(1)

Ir-reġjun bijoġeografiku Steppiku msemmi fl-Artikolu 1(c)(iii) tad-Direttiva 92/43/KEE huwa magħmul minn partijiet mit-territorju tal-Unjoni tar-Rumanija, kif speċifikat fil-mappa bijoġeografika approvata fl-20 ta’ April 2005 mill-Kumitat stabbilit bl-Artikolu 20 ta’ dik id-Direttiva, minn issa ‘l quddiem imsejjaħ “il-Kumitat dwar il-Ħabitats”.

(2)

Fil-kuntest ta’ proċess li nbeda fl-1995, jeħtieġ li jsir aktar progress fit-twaqqif reali tan-netwerk Natura 2000, li huwa element essenzjali għall-ħarsien tal-bijodiversità fl-Unjoni.

(3)

Il-lista inizjali u l-ewwel żewġ listi aġġornati tas-siti ta’ importanza Komunitarja għar-reġjun bijoġeografiku Steppiku, skont it-tifsira tad-Direttiva 92/43/KEE, ġew adottati bid-Deċiżjoni tal-Kummissjoni 2008/966/KE (2) u d-Deċiżjoni ta’ Implimentazzjoni tal-Kummissjoni 2013/28/UE (3). Abbażi tal-Artikoli 4(4) u 6(1) tad-Direttiva 92/43/KEE, l-Istati Membri kkonċernati għandhom jindikaw is-siti inklużi fil-lista tas-siti ta’ importanza Komunitarja għar-reġjun bijoġeografiku Steppiku bħala żoni speċjali ta’ konservazzjoni malajr kemm jista’ jkun u fi żmien li ma jaqbiżx is-sitt snin, u jistabbilixxu prijoritajiet ta’ konservazzjoni u l-miżuri ta’ konservazzjoni li hemm bżonn.

(4)

Il-listi tas-siti ta’ importanza Komunitarja jiġu riveduti, fil-kuntest ta’ adattament dinamiku tan-netwerk Natura 2000. Għalhekk huwa meħtieġ aġġornament tal-lista tas-siti ta’ importanza Komunitarja għar-reġjun bijoġeografiku Steppiku.

(5)

Min-naħa l-waħda, l-aġġornament tal-lista tas-siti ta’ importanza Komunitarja għar-reġjun bijoġeografiku Steppiku huwa meħtieġ sabiex jiġu inklużi s-siti addizzjonali li ġew proposti mir-Rumanija mill-2011 sal-lum bħala siti ta’ importanza Komunitarja għar-reġjun bijoġeografiku Steppiku skont it-tifsira tal-Artikolu 1 tad-Direttiva 92/43/KEE. Għal dawn is-siti addizzjonali, l-obbligi li jirriżultaw mill-Artikoli 4(4) u 6(1) tad-Direttiva 92/43/KEE għandhom japplikaw malajr kemm jista’ jkun u f’perjodu li ma jaqbiżx is-sitt snin mill-adozzjoni ta’ din id-Deċiżjoni.

(6)

Min-naħa l-oħra, l-aġġornament tal-lista tas-siti ta’ importanza Komunitarja għar-reġjun bijoġeografiku Steppiku huwa meħtieġ sabiex jirrifletti kwalunkwe bidla fit-tagħrif li għandu x’jaqsam mas-siti mressqa mir-Rumanija wara l-adozzjoni tal-lista inizjali u tal-ewwel listi aġġornati tal-Unjoni. F’dak is-sens, il-lista aġġornata tas-siti ta’ importanza Komunitarja għar-reġjun bijoġeografiku Steppiku tikkostitwixxi verżjoni kkonsolidata tal-lista tas-siti ta’ importanza Komunitarja għar-reġjun bijoġeografiku Steppiku. Wieħed għandu jenfasizza li, għal kwalunkwe sit inkluż f’din id-Deċiżjoni, l-obbligi li jirriżultaw mill-Artikoli 4(4) u 6(1) tad-Direttiva 92/43/KEE għandhom japplikaw kemm jista’ jkun malajr u f’perjodu li ma jaqbiżx is-sitt snin mill-adozzjoni tal-lista tas-siti ta’ importanza Komunitarja li fiha s-sit ikun iddaħħal għall-ewwel darba.

