8.8.2013 |
MT |
Il-Ġurnal Uffiċjali tal-Unjoni Ewropea |
L 213/22 |
DEĊIŻJONI TA’ IMPLIMENTAZZJONI TAL-KUMMISSJONI
tat-2 ta’ Awwissu 2013
li tikkonċerna kontribuzzjoni finanzjarja mill-Unjoni għall-pjan ta’ tilqim ta’ emerġenza kontra d-deni klassiku tal-ħnieżer fil-Latvja u l-Bjelorussja u għall-implimentazzjoni ta’ miżuri ta’ sorveljanza fil-Latvja, il-Litwanja u l-Bjelorussja fil-kuntest tal-miżuri ta’ emerġenza meħuda biex tiġi miġġielda din il-marda
(notifikata bid-dokument C(2013) 4980)
(It-testi bil-Latvjan u l-Litwan biss huma awtentiċi)
(2013/427/UE)
IL-KUMMISSJONI EWROPEA
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2009/470/KE tal-25 ta’ Mejju 2009 dwar in-nefqa fil-kamp veterinarju (1), u partikolarment l-Artikoli 3(3), 3(6) u 8 taghħa,
Wara li kkunsidrat ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (2), u partikolarment l-Artikolu 84 tiegħu,
Billi:
(1) |
Peress li l-pjan approvat bid-Deċiżjoni ta’ Implimentazzjoni tal-Kummissjoni 2013/90/UE (3) huwa qafas dettaljat biżżejjed fit-tifsira tal-Artikolu 94 tar-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni (4), id-deċiżjoni attwali tikkostitwixxi deċiżjoni ta’ finanzjament għall-infiq provdut fil-programm ta’ ħidma għall-għotjiet. |
(2) |
Id-deni klassiku tal-ħnieżer hija marda virali infettiva tal-ħnieżer domestiċi u selvaġġi li xxekkel il-kummerċ fl-Unjoni u l-esportazzjoni għall-pajjiżi terzi. |
(3) |
Fil-każ ta’ tifqigħa tad-deni klassiku tal-ħnieżer, hemm ir-riskju li l-aġent tal-marda jista’ jinfirex f’irziezet oħra tal-ħnieżer f’dak l-Istat Membru, fi Stati Membri oħra u f’pajjiżi terzi permezz tal-kummerċ tal-ħnieżer ħajjin jew il-prodotti, is-semen, l-ova u l-embrijuni u wkoll mill-ħnieżer selvaġġi. |
(4) |
Id-Direttiva tal-Kunsill 2001/89/KE tat-23 ta’ Ottubru 2001 dwar il-miżuri tal-Komunità għall-kontroll tal-marda tal-infafet vesikolari (deni klassiku) tal-ħnieżer (5) tistipula l-miżuri li jridu jiġu applikati immedjatament fil-każ ta’ tifqigħa biex il-vajrus ma jitħalliex jinxtered aktar. |
(5) |
Fil-każ ta’ konferma tal-preżenza tal-vajrus tad-deni klassiku tal-ħnieżer fil-ħnieżer selvaġġi u meta dejta epidemjoloġika disponibbli tissuġġerixxi li qed jhedded li jinxtered, l-aktar miżura veterinarja effettiva u effiċjenti sabiex titrażżan il-firxa tal-marda huwa t-tilqim orali tal-ħnieżer selvaġġi fiż-żona f’riskju.. |
(6) |
Fl-20 ta’ Novembru 2012, il-Latvja nnotifikat żewġ każijiet primarji tad-deni klassiku tal-ħnieżer fil-ħnieżer selvaġġi fil-kontej ta' Dagda u Zilupe, qrib ħafna tal-fruntiera tal-Bjelorussja u r-Russja. |
(7) |
Wara dawn it-tifqigħat, il-Latvja implimentat sorveljanza għad-deni klassiku tal-ħnieżer fil-ħnieżer selvaġġi u mbagħad fil-ħnieżer għat-trobbija għall-użu personali fiż-żoni ta' madwar il-każijiet primarji li jiddefinixxu ż-żona infettata. |
(8) |
