REGOLAMENT TA’ IMPLIMENTAZZJONI TAL-KUMMISSJONI (UE) Nru 64/2013

tal-24 ta’ Jannar 2013

li jemenda r-Regolament (KE) Nru 2535/2001 fir-rigward tal-amministrazzjoni tal-kwoti tat-tariffa tad-WTO għall-ġobon u l-butir tan-New Zealand

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u b’mod partikolari l-Artikolu 144(1) u l-Artikolu 148(c), flimkien mal-Artikolu 4 tiegħu,

Billi:

(1)

It-Taqsima 1 tal-Kapitolu III tat-Titolu 2 tar-Regolament tal-Kummissjoni (KE) Nru 2535/2001 tal-14 ta’ Diċembru 2001 li jipprovdi regoli dettaljati biex ikun applikat ir-Regolament tal-Kunsill (KE) Nru 1255/1999 rigward l-arranġamenti tal-importazzjoni tal-ħalib u tal-prodotti tal-ħalib u biex jinfetħu kwoti tat-tariffa (2), jistabbilixxi r-regoli dwar l-amministrazzjoni tal-kwoti tal-importazzjoni minn ċerti pajjiżi terzi elenkati fl-Anness III.B ta’ dak ir-Regolament. Dawk ir-regoli jipprovdu għall-ħruġ ta’ liċenzja tal-importazzjoni meta jiġi ppreżentat ċertifikat ta’ arranġament ta’ sorveljanza minn ġewwa korrispondenti (IMA 1).

(2)

L-esperjenza fir-rigward tal-amministrazzjoni tal-kwoti tat-tariffa għall-ġobon tan-New Zealand (in-numri tal-kwota 09.4514 u 09.4515) tat prova li amministrazzjoni daqstant effiċjenti ta’ dawk il-kwoti tista’ tintlaħaq ukoll permezz ta’ sistema li tinvolvi anqas piż amministrattiv għall-importaturi u għall-korpi tal-ħruġ tal-liċenzji tal-Istati Membri. Skont dik is-sistema l-funzjonijiet taċ-ċertifikat l-IMA1 għall-prova tal-oriġni u għall-eliġibilità tal-oġġetti waqt l-importazzjoni huma miżmuma iżda l-ħruġ ta’ liċenzji tal-importazzjoni m’għadux soġġett għall-preżentazzjoni ta’ dak iċ-ċertifikat. Għalhekk jixraq li dawk il-kwoti jiġu sottomessi għar-regoli tal-Kapitolu I tat-Titolu 2 tar-Regolament (KE) Nru 2535/2001.

(3)	Bil-għan li tiġi evitata l-ispekulazzjoni filwaqt li tiġi żgurata l-utilizzazzjoni massima tal-kwoti tat-tariffa għall-ġobon tan-New Zealand, l-applikazzjonijiet għal-liċenzji għandhom ikunu limitati għal 25 % tal-kwota rilevanti disponibbli.

(4)

Meta titqies l-istaġonalità fuq il-produzzjoni tal-ħalib fin-New Zealand, l-evoluzzjoni tal-prezzijiet u ż-żmien meħtieġ biex il-prodotti kkonċernati jinġarru lejn l-Unjoni, huwa xieraq li jkun hemm it-tielet rawnd ta’ allokazzjoni ta’ liċenzji tal-importazzjoni f”Settembru għall-kwoti msemmija fil-Parti K tal-Anness I u fil-Parti A tal-Anness III.

(5)	Ir-Regolament (KE) Nru 2535/2001 għandu għalhekk jiġi emendat skont dan.

(6)	Sabiex jingħata żmien biżżejjed biex l-applikanti, l-awtoritajiet kompetenti u lill-Istati Membri jikkonformaw mar-regoli l-ġodda, huwa xieraq li dawk ir-regoli japplikaw mis-sena tal-kwota 2014.

(7)	Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Emenda tar-Regolament (KE) Nru 2535/2001

Ir-Regolament (KE) Nru 2535/2001 huwa emendat kif ġej:

(1)

Fl-Artikolu 5, jiżdied il-punt li ġej:

“(k)	il-kwoti msemmija fil-Parti K tal-Anness I.”;

(2)	Fl-Artikolu 6, l-ewwel paragrafu jinbidel b’dan li ġej: “L-Anness I jistipula l-kwoti tat-tariffa, id-dazji li għandhom jiġu applikati, il-kwantitajiet massimi li għandhom jiġu importati kull sena, il-perjodi tal-kwoti tat-tariffa tal-importazzjoni u t-tqassim tagħhom f’subperjodi.”

