19.10.2013 |
MT |
Il-Ġurnal Uffiċjali tal-Unjoni Ewropea |
L 279/67 |
DEĊIŻJONI TA’ IMPLIMENTAZZJONI TAL-KUMMISSJONI
tas-17 ta' Ottubru 2013
dwar kontribuzzjoni finanzjarja mill-Unjoni lil ċerti Stati Membri għall-appoġġ ta’ studji ta’ sorveljanza volontarji dwar it-telf ta’ kolonji tan-naħal tal-għasel għall-istaġun 2013 - 2014
(notifikata bid-dokument C(2013) 6742)
(It-testi bid-Daniż, bl-Olandiż, bl-Ingliż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ungeriż, bit-Taljan, bil-Latvjan, bil-Litwan, bil-Pollakk, bil-Portugiż, bis-Slovakk, bl-Ispanjol, u bl-Isvediż, biss huma awtentiċi)
(2013/512/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2009/470/KE tal-25 ta’ Mejju 2009 dwar in-nefqa fil-kamp veterinarju (1), u b’mod partikolari l-Artikolu 23 tagħha,
Billi:
(1) |
Il-Komunikazzjoni mill-Kummissjoni lill-Parlament Ewropew u lill-Kunsill dwar is-saħħa tan-naħal tal-għasel (2) tagħti ħarsa ġenerali lejn l-azzjonijiet tal-Kummissjoni li diġà ttieħdu u li qed jittieħdu fir-rigward tas-saħħa tan-naħal tal-għasel fl-UE. Il-kwistjoni fis-suġġett prinċipali tal-Komunikazzjoni hija l-mortalità li qed tiżdied tan-naħal osservata madwar id-dinja. |
(2) |
Fl-2009, il-proġett tal-EFSA “Bee mortality and bee surveillance in Europe” (3) ikkonkluda li b’mod ġenerali, is-sistemi ta’ sorveljanza fl-UE huma dgħajfa u hemm nuqqas ta’ dejta fil-livell tal-Istati Membri u nuqqas ta’ dejta komparabbli fil-livell tal-UE. |
(3) |
Sabiex tittejjeb id-disponibbiltà tad-dejta dwar il-mortalità tan-naħal, huwa xieraq li ċerti studji ta’ sorveljanza fl-Istati Membri dwar it-telf tan-naħal tal-għasel jingħataw assistenza u appoġġ. |
(4) |
Id-Deċiżjoni ta’ Implimentazzjoni tal-Kummissjoni 2012/362/UE (4) tat kontribuzzjoni finanzjarja għall-programmi ta’ studju ta’ sorveljanza volontarja dwar it-telf tal-kolonji tan-naħal tal-għasel implimentati mill-Belġju, mid-Danimarka, mill-Ġermanja, mill-Estonja, mill-Greċja, minn Spanja, minn Franza, mill-Italja, mil-Latvja, mil-Litwanja, mill-Ungerija, mill-Polonja, mill-Portugall, mis-Slovakkja, mill-Finlandja, mill-Isvezja u mir-Renju Unit għall-istaġjun 2012-2013. |
(5) |
L-istudji jipprevedu tliet żjarat fuq il-post fi mġiebaħ li għandhom isiru qabel ix-xitwa, wara x-xitwa u matul l-istaġun produttiv. |
(6) |
Huwa importanti f’dan it-tip ta’ studju li wieħed ikollu dejta komparabbli fir-rigward tat-telf li jinġabar fi snin differenti. Dan huwa partikolarment validu għal studji ta’ sorveljanza dwar it-telf tan-naħal tal-għasel minħabba li l-kundizzjonijiet klimatiċi jbiddlu r-riżultati b’mod sinifikanti. Għalhekk, jekk dawn l-istudji jsiru għal sena waħda biss jistgħu jagħtu biss dejta parzjali li ma toffrix biżżejjed raġunijiet biex wieħed jasal għall-konklużjonijiet jew it-tendenzi fuq telf bħal dan. |
(7) |
