sabiex jingħata żmien lill-kontropartijiet jieħdu l-passi meħtieġa biex jikkonformaw.

(40)

Dan ir-Regolament huwa bbażat fuq l-abbozz tal-istandards tekniċi regolatorji sottomess mill-Awtorità Ewropea tat-Titoli u s-Swieq lill-Kummissjoni.

(41)

Skont l-Artikolu 10 tar-Regolament (UE) Nru 1095/2010 tal-Parlament Ewropew u tal-Kunsill (5), l-AETS wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010,

(a)

“klijent indirett” tfisser klijent ta’ klijent ta’ membru tal-ikklerjar;

(b)

“arranġament tal-ikklerjar indirett” tfisser is-sett ta’ relazzjonijiet kuntrattwali bejn il-kontroparti ċentrali (CCP), lill-membru tal-ikklerjar, il-klijent ta’ membru tal-ikklerjar u l-klijent indirett li jippermetti lill-klijent ta’ membru tal-ikklerjar jipprovdi servizzi tal-ikklerjar lil klijent indirett;

(c)

“konferma” tfisser id-dokumentazzjoni tal-ftehim tal-kontropartijiet għat-termini kollha ta’ kuntratt tad-derivattivi OTC (over the counter).

(a)

iżomm rekords u kontijiet separati li jippermettu li kull klijent jiddistingwi fil-kontijiet mal-membru tal-ikklerjar l-assi u l-pożizzjonijiet tal-klijent minn dawk miżmuma għall-kontijiet tal-klijenti indiretti tiegħu;

(b)

iżommu rekords u kontijiet separati li jippermettu lil kull klijent jiddistingwi fil-kontijiet mal-membru tal-ikklerjar l-assi u l-pożizzjonijiet miżmuma għall-kont ta’ klijent indirett minn dawk miżmuma għall-kont ta’ klijenti indiretti oħra.

(a)

l-identifikazzjoni tal-klassi tal-kuntratti tad-derivattivi OTC;

(b)

l-identifikazzjoni tal-kuntratti tad-derivattivi OTC fil-klassi tal-kuntratti tad-derivattivi OTC;

(c)

informazzjoni oħra li għandha tiġi inkluża fir-reġistru pubbliku skont l-Artikolu 8;

(d)

kwalunkwe karatteristika oħra neċessarja biex wieħed jiddistingwi bejn kuntratti tad-derivattivi OTC fil-klassi tal-kuntratti tad-derivattivi OTC minn kuntratti tad-derivattivi OTC li mhumiex ta’ dik il-klassi;

(e)

evidenza tal-livell ta’ standardizzazzjoni tat-termini kuntrattwali u l-proċessi operazzjonali għall-klassi rilevanti ta’ kuntratti tad-derivattivi OTC;

(f)

dejta dwar il-volum tal-klassi tal-kuntratti tad-derivattivi OTC;

(g)

dejta dwar il-likwidità tal-klassi tal-kuntratti tad-derivattivi OTC;

(h)

evidenza tad-disponibbiltà għall-parteċipanti fis-suq ta’ informazzjoni dwar l-ipprezzar ġusta, affidabbli u ġeneralment aċċettata għall-kuntratti fil-klassi tal-kuntratti tad-derivattivi OTC;

(i)

evidenza tal-impatt tal-obbligu tal-ikklerjar fuq id-disponibbiltà tal-informazzjoni dwar l-ipprezzar għall-parteċipanti fis-suq.

(a)

id-dejta rilevanti għall-valutazzjoni tal-volum mistenni tal-klassi ta’ kuntratti tad-derivattivi OTC jekk isir soġġett għall-obbligu tal-ikklerjar;

(b)

evidenza tal-abilità tas-CCP li timmaniġġa l-volum mistenni tal-klassi ta’ kuntratti tad-derivattivi OTC jekk isir soġġett għall-obbligu tal-ikklerjar u biex timmaniġġja r-riskju li jinħoloq mill-ikklerjar tal-klassi rilevanti tal-kuntratti tad-derivattivi OTC, inkluż permezz ta’ arranġamenti tal-ikklerjar tal-klijenti jew tal-klijenti indiretti;

