1.   Għall-finijiet stabbiliti f’din id-Deċiżjoni, għall-perijodu ta’ seba’ snin mill-1 ta’ Jannar 2014 sal-31 ta’ Diċembru 2020, l-ammont globali ta’ assistenza finanzjarja tal-Unjoni EUR 364,5 miljun taħt il-11-il FEŻ stabbilit bil-Ftehim Intern li jistabbilixxi l-11-il FEŻ għandu jiġi allokat kif ġej:

2.   Il-fondi tal-11-il FEŻ m’għandhomx jiġu impenjati wara l-31 ta’ Diċembru 2020, sakemm il-Kunsill ma jiddeċidix mod ieħor b’mod unanimu, fuq proposta mill-Kummissjoni.

3.   Jekk il-fondi previsti fil-paragrafu 1 jispiċċaw qabel ma tiskadi d-Deċiżjoni, il-Kunsill għandu jieħu l-miżuri xierqa.

1.   Il-BEI għandu:

2.   Il-finanzjament mir-riżorsi proprji tal-BEI għandhom jingħataw skont it-termini u l-kundizzjonijiet li ġejjin:

3.   Għal investimenti ffinanzjati mill-BEI mir-riżorsi proporji fil-kumpaniji tas-settur pubbliku, jista’ jkun li l-PTEE ikkonċernat ikollu jagħmel garanziji jew xogħlijiet speċifiċi li jkollhom x’jaqsmu mal-proġett.

1.   Il-PTEE ikkonċernat għandu, fir-rigward tal-operazzjonijiet konformi ma’ din id-Deċiżjoni u li fir-rigward tagħhom ikun ingħata approvazzjoni bil-miktub:

2.   Għall-finijiet ta’ dan l-Artikolu, “il-PTEE kkonċernat” għandu jfisser il-PTEE li jibbenefika mill-operazzjoni.

1.   Ir-riżorsi tal-Faċilità jistgħu jintużaw, fost l-oħrajn, sabiex:

2.   B’mod ġenerali, l-investiment ta’ ekwità għandu jkun għal holdings ta’ minorità li ma jikkontrollawx u għandhom jiġu remunerati abbażi tal-prestazzjoni tal-proġett kkonċernat.

3.   Assistenza kważi kapitali tista’ tikkonsisti minn ħlasijiet bil-quddiem tal-azzjonisti, bonds konvertibbli, self kondizzjonali, subordinat u parteċipanti jew kull sura oħra simili ta’ assistenza. Tali assistenza tista’ tkun tikkonsisti b’mod partikolari minn:

4.   Ir-remunerazzjoni ta’ kull operazzjoni għandha tkun speċifikata meta jsir is-self.

5.   Mingħajr preġudizzju għall-paragrafu 4:

6.   Il-garanziji għandhom ikunu prezzati b’mod li jirriflettu r-riski assigurati u l-karatteristiċi partikolari tal-operazzjoni.

7.   Ir-rata tal-imgħax ta’ self ordinarju għandha tinkludi rata ta’ referenza applikata mill-BEI għal self komparabbli bl-istess termini u kundizzjonijiet bħal dawk ta’ konċessjoni u ħlas lura u żieda determinata mill-BEI.

8.   Self ordinarju jista’ jkun estiż fuq termini u kundizzjonijiet konċessjonali fil-każijiet li ġejjin:

9.   Ir-rata finali ta’ self li jaqa’ taħt il-punt (a) jew (b) tal-paragrafu 8 m’għandha qatt, fi kwalunkwe każ, tkun inqas minn 50 % tar-rata ta’ referenza.

10.   Il-fondi li jridu jiġu provvduti għal dawn l-għanijiet konċessjonali jridu jsiru disponibbli mill-Faċilità u ma għandhomx jaqbżu l-allokazzjoni globali għal finanzjament ta’ investiment mill-Faċilità u mill-BEI mir-riżorsi proprji tiegħu.

11.   Sussidji ta’ imgħax jistgħu jiġu kapitalizzati jew jistgħu jintużaw fil-forma ta’ għotjiet li jappoġġaw għajnuna teknika li għandha x’taqsam ma’ proġett, partikolarment għal istituzzjonijiet finanzjarji fil-PTEE.

1.   Il-Faċilità għandha topera fis-setturi kollha ekonomiċi u għandha tappoġġa investimenti ta’ entitajiet fis-settur pubbliku li jitmexxew kummerċjalment, inkluż infrastruttura ekonomika u teknoloġija li tiġġenera li hija kritika għas-settur privat. Il-Faċilità għandha:

2.   Il-BEI għandu jkun remunerat għall-kost imġarrab waqt il-ġestjoni tal-Faċilità. Ir-rimunerazzjoni tal-BEI għandha tinkludi komponent fiss ta 0,5 % kull sena tad-dotazzjoni tal-bidu u komponent varjabbli ta’ ammont sa 1,5 % fis-sena tal-portafoll tal-Faċilità li jkunu investiti fi proġetti fil-PTEE. Ir-rimunerazzjoni għandha tkun iffinanzjata mill-Faċilità.

3.   Mal-iskadenza ta’ din id-Deċiżjoni, u fl-assenza ta’ deċiżjoni speċifika mill-Kunsill, il-mixi mill-ġdid kumulattiv lill-Faċilità għandu jiġi riportat fl-Investiment Finanzjarju tal-PTEE li jkun imiss.

1.   L-operazzjonijiet tal-Faċilità ta’ Investiment għandhom ikunu suġġetti għall-proċedura ta’ kontroll u rilaxx stabbilita fl-Istatuti tal-BEI għall-operazzjonijiet kollha tiegħu.

2.   Is-superviżjoni tal-operazzjonijiet tal-Faċilità ta’ Investiment min-naħa tal-ECA għandhom jitwettqu skont il-proċeduri miftiehma bejn il-Kummissjoni, il-BEI u l-ECA, u b’mod partikolari l-Ftehim Tripartitiku bejn il-Kummissjoni Ewropea, il-Qorti Ewropea tal-Awdituri u l-Bank Ewropew tal-Investiment tas-27 ta’ Ottubru 2003, kif emendati, supplimentati jew modifikati minn żmien għal żmien.

1.   Ir-rappreżentanti tal-BEI, filwaqt li huma impenjati b’attivitajiet marbuta mad-Deċiżjoni jew fil-kuntest tal-implimentazzjoni tagħha, fl-PTEE għandhom jibbenefikaw mill-privileġġi, immunitajiet u faċilitajiet abitwali fit-twettiq ta’ dmirijiethom u fl-ivvjaġġar lejn u mill-post minn fejn ikunu obbligati jwettqu tali dmirijiet.

2.   Għall-komunikazzjonijiet uffiċjali u għat-trażmissjoni tad-dokumenti kollha tiegħu, fit-territorju tal-PTEE il-BEI għandu jibbenefika minn trattament li jingħata lil organizzazzjonijiet internazzjonali.

3.   Il-korrispondenza uffiċjali u l-komunikazzjonijiet uffiċjali l-oħra tal-BEI ma għandhom ikunu suġġetti għaċ-ċensura.

1.   Il-grad ta’ dipendenza ta’ ekonomija tal-PTEE fuq esportazzjoni ta’ prodotti u partikolarment minn prodotti agrikoli, tas-sajd u tat-tħaffir fil-minjieri għandu jkun kriterju għall-istabbilizzazzjoni tal-allokazzjoni ta’ żvilupp fit-tul.

2.   Sabiex jittaffew l-effetti negattivi tal-instabbiltà ta’ qligħ mill-esportazzjoni u sabiex jiġi ssalvagwardjat il-programm ta’ żvilupp ipperikolat mit-tnaqqis fid-dħul, jista’ jiġi mmobilizzat appoġġ finanzjarju addizzjonali mir-riżorsi programmabbli għall-iżvilupp fit-tul tal-pajjiż fuq il-bażi tal-Artikoli 2 u 3 ta’ dan l-Anness.

1.   L-eliġibbiltà għal riżorsi addizzjonali għandha tiġi stabbilita minn:

2.   L-intitolament għal appoġġ addizzjonali għandu jiġi limitat għal erba’ snin suċċessivi.

3.   Ir-riżorsi addizzjonali għandhom jiġu riflessi fil-kontijiet pubbliċi tal-pajjiż ikkonċernat. Dawn għandhom jiġu utilizzati bi qbil mad-dispożizzjonijiet ta’ implimentazzjoni li jridu jiġu preskritti skont l-Artikolu 85 ta’ din id-Deċiżjoni. Bi ftehim bejn iż-żewġ Partijiet ir-riżorsi jistgħu jintużaw biex jiffinanzjaw programmi inklużi fil-baġit nazzjonali. Madankollu parti mir-risorsi addizzjonali tista’ titwarrab ukoll għal setturi speċifiċi.

1.   Il-prodotti imsemmija hawn taħt għandhom jiġu kkunsidrati bħala li joriġinaw mill-PTEE:

2.   Prodotti oriġinanti magħmula minn materjali li jkunu nkisbu kollha kemm huma jew li jkunu sarulhom xogħol jew ipproċessar biżżejjed f’żewġ PTEE jew aktar għandhom jiġu kkunsidrati bħala prodotti oriġinanti fil-PTEE fejn ikunu seħħu l-aħħar ħidma jew ipproċessar.

3.   Għall-għan tal-implimentazzjoni tal-paragrafu 1, it-territorji tal-PTEE għandhom jitqiesu bħala territorju wieħed.

1.   Dawn li ġejjin għandhom jitqiesu bħala li ġew miksubin kompletament mingħand PTEE:

2.   It-termini “il-bastimenti tagħha” u “il-vapuri tagħha li jservu bħala fabbriki” fil-punti (h) u (i) tal-paragrafu 1għandhom japplikaw biss għall-bastimenti u għall-vapuri li jissodisfaw ir-rekwiżiti li ġejjin:

3.   Il-kundizzjonijiet tal-paragrafu 2 jistgħu jiġu ssodisfati fl-Istati Membri jew f’PTEE differenti. F’dak il-każ, l-oriġini ta’ dawn il-prodotti għandha titqies li jkun il-PTEE fejn ikun irreġistrat il-bastiment jew il-vapur fabbrika f’konformità mal-punt (a) tal-paragrafu 2.

1.   Bla ħsara għall-Artikoli 5 u 6 ta’ dan l-Anness, il-prodotti li mhumiex miksuba kompletament minn PTEE fit-tifsira tal-Artikolu 3 ta’ dan l-Anness għandhom jitqiesu bħala li joriġinaw minn hemm, kemm-il darba jiġu ssodisfati l-kundizzjonijiet stipulati fil-lista fl-Appendiċi II għall-prodotti kkonċernati.

2.   Jekk prodott li jkun kiseb status oriġinanti f’PTEE skont il-paragrafu 1 jiġi pproċessat aktar f’dak il-PTEE u jintuża bħala materjal fil-manifattura ta’ prodott ieħor, ma għandha tingħata l-ebda kunsiderazzjoni tal-materjali mhux oriġinanti li jistgħu jkunu ntużaw fil-manifattura tiegħu.

3.   Id-determinazzjoni dwar jekk ir-rekwiżiti tal-paragrafu 1 jkunux ġew issodisfati jew le għandha ssir għal kull prodott.