(3)

Il-paragrafu 2 tal-Artikolu 13 jinbidel b’dan li ġej:

“2. L-applikazzjonijiet għal-liċenzji għandhom ikunu għal tal-anqas 10 tunnellati u għal mhux aktar mill-kwantità disponibbli fl-ambitu tal-kwota tas-subperjodu kif imsemmi fl-Artikolu 6.

Madankollu, l-applikazzjonijiet għal-liċenzji għandhom ikunu:

(a)	fil-każ tal-kwoti msemmija fil-punt (a) tal-Artikolu 5, għal mhux aktar minn 10 % tal-kwantità disponibbli;

(b)	fil-każ tal-kwoti msemmija fil-punt (k) tal-Artikolu 5, għal mhux aktar minn 25 % tal-kwantità disponibbli.”

(4)

Fl-Artikolu 14, jiddaħħal il-paragrafu 1a li ġej:

“1a. Għall-kwoti msemmija fil-Parti K tal-Anness I, l-applikazzjonijiet għal liċenzji jistgħu jiġu ddepożitati biss:

(a)	mill-20 sat-30 ta’ Novembru, għal importazzjonijiet matul il-perjodu mill-1 ta’ Jannar sat-30 ta’ Ġunju ta’ wara;

(b)	mill-1 sal-10 ta’ Ġunju, għal importazzjonijiet matul il-perjodu mill-1 ta’ Lulju sal-31 ta’ Diċembru ta’ wara;

(c)	mill-1 sal-10 ta’ Settembru, għal importazzjonijiet matul il-perjodu mill-1 ta’ Ottubru sal-31 ta’ Diċembru ta’ wara.”

(5)

Fl-Artikolu 19, jiżdied il-paragrafu 3 li ġej:

“3. Għall-kwoti msemmija fil-Parti K tal-Anness I, ir-rata tad-dazju mnaqqsa għandha tkun applikata fuq:

(d)	l-aċċettazzjoni tad-dikjarazzjoni ta’ rilaxx għal ċirkolazzjoni libera;

(e)	il-preżentazzjoni tal-liċenza tal-importazzjoni; kif ukoll

(f)

il-preżentazzjoni ta’ ċertifikat IMA 1 kif stabbilit fl-Anness IX, maħruġ minn korp tal-ħruġ elenkat fl-Anness XII u li jkun fih il-partikolaritajiet rilevanti stabbiliti fl-Anness XI, li jagħti prova tar-rekwiżiti tal-eliġibilità u tal-oriġini tal-prodott koperti minn dikjarazzjoni ta’ rilaxx għal ċirkolazzjoni libera.

L-awtoritajiet tad-dwana għandhom jindikaw in-numru tas-serje taċ-ċertifikat tal-IMA 1 fuq il-liċenzja tal-importazzjoni.

L-Artikoli 37(2), (3) u (4) għandhom japplikaw mutatis mutandis.”

(6)	Il-paragrafu 4 tal-Artikolu 34 jinbidel b’dan li ġej: “4. L-Anness III.A jistipula l-kwoti tat-tariffa, id-dazji li għandhom jiġu applikati, il-kwantitajiet massimi li għandhom jiġu importati kull sena, il-perjodi tal-kwoti tat-tariffa tal-importazzjoni u t-tqassim tagħhom f’subperjodi.”

(7)

L-Artikolu 34a jinbidel b’dan li ġej:

“Artikolu 34a

1. Il-kwoti għandhom jiġu mqassma f’żewġ partijiet kif imsemmija fl-Anness III.A:

(a)

il-kwota Nru 09.4195 (minn hawn ‘il quddiem imsejћa parti A) għandhom jitqassmu fost l-importaturi tal-Unjoni li huma approvati skont id-dispożizzjonijiet tal-Artikolu 7 u li jistgħu jagħtu prova li huma importaw skont waħda mill-kwoti 09.4195 u 09.4182 matul l-24 xahar ta’ qabel ix-xahar ta’ Novembru li jiġi qabel is-sena tal-kwota;