(c)

it-tip u l-għadd ta’ kontropartijiet attivi u mistennija li jkunu attivi fis-suq għall-klassi ta’ kuntratti tad-derivattivi OTC jekk isir soġġett għall-obbligu tal-ikklerjar;

(d)

ħarsa ġenerali lejn il-kompiti differenti li għandhom jitwettqu sabiex wieħed jibda jikklerja mas-CCP, flimkien mad-determinazzjoni taż-żmien meħtieġ sabiex jitwettaq kull kompitu;

(e)

informazzjoni dwar l-immaniġġjar tar-riskji, il-kapaċità ġuridika u operazzjonali tal-firxa tal-kontropartijiet attivi fis-suq għall-klassi ta’ kuntratti tad-derivattivi OTC jekk isir soġġett għall-obbligu tal-ikklerjar.

(a)

l-għadd ta’ tranżazzjonijiet;

(b)

il-volum totali;

(c)

l-interess miftuħ totali;

(d)

il-profondità tal-ordnijiet inkluż l-għadd medju ta’ ordnijiet u tat-talbiet għal kwotazzjonijiet;

(e)

il-firxa tal-ispreads;

(f)

il-kejl tal-likwidità f’kundizzjonijiet tas-suq taħt stress;

(g)

il-kejl tal-likwidità għall-eżekuzzjoni ta’ proċeduri ta’ inadempjenza.

(a)

jekk it-termini kuntrattwali tal-klassi rilevanti tal-kuntratti tad-derivattivi OTC jinkorporawx dokumentazzjoni ġuridika, inkluż ftehimiet qafas ta’ nnettjar, definizzjonijiet, termini standard u l-konfermi li jistabbilixxu l-ispeċifikazzjonijiet tal-kuntratt komunement użati minn kontropartijiet;

(b)

jekk il-proċessi operazzjonali ta’ dik il-klassi rilevanti ta’ kuntratti tad-derivattivi OTC humiex soġġetti għal proċessar awtomatizzat ta’ wara n-negozju u avvenimenti taċ-ċiklu tal-ħajja li huma mmaniġġjati b’mod komuni skont skeda bi qbil wiesa’ fost il-kontropartijiet.

(a)

jekk il-marġni jew ir-rekwiżiti finanzjarji tas-CCP ikunux proporzjonati mar-riskju li l-obbligu tal-ikklerjar għandu l-għan jimmitiga;

(b)

l-istabbiltà tad-daqs tas-suq u l-intensità fir-rigward tal-prodott matul iż-żmien;

(c)

il-probabbiltà li d-dispersjoni tas-suq tibqa’ biżżejjed f’każ ta’ inadempjenza ta’ membru tal-ikklerjar;

(d)

l-għadd u l-valur tat-tranżazzjonijiet.

(a)

il-klassi tal-assi ta’ kuntratti tad-derivattivi OTC;

(b)

it-tip ta’ kuntratti tad-derivattivi OTC fil-klassi;

(c)

is-sottostanti tal-kuntratti tad-derivattivi OTC fil-klassi;

(d)

għas-sottostanti li jkunu strumenti finanzjarji, indikazzjoni ta’ jekk is-sottostanti huwiex strument finanzjarju uniku jew emittent jew indiċi jew portafoll;

(e)

għal sottostanti oħra indikazzjoni tal-kategorija tas-sottostanti;

(f)

il-muniti nozzjonali u tas-saldu tal-kuntratti tad-derivattivi OTC fil-klassi;

(g)

il-firxa tal-maturitajiet ta’ kuntratti tad-derivattivi OTC fil-klassi;

(h)

il-kundizzjonijiet tas-saldu tal-kuntratti tad-derivattivi OTC fil-klassi;

(i)

il-firxa tal-frekwenza tal-pagamenti ta’ kuntratti tad-derivattivi OTC fil-klassi;

(j)

l-identifikatur tal-prodott tal-klassi rilevanti ta’ kuntratti tad-derivattivi OTC;

(k)

kwalunkwe karatteristika oħra meħtieġa biex wieħed jiddistingwixxi kuntratt wieħed fil-klassi rilevanti ta’ kuntratti tad-derivati OTC minn ieħor.