Id-Deċiżjoni ta’ Implimentazzjoni 2013/90/UE approvat il-pjan ppreżentat mil-Latvja għall-eradikazzjoni tad-deni klassiku tal-ħnieżer u t-tilqim ta’ emerġenza tal-ħnieżer selvaġġi, hekk kif il-kundizzjonijiet ambjentali jippermettu dan fiż-żoni indikati skont l-Artikolu 16(1) u r-raba’ sottoparagrafu tal-Artikolu 20(2) tad-Direttiva 2001/89/KE. |
(9) |
Skont il-leġiżlazzjoni Latvjana, it-tifqigħ tad-deni klassiku tal-ħnieżer huwa meqjus bħala emerġenza, u bi qbil mill-kabinett tal-Ministri, kienet permessa l-proċedura ta’ urġenza għax-xiri tat-tilqima mingħajr sejħa miftuħa għall-offerti, sabiex tiġi żgurata d-disponibbiltà tat-tilqim fil-kampanja tar-rebbiegħa 2013. |
(10) |
Minħabba l-qrubija taż-żona infettata mal-Bjelorussja, ma jistax jiġi eskluż li l-ħnieżer selvaġġi infettati jaqsmu l-fruntiera bejn il-Latvja u l-Bjelorussja. Barra minn hekk, it-tim tal-emerġenza veterinarja tal-Komunità, wara żjara fuq il-post fi Frar 2013, irrakkomanda li ż-żona tat-tilqim tiġi estiża lejn żona ta’ lqugħ b'50 km fit-territorji Bjelorussi tul il-linja tal-fruntieri tal-Latvja. |
(11) |
Biex l-evoluzzjoni epidemjoloġika tal-marda fil-ħnieżer selvaġġi u dawk mrobbija għall-użu personali f’riskju tiġi evalwata, kien xieraq li b'mod urġenti jiġu stabbiliti attivitajiet armonizzati ta’ sorveljanza u stħarriġ epidemjoloġiċi, ibbażati fuq testijiet tal-laboratorju viroloġiċi u seroloġiċi għad-deni klassiku tal-ħnieżer fil-ħnieżer domestiċi u selvaġġi f’ċerti żoni ta’ riskju għoli fl-inħawi taż-żona infettata fil-Latvja, il-Bjelorussja u kif ukoll il-Litwanja. |
(12) |
Il-Latvja ppreżentat l-ispejjeż stmati tal-pjan għat-tilqim ta’ emerġenza tad-deni klassiku tal-ħnieżer tal-ħnieżer selvaġġi bl-indikazzjoni tan-numru approssimattiv tad-dożijiet tat-tilqim meħtieġa għat-territorju tal-Latvja u ż-żona newtrali għat-tilqim fil-Bjelorussja, u l-ispejjeż stmati biex jitwettaq dan it-tilqim. L-ispiża stmata għat-tilqim ta’ emerġenza tammonta għal EUR 221 800. |
(13) |
Biex il-marda tiġi miġġielda fit-territorji tal-Latvja, il-Litwanja u l-Bjelorussja, fl-ewwel ġimgħa ta’ April 2013, il-Latvja u l-Litwanja ressqu l-istima inizjali tal-ispejjeż li se jiġġarrbu għall-implimentazzjoni tal-istħarriġ epidemjoloġiku u l-miżuri ta’ sorveljanza tad-deni klassiku tal-ħnieżer fil-kuntest tal-miżuri l-oħra ta’ emerġenza li ttieħdu. L-ispiża stmata għall-miżuri ta' sorveljanza tammonta għal EUR 227 000 fil-Latvja u l-Bjelorussja u EUR 17 000 fil-Litwanja. |
(14) |
L-eliġibbiltà retroattiva tal-ispejjeż mġarrba mil-Latvja mid-data tan-notifika tat-tifqigħat u mil-Litwanja u l-Bjelorussja mid-data tal-bidu tal-attivitajiet ta’ sorveljanza hija ġġustifikata għaliex dawn l-azzjonijiet huma essenzjali biex jiddefinixxu ż-żona ta’ tilqim u għalhekk, tinqered il-marda b'suċċess. |
(15) |