Għar-raġunijiet spjegati hawn fuq, huwa opportun li jitkomplew l-istudji ta’ sorveljanza volontarja dwar it-telf ta’ kolonji tan-naħal tal-għasel fl-istaġun billi wieħed jibda bil-kontroll ta’ qabel ix-xitwa fil-ħarifa tal-2013, u jispiċċa bil-kontrolli ta’ wara x-xitwa u l-kontrolli ta’ staġun sħiħ produttiv fl-2014. |
(8) |
L-istudji li jridu jsiru fl-istaġun 2013-2014 huma bbażati fuq id-dokument “Basis for a pilot surveillance project on honey bee colony losses” (5) maħruġ mil-laboratorju ta’ referenza tal-UE (EURL) għas-saħħa tan-naħal elenkat fil-Parti II tal-Anness VII tar-Regolament (KE) Nru 882/2004 tal-Parlament Ewropew u tal-Kunsill (6), li jipprovdi gwida għall-Istati Membri biex jelaboraw il-programmi ta’ studji ta’ sorveljanza volontarji tagħhom. |
(9) |
L-istess l-Istati Membri li ħadu sehem fl-ewwel studji ta’ sorveljanza volontarja dwar it-telf ta’ kolonji tan-naħal tal-għasel fl-2012-2013 kienu mistiedna jibagħtu lill-Kummissjoni l-programmi tagħhom għall-istaġun 2013-2014 bbażati fuq id-dokument tekniku tal-EURL għas-saħħa tan-naħal. |
(10) |
Il-Belġju, id-Danimarka, il-Ġermanja, l-Estonja, il-Greċja, Spanja, Franza, l-Italja, il-Latvja, il-Litwanja, l-Ungerija, il-Polonja, il-Portugall, is-Slovakkja, il-Finlandja, l-Isvezja u r-Renju Unit ġabru programmi ta’ studji ta’ sorveljanza dwar it-telf tal-kolonji tan-naħal tal-għasel b’konformità mad-dokument tekniku “Basis for a pilot surveillance project on honey bee colony losses” u talbu l-appoġġ finanzjarju tal-UE. |
(11) |
Għandha tingħata kontribuzzjoni finanzjarja mill-1 ta’ Lulju 2013 għall-programmi ta’ studju ta’ sorveljanza volontarja dwar it-telf tal-kolonji tan-naħal tal-għasel implimentati mill-Belġju, mid-Danimarka, mill-Ġermanja, mill-Estonja, mill-Greċja, minn Spanja, minn Franza, mill-Italja, mil-Latvja, mil-Litwanja, mill-Ungerija, mill-Polonja, mill-Portugall, mis- Slovakkja, mill-Finlandja, mill-Isvezja u mir-Renju Unit. |
(12) |
Skont ir-Regolament tal-Kunsill (KE) Nru 1290/2005 (7), il-miżuri veterinarji għandhom jiġu ffinanzjati skont il-Fond Agrikolu Ewropew ta’ Garanzija. Għal finijiet ta’ kontroll finanzjarju, għandhom japplikaw l-Artikoli 9, 36 u 37 ta’ dak ir-Regolament. |
(13) |
Il-ħlas tal-kontribuzzjoni finanzjarja għandu jkun soġġett għall-kundizzjoni li l-programmi ta’ studju ta’ sorveljanza ppjanati fil-fatt ikunu twettqu u li l-awtoritajiet jipprovdu l-informazzjoni kollha meħtieġa lill-Kummissjoni u lil-EURL għas-saħħa tan-naħal tal-UE. |
(14) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
1. L-Unjoni għandha tagħti għajnuna finanzjarja għall-programmi ta’ studju ta’ sorveljanza dwar it-telf tal-kolonji tan-naħal tal-għasel lill-Belġju, lid-Danimarka, lill-Ġermanja, lill-Estonja, lill-Greċja, lil Spanja, lil Franza, lill-Italja, lil-Latvja, lil-Litwanja, lill-Ungerija, lill-Polonja, lill-Portugall, lis-Slovakkja, lill-Finlandja, lill-Isvezja u lir-Renju Unit.