(a)

il-kodiċi tal-identifikazzjoni, skont l-Artikolu 3 tar-Regolament ta’ Implimentazzjoni tal-Kummissjoni (UE) Nru 1247/2012 (6);

(b)

l-isem sħiħ;

(c)

il-pajjiż tal-istabbiliment;

(d)

l-awtorità kompetenti maħtura skont l-Artikolu 22 tar-Regolament (UE) Nru 648/2012.

(a)

l-identifikazzjoni tal-kategoriji tal-kontropartijiet li għalihom japplika kull perjodu ta’ dħul gradwali;

(b)

kwalunkwe kundizzjoni oħra meħtieġa skont l-istandards tekniċi regolatorji adottati skont l-Artikolu 5(2) tar-Regolament (UE) Nru 648/2012, biex japplika l-perjodu ta’ dħul gradwali.

(a)

l-identifikazzjoni tas-CCP;

(b)

il-klassi tal-assi tal-kuntratti tad-derivattivi OTC li huma nnotifikati;

(c)

it-tip ta’ kuntratti tad-derivattivi OTC;

(d)

id-data tan-notifika;

(e)

l-identifikazzjoni tal-awtorità kompetenti li tinnotifika.

(a)

mill-inqas waħda mis-CCPs komuni;

(b)

arranġamenti tal-ikklerjar stabbiliti mis-CCPs.

(a)

ikopri r-riskji li jirriżultaw minn bidla potenzjali fil-valur tal-assi, servizzi, inputs, prodotti, komoditajiet jew obbligazzjonijiet li l-kontroparti nonfinanzjarja jew grupp tagħha jippossjedu, jipproduċu, jimmanifatturaw, jipproċessaw, jipprovdu, jixtru, jikkummerċjalizzaw, jikru, jbigħu jew iġġarrabu jew li b’mod raġonevoli jantiċipaw li se jippossjedu, jipproduċu, jimmanifatturaw, jipproċessaw, jipprovdu, jixtru, jikkummerċjalizzaw, jikru, jbigħu jew iġġarrbu tul il-kors normali tal-operat tagħha;

(b)

tkopri r-riskji li jirriżultaw mill-impatt indirett potenzjali fuq il-valur tal-assi, is-servizzi, l-inputs, il-prodotti, il-komoditajiet jew l-obbligazzjonijiet imsemmija fil-punt (a), li jirriżultaw minn varjazzjoni tar-rati tal-imgħax, ir-rati tal-inflazzjoni, ir-rati tal-kambju jew ir-riskju tal-kreditu;

(c)

tikkwalifika bħala kuntratt ta’ ħħeġġjar skont l-Istandards Internazzjonali tar-Rappurtar Finanzjarju (IFRS) adottati skont l-Artikolu 3 tar-Regolament (KE) Nru 1606/2002 tal-Parlament Ewropew u tal-Kunsill (7).

(a)

EUR 1 biljun f’valur gross nozzjonali għal kuntratti tad-derivattivi OTC;

(b)

EUR 1 biljun f’valur gross nozzjonali għal kuntratti tad-derivattivi tal-ekwità OTC;

(c)

EUR 3 biljuni f’valur gross nozzjonali għal kuntratti tad-derivattivi ta’ rata tal-imgħax OTC;

(d)

EUR 3 biljuni f’valur gross nozzjonali għal kuntratti tad-derivattivi tal-kambju OTC;

(e)

EUR 3 biljuni f’valur gross nozzjonali għal kuntratti tad-derivattivi tal-komoditajiet OTC u kuntratti tad-derivattivi OTC oħrajn mhux previsti fil-punti (a) sa (d).