Madanakollu, fejn ir-regola rilevanti tkun imsejsa fuq il-konformità ma’ kontenut massimu ta’ materjali mhux oriġinanti, biex tittieħed kunsiderazzjoni tal-fluttwazzjonijiet fil-kosti u r-rati tal-kambju, il-valur tal-materjali mhux oriġinanti jista’ jiġi kkalkulat fuq bażi medja kif stipulat fil-paragrafu 4.

4.   Fil-każ imsemmi fit-tieni subparagrafu tal-paragrafu 3, il-prezz medju ta’ ex-works tal-prodott u l-valur medju ta’ materjali mhux oriġinanti użati għandhom jiġu kkalkulati rispettivament abbażi tal-għadd tal-prezzijiet ex-works li jitħallsu għall-bejgħ kollu tal-prodotti li jsir matul is-sena fiskali preċedenti u l-għadd tal-valur tal-materjali mhux oriġinanti kollha li jintużaw fil-manifattura tal-prodotti matul is-sena fiskali preċedenti kif definita fil-pajjiż tal-esportazzjoni, jew, fejn iċ-ċifri għal sena fiskali sħiħa ma jkunux disponibbli, perijodu iqsar li ma għandux ikun iqsar minn tliet xhur.

5.   L-esportaturi li jkunu għażlu kalkoli fuq bażi medja għandhom japplikaw dan il-metodu b’mod konsistenti matul is-sena ta’ wara s-sena fiskali ta’ referenza, jew, fejn xieraq, matul is-sena ta’ wara l-perijodu iqsar li jintuża bħala referenza. Dawn jistgħu ma japplikawx aktar dan il-metodu meta, matul sena fiskali partikolari jew matul perijodu rappreżentattiv iqsar ta’ mhux anqas minn tliet xhur, huma jirreġistraw li l-fluttwazzjonijiet fil-kosti jew fir-rata tal-kambju li jkunu ġġustifikaw dan l-użu ma jibqgħux japplikaw.

6.   Il-medji msemmija fil-paragrafu 4 għandhom jintużaw bħala l-prezz ex-works u l-valur ta’ materjali mhux oriġinanti rispettivament, għall-fini li tiġi stabbilità konformità mal-kontenut massimu ta’ materjali mhux oriġinanti.

1.   Bla ħsara għall-paragrafu 3, l-operazzjonijiet li ġejjin għandhom jitqiesu bħala xogħol jew ipproċessar li mhux biżżejjed biex jingħatalhom l-istatus ta’ prodotti tal-oriġini, kemm jekk ir-rekwiżiti tal-Artikolu 4 ta’ dan l-Anness jiġu ssodisfati u kemm jekk le:

2.   Għall-finijiet tal-paragrafu 1, l-operazzjonijiet għandhom jitqiesu bħala sempliċi meta l-prestazzjoni ma titlob il-ħtieġa tal-ebda ħila u lanqas magna, apparat jew għodod prodotti jew installati apposta għal dawn l-operazzjonijiet.

3.   L-operazzjonijiet kollha li jitwettqu ġewwa PTEE fuq prodott partikolari għandhom jitqiesu meta jkun qed jiġi stabbilit jekk ix-xogħol jew l-ipproċessar li jkun għadda minnu l-prodott għandux jitqies bħala insuffiċjenti skont it-tifsira tal-paragrafu 1.

1.   Permezz ta’ deroga mill-Artikolu 4 ta’ dan l-Anness u suġġett għall-paragrafi 2 u 3 ta’ dan l-Artikolu, il-materjali mhux oriġinanti li, skont il-kundizzjonijiet stabbiliti fil-lista fl-Appendiċi II ma jintużawx fil-manifattura ta’ prodott partikolari iżda jistgħu jintużaw xorta waħda, kemm-il darba l-valur totali jew il-piż nett ivvalutat tal-prodott ma jkunx jaqbeż:

2.   Il-paragrafu 1 ma għandux jippermetti li jinqabeż xi wieħed mill-perċentwali għall-kontenut massimu tal-materjali mhux oriġinanti kif speċifikati fir-regoli stabbiliti fil-lista fl-Appendiċi II.

3.   Il-paragrafi 1 u 2 ma għandhomx japplikaw għal prodotti li jinkisbu kompletament f’PTEE fit-tifsira tal-Artikolu 3 ta’ dan l-Anness. Madankollu, mingħajr ħsara għall-Artikolu 5 u l-Artikolu 11(2) ta’ dan l-Anness, it-tolleranza prevista f’dawn il-paragrafi għandha tapplika xorta waħda għall-materjali kollha li jintużaw fil-manifattura ta’ prodott u li għalihom ir-regola elenkata fil-lista fl-Appendiċi I għal dak il-prodott titlob li tali materjali jkunu miksuba kompletament.

1.   Bla ħsara għall-Artikolu 2 ta’ dan l-Anness, il-materjali li joriġinaw fl-Unjoni Ewropea għandhom jiġu kkunsidrati bħala materjali li joriġinaw f’PTEE meta jkunu inkorporati fi prodott miksub minn hemmhekk, sakemm ikun sar xogħol jew ipproċessar fuqhom li jmur lil hinn mill-operazzjonijiet imsemmija fl-Artikolu 5(1).

2.   Bla ħsara għall-Artikolu 2 ta’ dan l-Anness, ix-xogħol u l-ipproċessar imwettqa fl-Unjoni għandhom jiġu kkunsidrati bħala li twettqu f’PTEE, meta l-materjali jkomplu jiġu maħduma jew ipproċessar hemmhekk li jmur lil hinn mill-operazzjonijiet imsemmija fl-Artikolu 5(1) ta’ dan l-Anness.

3.   Għall-fini tal-kumulu previst f’dan l-Artikolu, l-oriġini tal-materjali għandha tiġi stabbilita skont dan l-Anness.

1.   Bla ħsara għall-Artikolu 2 ta’ dan l-Anness, il-materjali li joriġinaw fil-pajjiżi tal-FSE għandhom jiġu kkunsidrati bħala materjali li joriġinaw f’PTEE meta jkunu inkorporati fi prodott miksub minn hemmhekk, sakemm ikun sar xogħol jew ipproċessar fuqhom li jmur lil hinn mill-operazzjonijiet imsemmija fl-Artikolu 5(1) ta’ dan l-Anness.

2.   Bla ħsara għall-Artikolu 2 ta’ dan l-Anness, ix-xogħol u l-ipproċessar imwettqa fil-pajjiżi tal-FSE għandhom jiġu kkunsidrati bħala li twettqu f’PTEE, meta l-materjali jkomplu jiġu maħduma jew ipproċessar hemmhekk li jmur lil hinn mill-operazzjonijiet imsemmija fl-Artikolu 5(1) ta’ dan l-Anness.

3.   Għall-finijiet tal-paragrafu 1 ta’ dan l-Artikolu, l-oriġini tal-materjali oriġinanti f’pajjiż tal-FSE għandhom jiġu ddeterminati skont ir-regoli tal-oriġini applikabbli għall-FSE kkonċernat u d-dispożizzjonijiet rilevanti dwar il-provi tal-oriġini u l-kooperazzjoni amministrattiva.

Il-kumulu previst f’dan l-Artikolu ma għandux japplika għal dawn li ġejjin:

4.   L-akkumulazzjoni li jipprovdi għaliha dan l-Artikolu tista’ tkun applikata biss jekk:

5.   Fejn il-pajjiżi tal-FSE jkunu diġà kkonformaw mal-paragrafu 4 qabel id-dħul fis-seħħ tad-Deċiżjoni, ma jkunx hemm il-bżonn ta’ konferma ġdida.

1.   Bla ħsara għall-Artikolu 2 ta’ dan l-Anness, il-materjali li joriġinaw fil-pajjiżi u t-territorji stabbiliti fil-paragrafu 2 ta’ dan l-Artikolu għandhom jiġu kkunsidrati bħala materjali li joriġinaw f’PTEE meta jkunu inkorporati fi prodott miksub minn hemmhekk, sakemm ikun sar xogħol jew ipproċessar fuqhom li jmur lil hinn mill-operazzjonijiet imsemmija fl-Artikolu 5(1) ta’ dan l-Anness.

2.   Għall-finijiet tal-paragrafu 1, il-materjali għandhom joriġinaw minn pajjiż jew territorju:

3.   L-oriġini tal-materjali tal-pajjiżi jew territorji kkonċernati għandhom jiġu determinati skont ir-regoli tal-oriġini stabbiliti f’konformità mal-Artikolu 33 tar-Regolament (UE) Nru 978/2012 u f’konformità mal-Artikolu 32 jew 41 ta’ dan l-Anness.

4.   Il-kumulu previst f’dan il-paragrafu ma għandux japplika għal dawn li ġejjin:

5.   Il-kumulu previst fil-paragrafu 1 ta’ dan l-Artikolu jista’ japplika biss kemm-il darba:

6.   F’Il-Ġurnal Uffiċjali tal-Unjoni Ewropea (serje C) il-Kummissjoni għandha tippubblika d-data meta l-kumulu previst f’dan l-Artikolu jista’ jkun applikat ma’ dawk il-pajjiżi jew territorji mniżżla f’dan l-Artikolu u li jkunu ssodisfaw ir-rekwiżiti neċessarji.

1.   Fuq it-talba ta’ PTEE, il-Kummissjoni tista’ tagħti kumulu ta’ oriġini bejn PTEE u pajjiż li jkollu fis-seħħ ftehim ta’ kummerċ ħieles mal-Unjoni skont l-Artikolu XXIV tal-Ftehim Ġenerali dwar it-Tariffi u l-Kummerċ (GATT) fis-seħħ, kemm-il darba jiġu ssodisfati dawn il-kundizzjonijiet li ġejjin:

Il-Kummissjoni, filwaqt li tieħu kont tar-riskju ta’ evażjoni tal-kummerċ u s-sensittivitajiet speċifiċi ta’ materjali li għandhom jintużaw fil-kumulazzjoni, tista’ tistabbilixxi kondizzjonijiet addizzjonali għall-għoti tal-kumulazzjoni mitluba.

2.   Il-talba msemmija fl-ewwel subparagrafu tal-paragrafu 1 ta’ dan l-Artikolu għandha tiġi indirizzata lill-Kummissjoni bil-miktub. Din għandha tindika l-pajjiż jew il-pajjiżi terzi kkonċernati, għandha tiġbor lista tal-materjali li huma suġġetti għal kumulu u għandha tiġi sostnuta bi provi li l-kundizzjonijiet stabbiliti fil-punti (a) u (b) tal-paragrafu 1 ta’ dan l-Artikolu jiġu ssodisfati.

3.   L-oriġini tal-materjali użati u l-prova dokumentata tal-oriġini għandhom jiġu deċiżi skont ir-regoli stabbiliti fil-ftehim ta’ kummerċ ħieles rilevanti. L-oriġini tal-prodotti li jkunu ser jiġu esportati lejn l-Unjoni għandha tiġi deċiża skont ir-regoli tal-oriġini stabbiliti f’dan l-Anness.

4.   Sabiex il-prodott miksub jingħata status ta’ oriġini, mhux ser ikun neċessarju li l-materjali li joriġinaw f’pajjiż terz u użati f’PTEE fil-manifattura tal-prodott li jkunu ser jiġi esportat lejn l-Unjoni jkunu sarulhom ħidma jew ipproċessar, kemm-il darba l-ħidma jew l-ipproċessar imwettqa fil-PTEE ikkonċernat jkunu jmorru lil hinn mill-operazzjonijiet deskritti fl-Artikolu 5(1) ta’ dan l-Anness.