2. Il-kontribuzzjoni finanzjarja tal-Unjoni:
(a) |
għandha tkun bir-rata ta’ 70 % tal-ispejjeż eliġibbli mġarrba minn kull Stat Membru msemmi fil-paragrafu 1 għall-programmi ta’ studju ta’ sorveljanza dwar it-telf tal-kolonji tan-naħal tal-għasel u speċifikata fl-Anness I għall-perjodu mill-1 ta’ Lulju 2013 sat-30 ta’ Settembru 2014; |
(b) |
ma għandhiex taqbeż li ġej:
|
(c) |
ma għandhiex taqbeż EUR 348 għal kull żjara fil-miġbħa. |
Artikolu 2
1. Il-massimu tal-kontribuzzjoni globali awtorizzata minn din id-Deċiżjoni għall-ispejjeż imġarrba għall-programmi msemmija fl-Artikolu 1 huwa stabbilit għal EUR 1 847 930 u għandu jiġi ffinanzjat mill-Baġit Ġenerali tal-Unjoni Ewropea.
2. L-infiq relatat mal-ispejjeż tal-persunal għat-twettiq tat-testijiet tal-laboratorju, għat-teħid ta’ kampjuni jew għall-monitoraġġ, u għall-oġġetti konsumabbli u għall-ispejjeż ġenerali relatati mal-istudji ta’ sorveljanza għandu jkunu eliġibbli skont ir-regoli stabbiliti fl-Anness III.
3. L-għajnuna finanzjarja tal-Unjoni għandha titħallas wara l-preżentazzjoni u l-approvazzjoni tar-rapporti u d-dokumenti ta’ sostenn imsemmija fl-Artikolu 3(2) u (3).
Artikolu 3
1. Il-programmi għandhom jitwettqu skont id-dokument tekniku “Basis for a pilot surveillance project on honey bee colony losses” u skont il-programmi ta’ studju ta’ sorveljanza dwar it-telf tal-kolonji tan-naħal tal-għasel ippreżentati mill-Istati Membri.
2. Il-Belġju, id-Danimarka, il-Ġermanja, l-Estonja, il-Greċja, Spanja, Franza, l-Italja, il-Latvja, il-Litwanja, l-Ungerija, il-Polonja, il-Portugall, is-Slovakkja, il-Finlandja, l-Isvezja, u r-Renju Unit għandhom iressqu quddiem il-Kummissjoni:
— |
rapport tekniku intermedju mhux aktar tard mill-1 ta’ Marzu 2014 dwar l-ewwel żjara prevista fil-programm ta’ studju ta’ sorveljanza, u |
— |
rapport tekniku finali mhux aktar tard mill-31 ta’ Ottubru 2014 dwar it-tieni u t-tielet ż-żjara previsti fil-programm ta’ studju ta’ sorveljanza; |
— |
ir-rapport tekniku għandu jkun konformi mal-mudell li jrid jiġi stabbilit mill-Kummissjoni f’kooperazzjoni mal-Laboratorju ta’ Referenza tal-UE għas-saħħa tan-naħal. |
3. Il-Belġju, id-Danimarka, il-Ġermanja, l-Estonja, il-Greċja, Spanja, Franza, l-Italja, il-Latvja, il-Litwanja, l-Ungerija, il-Polonja, il-Portugall, is-Slovakkja, il-Finlandja, l-Isvezja u r-Renju Unit u għandhom iressqu quddiem il-Kummissjoni:
— |
verżjoni fuq il-karta u verżjoni elettronika tar-rapport finanzjarju miġbur skont l-Anness II mhux aktar tard mill-31 ta’ Diċembru 2014; |
— |
fuq talba tal-Kummissjoni, id-dokumenti ta’ sostenn, li jixhdu l-infiq kollu msemmi fl-applikazzjoni għar-rimborż. |
4. Ir-riżultat tal-istudji għandhom ikunu disponibbli għall-Kummissjoni u l-Laboratorju ta’ Referenza tal-UE għas-saħħa tan-naħal.