L-Artikolu 3(6) tad-Deċiżjoni 2009/470/KE jistipula li l-kontribuzzjoni finanzjarja mill-Unjoni trid tkun 100 % tal-ispiża tal-forniment tat-tilqim u 50 % tal-ispiża mġarrba fit-twettiq tat-tilqima. Madankollu, minħabba li l-infiq eċċessiv għall-baġit tal-Unjoni għandu jiġi evitat, jridu jiġu stabbiliti l-ammonti massimi li jirriflettu l-pagament raġonevoli għall-ispiża tal-forniment tat-tilqim u l-ispejjeż imġarrba għat-twettiq tat-tilqima. Il-pagament raġonevoli huwa l-pagament għall-materjal jew għas-servizz bi prezz proporzjonat meta mqabbel mal-prezz tas-suq. Sakemm il-Kummissjoni twettaq l-kontrolli fuq il-post, huwa meħtieġ li issa jiġi approvata l-kontribuzzjoni finanzjarja speċifika mill-Unjoni għal-l-Latvja u li jiġi ffissat l-ammont ta' pagament tal-ewwel ħlas parzjali tal-kontribuzzjoni finanzjarja tal-Unjoni. |
(16) |
Skont ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-Politika Agrikola Komuni (6), għandhom jiġu ffinanzjati miżuri veterinarji skont il-Fond Agrikolu Ewropew ta’ Garanzija. Għall-finijiet ta’ kontroll finanzjarju, għandhom japplikaw l-Artikoli 9, 36 u 37 ta’ dan ir-Regolament. |
(17) |
Il-pagament tal-kontribut finanzjarju għandu jkun suġġett għall-kundizzjoni li l-azzjonijiet ippjanati tabilħaqq twettqu u li l-awtoritajiet jipprovdu t-tagħrif kollu meħtieġ lill-Kummissjoni. |
(18) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
1. Fil-kuntest tal-miżuri ta’ emerġenza meħuda għall-ġlieda kontra d-deni klassiku tal-ħnieżer fl-2013, il-Latvja għandha tkun intitolata għal kontribuzzjoni speċifika mill-Unjoni għall-pjan ta’ emerġenza tat-tilqim tad-deni klassiku tal-ħnieżer fil-ħnieżer selvaġġi li għandhom jitwettqu fil-Latvja u fil-Bjelorussja li tammonta għal:
(a) |
100% tal-ispiża (il-VAT mhux inkluż) tal-provvista tad-dożi tat-tilqim; |
(b) |
50 % tal-ispejjeż tas-salarji u t-tariffi mħallsa lill-persunal li jagħmel it-tilqim fil-Latvja, u 50 % tal-ispiża (il-VAT mhux inkluż) tal-ispiża assoċjata direttament mat-tilqim fil-Latvja. |
2. L-ammonti massimi li għandhom jiġu rimborżati lil-Latvja għall-ispiża msemmija fil-paragrafu 1 ma għandhomx jaqbżu:
(a) |
għax-xiri tat-tilqim, medja ta' EUR 0,91 għal kull doża; |
(b) |
għat-tilqim, medja ta' EUR 0,18 għal kull doża tat-tilqim imqassma fil-Latvja; |
(c) |
EUR 130 800 għall-ispiża tat-tilqim fil-Latvja; |
(d) |
EUR 91 000 għall-ispiża tat-tilqim fil-Bjelorussja; |
Artikolu 2
1. Fil-kuntest tal-miżuri ta’ emerġenza meħuda għall-ġlieda kontra d-deni klassiku tal-ħnieżer, il-Latvja u l-Litwanja għandhom ikunu intitolati għal kontribuzzjoni finanzjarja mill-Unjoni għan-nefqa mġarrba għall-ispejjeż tat-testijiet tal-laboratorju għall-miżuri ta' sorveljanza seroloġiċi u viroloġiċi fil-ħnieżer domestiċi u selvaġġi, imwettqa fil-Litwanja u fil-Bjelorussja mill-1 ta’ April 2013 u fil-Latvja mill-20 ta’ Novembru 2012.