(b)

il-kwota Nru 09.4182 (minn hawn ‘il quddiem imsejħa parti B) għandha tkun riservata għall-applikanti:

(i)	li huma approvati skont id-dispożizzjonijiet tal-Artikolu 7, u

(ii)

li jistgħu jagħtu prova li matul il-perjodu ta’ tnax-il (12) xahar ta’ qabel ix-xahar ta’ Novembru li jiġi qabel is-sena tal-kwota huma importaw fi u/jew esportaw mill-Komunità tal-inqas 100 tunnellata ta’ ħalib jew ta’ prodotti tal-ħalib koperti mill-Kapitolu 04 tan-Nomenklatura Magħquda f’mhux inqas minn 4 operazzjonijiet separati.

2. L-applikazzjonijiet għal-liċenzji tal-importazzjoni jistgħu jiġu ddepożitati biss:

(a)	mill-20 sat-30 ta’ Novembru, għal importazzjonijiet matul il-perjodu mill-1 ta’ Jannar sat-30 ta’ Ġunju ta’ wara;

(b)	mill-1 sal-10 ta’ Ġunju, għal importazzjonijiet matul il-perjodu mill-1 ta’ Lulju sal-31 ta’ Diċembru ta’ wara;

(c)	mill-1 sal-10 ta’ Settembru, għal importazzjonijiet matul il-perjodu mill-1 ta’ Ottubru sal-31 ta’ Diċembru ta’ wara.

3. Biex ikunu ammissibbli, l-applikazzjoniet għal-liċenzji tal-importazzjoni jistgħu jkopru, għal kull applikant:

(a)	għall-parti A, mhux aktar minn 125 % tal-kwantitajiet li kienu importati skont il-kwoti 09.4195 u 09.4182, matul il-perjodu ta’ 24 xahar ta’ qabel ix-xahar ta’ Novembru li jiġi qabel is-sena tal-kwota;

(b)

għall-parti B, mhux inqas minn 20 tunnellata u mhux iżjed minn 10 % tal-kwantità disponibbli għas-subperjodu u sakemm huma jkunu kapaċi jagħtu prova għas-sodisfazzjon tal-awtorità kompetenti tal-Istat Membru konċernat li huma jissodisfaw il-kondizzjonijiet stipulati fil-punt b tal-paragrafu 1.

Soġġett għall-konformità mal-kondizzjonijiet tal-eliġibilità, l-applikanti jistgħu japplikaw simultanjament skont iż-żewġ partijiet tal-kwota.

L-applikazzjonijiet għal-liċenzji tal-importazzjoni għandhom ikunu separati għall-parti A u għall-parti B.

4. L-applikazzjonijiet għal liċenzji tal-importazzjoni jistgħu jiġu ddepożitati biss fl-Istat Membru fejn ingħatat l-approvazzjoni skont l-Artikolu 7, u għandu jkollhom in-numru tal-approvazzjoni tal-importatur.

5. Il-provi msemmija fil-paragrafi 1 u 3 għandhom jingħataw skont it-tieni subparagrafu tal-Artikolu 5 tar-Regolament (KE) Nru 1301/2006.

Dawn il-provi għandhom ikunu sottomessi fil-ħin li jiġu ddepożitati l-applikazzjonijiet għal-liċenzji tal-importazzjoni u għandhom ikunu validi għas-sena tal-kwota rilevanti.”

(8)	Fl-Anness I, tiżdied il-Parti K ġdida, li t-test tagħha huwa stabbilit fl-Anness ta’ dan ir-Regolament.

(9)	Il-Parti A tal-Anness III tinbidel bit-test li jidher fl-Anness II ta’ dan ir-Regolament.

(10)	Fil-Parti B tal-Anness III, jitħassru l-entrati li jikkonċernaw in-numri tal-kwota 09.4514 u 09.4515.

Artikolu 2

Dħul fis-seħħ u applikazzjoni

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mis-sena tal-kwota li tibda mill-1 ta’ Jannar 2014.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-24 ta’ Jannar 2013.

Għall-Kummissjoni

Il-President

José Manuel BARROSO

(1) ĠU L 299, 16.11.2007, p. 1.

(2) ĠU L 341, 22.12.2001, p. 29.