Artikolu 4
Din id-Deċiżjoni hija indirizzata lir-Renju tal-Belġju, lir-Renju tad-Danimarka, lir-Repubblika Federali tal-Ġermanja, lir-Repubblika tal-Estonja, lir-Repubblika Ellenika, lir-Renju ta’ Spanja, lir-Repubblika Franċiża, lir-Repubblika Taljana, lir-Renju tal-Isvezja, lir-Repubblika tal-Latvja, lir-Repubblika tal-Litwanja, lill-Ungerija, lir-Repubblika tal-Polonja, lir-Repubblika Portugiża, lis-Slovakkja, lir-Repubblika tal-Finlandja, u lir-Renju Unit tal-Gran Brittanja u l-Irlanda ta’ Fuq.
Magħmul fi Brussell, is-17 ta’ Ottubru 2013.
Għall-Kummissjoni
Tonio BORG
Membru tal-Kummissjoni
(1) ĠU L 155, 18.6.2009, p. 30.
(2) COM(2010) 714 finali.
(3) disponibbli fuq: http://www.efsa.europa.eu/en/efsajournal/doc/154r.pdf
(4) Id-Deċiżjoni ta' Implimentazzjoni tal-Kummissjoni 2012/362/UE tal-4 ta’ Lulju 2012 dwar kontribuzzjoni finanzjarja mill-Unjoni lil ċerti Stati Membri għall-appoġġ ta’ studji ta’ sorveljanza volontarji dwar it-telf ta’ kolonji tan-naħal tal-għasel (ĠU L 176, 6.7.2012, p. 65).
(5) disponibbli fuq: http://ec.europa.eu/food/animal/liveanimals/bees/docs/annex_i_pilot_project_en.pdf
(6) Ir-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (ĠU L 165, 30.4.2004, p. 1).
(7) Ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-Politika Agrikola Komuni (ĠU L 209, 11.8.2005, p. 1).
ANNESS I
SM |
Numru ta’ mġiebaħ |
Għadd ta’ żjajjar previsti fl-istudju ta’ sorveljanza għal kull miġbħa tan-naħal |
Spejjeż totali diretti (Testijet tal-laboratorju + żjajjar għat-teħid tal-kampjuni u għall-monitoraġġ) |
Spejjeż ġenerali (7 %) |
Spiża totali |
Kontribuzzjoni tal-UE (70 %) |
BE |
150 |
3 |
35 830 |
2 508 |
38 338 |
26 837 |
DK |
200 |
3 |
155 430 |
10 880 |
166 310 |
116 417 |
DE |
220 |
3 |
214 212 |
14 995 |
229 207 |
160 445 |
EE |
196 |
3 |
86 606 |
6 062 |
92 668 |
64 868 |
EL |
200 |
3 |
104 701 |
7 329 |
112 030 |
78 421 |
ES |
203 |
3 |
197 659 |
13 836 |
211 495 |
148 047 |
FR |
396 |
3 |
385 581 |
26 991 |
412 572 |
288 801 |
IT |
195 |
3 |
189 870 |
13 291 |
203 161 |
142 212 |
LV |
193 |
3 |
115 234 |
8 066 |
123 300 |
86 310 |
LT |
193 |
3 |
93 822 |
6 568 |
100 390 |
70 273 |
HU |
196 |
3 |
152 483 |
10 674 |
163 157 |
114 209 |
PL |
190 |
3 |
170 915 |
11 964 |
182 879 |
128 015 |
PT |
145 |
3 |
38 930 |
2 725 |
41 655 |
29 159 |
SK |
200 |
3 |
123 151 |
8 621 |
131 772 |
92 240 |
FI |
161 |
3 |
156 764 |
10 973 |
167 737 |
117 416 |
SE |
150 |
3 |
99 318 |
6 952 |
106 270 |
74 389 |
UK |
200 |
3 |
146 691 |
10 268 |