(a)

għal swaps ta’ inadempjenza ta’ kreditu u swaps tar-rati tal-imgħax li jiġu konklużi sa u inkluż it-28 ta’ Frar 2014, sa tmiem it-tieni jum ta’ negozju wara d-data tal-eżekuzzjoni tal-kuntratt tad-derivattivi OTC;

(b)

għal swaps ta’ inadempjenza ta’ kreditu u swaps tar-rati tal-imgħax li jiġu konklużi wara t-28 ta’ Frar 2014, sa tmiem il-jum ta’ negozju wara d-data tal-eżekuzzjoni tal-kuntratt tad-derivattivi OTC;

(c)

għal swaps ta’ ekwità, swaps tal-kambju, swaps ta’ komoditajiet u d-derivattivi l-oħra kollha mhux previsti fil-punt(a) li jiġu konklużi sa u inkluż il-31 ta’ Awwissu 2013, sa tmiem it-tielet jum ta’ negozju wara d-data tal-eżekuzzjoni tal-kuntratt tad-derivattivi;

(d)

għal swaps ta’ ekwità, swaps tal-kambju, swaps ta’ komoditajiet u d-derivattivi l-oħra kollha mhux previsti fil-punt (a) li jiġu konklużi wara l-31 ta’ Awwissu 2013, sa u inkluż il-31 ta’ Awwissu 2014, sa tmiem it-tieni jum ta’ negozju wara d-data tal-eżekuzzjoni tal-kuntratt tad-derivattivi;

(e)

għal swaps ta’ ekwità, swaps tal-kambju, swaps ta’ komoditajiet u d-derivattivi l-oħra kollha mhux previsti fil-punt (a) li jiġu konklużi wara l-31 ta’ Awwissu 2014 sa tmiem il-jum ta’ negozju wara d-data tal-eżekuzzjoni tal-kuntratt tad-derivattivi.

(a)

għal swaps ta’ inadempjenza ta’ kreditu u swaps tar-rati tal-imgħax li jiġu konklużi sa u inkluż il-31 ta’ Awwissu 2013, sa tmiem il-ħames jum ta’ negozju wara d-data tal-eżekuzzjoni tal-kuntratt tad-derivattivi OTC;

(b)

għal swaps ta’ inadempjenza ta’ kreditu u swaps tar-rati tal-imgħax li jiġu konklużi wara l-31 ta’ Awwissu 2013, sa u inkluż il-31 ta’ Awwissu 2014, sa tmiem it-tielet jum ta’ negozju wara d-data tal-eżekuzzjoni tal-kuntratt tad-derivattivi OTC;

(c)

għal swaps ta’ inadempjenza ta’ kreditu u swaps tar-rati tal-imgħax li jiġu konklużi wara l-31 ta’ Awwissu 2014, sa tmiem it-tieni jum ta’ negozju wara d-data tal-eżekuzzjoni tal-kuntratt tad-derivattivi OTC;

(d)

għal swaps ta’ ekwità, swaps tal-kambju, swaps ta’ komoditajiet u d-derivattivi l-oħra kollha mhux previsti fil-punt(a) li jiġu konklużi sa u inkluż il-31 ta’ Awwissu 2013, sa tmiem is-seba’ jum ta’ negozju wara d-data tal-eżekuzzjoni tal-kuntratt tad-derivattivi;

(e)

għal swaps ta’ ekwità, swaps tal-kambju, swaps ta’ komoditajiet u d-derivattivi l-oħra kollha mhux previsti fil-punt (a) li jiġu konklużi wara l-31 ta’ Awwissu 2013, sa u inkluż il-31 ta’ Awwissu 2014, sa tmiem ir-raba’ jum ta’ negozju wara d-data tal-eżekuzzjoni tal-kuntratt tad-derivattivi;

(f)

għal swaps ta’ ekwità, swaps tal-kambju, swaps ta’ komoditajiet u d-derivattivi l-oħra kollha mhux previsti fil-punt (a) li jiġu konklużi wara l-31 ta’ Awwissu 2014 sa tmiem it-tieni jum ta’ negozju wara d-data tal-eżekuzzjoni.