5.   F’Il-Ġurnal Uffiċjali tal-Unjoni Ewropea (Serje C) l-Kummissjoni għandha tippubblika d-data li fiha jidħol fis-seħħ il-kumulu estiż, il-parti fil-ftehim ta’ kummerċ ħieles tal-Unjoni involuta f’dak il-kumulu, il-kundizzjonijiet applikabbli u l-lista ta’ materjali li għalihom japplika l-kumulu.

6.   Il-Kummissjoni għandha tadotta miżura li tagħti l-kumulu msemmi fil-paragrafu 1 ta’ dan l-Artikolu permezz tal-atti implimentattivi. Dawk l-atti ta’ implimentazzjoni jiġu adottati skont il-proċedura ta’ eżami msemmija fl-Artikolu 64(2) ta’ dan l-Anness.

1.   L-unità ta’ kwalifika għall-applikazzjoni tad-dispożizzjonijiet ta’ dan l-Anness għandha tkun il-prodott partikolari li jkun ikkunsidrat bħala l-unità bażika meta tiġi ddeterminata l-klassifikazzjoni billi tintuża s-Sistema Armonizzata.

2.   Meta kunsinna tkun tikkonsisti minn għadd ta’ prodotti identiċi kklassifikati taħt l-istess intestatura tas-Sistema Armonizzata, kull prodott individwali għandu jitqies b’mod individwali fl-applikazzjoni tad-dispożizzjonijiet ta’ dan l-Anness.

3.   Meta, skont ir-regola ġenerali 5 tas-Sistema Armonizzata, l-ippakkjar ikun inkluż mal-prodott għall-finijiet ta’ klassifikazzjoni, għandu jkun inkluż għall-finijiet tad-determinazzjoni tal-oriġini.

1.   Jekk jintużaw materjali funġibbli oriġinanti jew mhux oriġinanti fil-ħidma jew fl-ipproċessar ta’ prodott, l-awtoritajiet doganali tal-Istati Membri jistgħu, fuq talba bil-miktub min-naħa ta’ operaturi ekonomiċi, jawtorizzaw il-ġestjoni ta’ materjali fl-Unjoni li jużaw il-metodu ta’ segregazzjoni tal-kontabbiltà għall-fini tal-esportazzjoni sussegwnei lejn PTEE fil-qafas ta’ kumlu bilaterali, mingħajr il-ħtieġa li l-materjali jinżammu fi stokkijiet separati.

2.   L-awtoritajiet doganali tal-Istati Membri jistgħu jagħmlu l-għoti tal-awtorizzazzjoni msemmija fil-paragrafu 1 suġġett għal kwalunkwe kundizzjoni li jqisu xierqa.

L-awtorizzazzjoni għandha tingħata biss jekk permezz tal-użu tal-metodu msemmi fl-paragrafu 3 jkun jista’ jiġi żgurat li, fi kwalunkwe żmien, l-għadd ta’ prodotti miksuba li jkunu jistgħu jitqiesu bħala ‘oriġinanti fl-Unjoni’ jkun l-istess bħall-għadd li jinkiseb jekk jintuża l-metodu ta’ segregazzjoni fiżika tal-istokkijiet.

Jekk jiġi awtorizzat, il-metodu għandu japplika u l-applikazzjoni tiegħu għandha tiġi rreġistrata abbażi tal-prinċipji ġenerali tal-konstabbiltà li huma applikabbli fl-Unjoni.

3.   Il-benefiċjarju tal-metodu mesmmi fil-paragrafu 2 għandu jistabbilixxi jew, sakemm ma tiġi applikata s-sistema ta’ esportatur irreġistrat, japplika għall-provi tal-oriġini għall-kwantità tal-prodotti li jkunu jistgħu jitqiesu bħala oriġinanti fl-Unjoni. Fuq it-talba tal-awtoritajiet doganali tal-Istati Membri, il-benefiċjarju għandu jipprovdi dikjarazzjoni dwar il-ġestjoni tal-kwantitajiet.

4.   L-awtoritajiet doganali tal-Istati Membri għandhom iwettqu monitoraġġ tal-użu li jsir mill-awtorizzazzjoni msemmija fil-paragrafu 1.

Huma jkunu jistgħu jirtiraw l-awtorizzazzjoni fil-każi li ġejjin:

1.   Fuq inizjattiva tal-Kummissjoni jew fi tweġiba għal talba minn Stat Membru jew PTEE, PTEE jista’ jingħata deroga temporanja mid-dispożizzjonijiet ta’ dan l-Anness fi kwalunkwe wieħed mill-każi li ġejjin:

2.   It-talba msemmija fil-paragrafu 1 għandha tiġi indirizzata lill-Kummissjoni bil-miktub, permezz tal-formola li tinsab fl-Appendiċi X. Din għandha tistqarr ir-raġunijiet għat-talba u għandha tinkludi d-dokumenti ta’ sostenn xierqa.

3.   L-analiżi tat-talbiet għandha tqis b’mod partikolari:

4.   Il-Kummissjoni għandha twieġeb b’mod pożittiv għat-talbiet kollha li huma ġustifikati kif mistħoqq f’konformità ma’ dan l-Artikolu u li ma jistgħux jikkaġunaw ħsara serja għal industrija tal-Unjoni stabbilita.

5.   Il-Kummissjoni għandha tieħu l-passi meħtieġa biex tiżgura li tintlaħaq deċiżjoni kemm jista’ jkun malajr u għandha tadotta l-pożizzjoni tagħha 95 jum ta’ xogħol mid-data li tirċievi applikazzjoni kompluta.

6.   Id-deroga temporanja għandha tkun limitata għal kemm idumu l-effetti tal-fatturi interni jew esterni li jikkaġunawha jew għat-tul ta’ żmien meħtieġ biex l-ICT jikseb il-konformità mar-regoli jew biex jissodisfa l-miri li jkunu ġew stabbiliti mid-deroga, b’kunsiderazzjoni tas-sitwazzjoni partiklari tal-PTEE ikkonċernat u d-diffikultajiet li jħabbat wiċċu magħhom.

7.   Meta tingħata deroga, din tkun suġġetta għall-konformità ma’ kwalunkwe rekwiżit stabbilit fir-rigward tal-informazzjoni li tkun trid tingħata lill-Kummissjoni dwar l-użu tad-deroga u l-immaniġġjar tal-kwantitajiet li għalihom tkun ingħatat id-deroga.

8.   Il-Kummissjoni tadotta miżura li tagħti d-deroga temporanja msemmija fil-paragrafu 1 ta’ dan l-Artikolu permezz ta’ atti ta’ implimentazzjoni. Dawk l-atti ta’ implimentazzjoni jiġu adottati skont il-proċedura ta’ eżami msemmija fl-Artikolu 64(2) ta’ dan l-Anness.

1.   Għajr kif inhuwa previst fl-Artikoli 7 sa 10 ta’ dan l-Anness, il-kundizzjonijiet stabbiliti f’dan l-Anness għall-għoti ta’ status oriġinanti għandhom jiġu ssodisfati mingħajr interruzzjoni mill-PTEE.

2.   Jekk il-prodotti oriġinanti esportati mill-PTEE lejn pajjiż ieħor ikunu rritornati, għandhom jitqiesu bħala mhux-oriġinarji sakemm ikun jista’ jintwera għas-sodisfazzjon tal-awtoritajiet kompetenti li:

1.   Il-prodotti ddikjarati għar-rilaxx għaċ-ċirkulazzjoni ħielsa fl-Unjoni għandhom ikunu l-istess prodotti kif esportati mill-PTEE fejn jitqiesu li oriġinaw. M’għandhomx ikunu ġew mibdula, ittrasformati b’xi mod jew suġġetti għal operazzjonijiet għajr operazzjonijiet biex ikunu ppriservati f’kundizzjoni tajba, qabel ikunu ddikjarati għar-rilaxx għaċ-ċirkulazzjoni ħielsa. Il-ħżin ta’ prodotti jew kunsinni u l-qsim ta’ kunsinni jistgħu jseħħu meta jitwettqu taħt ir-responsabilità tal-esportatur jew ta’ detentur sussegwenti tal-merkanzija u l-prodotti jibqgħu taħt is-sorveljanza doganali fil-pajjiż jew pajjiżi ta’ tranżitu.

2.   Għandu jitqies li jkun hemm konformità mal-paragrafu 1 sakemm l-awtoritajiet doganali ma jkollhomx raġuni biex jemmnu mod ieħor. F’tali każi, l-awtoritajiet doganali jistgħu jitolbu lid-dikjarant biex jipprovdi evidenza tal-konformità, li tista’ tingħata bi kwalunkwe mezz, inklużi dokumenti kontrattwali tat-trasport bħall-polza tal-kargu jew evidenza fattwali jew konkreta bbażata fuq l-immarkar jew l-innumerar tal-pakketti jew kwalunkwe evidenza relatata mal-prodotti nfushom.

3.   Il-paragrafi 1 u 2 ta’ dan l-Artikolu għandhom japplikaw mutatis mutandis meta jkun japplika l-kumulu skont l-Artikoli 7 sa 10 ta’ dan l-Anness.

1.   Prodotti oriġinanti, mibgħuta minn PTEE għal wirja f’pajjiż ieħor għajr PTEE, Stat tal-FSE jew Stat Membru, u mibjugħa wara l-wirja għal importazzjoni fl-Unjoni għandhom jibbenefikaw fuq l-importazzjoni mid-dispożizzjonijiet tad-Deċiżjoni basta iżda li tintwera li hija għas-sodisfazzjoni tal-awtoritajiet doganali li:

2.   Prova tal-oriġini għandha tinħareġ jew titfassal skont it-Titolu IV ta’ dan l-Anness u ppreżentata lill-awtoritajiet doganali tal-pajjiż importatur skont il-proċeduri applikabbli f’dak il-pajjiż. Din għandha tindika l-isem u l-indirizz tal-wirja. Fejn ikun meħtieġ, tista’ tinħtieġ evidenza dokumentarja addizzjonali tal-kundizzjonijiet li taħthom ġew eżibiti l-prodotti.

3.   Il-paragrafu 1 għandu japplika għal kwalunkwe wirja kummerċjali, industrijali, agrikola jew tal-artiġġjanat, fiera jew esibizzjoni jew wirja pubblika simili li ma tkunx organizzata għal skopijiet privati fi ħwienet jew postijiet ta’ negozju bl-għan ta’ bejgħ ta’ prodotti barranin, u li matulha l-prodotti jibqgħu taħt kontroll doganali.

1.   Għall-applikazzjoni tal-Artikoli 26, 31, 43 u 44 ta’ dan l-Anness f’każi fejn prodotti jiġu fatturati f’munita li ma tkunx l-euro, l-ammonti fil-muniti nazzjonali tal-Istati Membri li jkunu ekwivalenti għal ammonti espressi f’euro għandhom jiġu stabbiliti kull sena minn kull wieħed mill-pajjiżi kkonċernati.