156 959 |
109 871 |
Spiża totali |
|
|
2 467 197 |
172 703 |
2 639 900 |
1 847 930 |
ANNESS II
MUDELL TA’ RAPPORT FINANZJARJU DWAR L-ISTUDJI TA’ SORVELJANZA VOLONTARJA DWAR IT-TELF TA’ KOLONJI TAN-NAĦAL TAL-GĦASEL
In-nefqa totali għall-proġett (spejjeż reali, VAT eskluża) |
||
Stat Membru: |
|
Numru ta’ mġiebaħ li saritilhom żjara: |
|
|
Numru totali ta’ kolonji kampjunati: |
Spejjeż tal-laboratorju |
|||
Il-kategorija tal-persunal |
Nru ta’ ġranet tax-xogħol |
Ir-rata ta’ kuljum |
Spiża totali |
… |
|
|
|
… |
|
|
|
|
|
|
|
Oġġetti konsumabbli (deskrizzjoni) |
Kwantità |
Spiża għal kull unità |
Spiża totali |
… |
|
|
|
… |
|
|
|
Teħid ta’ kampjuni u l-ispejjeż tal-monitoraġġ (żjajjar tal-imġiebaħ) |
|||
Il-kategorija tal-persunal |
Nru ta’ ġranet tax-xogħol |
Ir-rata ta’ kuljum |
Spiża totali |
… |
|
|
|
… |
|
|
|
|
|
|
|
Oġġetti konsumabbli (deskrizzjoni) |
Kwantità |
Spiża għal kull unità |
Spiża totali |
… |
|
|
|
… |
|
|
|
Ċertifikazzjoni mill-benefiċjarju
Niċċertifikaw li:
— |
in-nefqa imsemmija hawn fuq kienet magħmula fit-twettiq tax-xogħol deskritt fid-dokument tekniku “Basis for a pilot surveillance project on honey bee colony losses” (1) u hija direttament relatata mal-implimentazzjoni tal-programm ta’ studju ta’ sorveljanza li għalih ingħata appoġġ finanzjarju skont id-Deċiżjoni ta’ Implimentazzjoni tal-Kummissjoni 2013/512/UE, |
— |
in-nefqa saret tassew, ingħata rendikont preċiż għaliha u hija eleġibbli skont id-dispożizzjonijiet; |
— |
id-dokumenti kollha ta’ evidenza marbuta man-nefqa huma disponibbli għall-finijiet ta’ verifika, |
— |
l-ebda kontribuzzjoni oħra tal-Unjoni ma ntalbet għall-proġetti elenkati fid-Deċiżjoni ta’ Implimentazzjoni tal-Kummissjoni 2013/512/UE. |
Data:
Isem u firma tal-uffiċjal finanzjarju responsabbli:
(1) disponibbli fis-sit: http://ec.europa.eu/food/animal/liveanimals/bees/docs/annex_i_pilot_project_en.pdf
ANNESS III
REGOLI TAL-ELIĠIBBILTÀ
1. Spejjeż tal-laboratorju
— |
L-ispejjeż tal-persunal għandhom ikunu limitati għall-ispejjeż attwali attribwibbli max-xogħol (il-paga bażika, il-piżijiet soċjali u l-ispejjeż tal-irtirar) akkumulati waqt l-implimentazzjoni tal-istudju u tat-twettiq tat-testijiet tal-laboratorju. Għal dan l-iskop għandhom jinżammu l-ħinijiet tax-xogħol fuq karta. |
— |
Ir-rata ta’ kuljum se tiġi kkalkulata fuq ir-rata ta’ 220 jum tax-xogħol fis-sena. |
— |
Ir-rimborż ta’ konsumibbli għandu jkun ibbażat fuq l-ispejjeż attwali mġarrba mill-Istati Membri biex iwettqu t-testijiet fil-laboratorju. |