(a)

għal kontraparti finanzjarja jew kontraparti nonfinanzjarja msemmija fl-Artikolu 10 tar-Regolament (UE) Nru 648/2012:

(b)

għal kontroparti nonfinanzjarja mhux imsemmija fl-Artikolu 10 tar-Regolament (UE) Nru 648/2012:

(a)

l-identifikazzjoni, ir-reġistrazzjoni u l-monitoraġġ tat-tilwim dwar ir-rikonoxximent jew il-valwazzjoni tal-kuntratt u dwar l-iskambju tal-kollateral bejn il-kontropartijiet. Dawk il-proċeduri għandhom mill-inqas jirreġistraw it-tul ta’ żmien li tista’ tibqa’ pendenti tilwima, il-kontroparti u l-ammont li huwa kkontestat;

(b)

ir-riżoluzzjoni tat-tilwim mingħajr telf ta’ żmien permezz ta’ proċess speċifiku għal dawk it-tilwimiet li ma jiġux riżolti fi żmien ħamest ijiem ta’ negozju.

(a)

meta s-suq ma jkunx attiv;

(b)

meta l-firxa ta’ stimi raġonevolment ġusti tal-valuri tkun sinifikanti u l-probabbiltajiet tal-istimi differenti ma jkunux jistgħu jiġu vvalutati b’mod raġonevoli.

(a)

jikkorpora l-fatturi kollha li l-kontropartijiet kieku jqisu meta jistipulaw prezz, inkluż bl-użu kemm jista’ jkun ta’ informazzjoni tal-valwazzjoni skont is-suq;

(b)

ikun konsistenti mal-metodoloġiji ekonomiċi aċċettati għall-ipprezzar tal-istrumenti finanzjarji;

(c)

ikun ikkalibrat u ttestjat għall-validità bl-użu ta’ prezzijiet minn kwalunkwe tranżazzjoni attwali osservabbli fis-suq fl-istess strument finanzjarju jew abbażi ta’ kwalunkwe dejta osservabbli tas-suq;

(d)

ikun validat u mmonitorjat b’mod indipendenti, minn diviżjoni differenti minn dik li tkun qed tieħu r-riskju;

(e)

ikun dokumentat kif dovut u approvat mill-bord tad-diretturi għal kemm-il darba jkun hemm bżonn, wara kwalunkwe bidla materjali u mill-inqas darba fis-sena. Din l-approvazzjoni tista’ tiġi ddelegata lil xi kumitat.

(a)

il-kontropartijiet ġuridiċi fit-tranżazzjonijiet inklużi l-identifikaturi tagħhom skont l-Artikolu 3 tar-Regolament ta’ Implimentazzjoni (UE) Nru 1247/2012;

(b)

ir-relazzjoni korporattiva bejn il-kontropartijiet;

(c)

dettalji tar-relazzjonijiet kuntrattwali ta’ sostenn bejn il-partijiet;

(d)

il-kategorija tat-tranżazzjoni intragrupp kif speċifikat fil-paragrafu 1 u l-punti (a) sa (d) tal-paragrafu 2 tal-Artikolu 3 tar-Regolament (UE) Nru 648/2012;

(e)

id-dettalji tat-tranżazzjonijiet li l-kontroparti qed titlob l-eżenzjoni għalihom, inklużi:

(a)

fi żmien xahar mill-wasla tan-notifika fir-rigward ta’ notifika skont l-Artikolu 11(7) jew l-Artikolu 11(9) tar-Regolament (UE) Nru 648/2012;

(b)

fi żmien xahar minn meta d-deċiżjoni tiġi sottomessa lill-kontroparti fir-rigward ta’ deċiżjoni tal-awtorità kompetenti skont l-Artikoli 11(6), 11(8) jew 11(10) tar-Regolament (UE) Nru 648/2012.

(a)

l-informazzjoni elenkata fl-Artikolu 18;

(b)

jekk hemmx deċiżjoni pożittiv jew negattiva;

(c)

fil-każ ta’ deċiżjoni pożittiva:

(d)

fil-każ ta’ deċiżjoni negattiva:

(a)

il-kontropartijiet ġuridiċi fit-tranżazzjonijiet inklużi l-identifikaturi tagħhom skont l-Artikolu 3 tar-Regolament ta’ Implimentazzjoni (UE) Nru 1247/2012;

(b)

ir-relazzjoni bejn il-kontropartijiet;

(c)

jekk l-eżenjoni hijiex eżenzjoni sħiħa jew eżenzjoni parzjali;

(d)

l-ammont aggregat nozzjonali tal-kuntratti tad-derivattivi OTC li għalih tapplika l-eżenzjoni intragrupp.