2.   Konsensja għandha tibbenefika mill-Artikoli 26, 31, 43 u 44 b’referenza għall-munita fejn tkun inħarġet il-fattura.

3.   L-ammonti użati fi kwalunkwe munita nazzjonali għandhom ikunu l-ammonti li f’dik il-munita jkunu ekwivalenti għall-ammonti espressi f’euro mill-ewwel jum ta’ xogħol ta’ Ottubru ta’ kull sena. L-ammonti jkunu kkomunikati lill-Kummissjoni tal-Komunitajiet Ewropej sal-15 ta’ Ottubru u japplikaw mill-1 ta’ Jannar tas-sena ta’ wara. Il-Kummissjoni għandha tinnotifika l-pajjiżi kollha kkonċernati bl-ammonti rilevanti.

4.   Stat Membru jista’ jżid jew inaqqas l-ammont li jirriżulta mill-kambju fil-valuta nazzjonali ta’ somma espressa f’euro, biex tinkiseb ċifra għad-dritt. L-ammont mogħti għad-dritt ma jistax ikun differenti b’aktar minn 5 % mill-ammont li jirriżulta mill-kambju. Stat Membru jista’ jżomm hekk kif ikun l-ammont ekwivalenti fil-munita nazzjonali tiegħu ta’ ammont espress f’euro jekk, fiż-żmien tal-aġġustament annwali previst fil-paragrafu 3, il-kambju ta’ dak l-ammont, qabel ma jinġibed għad-dritt, jirriżulta f’żieda ta’ inqas minn 15 fil-mija fl-ekwivalenti tal-munita nazzjonali. L-ekwivalenti fil-munita nazzjonali jista’ jinżamm mhux mibdul jekk il-konverżjoni tirriżulta fi tnaqqis f’dak il-valur ekwivalenti.

5.   L-ammonti espressi f’euro u l-ekwivalenti tagħhom f’muniti nazzjonali ta’ wħud mill-Istati Membri għandhom jiġu riveduti mill-Kummissjoni fuq inizjattiva proprja jew fuq talba ta’ Stat Membri jew ta’ PTEE. Meta titwettaq din ir-rieżami, il-Kummissjoni għandha tikkunsidra x-xewqa li jinżammu l-effetti tal-limiti kkonċernati f’termini reali. Għal dan il-għan, tista’ tiddeċiedi li timmodifika l-ammonti espressi f’euro.

1.   Ċertifikat ta’ moviment EUR.1 għandu jinħareġ mill-awtoritajiet doganali tal-PTEE esportatur fuq applikazzjoni li tkun saret bil-miktub mill-esportatur jew, fuq ir-responsabbilta tal-esportatur, mir-rappreżentant awtorizzat tiegħu.

2.   Għal dan il-għan, l-esportatur jew ir-rappreżentant awtorizzat tiegħu għandhom jimlew kemm iċ-ċertifikat ta’ moviment EUR.1 kif ukoll l-formola ta’ applikazzjoni, li jidhru eżempji tagħhom fl-Appendiċi III u IV. Dawn il-formoli għandhom jimtlew skont dan l-Anness. Jekk jinkitbu bl-idejn, għandhom jimtlew bil-linka b’karattri stampati. Id-deskrizzjoni tal-prodotti għandha tingħata fil-kaxxa riżervata għal dan il-għan mingħajr ma jitħallew linji vojta. Meta l-kaxxa ma tkunx mimlija għalkollox, għandu jkun hemm sinjal orizzontali taħt l-aħħar linja tad-deskrizzjoni u l-ispazju vojt għandu jkun ingassat.

3.   L-esportatur li qed japplika għall-ħruġ ta’ ċertifikat ta’ moviment EUR.1 għandu jkun ippreparat sabiex jissottometti f’kull ħin, fuq it-talba tal-awtoritajiet doganali tal-PTEE esportatur fejn jinħareġ iċ-ċertifikat ta’ moviment EUR.1, id-dokumenti kollha xierqa li jippruvaw li l-istat tal-oriġini tal-prodotti konċernati kif ukoll it-twettieq tal-ħtiġijiet l-oħra ta’ dan l-Anness.

4.   Ċertifikat ta’ moviment EUR.1 għandu jinħareġ mill-awtoritajiet doganali tal-PTEE esportatur jekk il-prodotti konċernati jkunu jistgħu jitqiesu bħala prodotti li joriġinaw mill-PTEE, mill-Unjoni jew mill-pajjiż tal-FSE u li jiġu ssodisfati r-rekwiżiti l-oħra ta’ dan l-Anness.

5.   L-awtoritajiet doganali li jawtorizzaw il-ħruġ jieħdu l-passi kollha meħtieġa biex jivverifikaw l-istatus oriġinanti tal-prodotti u s-sodisfazzjon tar-rekwiżiti l-oħra ta’ dan l-Anness. Għal dan il-għan, ikollhom id-dritt li jsejħu kwalunkwe evidenza u jwettqu kwalunkwe spezzjoni tal-kontijiet tal-esportatur jew kwalunkwe kontroll ieħor meqjus xieraq. L-awtoritajiet doganali li jawtorizzaw il-ħruġ għandhom jiżguraw ukoll li l-formoli msemmija fil-paragrafu 2 jimtlew. B’mod partikolari, għandhom jikkontrollaw jekk l-ispazju rriservat għad-deskrizzjoni tal-prodotti jkun imtela b’tali mod li jeskludi kull possibilità ta’ żidiet qarrieqa.

6.   Id-data tal-ħruġ taċ-ċertifikat ta’ moviment EUR.1 għandha tiġi indikata fil-Kaxxa 11 taċ-ċertifikat.

7.   L-awtoritajiet doganali għandhom joħorġu u għandhom iqiegħdu għad-dispożizzjoni tal-esportatur ċertifikat EUR.1 malli l-esportazzjoni nfisha tkun twettqet jew tkun ġiet żgurata.

1.   Minkejja l-Artikolu 22, ċertifikat ta’ moviment EUR.1 jista’ jinħareġ wara l-esportazzjoni tal-prodotti li jkopri jekk:

2.   Għall-implimentazzjoni tal-paragrafu 1, l-esportatur għandu jindika fl-applikazzjoni tiegħu l-post u d-data tal-esportazzjoni tal-prodotti koperti miċ-ċertifikat ta’ ċaqliq EUR.1 u għandu jiddikjara r-raġunijiet għat-talba tiegħu.

3.   L-awtoritajiet doganali jistgħu joħorġu ċertifikat ta’ moviment tal-EUR.1 b’mod retrospettiv biss wara li jkunu vverifikaw li t-tagħrif mogħti fl-applikazzjoni tal-esportatur ikun jaqbel mal-fajl korrispondenti.

4.   Ċertifikati ta’ moviment EUR.1 maħruġa retrospettivament iridu jiġu approvati mal-frażijiet li ġejjin fil-kaxxa “Rimarki” (Kaxxa 7) taċ-ċertifikat tal-moviment EUR.1.

5.   L-approvazzjoni msemmija fil-paragrafu 4 għandha tiddaħħal fil-kaxxa tar-‘Rimarki’ taċ-ċertifikat tal-moviment EUR.1.

1.   Fil-każ ta’ serq, telf jew qerda ta’ ċertifikat ta’ moviment EUR.1, l-esportatur jista’ japplika lill-awtoritajiet doganali li jkunu ħarġuh għal kopja magħmula fuq il-bażi tad-dokumenti ta’ esportazzjoni fil-pussess tagħhom.

2.   Iċ-ċertifikat tal-moviment EUR.1 f’żewġ kopji għandu jiġi approvat fil-kaxxa ‘Rimarki’ (Kaxxa 7) bil-kelmiet li ġejjin:

‘DUPLICATE’.

3.   L-approvazzjoni msemmija fil-paragrafu 2 għandha tiddaħħal fil-kaxxa ‘Rimarki’ taċ-ċertifikat ta’ moviment EUR.1 f’żewġ kopji.

4.   Iċ-ċertifikat duplikat, li għandu jkollu d-data tal-ħruġ taċ-ċertifikat oriġinali ta’ ċaqliq EUR.1, għandu jibda japplika minn dik id-data.

1.   Dikjarazzjoni tal-oriġini kif imsemmi fl-Artikolu 21(b) ta’ dan l-Anness tista’ ssir:

2.   Tista’ tinħareġ dikjarazzjoni tal-oriġini jekk il-prodotti konċernati jkunu jistgħu jitqiesu bħala prodotti li joriġinaw f’PTEE, pajjiż tal-FSE jew fl-Unjoni u jkunu jissodisfaw ir-rekwiżiti l-oħra ta’ dan l-Anness.

3.   L-esportatur li qed joħroġ dikjarazzjoni tal-oriġini għandu jkun ippreparat sabiex jissottometti f’kull ħin, fuq it-talba tal-awtoritajiet doganali tal-pajjiż jew territorju esportatur, id-dokumenti kollha xierqa li jippruvaw li l-istat tal-oriġini tal-prodotti kkonċernati kif ukoll l-issodisfar tar-rekwiżiti l-oħra ta’ dan l-Anness.

4.   Dikjarazzjoni tal-oriġini għandha tinħareġ mill-esportatur permezz tat-tajpjar, it-timbrar jew l-istampar fuq il-fattura, id-delivery note jew dokument kummerċjali ieħor, id-dikjarazzjoni, li t-test tiegħu jidher fl-Appendiċi VI, permezz tal-verżjonijiet lingwistiċi dikjarati f’dak l-Anness u bi qbil mad-dispożizzjonijiet tal-liġi domestika tal-pajjiż jew territorju esportatur. Jekk id-dikjarazzjoni tinkiteb bl-idejn, għandha tinkiteb bil-linka b’karattri stampati.

5.   Id-dikjarazzjonijiet tal-oriġini għandu jkollhom il-firma oriġinali tal-esportatur bl-idejn. Minkejja dan, esportatur approvat fi ħdan it-tifsira tal-Artikolu 27 ta’ dan l-Anness ma għandux bżonn jiffirma dawn it-tipi ta’ dikjarazzjonijiet sakemm ikun forna impenn bil-miktub lill-awtoritajiet doganali tal-pajjiż tal-esportazzjoni li huwa jaċċetta r-responsabbiltà sħiħa għal kwalunkwe dikjarazzjoni tal-oriġini li tidentifikah bħala li kienet iffirmata minnu bil-miktub.

6.   Tista’ tinħareġ dikjarazzjoni tal-oriġini mill-esportatur meta l-prodotti li tkopri jiġu esportati jew wara l-esportazzjoni sakemm tiġi ppreżentata fil-pajjiż importatur mhux aktar minn sentejn wara l-importazzjoni tal-prodotti li hija tkopri.

1.   L-awtoritajiet doganali tal-pajjiż esportatur jistgħu jawtorizzaw kwalunkwe esportatur li joħroġ dikjarazzjonijiet tal-oriġini irrispettivament mill-valur tal-prodotti kkonċernati. Esportatur li jfittex din l-awtorizzazzjoni għandu joffri għas-sodisfazzjoni tal-awtoritajiet doganali l-garanziji kollha meħtieġa sabiex jiġi verifikat l-istatus oriġinanti tal-prodotti kif ukoll l-issodisfar tar-rekwiżiti l-oħra ta’ dan l-Anness.