ANNESS I

“I.K

KWOTI TAT-TARIFFA SKONT IL-FTEHIMIET GATT/WTO SPEĊIFIKATI SKONT IL-PAJJIŻ TAL-ORIĠINI: IN-NEW ZEALAND

Numru tal-kwota

Kodiċi tan-NM

Deskrizzjoni

Pajjiż tal-oriġini

Kwota annwali mill-1 ta’ Jannar sal-31 ta’ Diċembru

(f’tunnellati)

Kwantità mill-1 ta’ Jannar sat-30 ta’ Ġunju

(f’tunnellati)

Kwantità mill-1 ta’ Lulju sal-31 ta’ Diċembru

(f’tunnellati)

Kwantità mill-1 ta’ Ottubru sal-31 ta’ Diċembru

(f’tunnellati)

Dazju tal-importazzjoni

(EUR/100 kg piż nett)

09.4515

0406 90 01

Ġobon għall-ipproċessar (1)

In-New Zealand

4 000

—

17,06

09.4514

ex 0406 90 21

Ġobniet taċ-Cheddar sħaħ (tal-forma konvenzjonali ċatta ċilindrika ta’ piż nett ta’ mhux inqas minn 33 kg iżda mhux iktar minn 44 kg u ġobniet fi blokok kubiċi jew f’forma ġeometrika magħmula minn sitt parallelogrammi (parallelepiped), ta’ piż nett ta’ 10 kg jew iktar) ta’ kontenut ta’ xaħam ta’ 50 % jew iktar tal-piż fil-materjal niexef, immaturat għal mill-inqas tliet xhur

In-New Zealand

7 000

—

17,06

(1) L-utilizzazzjoni għal dan l-iskop partikolari se tkun sorveljata permezz tal-applikazzjoni tad-dispożizzjonijiet tal-Unjoni stabbiliti dwar is-suġġett. Il-ġobniet konċernati huma kkunsidrati bħala proċessati meta dawn ikunu ġew ipproċessati fi prodotti li jaqgħu taħt is-subintestatura 040630 tan-Nomenklatura Magħquda. L-Artikoli 291 sa 300 tar-Regolament (KEE) Nru 2454/93 japplikaw.”

ANNESS II

“ΙII.A

KWOTA TAT-TARIFFA SKONT IL-FTEHIMIET GATT/WTO SPEĊIFIKATI SKONT IL-PAJJIŻ TAL-ORIĠINI: BUTIR TAN-NEW ZEALAND

Kodiċi tan-NM

Deskrizzjoni

Pajjiż tal-oriġini

Kwota annwali mill-1 ta’ Jannar sal-31 ta’ Diċembru

(f’tunnellati)

Kwantità mill-1 ta’ Jannar sat-30 ta’ Ġunju

(f’tunnellati)

Kwantità mill-1 ta’ Lulju sal-31 ta’ Diċembru

(f’tunnellati)

Kwantità mill-1 ta’ Ottubru sal-31 ta’ Diċembru

(f’tunnellati)

Dazju tal-importazzjoni

(EUR/100 kg piż nett)

ex 0405 10 11

ex 0405 10 19

Butir, li għandu mill-inqas sitt ġimgħat, b’kontenut ta’ xaħam bil-piż ta’ mhux inqas minn 80 % iżda inqas minn 85 % immanifatturat diretattament mill-ħalib jew mill-krema mingħajr l-użu ta’ materjali maħżunin, fi proċess uniku, awtonomu u mingħajr interruzzjoni

In-New Zealand

74 693

Kwota 09.4195

Parti A:

20 540,5

Kwota 09.4195

Parti A:

20 540,5

Kwota 09.4195

Parti A:

—

70,00 ”

ex 0405 10 30

Butir, li għandu mill-inqas sitt ġimgħat, b’kontenut ta’ xaħam bil-piż ta’ mhux inqas minn 80 % iżda inqas minn 85 %, immanifatturat direttament mill-ħalib jew mill-krema mingħajr l-użu ta’ materjali maħżunin, fi proċess fi proċess uniku, awtonomu u mingħajr interruzzjoni, li jista’ jinvolvi li l-krema tgħaddi minn stadju li fih, ix-xaħam tal-butir jiġi kkonċentrat u/jew maqsum fi frazzjonijiet (il-proċessi magħrufin bħala “Ammix” u “Spreadable)”

Kwota 09.4182

Parti B:

16 806

Kwota 09.4182

Parti B:

16 806

Kwota 09.4182

Parti B:

—