24.12.2013   

MT

Il-Ġurnal Uffiċjali tal-Unjoni Ewropea

L 352/65

(1)

Ir-Regolament (KE) Nru 58/2003 jagħti s-setgħa lill-Kummissjoni li tiddelega poteri lill-aġenziji eżekuttivi biex jimplimentaw b’mod sħiħ jew parti minn programm jew proġett tal-Unjoni, f’isimha u taħt ir-responsabbiltà tagħha.

(2)

L-għan li l-aġenziji eżekuttivi jingħataw il-kariga b’il-kompiti t’al-implimentazzjoni tal-programmi huwa biex il-Kummissjoni titħalla tikkonċentra fuq l-attivitajiet u l-funzjonijiet ewlenin tagħha li ma jistgħux jiġu ġestiti esternament, mingħajr ma ċċedi l-kontroll fuq l-attivitajiet ġestiti minn dawk l-aġenziji eżekuttivi u r-responsabbiltà aħħarija għall-istess attivitajiet.

(3)

Id-delega ta’ kompiti b’rabta mal-implimentazzjoni ta’ programmi lil aġenzija eżekuttiva titlob separazzjoni ċara bejn l-istadji tal-ipprogrammar li jinvolvu diskrezzjoni kbira fl-għażliet iggwidati minn kunsiderazzjonijiet ta’ politika u li jitwettqu mill-Kummissjoni, u l-implimentazzjoni tal-programmi, li għandha titħalla f’idejn l-aġenzija eżekuttiva.

(4)

Bid-Deċiżjoni 2007/60/KE (2), il-Kummissjoni ħolqot l-Aġenzija Eżekuttiva tan-Netwerk tat-Trasport Trans-Ewropew u fdatha bil-ġestjoni ta’ azzjonijiet Komunitarji fil-qasam tan-netwerk tat-trasport trans-Ewropew.

(5)

Sussegwentement, bid-Deċiżjoni 2008/593/KE (3), il-Kummissjoni estendiet il-perjodu tal-operat tal-Aġenzija Eżekuttiva tan-Netwerk Trans-Ewropew tat-Trasport u ddefinit mill-ġdid l-għanijiet u l-kompiti tagħha biex b’hekk saret responsabbli wkoll mill-implimentazzjoni ta’ għajnuna finanzjarja tal-baġit tan-netwerk trans-Ewropew tat-trasport fil-Qafas Finanzjarju Pluriennwali għall-2007-2013.

(6)

L-Aġenzija Eżekuttiva għan-Netwerk Trans-Ewropew tat-Trasport uriet li hija aġenzija organizzata tajjeb li twettaq il-kompiti li għandha mandat fuqhom b’mod effettiv u effiċjenti f’konformità mal-qafas legali li jirregola l-attivitajiet tagħha. L-evalwazzjoni interim tal-aġenzija wriet li hija għandha indikaturi tal-produttività b’saħħithom u li twettaq il-ġestjoni teknika u finanzjarja tagħha b’mod li jissodisfa lill-partijiet interessati. L-aġenzija rnexxielha tikkontribwixxi b’suċċess għall-implimentazzjoni tal-programm tan-netwerk trans-Ewropew tat-trasport u ppermettiet lill-Kummissjoni biex tiffoka fuq u ttejjeb il-ġestjoni tal-kompiti istituzzjonali u ta’ politika tagħha. L-evalwazzjoni interim wriet ukoll li l-aġenzija hija għażla aktar kosteffiċjenti għall-ġestjoni tal-programm tan-netwerk trans-Ewropew tat-trasport, meta mqabbla max-xenarju tal-ġestjoni interna tal-Kummissjoni. L-iffrankar li rriżulta mid-delega tal-kompiti lill-aġenzija ġew stmati għal madwar EUR 8,66 miljun tul il-perjodu ta’ snin mill-2008 sal-2015.

(7)

Fil-Komunikazzjoni tagħha tad-29 ta’ Ġunju 2011“Baġit għall-Ewropa 2020” (4), il-Kummissjoni pproponiet l-użu tal-għażla ta’ rikors aktar estensiv għall-aġenziji eżistenti għall-implimentazzjoni ta’ programmi tal-Unjoni fil-Qafas Finanzjarju Pluriennali għall-2014-2020.