2.   L-awtortajiet doganali jistgħu jagħtu l-istatus ta’ esportatur approvat suġġett għal kwalunkwe kondizzjoni li huma jqisu xierqa.

3.   L-awtoritajiet doganali għandhom jagħtu lill-esportatur approvat numru tal-awtorizzazzjoni doganali li għandu jidher fuq id-dikjarazzjoni tal-oriġini.

4.   L-awtoritajiet doganali għandhom jissorveljaw l-użu tal-awtorizzazzjoni mill-esportatur approvat.

5.   L-awtoritajiet doganali jistgħu jirtiraw l-awtorizzazzjoni fi kwalunkwe waqt. Għandhom jagħmlu dan meta l-esportatur approvat ma joffrix aktar il-garanziji riferiti fil-paragrafu 1, ma jissodisfax il-kundizzjonijiet imsemmija fil-paragrafu 2 jew inkella jagħmel użu mhux korrett tal-awtorizzazzjoni.

1.   Prova tal-oriġini tkun valida għal għaxar xhur mid-data tal-ħruġ fil-pajjiż esportatur, u għandha tkun ippreżentata fil-perijodu msemmi lill-awtoritajiet doganali tal-pajjiż importatur.

2.   Il-provi ta’ oriġini li huma ppreżentati lill-awtoritajiet doganali tal-pajjiż importatur wara d-data finali għall-preżentazzjoni speċifikata fil-paragrafu 1 jistgħu jiġu aċċettati għall-iskop li jiġi applikat trattament preferenzali, fejn in-nuqqas ta’ sottomissjoni ta’ dawn id-dokumenti sad-data finali stabbilita jkun dovut għal ċirkostanzi eċċezzjonali.

3.   F’każijiet oħrajn ta’ preżentazzjoni li tkun saret tard, l-awtoritajiet doganali tal-pajjiż tal-importazzjoni jistgħu jaċċettaw il-prova tal-oriġini meta l-oġġetti jkunu ġew ippreżentati lilhom qabel id-data finali msemmija.

1.   Il-prodotti li jintbagħtu bħala pakketti żgħar minn persuni privati lil persuni privati jew li jkunu parti mill-bagalji personali ta’ persuna li tivvjaġġa, għandhom jiddaħħlu bħala prodotti tal-oriġini mingħajr ma tkun meħtieġa l-preżentazzjoni ta’ prova tal-oriġini, sakemm prodotti bħal dawn ma jkunux importati bi skop kummerċjali u jkunu ddikjarati li jissodisfaw ir-rekwiżiti ta’ dan l-Anness u fejn ma jkun hemm l-ebda dubju dwar il-veraċità ta’ tali dikjarazzjoni. Fil-każ ta’ prodotti li jintbagħtu bil-posta, din id-dikjarazzjoni tista’ ssir fuq id-dikjarazzjoni doganali CN22/CN23 jew fuq karta mehmuża ma’ dak id-dokument.

2.   Importazzjonijiet li ma jkunux regolari u li jikkonsistu biss minn prodotti għall-użu personali tad-destinatarji jew tal-vjaġġaturi jew tal-familji tagħhom ma għandhomx jitqiesu bħala importazzjonijiet bi skop kummerċjali jekk ikun evidenti min-natura u l-kwantità tal-prodotti li ma hemm ebda skop kummerċjali.

3.   Barra minn hekk, il-valur totali ta’ dawn il-prodotti m’għandux jaqbeż il-EUR 500 fil-każ ta’ pakketti żgħar jew EUR 1 200 fil-każ ta’ prodotti li jiffurmaw parti mill-bagalji personali tal-vjaġġatur.

1.   Għall-finijiet tal-Artikolu 2(2) u l-Artikolu 7(1) ta’ dan l-Anness, l-evidenza ta’ status oriġinanti fit-tifsira ta’ dan l-Anness tal-materjali li jkunu ġejjin minn PTEE ieħor jew mill-Unjoni għandha tingħata permezz ta’ ċertifikat ta’ moviment EUR.1 jew dikjarazzjoni tal-oriġini jew permezz ta’ dikjarazzjoni tal-fornitur, pprovduta mill-esportatur fil-pajjiż minn fejn ikunu ġejjin il-materjali. Eżempju tad-dikjarazzjoni tal-fornitur jinsab fl-Appendiċi VII. F’każijiet fejn il-PTEE fornitur ikun implimenta s-Sistema ta’ Esportatur Reġistrat iżda l-PTEE tal-ipproċessar ulterjuri ma jkunx, l-evidenza tal-istatus oriġinanti tista’ tingħata wkoll permezz ta’ stqarrija dwar l-oriġini.

2.   Għall-finijiet tal-Artikolu 2(2) u l-Artikolu 7(2) ta’ dan l-Anness, l-evidenza ta’ xogħol jew ipproċessar imwettqa f’PTEE ieħor jew fl-Unjoni għandha tingħata permezz ta’ dikjarazzjoni tal-fornitur, li tingħata mill-esportatur fil-pajjiż minn fejn ikunu ġejjin il-materjali. Eżempju tad-dikjarazzjoni tal-fornitur jinsab fl-Appendiċi VIII.

3.   Għall-finijiet tal-paragrafi 1 u 2, il-fornitur għandu jagħti dikjarazzjoni separata tal-fornitur għal kull kunsinja ta’ materjali fuq il-fattura kummerċjali relatata ma’ dik il-kunsinja jew f’anness ma’ dik il-fattura, jew fuq irċevuta postali jew xi dokument kummerċjali ieħor li għandu x’jaqsam mal-kunsinja li tiddeskrivi l-materjali konċernat f’dettall biżżejjed biex ikunu jistgħu jiġu identifikati.

Id-dikjarazzjoni tal-fornitur tista’ ssir fuq formola stampata minn qabel.

Id-dikjarazzjonijiet tal-fornitur għandhom jiġu ffirmati bil-miktub. Madankollu, fejn il-fattura u d-dikjarazzjoni tal-fornitur jkunu stabbiliti permezz ta’ metodi elettroniċi ta’ pproċessar ta’ data, id-dikjarazzjoni tal-fornitur ma tkunx teħtieġ li tiġi ffirmata bil-kitba tal-id, kemm-il darba li l-uffiċjal responsabbli fil-kumpanija fornitriċi jiġi identifikat għas-sodisfazzjon tal-awtoritajiet doganali fil-pajjiż jew it-territorju fejn ikunu ġew stabbiliti d-dijarazzjonijiet tal-fornituri. Dawn l-awtoritajiet doganali jistgħu jqiegħdu kundizzjonijiet għall-implimentazzjoni ta’ dan il-paragrafu.

Id-dikjarazzjonijiet tal-fornitur jiġu sottomessi lill-uffiċċju doganali kompetenti fil-PTEE esportatur li jkun mitlub joħroġ iċ-ċertifikat ta’ moviment EUR.1.

4.   Fejn japplikaw l-Artikoli 8 u 10, l-evidenza ta’ status oriġinanti f’konformità mad-dispożizzjonijiet tal-ftehim ta’ kummerċ ħieles rilevanti bejn l-Unjoni u l-pajjiż ikkonċernat għandha tingħata permezz ta’ provi tal-oriġini stabbiliti mill-ftehim ta’ kummerċ ħieles rilevanti.

5.   Fejn japplika l-Artikolu 9, l-evidenza ta’ status oriġinanti f’konformità mad-dispożizzjonijiet stabbiliti fir-Regolament tal-Kummissjoni (KEE) Nru 2454/93 (4) għandha tingħata permezz tal-provi tal-oriġini stabbiliti mill-istess Regolament.

6.   Fil-każi msemmija fl-ewwel, fil-paragrafi 1, 2,4 u 5, il-Kaxxa 7 taċ-ċertifikat ta’ moviment EUR.1 jew tad-dikjarazzjoni tal-oriġini jew l-istqarrija dwar l-oriġini għandhom, fejn adatt, jiġbru fihom l-indikazzjoni “OCT cumulation”, “EU cumulation”, “EPA cumulation”, “cumulation with GSP country” or “extended cumulation with country x” or “Cumul PTOM”, “Cumul UE”, “cumul avec pays APE”, “cumul avec pays SPG” or “cumul étendu avec le pays x”.

1.   L-esportatur li japplika għall-ħruġ ta’ ċertifikat ta’ moviment EUR.1 għandu jżomm għal mill-inqas tliet snin id-dokumenti msemmija fl-Artikolu 22(3).

2.   L-esportatur li jimla dikjarazzjoni tal-oriġini għandu jżomm kopja ta’ din id-dikjarazzjoni tal-oriġini kif ukoll tad-dokumenti msemmija fl-Artikolu 26(3) għal mill-anqas tliet snin.

3.   L-awtoritajiet doganali tal-PTEE esportatur li joħroġ ċertifikat ta’ moviment EUR.1 għandu jżomm għal mill-inqas tliet snin l-applikazzjoni msemmija fl-Artikolu 22(2).

4.   L-awtoritajiet doganali tal-pajjiż importatur għandhom iżommu għal mill-inqas tliet snin iċ-ċertifikati ta’ moviment EUR.1 u d-dikjarazzjonijiet tal-oriġini sottomessi lilhom.

1.   Is-sejba ta’ diskrepanzi żgħar bejn l-istqarrijiet magħmula fil-prova tal-oriġini u dawk magħmula fid-dokumenti preżentati lill-uffiċċju doganali biex jitwettqu l-formalitajiet għall-importazzjoni tal-prodotti, ma għandhiex ipso facto tannulla l-prova tal-oriġini jekk ikun stabbilit kif xieraq li dan id-dokument fil-fatt jikkorrispondi għall-prodotti sottomessi.

2.   Żbalji formali ovvji bħalma huma żbalji tat-tajping fi prova tal-oriġini ma għandhomx iwasslu biex dan id-dokument jiġi rifjutat jekk dawn l-iżbalji ma jkunux tali li joħolqu dubji dwar il-korrettezza tad-dikjarazzjonijiet magħmula f’dan id-dokument.

1.   L-awtoritajiet kompetenti tal-PTEE jistabbilixxu reġistru elettroniku tal-esportaturi rreġistrati li jinsabu f’dak il-pajjiż, u jżommuh aġġornat il-ħin kollu. Ir-reġistru jkun aġġornat immedjatament meta esportatur jitneħħa mir-reġistru skont l-Artikolu 41(2) ta’ dan l-Anness.

2.   Ir-reġistru jkun jinkludi t-tagħrif li ġej:

3.   L-awtoritajiet kompetenti tal-PTEE jinnotifikaw lill-Kummissjoni bis-sistema nazzjonali tal-enumerar li tkun intużat biex jinħatru l-esportaturi rreġistrati. In-numru jkun jibda bil-kodiċi tal-pajjiż ISO alpha 2.

1.   Esportaturi rreġistrati li m’għadhomx jissodisfaw il-kundizzjonijiet għall-esportazzjoni tal-prodotti li jibbenefikaw minn din id-Deċiżjoni, jew li m’għadx għandhom l-intenzjoni li jesportaw tali merkanzija, jinformaw lill-awtoritajiet kompetenti fil-PTEE li jneħħuhom minnufih mir-reġistru tal-esportaturi rreġistrati miżmum f’dak il-PTEE.

