|
6.2.2013 |
MT |
Il-Ġurnal Uffiċjali tal-Unjoni Ewropea |
L 35/1 |
REGOLAMENT TAL-KUMMISSJONI (UE) Nru 107/2013
tal-5 ta’ Frar 2013
li jemenda l-Anness I tad-Direttiva 2002/32/KE tal-Parlament Ewropew u tal-Kunsill dwar livelli massimi għall-melamina f’ikel fil-laned għall-annimali domestiċi
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2002/32/KE tal-Parlament Ewropew u tal-Kunsill tas-7 ta’ Mejju 2002 dwar sustanzi mhux mixtieqa fl-għalf tal-annimali (1), u b’mod partikolari l-Artikolu 8(1) tagħha,
Billi:
|
(1) |
Id-Direttiva 2002/32/KE tistipula li l-użu ta’ prodotti maħsuba għall-għalf tal-annimali li fihom livelli ta’ sustanzi mhux mixtieqa li jaqbżu l-livelli massimi stipulati fl-Anness I ta’ dik id-Direttiva huwa pprojbit. |
|
(2) |
Ġie pprovdut tagħrif li l-melamina tintuża fil-kisi ta’ laned li fihom ikel għall-annimali domestiċi u li tista’ titħallat ma’ dan l-ikel għall-annimali domestiċi. Il-bottijiet bl-istess kisi jintużaw għal ikel fil-laned u skont opinjoni xjentifika dwar il-melamina fl-ikel u l-għalf tal-Awtorità Ewropea dwar is-Sigurtà fl-Ikel (EFSA) (2), limitu ta’ migrazzjoni speċifika (LMS) ta’ 2,5 mg/kg għal ikel fil-laned bħala tali ġie stabbilit bir-Regolament tal-Kummissjoni (UE) Nru 10/2011 tal-14 ta’ Jannar 2011 dwar materjali u oġġetti tal-plastik maħsuba sabiex jiġu f’kuntatt mal-ikel (3) kif emendat bir-Regolament (UE) Nru 1282/2011 (4). |
|
(3) |
Il-Kummissjoni tal-Codex Alimentarius stabbiliet il-livelli massimi għall-melamina fl-għalf u l-ikel (5) li għandhom japplikaw għall-għalf kif jinbiegħ, filwaqt li l-livelli massimi stabbiliti fid-Direttiva 2002/32/KE jikkonċernaw għalf b’kontenut ta’ umdità ta’ 12 %. |
|
(4) |
Informazzjoni pprovduta dan l-aħħar uriet li l-melamina tista’ temigra fl-ikel niedi għall-annimali domestiċi mill-kisi tal-landa f’livell ogħla minn 2,5 mg/kg relattivament ma’ għalf b’kontenut ta’ umdità ta’ 12 % iżda taħt l-LMS ta’ 2,5 mg/kg fl-ikel niedi għall-annimali domestiċi. Fid-dawl ta’ dan l-iżvilupp fl-għarfien xjentifiku u tekniku, huwa xieraq li jiġi stabbilit il-livell massimu ta’ 2,5 mg/kg għall-melamina għall-ikel niedi fil-laned għall-annimali domestiċi fuq bażi ta’ kif jinbiegħ u dan skont dak li hu previst għal ikel fil-laned. |
|
(5) |
Għalhekk, id-Direttiva 2002/32/KE għandha tiġi emendata skont dan. |
|
(6) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
L-Anness I tad-Direttiva 2002/32/KE huwa emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Frar 2013.
Għall-Kummissjoni
Il-President
José Manuel BARROSO
(1) ĠU L 140, 30.5.2002, p. 10.
(2) Bord tal-EFSA dwar il-Kontaminanti fil-Katina tal-Ikel (CONTAM) u Bord tal-EFSA dwar il-Materjali ta’ Kuntatt mal-Ikel, Enżimi, Ħwawar u Għajnuniet għall-Ipproċessar (CEF); Opinjoni Xjentifika dwar il-Melamina fl-Ikel u l-Għalf. Ġurnal tal-EFSA 2010; 8(4):1573. [145 pp.]. doi:10.2903/j.efsa.2010.1573. Jinsab onlajn: http://www.efsa.europa.eu/en/scdocs/doc/1573.pdf.
(4) ĠU L 328, 10.12.2011, p. 22.
(5) Report on the Thirty-Third Session of the Joint FAO/WHO Food Standards Programme, Codex Alimentarius Commission, Ġinevra, l-Isvizzera, 5-9 ta’ Lulju 2010 (ALINORM 10/33/REP).
ANNESS
Ir-ringiela sebgħa tat-Taqsima I tal-Anness I tad-Direttiva 2002/32/KE tinbidel b’dan li ġej:
|
Sustanza mhux mixtieqa |
Prodotti maħsuba għall-għalf tal-annimali |
Kontenut massimu f’mg/kg (ppm) relattivament ma’ għalf b’kontenut niedi ta’ 12 % |
||
|
Għalf |
2,5 |
||
|
ħlief: |
|
|||
|
2,5 (*) |
|||
|
|
|||
|
— |
|||
|
— |
|||
|
— |
(*) Il-livell massimu huwa applikabbli għal ikel fil-laned għall-annimali domestiċi kif jinbiegħ.”