2. Il-kontribuzzjoni finanzjarja tal-Unjoni se tkun bir-rata ta' 50 % tal-ispejjeż li se jġarrbu l-Latvja u l-Litwanja għall-attivitajiet msemmija fil-paragrafu 1, u li ma għandhiex taqbeż:
(i) |
EUR 227 000 għal-Latvja; |
(ii) |
EUR 17 000 għal-Litwanja. |
3. L-ispiża massima li trid tiġi rimborżata lil-Latvja u l-Litwanja għall-attivitajiet imsemmija fil-paragrafu 1 bħala medja ma għandhiex taqbeż:
(i) |
EUR 0,5 għal kull ħanżir domestiku inkluż fil-kampjun; |
(ii) |
EUR 5 għal kull ħanżir selvaġġ inkluż fil-kampjun; |
(iii) |
EUR 2 għal kull test ELISA; |
(iv) |
EUR 10 għal kull test PCR; |
(v) |
EUR 10 għal kull test viroloġiku. |
Artikolu 3
Soġġett għar-riżultati ta’ kwalunkwe kontroll fuq il-post imwettaq skont l-Artikolu 11(1) tad-Deċiżjoni 2009/470/KE, l-ewwel pagament parzjali għandu jitħallas lil-Latvja kif ġej:
(a) |
sa EUR 224 300; |
(b) |
bħala parti mill-kontribuzzjoni finanzjarja mill-Unjoni stipulata fl-Artikoli 1 u 2. |
Il-ħlas irid isir abbażi ta’ talba uffiċjali għar-rimborż ippreżentata mil-Latvja.
Artikolu 4
L-infiq eliġibbli għal kontribut finanzjarju mill-Unjoni għall-miżuri msemmija fl-Artikoli 1 u 2 għandu jkun limitat għall-ispejjeż imġarrba mill-Istati Membri għall-miżuri stipulati fil punti 1 sa 4.
1. |
Kampjunar:
|
2. |
Ittestjar fil-laboratorju:
|
3. |
Ix-xiri u l-ħażna ta’ dożi ta’ tilqim u/jew tilqim flimkien mal-lixki għall-annimali selvaġġi. |
4. |
Id-distribuzzjoni tat-tilqim flimkien mal-lixki għall-annimali selvaġġi:
|
Artikolu 5
1. Il-kontribuzzjoni finanzjarja mill-Unjoni kif imsemmi fl-Artikoli 1 u 2 għandha titħallas fuq il-bażi ta':
(a) |
rapport tekniku finali skont l-Anness I dwar l-eżekuzzjoni teknika tat-tilqim ta’ emerġenza, inklużi r-riżultati miksuba, matul il-perjodu ta’ bejn l-1 ta' April 2013 u l-31 ta’ Diċembru 2013; |
(b) |
rapport tekniku finali skont l-Anness I dwar l-eżekuzzjoni teknika tal-miżuri ta’ sorveljanza, inklużi r-riżultati miksuba, matul il-perjodu tal-20 ta' Novembru 2012 fil-Latvja u mill-1 ta' April 2013 fil-Litwanja sal-31 ta’ Diċembru 2013; |
(c) |
rapport finanzjarju finali, f’forma kompjuterizzata skont l-Anness III, dwar l-ispejjeż imġarrba mil-Latvja matul il-perjodu mill-20 ta’ Novembru 2012 sal-31 ta’ Diċembru 2013 u mil-Litwanja matul il-perjodu mill-1 ta’ April 2013 sal-31 ta’ Diċembru 2013; |
(d) |
ir-riżultati ta’ kwalunkwe kontrolli fuq il-post imwettqa skont l-Artikolu 11(1) tad-Deċiżjoni 2009/470/KE. |
Id-dokumenti li jappoġġjaw ir-riżultati msemmija fil-punti (a) sa (c) għandhom ikunu disponibbli għall-kontrolli fuq il-post imsemmija fil-punt (d) imwettqa mill-Kummissjoni.