2.   Mingħajr ħsara għas-sistema ta’ penali u sanzjonijiet applikabbli fil-PTEE, meta esportaturi rreġistrati, intenzjonalment jew b’negliġenza, ifasslu jew iqabbdu lil min ifassal, dikjarazzjoni dwar l-oriġini jew kwalunkwe dokument ta’ appoġġ li fih informazzjoni żbaljata li twassal għall-ksib irregolari jew bi frodi tal-benefiċċju ta’ trattament tariffarju preferenzjali, l-awtoritajiet kompetenti tal-PTEE jirtiraw lill-esportatur mir-reġistru tal-esportaturi rreġistrati miżmum mill-PTEE kkonċernat.

3.   Mingħajr ħsara għall-impatt potenzjali tal-irregolaritajiet misjuba waqt verifiki li huma pendenti, l-irtirar mir-reġistru tal-esportaturi rreġistrati jidħol fis-seħħ għall-ġejjieni, jiġifieri fir-rigward ta’ dikjarazzjonijiet li jsiru wara d-data tal-irtirar.

4.   Esportaturi li tneħħew mir-reġistru tal-esportaturi rreġistrati mill-awtoritajiet kompetenti f’konformità mal-paragrafu 2 jistgħu jerġgħu jiddaħħlu fir-reġistru tal-esportaturi rreġistrati biss meta jkunu taw prova lill-awtoritajiet kompetenti fil-PTEE li huma rrimedjaw is-sitwazzjoni li wasslet għall-irtirar tagħhom.

1.   L-esportaturi, irreġistrati u mhumiex, iridu jikkonformaw mal-obbligi li ġejjin:

2.   Ir-reġistri msemmija fil-punt (d) tal-ewwel (1) paragrafu jistgħu jkunu elettroniċi imma jkunu jippermettu li l-materjali użati fil-manifattura tal-prodotti esportati jistgħu jkunu rrintraċċati u li l-istatus tal-oriġini tagħhom ikun ikkonfermat.

3.   L-obbligi previsti fil-paragrafu 1 u 2 japplikaw għall-fornituri li jipprovdu dikjarazzjonijiet tal-fornituri lill-esportaturi li jiċċertifikaw l-istatus tal-oriġini tal-merkanzija li huma jfornu.

1.   L-esportatur jagħmel dikjarazzjoni tal-oriġini meta l-merkanzija marbuta magħha tkun esportata, jekk il-merkanzija kkonċernata tista’ tiġi kkunsidrata bħala li toriġina fil-PTEE.

2.   B’deroga mill-paragrafu 1, dikjarazzjoni dwar l-oriġini tista’ b’mod eċċezzjonali ssir wara l-esportazzjoni (dikjarazzjoni retrospettiva) bil-kundizzjoni li tkun ippreżentata fl-Istat Membru tad-dikjarazzjoni għar-rilaxx għal ċirkulazzjoni ħielsa mhux aktar tard minn sentejn wara l-esportazzjoni. Fejn il-qsim tal-kunsinna jseħħ f’konformità mal-Artikolu 18 ta’ dan l-Anness, l-istqarrija dwar l-oriġini tista’ ssir ukoll retrospettivament.

3.   Id-dikjarazzjoni dwar l-oriġini tkun ipprovduta mill-esportatur lill-klijent tiegħu fl-Unjoni u jkun fiha l-partikolaritajiet speċifikati fl-Appendiċi XII. Dikjarazzjoni dwar l-oriġini ssir bl-Ingliż jew bil-Franċiż.

Tista’ ssir fuq kwalunkwe dokument kummerċjali li jippermetti li jkun identifikat l-esportatur ikkonċernat u l-merkanzija involuta.

4.   Meta tapplika kumulazzjoni taħt l-Artikoli 2 u 7 ta’ dan l-Anness, l-esportatur ta’ prodott, li fil-mmanifatturar tiegħu ntużaw materjali oriġinanti f’PTEE, jew fl-Unjoni jserraħ fuq id-dikjarazzjoni dwar l-oriġini pprovduta mill-fornitur tiegħu. F’każijiet fejn il-fornitur huwa stabbilit f’PTEE li jkun għadu ma implimentax is-Sistema ta’ Esportatur Reġistrat, l-esportatur fil-PTEE tal-ipproċessar ulterjuri jista’ wkoll jibbaża fuq ċertifikat ta’ moviment EUR.1, dikjarazzjoni tal-oriġini jew dikjarazzjoni tal-fornitur.

5.   F’dawn il-każijiet, id-dikjarazzjoni dwar l-oriġini magħmula mill-esportatur ikun fiha, skont il-każ, l-indikazzjoni “EU cumulation”, “OCT cumulation” or “Cumul UE”, “cumul PTOM”.

6.   Fejn jiġu applikati l-Artikoli 8 u 10 ta’ dan l-Anness, l-evidenza ta’ status oriġinanti f’konformità mad-dispożizzjonijiet tal-ftehim ta’ kummerċ ħieles rilevanti bejn l-Unjoni u l-pajjiż ikkonċernat għandha tiġi sodisfatta abbażi tal-provi tal-oriġini stabbiliti mill-ftehim ta’ kummerċ ħieles rilevanti.

F’dan il-każ, id-dikjarazzjoni dwar l-oriġini magħmula mill-esportatur tkun tinkludi l-indikazzjoni “cumulation with EPA country” jew “extended cumulation with country x” jew “cumul avec pays APE” jew “cumul étendu avec le pays x”.

7.   Meta tapplika kumulazzjoni tal-Artikolu 9 ta’ dan l-Anness, tingħata l-evidenza tal-istatus tal-oriġini stabbilita skont id-dispożizzjonijiet stabbiliti fir-Regolament (KEE) Nru 2454/93, mil-provi tal-oriġini stabbiliti mill-istess Regolament.

F’dan il-każ, id-dikjarazzjoni dwar l-oriġini magħmula mill-esportatur ikun fiha l-indikazzjoni “cumulation with GSP country” jew “cumul avec pays SPG”.

1.   Issir dikjarazzjoni dwar l-oriġini għal kull kunsinna.

2.   Dikjarazzjoni dwar l-oriġini tkun valida għal tnax-il xahar mid-data ta’ meta ssir id-dikjarazzjoni mill-esportatur.

3.   Dikjarazzjoni waħdanija dwar l-oriġini tista’ tkopri diversi kunsinni jekk il-merkanzija tissodisfa l-kundizzjonijiet li ġejjin:

1.   Id-dikjarazzjoni doganali għar-rilaxx għaċ-ċirkulazzjoni ħielsa tagħmel referenza għad-dikjarazzjoni dwar l-oriġini. Id-dikjarazzjoni dwar l-oriġini tinżamm għad-dispożizzjoni tal-awtoritajiet doganali, li jistgħu jitolbu s-sottomissjoni tagħha għall-verifika tad-dikjarazzjoni. Dawk l-awtoritajiet jistgħu jirrikjedu wkoll traduzzjoni tad-dikjarazzjoni fil-lingwa uffiċjali, jew f’waħda mil-lingwi uffiċjali, tal-Istat Membru kkonċernat.

2.   Meta l-applikazzjoni tal-benefiċċji minn din id-Deċiżjoni hija mitluba mid-dikjarant, mingħajr ma jkollu fil-pussess tiegħu d-dikjarazzjoni dwar l-oriġini meta ssir l-aċċettazzjoni tad-dikjarazzjoni doganali għar-rilaxx għaċ-ċirkulazzjoni ħielsa, dik id-dikjarazzjoni titqies bħala mhux kompluta fit-tifsira tal-Artikolu 253(1) tar-Regolament (KEE) Nru 2454/93 u ttratata bħala tali.

3.   Qabel jiddikjara l-merkanzija għar-rilaxx għaċ-ċirkulazzjoni ħielsa, id-dikjarant jieħu ħsieb kif jixraq li l-merkanzija tikkonforma mar-regoli f’dan l-Anness billi, b’mod partikolari, jikkontrolla li:

1.   Il-prodotti li ġejjin ikunu eżentati mill-obbligu li jagħmlu u jipproduċu dikjarazzjoni dwar l-oriġini:

2.   Il-prodotti msemmija fil-paragrafu 1 iridu jissodisfaw il-kundizzjonijiet li ġejjin:

3.   Għall-finijiet tal-punt (a) tal-paragrafu 2, l-importazzjoni ma titqiesx importazzjoni bħala kummerċ jekk il-kundizzjonijiet kollha li ġejjin ikunu ssodisfati:

1.   Is-sejba ta’ diskrepanzi żgħar bejn il-partikolaritajiet inklużi f’dikjarazzjoni dwar l-oriġini u dawk imsemmija fid-dokumenti sottomessi lill-awtoritajiet doganali għall-fini tat-twettiq tal-formalitajiet għall-importazzjoni tal-prodotti ipso facto ma tirrendix lid-dikjarazzjoni dwar l-oriġini nulla u bla effett jekk huwa stabbilit kif jixraq li dak id-dokument fil-fatt jikkorrispondi mal-prodotti kkonċernati.

2.   Żbalji formali ovvji bħal żbalji tat-tajping f’dikjarazzjoni dwar l-oriġini ma jwasslux biex dan id-dokument jitwarrab jekk dawn l-iżbalji mhumiex tali li joħolqu dubji rigward il-korrettezza tad-dikjarazzjonijiet magħmula f’dak id-dokument.

1.   Il-proċedura msemmija fl-Artikolu 42(3) ta’ dan l-Anness tapplika għal perjodu ddeterminat mill-awtoritajiet doganali tal-Istati Membri.

2.   L-awtoritajiet doganali tal-Istati Membri tal-importazzjoni li jissorveljaw ir-rilaxxi suċċessivi għaċ-ċirkulazzjoni ħielsa għandhom jivverifikaw li l-kunsinni suċċessivi huma parti mill-prodotti żarmati jew mhux immuntati li għalihom kienet saret id-dikjarazzjoni dwar l-oriġini.

1.   Meta prodotti jkunu għadhom mhumiex irrilaxxati għaċ-ċirkulazzjoni ħielsa, dikjarazzjoni dwar l-oriġini tista’ tkun issostitwita b’dikjarazzjoni tas-sostituzzjoni dwar l-oriġini waħda jew aktar, magħmula mid-detentur tal-merkanzija, għall-fini li l-prodotti kollha jew uħud minnhom jintbagħtu xi mkien ieħor fit-territorju doganali tal-Unjoni. Għall-iskop li ikunu intitolati jagħmlu dikjarazzjonijiet tas-sostituzzjoni dwar l-oriġini, m’hemmx ħtieġa li d-detenturi tal-merkanzija nfushom ikunu esportaturi rreġistrati.

2.   Meta dikjarazzjoni dwar l-oriġini tiġi ssostitwita, id-dikjarazzjoni oriġinali dwar l-oriġini tindika dawn li ġejjin:

Id-dikjarazzjoni oriġinali dwar l-oriġini tkun immarkata “Replaced”" jew “Remplacée”, skont il-każ.

3.   Fid-dikjarazzjoni tas-sostituzzjoni dwar l-oriġini jkunu indikati dawn li ġejjin:

Il-persuna li tagħmel id-dikjarazzjoni tas-sostituzzjoni dwar l-oriġini tista’ tehmeż kopja tad-dikjarazzjoni inizjali dwar l-oriġini mad-dikjarazzjoni tas-sostituzzjoni dwar l-oriġini.

