|
4.10.2013 |
MT |
Il-Ġurnal Uffiċjali tal-Unjoni Ewropea |
L 262/9 |
DEĊIŻJONI TAL-KUNSILL
tas-26 ta’ Settembru 2013
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Banco de España
(2013/481/UE)
IL-KUNSILL TAL-UNJONI EWROPEA,
Wara li kkunsidra l-Protokoll (Nru 4) dwar l-Istatuti tas-Sistema Ewropea ta’ Banek Ċentrali u tal-Bank Ċentrali Ewropew anness mat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, u b’mod partikolari l-Artikolu 27.1 tiegħu,
Wara li kkunsidra r-Rakkomandazzjoni BĊE/2013/32 tal-Bank Ċentrali Ewropew tat-2 ta’ Settembru 2013 lill-Kunsill tal-Unjoni Ewropea dwar l-awdituri esterni tal-Banco de España (1),
Billi:
|
(1) |
Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Eurosistema għandhom jiġu vverifikati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea. |
|
(2) |
Il-mandat tal-awdituri esterni attwali ta’ Banco de España skada wara l-verifika għas-sena finanzjarja 2012. Huwa għalhekk meħtieġ li jinħatru awdituri esterni ġodda mis-sena finanzjarja 2013. |
|
(3) |
Il-Banco de España għażel lil KPMG Auditores, S.L bħala l-awdituri esterni tagħha għas-snin finanzjarji 2013 sa 2017, |
|
(4) |
Il-Kunsill Governattiv tal-BĊE rrakkomanda li l-KPMG Auditores, S.L. għandhom jinħatru bħala l-awdituri esterni tal-Banco de España għas-snin finanzjarji mill-2013 sal-2017. |
|
(5) |
Huwa adatt li tiġi segwita r-rakkomandazzjoni tal-Kunsill Governattiv tal-BĊE u li d-Deċiżjoni tal-Kunsill 1999/70/KE (2) tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
L-Artikolu 1(3) tad-Deċiżjoni 1999/70/KE huwa sostitwit b’dan li ġej:
“3. KPMG Auditores S.L. huma b’dan approvati bħala l-awdituri esterni tal-Banca de España għas-snin finanzjarji 2013 sal-2017.”.
Artikolu 2
Din id-Deċiżjoni għandha tieħu effett fil-jum meta tiġi nnotifikata.
Artikolu 3
Din id-Deċiżjoni hija indirizzata lill-Bank Ċentrali Ewropew.
Magħmul fi Brussell, is-26 ta’ Settembru 2013.
Għall-Kunsill
Il-President
E. GUSTAS
(1) ĠU C 264, 13.9.2013, p. 1.
(2) Id-Deċiżjoni tal-Kunsill 1999/70/KE tal-25 ta’ Jannar 1999 dwar l-awdituri esterni tal-banek ċentrali nazzjonali (ĠU L 22, 29.1.1999, p. 69).