(7)

Għar-reġjun bijoġeografiku Steppiku, il-listi tas-siti proposti bħala siti ta’ importanza Komunitarja skont it-tifsira tal-Artikolu 1 tad-Direttiva 92/43/KEE ntbagħtu lill-Kummissjoni mill-Istati Membri kkonċernati bejn Ġunju 2007 u Ottubru 2012, skont l-Artikolu 4(1) ta’ dik id-Direttiva.

(8)

Il-listi ta’ siti proposti kienu akkumpanjati b’informazzjoni dwar kull sit. Mill-2012, dak it-tagħrif ġie mogħti fil-format stabbilit bid-Deċiżjoni ta’ Implimentazzjoni tal-Kummissjoni 2011/484/UE tal-11 ta’ Lulju 2011 dwar format ta’ informazzjoni għas-siti Natura 2000 (4).

(9)

Dak it-tagħrif jinkludi l-mappa tas-sit li ntbagħtet mill-Istati Membri kkonċernati, l-isem, il-post u l-firxa tas-sit, u d-dejta li nġabret mill-applikazzjoni tal-kriterji speċifikati fl-Anness III tad-Direttiva Nru 92/43/KEE.

(10)

Abbażi tal-abbozz tal-lista mfassla mill-Kummissjoni bi qbil ma’ kull wieħed mill-Istati Membri kkonċernati, li jidentifika wkoll is-siti li għandhom tipi ta’ ħabitats naturali ta’ prijorità jew speċijiet ta’ prijorità, għandha tiġi adottata lista aġġornata tas-siti magħżulin bħala siti ta’ importanza Komunitarja għar-reġjun bijoġeografiku Steppiku.

(11)

L-għarfien dwar l-eżistenza u t-tqassim tat-tipi ta’ ħabitats naturali u tal-ispeċijiet qiegħed jevolvi kontinwament minħabba s-sorveljanza mwettqa skont l-Artikolu 11 tad-Direttiva 92/43/KEE. Għalhekk, l-evalwazzjoni u l-għażla tas-siti fil-livell tal-Unjoni saru bl-użu tal-aqwa tagħrif disponibbli bħalissa.

(12)

L-Istat Membru kkonċernat ma pproponiex biżżejjed siti biex jiġu ssodisfati r-rekwiżiti tad-Direttiva 92/43/KEE għal ċerti tipi ta’ ħabitats u speċijiet. Għalhekk, għal dawk it-tipi ta’ ħabitats u speċijiet, ma jistax jiġi konkluż li n-netwerk Natura 2000 huwa komplut. Meta wieħed iqis id-dewmien biex jasal it-tagħrif u jintlaħaq qbil mal-Istati Membri, jeħtieġ li tiġi adottata lista aġġornata tas-siti, li se jkun meħtieġ li tiġi analizzata skont l-Artikolu 4 tad-Direttiva 92/43/KEE.

(13)

Ladarba l-għarfien dwar l-eżistenza u t-tqassim ta’ xi wħud mit-tipi ta’ ħabitats naturali tal-Anness I u tal-ispeċijiet tal-Anness II tad-Direttiva 92/43/KEE għadu mhux komplut, la għandu jiġi konkluż li n-netwerk huwa komplut u lanqas li mhuwiex. Il-lista għandha tiġi riveduta, jekk ikun meħtieġ, skont l-Artikolu 4 tad-Direttiva Nru 92/43/KEE.

(14)

Fl-interessi taċ-ċarezza u t-trasparenza, id-Deċiżjoni ta’ Implimentazzjoni 2013/28/UE għandha titħassar.

(15)

Il-miżuri previsti f’din id-Deċiżjoni huma skont l-opinjoni tal-Kumitat dwar il-Ħabitats,