4.   Il-paragrafi 1, 2 u 3 japplikaw mutatis mutandis għad-dikjarazzjonijiet li jissostitwixxu dikjarazzjonijiet dwar l-oriġini li huma nfushom huma dikjarazzjonijiet tas-sostituzzjoni dwar l-oriġini.

5.   Il-paragrafi 1, 2 u 3 japplikaw mutatis mutandis għad-dikjarazzjonijiet li jissostitwixxu dikjarazzjonijiet dwar l-oriġini wara l-qsim ta’ kunsinna mwettqa skont l-Artikolu 18 ta’ dan l-Anness.

1.   L-awtoritajiet doganali jistgħu, meta jkollhom dubji fir-rigward tal-istatus tal-oriġini tal-prodotti, jitolbu lid-dikjarant jipproduċi, f’perjodu ta’ żmien raġonevoli li huma jispeċifikaw, kwalunkwe evidenza disponibbli għall-fini tal-verifika tal-eżattezza tal-indikazzjoni dwar l-oriġini tad-dikjarazzjoni jew tal-konformità mal-kundizzjonijiet previsti fl-Artikolu 18 ta’ dan l-Anness.

2.   L-awtoritajiet doganali jistgħu jissospendu l-applikazzjoni tal-miżura ta’ tariffi preferenzjali għall-perjodu tal-proċedura ta’ verifika stabbilita fl-Artikolu 64 ta’ dan l-Anness meta:

3.   Fl-istennija għall-informazzjoni mitluba mid-dikjarant imsemmija fil-paragrafu 1, jew għar-riżultati tal-proċedura ta’ verifika, imsemmija fil-paragrafu 2, l-importatur jingħata l-għażla li jirrilaxxa l-prodotti, soġġett għal kwalunkwe miżura ta’ prekawzjoni li titqies neċessarja.

1.   L-awtoritajiet doganali tal-Istat Membru tal-importazzjoni jirrifjutaw l-intitolament għall-benefiċċji minn din id-Deċiżjoni, mingħajr ma jiġu obbligati li jitolbu evidenza addizzjonali jew jibagħtu talba għal verifika lill-PTEE fejn:

2.   L-awtoritajiet doganali tal-Istat Membru tal-importazzjoni jirrifjutaw l-intitolament għall-benefiċċji minn din id-Deċiżjoni, wara talba għal verifika fit-tifsira tal-Artikolu 60 ta’ dan l-Anness indirizzata lill-awtoritajiet kompetenti tal-PTEE, meta l-awtoritajiet doganali tal-Istat Membru tal-importazzjoni:

1.   Sabiex tkun żgurata l-applikazzjoni kif jixraq tal-preferenza, il-PTEE:

2.   Il-kooperazzjoni msemmija fil-punt (b) tal-paragrafu 1 tkun tikkonsisti f’dan li ġej:

3.   Il-PTEE jissottomettu lill-Kummissjoni, qabel l-1 ta’ Jannar 2015, impenn formali li jkunu se jikkonformaw mar-rekwiżiti tal-paragrafu 1.

1.   Il-Kummissjoni tippubblika f’Il-Ġurnal Uffiċjali tal-Unjoni Ewropea (Serje C) il-lista tal-PTEE u d-data li fiha kienu meqjusa li ssodisfaw il-kundizzjonijiet imsemmija fl-Artikoli 51 u 54, jew fl-Artikolu 57 ta’ dan l-Anness. Il-Kummissjoni taġġorna din il-lista meta PTEE ġdid jissodisfa l-istess kundizzjonijiet.

2.   Prodotti li oriġinaw fit-tifsira ta’ dan l-Anness f’PTEE jibbenefikaw, mar-rilaxx għaċ-ċirkulazzjoni ħielsa fl-Unjoni, minn tariffa preferenzjarja biss bil-kundizzjoni li kienu esportati fid-data, jew wara d-data, speċifikata fil-lista msemmija fil-paragrafu 1.

3.   PTEE jiġi kkunsidrat li jikkonforma mal-Artikolu 51 u 54, jew Artikolu 57 ta’ dan l-Anness fid-data li fiha jkun:

4.   Għal-implimentazzjoni ta’ Taqsima 3 ta’ Titolu IV u Taqsima 3 ta’ Titolu V ta’ dan l-Anness, il-PTEE jippreżentaw l-informazzjoni msemmija fl-Artikolu 57(1)(b) ta’ dan l-Anness lill-Kummissjoni mill-anqas tliet xhur qabel l-applikazzjoni attwali fit-territorji tagħhom tas-sistema tal-esportatur irreġistrat.

1.   Il-PTEE jinnotifikaw lill-Kummissjoni bl-ismijiet u l-indirizzi tal-awtoritajiet li hemm fit-territorju tagħhom li huma:

2.   Il-PTEE jibagħtu lill-Kummissjoni kampjuni tat-timbri użati.

3.   Il-PTEE jinfurmaw lill-Kummissjoni minnufih rigward kwalunkwe tibdil fl-informazzjoni nnotifikata taħt il-paragrafi 1 u 2.

4.   Il-Kummissjoni tibgħat din l-informazzjoni lill-awtoritajiet doganali tal-Istati Membri.

1.   Il-verifiki sussegwenti tal-provi tal-oriġini jitwettqu jew b’mod każwali jew meta l-awtoritajiet doganali tal-pajjiż importatur ikollhom dubju raġonevoli dwar l-awtentiċità ta’ dawn id-dokumenti, l-istatus tal-oriġini tal-prodotti kkonċernati jew is-sodisfazzjon tar-rekwiżiti l-oħra ta’ dan l-Anness.

2.   Għall-għanijiet tal-implementazzjoni tal-paragrafu 1, l-awtoritajiet doganali tal-pajjiż tal-importazzjoni jibagħtu lura ċ-ċertifikat ta’ moviment tal-EUR.1, u tal-fattura, jekk din tkun ġiet ippreżentata, id-dikjarazzjoni tal-oriġini, jew ta’ kopja ta’ dawn id-dokumenti, lill-awtoritajiet doganali tal-pajjiż jew it-territorju tal-esportazzjoni filwaqt li jagħtu, meta jkun adatt, ir-raġunijiet għall-inkjesta. Id-dokumenti u l-informazzjoni kollha miġbura li jissuġġerixxu li l-informazzjoni mogħtija fuq il-provi tal-oriġini m’hijiex korretta tkun mgħoddija bħala sostenn tat-talba għall-verifika.

3.   Il-verifika titwettaq mill-awtoritajiet doganali tal-pajjiż jew territorju tal-esportazzjoni. Għal dan il-għan, ikollhom id-dritt li jsejħu kwalunkwe evidenza u jwettqu kwalunkwe spezzjoni tal-kontijiet tal-esportatur jew kwalunkwe kontroll ieħor meqjus xieraq.

4.   Jekk l-awtoritajiet doganali tal-pajjiż tal-importazzjoni jiddeċiedu li jissospendu l-għoti tat-trattament preferenzali lill-prodotti kkonċernati waqt li jkunu jistennew ir-riżultati tal-verifika, dawn joffru li jirrilaxxaw il-prodotti lill-importatur soġġett għal kwalunkwe miżura ta’ prekwazzjoni li titqies neċessarja.

5.   L-awtoritajiet doganali li jitolbu għall-verifika jiġu informati bir-riżultati ta’ din il-verifika malajr kemm jista’ jkun. Dawn ir-riżultati jridu jindikaw b’mod ċar jekk id-dokumenti humiex awtentiċi u jekk il-prodotti konċernati jistgħux jitqiesu bħala prodotti li joriġinaw fil-PTEE, fl-Unjoni jew fil-pajjiż EPA u jissodisfawx il-ħtiġijiet l-oħra ta’ dan l-Anness.

6.   Jekk f’każijiet ta’ dubju raġonevoli ma jkunx hemm tweġiba fi żmien għaxar xhur mid-data tat-talba tal-verifika jew jekk it-tweġiba ma jkunx fiha tagħrif biżżejjed sabiex tiġi ddeterminata l-awtentiċità tad-dokument fil-kwistjoni jew sabiex tiġi ddeterminata l-oriġini vera tal-prodotti, l-awtoritajiet doganali li jressqu t-talba, ħlief f’ċirkostanzi eċċezzjonali, jiċħdu l-intitolament għall-preferenzi.

1.   Il-verifika tad-dikjarazzjoni tal-fornituri tista’ titwettaq kif ġie jew kull meta l-awtoritajiet tad-dwana tal-pajjiż jew territorju importatur ikollhom dubji raġonevoli rigward l-awtentiċità tad-dokument jew l-eżattezza jew il-kompletezza tat-tagħrif rigward l-oriġini vera tal-materjali msemmija.

2.   L-awtoritajiet tad-dwana li lilhom tiġi sottomessa dikjarazzjoni tal-fornitur jistgħu jitolbu lill-awtoritajiet doganali tal-pajjiż jew territorju fejn kienet saret id-dikjarazzjoni sabiex jinħareġ ċertifikat ta’ tagħrif, li mudell tiegħu jidher fl-Appendiċi IX. Inkella, l-awtoritajiet doganali li tkun ippreżentata lilhom id-dikjarazzjoni tal-fornitur jistgħu jitolbu lill-esportatur biex jipproduċi ċertifikat ta’ informazzjoni maħruġ mill-awtoritajiet doganali tal-pajjiż jew territorju fejn issir id-dikjarazzjoni.

Kopja taċ-ċertifikat ta’ informazzjoni tinżamm mill-uffiċċju li jkun ħarġu għal mill-anqas tliet snin.

3.   L-awtoritajiet doganali li qegħdin jagħmlu t-talba jkunu infurmati bir-riżultati tal-verifika malajr kemm jista’ ikun. Ir-riżultati jridu jkunu tali li jindikaw b’mod pożittiv jekk id-dikjarazzjoni dwar l-istatus tal-materjali hijiex korretta.

4.   Għall-fini ta’ verifika, il-fornituri jżommu għal mhux inqas minn tliet snin kopja tad-dokument li fih id-dikjarazzjoni flimkien mal-evidenza kollha neċessarja li turi l-istatus veru tal-materjali.

5.   L-awtoritajiet doganali tal-pajjiż jew it-territorju fejn issir id-dikjarazzjoni tal-fornitur ikollhom id-dritt li jitolbu kwalunkwe evidenza jew jagħmlu kwalunkwe tip ta’ kontroll li jikkunsidraw xieraq biex jivverifikaw il-korrettezza ta’ kwalunkwe dikjarazzjoni tal-fornitur.

6.   Kull ċertifikat ta’ moviment EUR.1 maħruġ jew magħmul fuq il-bażi ta’ dikjarazzjoni inkorretta tal-provveditur jitqies null u bla effett.

1.   Il-PTEE jinnotifikaw lill-Kummissjoni bl-ismijiet u l-indirizzi tal-awtoritajiet li hemm fit-territorju tagħhom li huma:

2.   Il-PTEE jinfurmaw lill-Kummissjoni minnufih rigward kwalunkwe tibdil fl-informazzjoni nnotifikata taħt il-paragrafi 1 u 2.

3.   Il-Kummissjoni tibgħat din l-informazzjoni lill-awtoritajiet doganali tal-Istati Membri.

1.   Il-Kummissjoni twaqqaf bażi tad-dejta elettronika tal-esportaturi rreġistrati abbażi tal-informazzjoni fornuta mill-awtoritajiet governattivi tal-PTEE u l-awtoritajiet doganali tal-Istati Membri.

