Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (1), u b’mod partikolari l-Artikolu 9(1)(a) tiegħu,

Il-prodotti deskritti fil-kolonna (1) tat-tabella kif tidher fl-Anness għandhom ikunu kklassifikati fi ħdan in-Nomenklatura Magħquda taħt il-kodiċi tan-NM indikat fil-kolonna (2) ta’ din it-tabella.

Informazzjoni tariffarja li torbot maħruġa mill-awtoritajiet doganali tal-Istati Membri, li ma tikkonformax ma’ dan ir-Regolament, tista’ tibqa’ tiġi invokata għal perjodu ta’ tliet xhur skont l-Artikolu 12(6) tar-Regolament (KEE) Nru 2913/92.

Dan ir-Regolament jidħol fis-seħħ fl-għoxrin ġurnata wara dik tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

ANNESS

Deskrizzjoni tal-prodotti

Klassifikazzjoni

(Kodiċi NM)

Raġunijiet

(1)

(2)

(3)

Trab tal-kolostru b’lattożju mnaqqas f’kapsuli tal-ġelatina, 120 kapsula ppakkjati għall-bejgħ bl-imnut f’kontejner tal-plastik b’għatu kamin, bil-kompożizzjoni li ġejja (% skont il-piż):

—	Xaħam tal-ħalib	4,9
—	Proteini tal-ħalib	56,0
—	Lattożju	0,2

Id-doża ta’ kuljum li hija rrakomandata fuq it-tikketta hija ta’ żewġ kapsuli darbtejn kuljum.

Skont it-tikketta l-prodott huwa għall-konsum tal-bniedem.

1901 90 99

Il-klassifikazzjoni hija ddeterminata mir-Regoli Ġenerali 1, 3(a) u 6 għall-interpretazzjoni tan-Nomenklatura Magħquda, u l-kliem tal-kodiċi NM 1901 , 1901 90 u 1901 90 99 .

Il-forma tal-preżentazzjoni tat-trab f’kapsuli tal-ġelatina tiddetermina l-użu u n-natura tal-prodott bħala preparazzjoni alimentari. Għaldaqstant, il-klassifikazzjoni taħt l-intestatura 0404 hija eskluża (ara wkoll in-Noti ta’ Spjegazzjoni tas-Sistema Armonizzata (NSSA) għall-Kapitolu 4, Ġenerali, punt (I), it-tielet paragrafu, punt (a)).

Il-prodott ma jistax jiġi kklassifikat bħala preparazzjoni alimentari taħt l-intestatura 2106 għaliex huwa deskritt b’mod aktar speċifiku mill-kliem tal-intestatura 1901 bħala preparazzjoni alimentari ta’ prodotti taħt l-intestaturi 0401 sa 0404 (ara wkoll in-NSSA tal-intestatura 2106 , punt (1), it-tieni paragrafu). Billi l-prodott mhuwiex maħsub għal użu terapewtiku jew profilattiku fit-tifsira tal-Kapitolu 30, il-klassifikazzjoni taħt l-intestatura 3001 hija eskluża.

Għaldaqstant, meta jitqiesu l-karatteristiċi tiegħu dan il-prodott irid jiġi kklassifikat taħt l-intestatura 1901 bħala preparazzjoni alimentari tal-prodotti tal-intestaturi 0401 sa 0404 (ara wkoll in-NSSA tal-Kapitolu 19, Ġenerali, l-ewwel paragrafu).

Trab tal-kolostru f’kapsuli ta’ ċelluloża idrossipropilika ppakkjati għal bejgħ bl-imnut f’kaxxi tal-kartun ikkuluriti u li jintwew, li kull waħda jkun fiha bejn tliet u sitt pakketti “blister” ta’ għoxrin kapsula bil-kompożizzjoni li ġejja (% skont il-piż):

—	Xaħam tal-ħalib	6,9
—	Proteini tal-ħalib	35,7

Il-prodott fih ukoll il-lattożju.

Id-doża ta’ kuljum li hija rrakomandata fuq il-pakkett hija ta’ 1-2 kapsuli tliet darbiet kuljum.

Skont it-tikketta l-prodott huwa għall-konsum tal-bniedem.

1901 90 99

Il-klassifikazzjoni hija ddeterminata mir-Regoli Ġenerali 1, 3(a) u 6 għall-interpretazzjoni tan-Nomenklatura Magħquda, u l-kliem tal-kodiċi NM 1901 , 1901 90 u 1901 90 99 .

Il-forma tal-preżentazzjoni tat-trab f’kapsuli taċ-ċelluloża idrossipropilika tiddetermina l-użu u n-natura tal-prodott bħala preparazzjoni alimentari. Għaldaqstant, il-klassifikazzjoni taħt l-intestatura 0404 hija eskluża (ara wkoll in-Noti ta’ Spjegazzjoni tas-Sistema Armonizzata (NSSA) għall-Kapitolu 4, Ġenerali, punt (I), it-tielet paragrafu, punt (a)).