(1)

Id-Direttiva 2005/94/KE tistipula li l-Istati Membri għandhom jiżguraw li t-tilqim kontra l-influwenza avjarja huwa pprojbit fit-territorju tagħhom, ħlief fejn jitwettaq tilqim ta’ emerġenza jew tilqim preventiv skont il-kondizzjonijiet stabbiliti fit-Taqsimiet rilevanti tal-Kapitolu IX ta’ dik id-Direttiva.

(2)

It-Taqsima 3 tal-Kapitolu IX tad-Direttiva 2005/94/KE tipprevedi li l-Istati Membri jistgħu jintroduċu tilqim tat-tjur preventiv bħala miżura fit-tul biex jikkontrollaw din il-marda meta, huma jqisu fuq il-bażi ta’ valutazzjoni tar-riskju, li ċerti partijiet tat-territorju tagħhom, tipi ta’ trobbija tat-tjur jew ċerti categoriji ta’ tjur miżmuma fil-magħluq huma esposti għar-riskju tal-influwenza avjarja.

(3)

L-Artikolu 52(1)(c) jirrikjedi wkoll li l-Istati Membri jiżguraw li l-vaċċini li għandhom jkunu użati għat-tilqim tat-tjur jew tal-għasafar oħra miżmuma fil-magħluq kontra l-influwenza avjarja għandhom jkunu awtorizzat skont id-Direttiva 2001/82/KE tal-Parlament Ewropew u tal-Kunsill (2) jew ir-Regolament (KE) Nru 726/2004 tal-Parlament Ewropew u tal-Kunsill (3).

(4)

Wara li kien hemm tifqigħat tal-influwenza avjarja b’patoġeniċità baxxa fl-2007 u fl-2008 f’xi rziezet fil-Portugall ċentrali u tal-punent, u b’mod partikolari f’azjendi fejn jitrabbew it-tjur maħsubin għall-istokkjar mill-ġdid ta’ tjur għall-kaċċa, twettaq pjan ta’ emerġenza għat-tilqim skont id-Deċiżjoni tal-Kummissjoni 2008/285/KE (4) u l-marda ġiet eradikata.

(5)

Iżda skont ir-riżultati ta’ valutazzjoni tar-riskju, il-papri tal-kuluverti ta’ valur għoli miżmuma għat-trobbija f’azjenda f’Vila Nova da Barquinha fir-reġjun ta’ Lisboa e Vale do Tejo, Ribatejo Norte, għadhom esposti għar-riskju potenzjali li jiġu infettati bl-influwenza avjarja, minħabba l-possibbiltà ta’ kuntatt indirett ma’ għasafar slavaġ.

(6)

Għalhekk il-Portugall ppreżenta lill-Kummissjoni pjan għall-approvazzjoni għal tilqima ta’ prevenzjoni kontra l-influwenza avjarja bħala miżura għal terminu ta’ żmien twil sal-31 ta’ Lulju 2009. Dak il-pjan ġie approvat bid-Deċiżjoni tal-Kummissjoni 2008/838/KE (5). Ġew approvati aktar pjanijiet ta’ tilqim preventiv kontra l-influwenza avjarja b’patoġeniċità baxxa mressqa mill-Portugall bid-Deċiżjoni tal-Kummissjoni 2010/189/UE (6) u bid-Deċiżjoni ta’ Implimentazzjoni tal-Kummissjoni 2012/110/UE (7).

(7)

Il-pjan għat-tilqim preventiv kontra l-influwenza avjarja b’patoġeniċità baxxa approvat bid-Deċiżjoni ta’ Implimentazzjoni 2012/110/UE ġie implimentat mill-Portugall sal-31 ta’ Lulju 2013. Kif previst fl-Artikolu 8 ta’ dik id-Deċiżjoni, il-Portugall ressaq rapport dwar l-implimentazzjoni ta’ dak il-pjan lill-Kumitat Permanenti dwar il-Katina Alimentari u s-Saħħa tal-Annimali. Dan ir-rapport wera li ċ-ċirkolazzjoni tal-virus rnexxilha tiġi evitata fil-qatgħat ta’ kuluverti imlaqqma kif ukoll f’azjendi tat-tjur li jinsabu fiż-żona tal-inħawi.