— |
L-ispejjeż tal-impjegati għal koordinazzjoni, ippjanar u t-trasport mhumiex eliġibbli. Il-kit tat-testijiet, ir-reaġenti u l-oġġetti konsumabbli kollha għandhom jiġu rimborżati biss jekk użati speċifikament fit-twettiq ta’ dawn it-testijiet. |
— |
Il-varroa count (ħasil) li għandu jitwettaq fuq il-kolonji kollha miżjura fl-ewwel żjara u fuq kolonji simptomatiċi fiż-żjarat sussegwenti. |
— |
Id-ditezzjoni u l-karatterizzazzjoni tal-koleotteru tal-ġabsala (Aethina tumida) u l-araknidu Tropilaelaps) li għandhom jitwettqu fi spezzjoni klinika. |
— |
Osservazzjoni klinika (inkluż l-osservazzjoni tas-sintomu tal-batteriji tal-larva, tan-nosema, tal-vajrusis) il-parassita mikrosporidjan (nosema spp.) l-għadd ta’ spori, il-kulturi, l-eżami mikroskopiku u t-testijiet bijokimiċi sabiex jiġi identifikat l- aġent kawżali Ewropew tal-batterji tal-larva (Melissococcus plutonius) u l-batterji tal-larva Amerikana (Paenibacillus larvae) fuq kolonji sintomatiċi. |
— |
Il-batterji tal-larva Amerikana – konferma tal-identità tal- aġent kawżali tal-batterji tal-larva Amerikana u tal-batterji tal-larva Ewropea permezz tar-Reazzjoni Katina tal-Polimerażi (PCR) fuq kolonji sintomatiċi. |
— |
Test tas-CBPV (PCR) fuq kolonji sintomatiċi. |
2. L-ispejjeż tat-teħid ta’ kampjuni u tal-monitoraġġ
— |
l-ispejjeż għat-teħid ta’ kampjuni u l-monitoraġġ jistgħu jiġi rimborżati biss jekk ikunu direttament marbuta maż-żjarat tal-imġiebaħ u huma limitati għall-ħin li fil-fatt ikun tqatta’ fl-imġiebaħ. L-ispejjeż tal-persunal għandhom ikunu limitati għall-ispejjeż tax-xogħol attribwibbli attwali (paga bażika, spejjeż soċjali u spejjeż tal-irtirar) miġbura fl-implimentazzjoni tal-istudju. Għal dan l-iskop għandhom jinżammu l-ħinijiet tax-xogħol fuq karta. |
— |
Spejjeż tal-impjegati għal koordinazzjoni, ippjanar u t-trasport mhumiex eliġibbli. |
— |
Ir-rata ta’ kuljum se tiġi kkalkulata fuq ir-rata ta’ 220 jum tax-xogħol fis-sena. |
— |
Ir-rimborż ta’ oġġetti konsumabbli għandu jkun ibbażat fuq l-ispejjeż attwali magħmula mill-Istati Membri u għandhom jiġu rimborżati biss jekk użati speċifikament matul iż-żjarat fl-imġiebaħ. |
3. Spejjeż ġenerali
Tista’ tiġi ikklejmjata kontribuzzjoni b’rata fissa ta’ 7 % ikkalkulata fuq il-bażi tal-ispejjeż diretti eliġibbli kollha.
4. In-nefqa ppreżentata mill-Istati Membri għal kontribuzzjoni finanzjarja mill-Unjoni għandha tiġi espressa f’Euro u għandha teskludi t-taxxa fuq il-valur miżjud (VAT) u t-taxxi l-oħra kollha.