(8)

L-analiżi tal-kostijiet u l-benefiċċji mwettqa f’konformità mal-Artikolu 3(1) tar-Regolament (KE) Nru 58/2003 wriet li d-delega lill-Aġenzija Eżekuttiva tan-Netwerk Trans-Ewropew tat-Trasport tal-ġestjoni ta’ partijiet mill-programm Faċilità Nikkollegaw l-Ewropa fl-oqsma tat-trasport, tal-enerġija u tat-telekomunikazzjonijiet (5), kif ukoll partijiet minn riċerka dwar it-trasport u l-enerġija fil-qafas tal-programm Orizzont 2020 (6), jagħmilha possibbli li jiġu implimentati tali programmi b’mod effiċjenti b’inqas spejjeż milli meta mqabbla mal-Kummissjoni. It-tali delega ta’ ġestjoni ta’ programmi lill-aġenzija huwa stmat li jħalli gwadanni fl-effiċjenza ta’ madwar EUR 54 miljun għall-Qafas Finanzjarju Pluriennali mill-2014 sal-2020. L-analiżi wriet ukoll li t-tagħqid flimkien tal-ġestjoni tal-infrastruttura u ta’ proġetti ta’ riċerka fl-oqsma tat-trasport u tal-enerġija fl-istess aġenzija jirriżulta f’ekonomiji tal-kobor u sinerġiji sinifikanti bejn tali attivitajiet. L-estensjoni tal-mandat tal-aġenzija tippermetti li l-Kummissjoni u l-partijiet interessati jibbenefikaw mill-għarfien espert tal-aġenzija u minn kwalità għolja tal-ġestjoni ta’ programmi u tat-twassil ta’ servizzi. Din l-estensjoni tiżgura wkoll kontinwità tal-operat għall-benefiċjarji mill-programm tan-netwerk trans-Ewropew tat-trasport u livell għoli ta’ viżibbiltà tal-Unjoni bħala l-promotur tal-programmi ġestiti mill-aġenzija. Barra minn hekk, l-analiżi wriet ukoll li għall-programmi tan-netwerk trans-Ewropew tat-trasport (7) u tal-Marco Polo (8) r-ritorn lejn arranġament ta’ ġestjoni interni jkun ta’ tfixkil u jirriżulta f’telf ta’ effiċjenza.

(9)

Biex l-aġenziji eżekuttivi jingħataw identità koerenti, il-Kummissjoni, safejn kien possibbli, qasmet il-ħidmiet skont l-oqsma tematiċi tal-politika meta stabbilit il-mandati l-ġodda tagħhom.

(10)

L-Aġenzija l-ġdida għandu jkollha mandat estiż li jkopri l-ġestjoni ta’ partijiet tal-programmi segwenti:

(11)

Biex tiġi żgurata l-implimentazzjoni konsistenti fi żmien din id-Deċiżjoni u tal-programmi inkwistjoni, huwa meħtieġ li jiġi żgurat li l-Aġenzija għandha teżerċita l-kompiti tagħha b’rabta mal-implimentazzjoni ta’ dawk il-programmi soġġetti għal u fid-data minn meta dawk il-programmi jidħlu fis-seħħ.

(12)

Għandha tiġi stabbilita l-Aġenzija Eżekuttiva għall-Innovazzjoni u n-Netwerks. Din għandha tieħu post l-Aġenzija Eżekuttiva tan-Netwerk Trans-Ewropew tat-Trasport stabbilita bid-Deċiżjoni 2007/60/KE kif emendata bid-Deċiżjoni 2008/593/KE Din għandha topera f’konformità mal-istatut ġenerali stabbilit bir-Regolament (KE) Nru 58/2003.

(13)

Id-Deċiżjoni 2007/60/KE u d-Deċiżjoni 2008/593/KE għandhom għalhekk jitħassru u għandhom jiġu stabbiliti dispożizzjonijiet tranżitorji.

(14)

Il-miżuri stipulati f’din id-Deċiżjoni huma f’konformità mal-opinjoni tal-Kumitat għall-Aġenziji Eżekuttivi,

(a)

Il-Faċilità Nikkollegaw l-Ewropa;

(b)

Il-Parti III Sfidi Soċjetali tal-Programm Speċifiku Orizzont 2020.

(a)

Il-programm tan-netwerk trans-Ewropew tat-trasport;

(b)

Il-programm Marco Polo.

(a)

il-ġestjoni ta’ xi stadji ta’ implimentazzjoni tal-programm u xi fażijiet tul il-ħajja ta’ proġetti speċifiċi abbażi tal-programmi ta’ ħidma rilevanti adottati mill-Kummissjoni, fejn il-Kummissjoni tkun tatha s-setgħa li tagħmel dan fl-istrument tad-delega;

(b)

l-adozzjoni tal-istrumenti għall-eżekuzzjoni tal-baġit għad-dħul u l-infiq u t-twettiq tal-operazzjonijiet kollha meħtieġa għall-ġestjoni tal-programm, fejn il-Kummissjoni tkun tatha s-setgħa li tagħmel dan fl-istrument tad-delega;

(c)

il-għoti ta’ appoġġ fl-implimentazzjoni tal-programm fejn il-Kummissjoni tkun tatha s-setgħa li tagħmel dan fl-istrument tad-delega.