(8)

Fis-26 ta’ Awwissu 2013, il-Portugall issottometta pjan ġdid għat-tilqim preventiv kontra l-influwenza avjarja b’patoġeniċità baxxa lill-Kummissjoni għall-approvazzjoni. Dak il-pjan għandu jiġi applikat sal-31 ta’ Diċembru 2014 (“il-pjan għat-tilqim preventiv”).

(9)

Opinjonijiet xjentifiċi tal-Awtorità Ewropea għas-Sigurtà Alimentari fl-2005 (8), il-2007 (9) u l-2008 (10) kkonfermaw li t-tilqim preventiv huwa għodda siewja biex jikkomplementa l-miżuri ta’ kontroll għall-influwenza avjarja.

(10)

Barra minn hekk, biex tinstab ċirkolazzjoni passiva potenzjali tal-virus tal-marda Newcastle f’għasafar imlaqqma, is-sorveljanza u t-testjar tal-laboratorju f’azjenda fejn hemm il-papri kuluverti mlaqqma u l-għasafar sentinelli mhux imlaqqma għandhom isiru kif stipulat fil-pjan ta’ tilqim preventiv inkluż l-identifikazzjoni individwali ta’ dak it-tjur.

(11)

Huwa xieraq ukoll li jiġu introdotti ċerti restrizzjonijiet fuq il-moviment tal-papri kuluverti mlaqqma, il-bajd għat-tifqis tagħhom u l-papri kuluverti li jitnisslu minn dawn it-tjur skont il-pjan preventiv ta’ tilqim. Minħabba n-numru żgħir ta’ papri kuluverti li hemm f’azjenda fejn se jitwettaq it-tilqim preventiv, kif ukoll għal raġunijiet ta’ loġistika u traċċabbiltà, il-papri kuluverti li jkunu ngħataw it-tilqima ma għandhomx jinħarġu mill-azjenda, iżda jridu jinqatlu meta jispiċċa ċ-ċiklu riproduttiv tagħhom b’konformità mar-rekwiżiti tal-Artikolu 18 tar-Regolament tal-Kunsill (KE) Nru 1099/2009 (11) u jintremew b’mod sigur skont ir-rekwiżiti stabbiliti fir-Regolament tal-kummissjoni (UE) Nru 142/2011 (12).

(12)

Il-Portugall ħa miżuri addizzjonali skont id-Deċiżjoni tal-Kummissjoni 2006/605/KE (13) għall-kummerċ fit-tjur maħsub għall-popolament mill-ġdid tal-provvisti tat-tjur tal-kaċċa.

(13)

Biex jitnaqqas l-impatt ekonomiku fuq l-azjenda kkonċernatagħandhom jiġu stipulati ċerti derogi mir-restrizzjonijiet ta’ moviment għall-papri kuluverti li jitnisslu minn papri kuluverti imlaqqma, sakemm dawn il-movimenti ma jżidux ir-riskju tat-tixrid tal-marda u sakemm titwettaq sorveljanza uffiċjali u jkun hemm konformità mar-rekwiżiti speċifiċi tas-saħħa tal-annimali għall-kummerċ fl-Unjoni.

(14)

Meta wieħed iqis il-qagħda epidemjoloġika fir-rigward tal-influwenza avjarja b’patoġeniċità baxxa fil-Portugall, ir-riskju assoċjat mat-tip ta’ azjenda kkonċernata u tal-ambitu limitat tal-pjan ta’ tilqim preventiv, il-pjan għandu jiġi approvat u jiġi implimentat sal-31 ta’ Diċembru 2014.

(15)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(a)

ikunu mmarkati individwalment;

(b)

ma jittiħdux f’azjendi oħra tat-tjur fil-Portugall;

(c)

jinħarġu mill-Portugall.

(a)

jiġu ttrasportati biss f’mafqas fil-Portugall:

(b)

ma jintbgħatux mill-Portugall.