2.2.2013 |
MT |
Il-Ġurnal Uffiċjali tal-Unjoni Ewropea |
L 33/17 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 94/2013
tal-1 ta’ Frar 2013
li jemenda r-Regolament (UE) Nru 162/2011 fir-rigward taċ-ċentri tal-intervent għar-ross fi Spanja
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikolu 41 tiegħu, b’rabta mal-Artikolu 4 tiegħu,
Billi:
(1) |
Ir-Regolament tal-Kummissjoni (UE) Nru 162/2011 tal-21 ta’ Frar 2011 li jiddetermina ċ-ċentri tal-intervent għar-ross (2) jistipula, fl-Anness tiegħu, iċ-ċentri tal-intervent għar-ross. |
(2) |
B’konformità mal-paragrafu 1 tal-Artikolu 55 tar-Regolament tal-Kummissjoni (UE) Nru 1272/2009 tal-11 ta’ Diċembru 2009 li jistabbilixxi regoli komuni dettaljati għall-implimentazzjoni tar-Regolament tal-Kunsill (KE) Nru 1234/2007 f’dak li għandu x’jaqsam max-xiri u l-bejgħ ta’ prodotti agrikoli taħt intervent pubbliku (3), Spanja nnotifikat lill-Kummissjoni l-lista emendata taċ-ċentri tal-intervent għar-ross tagħha, kif ukoll il-lista tal-postijiet tal-ħżin (4) ta’ dawn iċ-ċentri li kienu ġew approvati bħala konformi mal-istandards minimi meħtieġa mil-leġiżlazzjoni tal-Unjoni. |
(3) |
Għalhekk jeħtieġ li r-Regolament (UE) Nru 162/2011 jiġi emendat skont dan, u li tiġi ppubblikata fuq l-Internet il-lista tal-postijiet tal-ħżin tagħhom bl-informazzjoni neċessarja kollha meħtieġa mill-operaturi kkonċernati mill-intervent pubbliku. |
(4) |
Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Anness tar-Regolament (UE) Nru 162/2011 huwa emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-1 ta’ Frar 2013.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 47, 22.2.2011, p. 11.
(3) ĠU L 349, 29.12.2009, p. 1.
(4) L-indirizzi tal-postijiet tal-ħżin taċ-ċentri tal-intervent huma disponibbli fuq is-sit tal-Internet EUROPA/agriculture de la Commission européenne http://ec.europa.eu/agriculture/cereals/legislation/index_en.htm
ANNESS
Fl-Anness tar-Regolament (UE) Nru 162/2011, it-Taqsima intitolata “SPANJA” qed tinbidel b’dan li ġej:
“SPANJA
|
Andalucía |
|
Aragón |
|
Castilla y León |
|
Castilla-La Mancha |
|
Extremadura |
|
Navarra” |