2. Ir-rapport tekniku finali u r-rapport finanzjarju finali msemmi fil-paragrafu 1(a) sa 1(c) iridu jitressqu sa mhux iktar tard mill-1 ta’ April 2014. Jekk dak il-limitu ta’ żmien ma jiġix irrispettat, sakemm ma jkunx hemm ċirkostanzi ġustifikati kif xieraq għal dan id-dewmien, il-kontribuzzjoni finanzjarja speċifika mill-Unjoni se titnaqqas b’25 % għal kull xahar kalendarju tad-dewmien.
Artikolu 6
Din id-Deċiżjoni hija indirizzata lir-Repubblika tal-Latvja u lir-Repubblika tal-Litwanja.
Magħmul fi Brussell, it-2 ta’ Awwissu 2013.
Għall-Kummissjoni
Tonio BORG
Membru tal-Kummissjoni
(1) ĠU L 155, 18.6.2009, p. 30.
(2) ĠU L 298, 26.10.2012, p. 1.
(3) ĠU L 47, 20.2.2013, p. 70.
(4) ĠU L 362, 31.12.2012, p. 1.
(5) ĠU L 316, 1.12.2001, p. 5.
(6) ĠU L 209, 11.8.2005, p. 1.
ANNESS I
Ir-rapport tekniku finali dwar it-tilqim ta’ emerġenza kontra d-deni klassiku tal-ħnieżer fil-ħnieżer slavaġ
Stat Membru: …
Data: …
1. |
Evalwazzjoni teknika tas-sitwazzjoni:
|
2. |
Informazzjoni dwar it-tilqim:
|
3. |
Kisba tal-miri u diffikultajiet tekniċi: |
ANNESS II
Rapport tekniku finali dwar miżuri ta’ sorveljanza b’rabta mad-deni klassiku tal-ħnieżer fil-ħnieżer slavaġ u domestiċi
Stat Membru: …
Data: …
1. |
Evalwazzjoni teknika tas-sitwazzjoni:
|
2. |
Kisba tal-miri u diffikultajiet tekniċi: |
3. |
Informazzjoni epidemjoloġika addizzjonali: l-inkjesti epidemjoloġiċi, annimali misjuba mejta, distribuzzjoni tal-età tar-reatturi pożittivi, leżjonijiet misjuba, eċc: |
(1) Indika: ELISA, PCR, Ag-ELISA, iżolament, oħrajn (speċifika).
ANNESS III
Rapport finanzjarju finali
Stat Membru: …
Data: …
1. |
Vaċċinazzjoni ta’ emerġenza kontra d-deni klassiku tal-ħnieżer fi ħnieżer selvaġġi:
|
2. |
Miżuri ta’ sorveljanza b’rabta mad-deni klassiku tal-ħnieżer fil-ħnieżer selvaġġi u domestiċi
|
Jiena niċċertifika li:
— |
din in-nefqa saret tassew, akkontata b’eżattezza u eliġibbli skont id-dispożizzjonijiet ta' din id-Deċiżjoni, |
— |
id-dokumenti kollha ta’ sostenn relatati man-nefqa huma disponibbli għall-finijiet ta’ spezzjoni, |
— |
l-ebda kontribuzzjoni oħra tal-Unjoni ma ntalbet għal dawn il-miżuri u d-dħul kollu li sar mill-operazzjonijiet taħtom huwa ddikkjarat lill-Kummissjoni, |
— |
il-programm kien eżegwit skont il-leġiżlazzjoni rilevanti tal-Unjoni, |
— |
japplikaw il-proċeduri ta’ kontroll, partikolarment għall-verifika tal-eżattezza tal-ammonti dikjarati, għall-prevenzjoni, is-sejba u t-tiswija tal-irregolaritajiet. |
Data:
Isem u firma tad-direttur operattiv:
(*) L-ispejjeż kollha jeskludu l-VAT
(**) L-ispejjeż kollha jeskludu l-VAT