2.   Il-Kummissjoni biss ikollha aċċess għall-bażi tad-dejta u d-dejta li jkun hemm fiha. L-awtoritajiet imsemmija fl-ewwel paragrafu jiżguraw li d-dejta kkomunikata lill-Kummissjoni tinżamm aġġornata, u tkun kompluta u preċiża.

3.   Id-dejta pproċessata fil-bażi tad-dejta msemmija fil- paragrafu 1 ta’ dan l-Artikolu tintwera lill-pubbliku permezz tal-Internet, bl-eċċezzjoni tal-informazzjoni kunfidenzjali li tinsab fil-kaxxi 2 u 3 tal-applikazzjoni biex issir esportatur irreġistrat imsemmija fl-Artikolu 28 ta’ dan l-Anness.

4.   Dejta personali pproċessata fil-bażi tad-dejta msemmija fil- paragrafu 1 tiġi ttrasferita jew issir disponibbli għal pajjiżi terzi jew organizzazzjonijiet internazzjonali biss b’konformità mal-Artikolu 9 tar-Regolament (KE) Nru 45/2001 tal-Parlament Ewropew u tal-Kunsill (5).

5.   Din id-Deċiżjoni ma taffettwa bl-ebda mod il-livell ta’ protezzjoni tal-individwi fir-rigward tal-ipproċessar tad-dejta personali skont id-dispożizzjonijiet tad-dritt tal-Unjoni Ewropea u d-dritt nazzjonali, u b’mod partikolari ma tbiddel la l-obbligi tal-Istati Membri fir-rigward tal-ipproċessar tagħhom ta’ dejta personali taħt id-Direttiva 95/46/KE tal-Parlament Ewropew u tal-Kunsill (6) jew l-obbligi tal-istituzzjonijiet u l-korpi tal-Unjoni fir-rigward tal-ipproċessar tagħhom ta’ dejta personali taħt ir-Regolament (KE) Nru 45/2001 meta jwettqu r-responsabilitajiet tagħhom.

6.   Id-dejta tal-identifikazzjoni u r-reġistrazzjoni tal-esportaturi, ikkostitwita mis-sett ta’ dejta elenkat fil-punti 1, 3 (irrelatati mad-deskrizzjoni tal-attivitajiet), 4 u 5 tal-Anness XI tkun ippubblikata mill-Kummissjoni fuq l-Internet biss jekk l-esportaturi kkonċernati ikunu taw kunsens speċifiku u infurmat bil-miktub minn qabel għaliha.

7.   L-esportaturi jingħataw l-informazzjoni stabbilita fl-Artikolu 11 tar-Regolament (KE) Nru 45/2001.

8.   Id-drittijiet tal-persuni fir-rigward tad-dejta tar-reġistrazzjoni tagħhom elenkata fl-Appendiċi XI u pproċessata fis-sistemi nazzjonali jkunu eżerċitati skont il-liġi tal-Istat Membru li ħażen id-dejta personali tagħhom waqt li jimplimenta d-Direttiva 95/46/KE.

9.   Id-drittijiet tal-persuni fir-rigward tal-ipproċessar tad-dejta personali fil-bażi tad-dejta ċentrali msemmija fil-paragrafi 1 sa 4 jkunu eżerċitati skont ir-Regolament (KE) Nru 45/2001.

10.   L-awtoritajiet ta’ sorveljanza nazzjonali għall-protezzjoni tad-dejta u l-Kontrollur Ewropew għall-Protezzjoni tad-Dejta, waqt li kull parti taġixxi fil-firxa tal-kompetenzi rispettivi tagħha, jikkooperaw attivament u jiżguraw sorveljanza kkordinata tal-bażi tad-dejta msemmija fil-paragrafi 1 sa 4.

1.   Għall-fini li tkun żgurata l-konformità mar-regoli li jikkonċernaw l-istatus tal-oriġini tal-prodotti, l-awtoritajiet kompetenti tal-PTEE iwettqu:

Kumulazzjoni estiża tkun permessa biss taħt l-Artikolu 10 ta’ dan l-Anness, jekk pajjiż li miegħu l-Unjoni għandha ftehim ta’ kummerċ ħieles fis-seħħ jaqbel li jipprovdi lill-PTEE l-appoġġ tiegħu f’affarijiet ta’ kooperazzjoni amministrattiva bl-istess mod li jipprovdi tali appoġġ lill-awtoritajiet doganali tal-Istati Membri skont id-dispożizzjonijiet rilevanti tal-ftehim ta’ kummerċ ħieles ikkonċernat.

2.   Il-kontrolli msemmija fil-punt (b) tal-paragrafu 1 jiżguraw il-konformità kontinwa tal-esportaturi mal-obbliġi tagħhom. Huma jitwettqu f’intervalli ddeterminati abbażi ta’ kriterji adattati ta’ analiżi tar-riskju. Għal dak il-għan, l-awtoritajiet kompetenti tal-PTEE jirrikjedu lill-esportaturi li jipprovdu kopji jew lista tad-dikjarazzjonijiet dwar l-oriġini li huma għamlu.

3.   L-awtoritajiet kompetenti tal-PTEE ikollhom id-dritt li jitolbu kwalunkwe evidenza u jwettqu kwalunkwe spezzjoni tal-kontijiet tal-esportatur u, fejn ikun xieraq, dawk tal-produtturi li jfornuh, inklużi fil-bini, jew kwalunkwe kontroll ieħor li jitqies bħala adattat.

1.   Verifiki sussegwenti ta’ dikjarazzjonijiet dwar l-oriġini jitwettqu b’mod fortuwitu jew kulmeta l-awtoritajiet doganali tal-Istati Membri jkollhom dubji raġonevoli rigward l-awtentiċità tagħhom, l-istatus tal-oriġini tal-prodotti kkonċernati jew it-twettiq ta’ rekwiżiti oħra ta’ dan l-Anness.

Meta l-awtoritajiet doganali ta’ Stat Membru jitolbu l-kooperazzjoni tal-awtoritajiet kompetenti ta’ PTEE biex iwettqu verifika tal-validità ta’ dikjarazzjonijiet dwar l-oriġini, l-istatus tal-oriġini tal-prodotti, jew tat-tnejn, meta jkun xieraq jindikaw fit-talba tagħhom ir-raġunijiet għaliex għandhom dubji raġonevoli dwar il-validità tad-dikjarazzjonijiet dwar l-oriġini jew l-istatus tal-oriġini tal-prodotti.

Kopja tad-dikjarazzjoni dwar l-oriġini u kwalunkwe informazzjoni jew dokumenti addizzjonali li jissuġġerixxu li l-informazzjoni mogħtija f’dik id-dikjarazzjoni mhijiex korretta jistgħu jintbagħtu b’appoġġ għat-talba għal verifika.

L-Istat Membru li jkun qed jagħmel it-talba jiffissa skadenza inizjali ta’ sitt xhur biex jikkomunika r-riżultati tal-verifika, li jibdew mid-data tat-talba tal-verifika.

2.   Jekk f’każijiet ta’ dubju raġonevoli ma jkunx hemm tweġiba fil-perjodu speċifikat fil-paragrafu 1, jew it-tweġiba ma jkunx fiha informazzjoni suffiċjenti biex ikun iddeterminat l-oriġini veru tal-prodotti, tintbagħat it-tieni komunikazzjoni lill-awtoritajiet kompetenti. Din il-komunikazzjoni tiffissa skadenza addizzjonali ta’ mhux aktar minn sitt xhur.

1.   It-Taqsima III ta’ dan it-Titolu u t-Taqsima III tat-Titolu VI japplikaw mutatis mutandis għal:

2.   Esportaturi tal-Unjoni għandhom jitqiesu mill-awtoritajiet doganali ta’ Stat Membru, fuq talba tagħhom, bħala esportaturi rreġistrati għall-finijiet tal-benefiċċji minn din id-Deċiżjoni meta huma jissodisfaw il-kundizzjonijiet li ġejjin:

1.   Id-dispożizzjonijiet ta’ dan l-Anness rigward il-ħruġ, l-użu u l-verifika sussegwenti tal-provi tal-oriġini japplikaw mutatis mutandis għall-prodotti esportati minn PTEE lejn Ceuta u Melilla u għall-prodotti esportatati minn Ceuta u Melilla lejn PTEE għall-finijiet ta’ kumulazzjoni bilaterali.

2.   Ceuta u Melilla jitqiesu bħala territorju wieħed.

3.   L-awtoritajiet doganali Spanjoli jkunu responsabbli għall-applikazzjoni ta’ dan l-Anness f’Ceuta u Melilla.

1.   B’deroga mis-sistema tal-esportatur irreġistrat, il-Kummissjoni tista’ tadotta deċiżjonijiet li jippermettu l-applikazzjoni tal-Artikoli 21 sa 35 u l-Artikoli 54, 55 u 56 ta’ dan l-Anness fuq esportazzjonijiet minn PTEE wieħed jew diversi minnhom wara l-1 ta’ Jannar 2017.

Id-deroga tkun limitata għat-tul ta’ żmien meħtieġ għall-PTEE ikkonċernat biex ikun f’pożizzjoni li japplika l-Artikoli 38 sa 50 u l-Artikoli 57 sa 61 ta’ dan l-Anness.

2.   Il-PTEE li jixtiequ jieħdu vantaġġ minn din id-deroga prevista fil-paragrafu 1 jindirizzaw talba lill-Kummissjoni. It-talba tkun tindika t-tul ta’ żmien meħtieġ sakemm il-PTEE ikkonċernat ikun meqjus f’pożizzjoni li japplika l-Artikoli 38 sa 50 u l-Artikoli 57 sa 61 ta’ dan l-Anness.

3.   Il-Kummissjoni tadotta miżura li tagħti d-deroga temporanja msemmija fil-paragrafu 1 permezz ta’ atti ta’ implimentazzjoni. Dawk l-atti ta’ implimentazzjoni jiġu adottati skont il-proċedura ta’ eżami msemmija fl-Artikolu 64(2).

1.   Il-Kummissjoni tkun assistita mill-Kumitat tal-Kodiċi Doganali, stabbilit bl-Artikolu 247a tar-Regolament (KEE) Nru 2913/92.

2.   Meta ssir referenza għal dan il-paragrafu, japplika l-Artikolu 5 tar-Regolament (UE) Nru 182/2011 tal-Parlament Ewropew u tal-Kunsill (7).

1.   L-Anness 5 għandu japplika mill-1 ta' Jannar 2014.

2.   Il-punt (b) tal-Artikolu 52(3) ta’ dan l-Anness għandu japplika mill-1 ta’ Jannar 2015.

3.   Il-punt (b) tal -Artikolu 8(3) ta’ dan l-Anness għandu japplika sat-30 ta’ Settembru 2015.

4.   L-Artikoli 21 sa 35 u l-Artikoli minn 54, 55 u 56 ta’ dan l-Anness għandhom japplikaw sal-31 ta’ Diċembru, 2016.

5.   L-Artikoli 38 sa 50 u l-Artikoli 57 sa 61 ta’ dan l-Anness għandom japplikaw mill-1 ta’ Jannar 2017.