10.7.2012 |
MT |
Il-Ġurnal Uffiċjali tal-Unjoni Ewropea |
L 178/6 |
REGOLAMENT TAL-KUMMISSJONI (UE) Nru 613/2012
tad-9 ta’ Lulju 2012
li jemenda l-Anness III għar-Regolament (KE) Nru 1071/2009 tal-Parlament Ewropew u tal-Kunsill li jistabbilixxi regoli komuni dwar il-kundizzjonijiet li għandhom jiġu rispettati għall-eżerċizzju tal-professjoni ta’ operatur tat-trasport bit-triq
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1071/2009 tal-Parlament Ewropew u tal-Kunsill tal-21 ta’ Ottubru 2009 li jistabbilixxi regoli komuni dwar il-kundizzjonijiet li għandhom jiġu rispettati għall-eżerċizzju tal-professjoni ta’ operatur tat-trasport bit-triq u li jħassar id-Direttiva tal-Kunsill 96/26/KE (1), u b’mod partikolari l-Artikolu 8(9) tiegħu,
Billi:
(1) |
Il-kulur tal-mudell taċ-ċertifikat ta' kompetenza professjonali huwa ddefinit fl-Anness III għar-Regolament (KE) Nru 1071/2009 bħala "Kulur Pantone stout fawn". |
(2) |
Jeħtieġ li l-kulur jiġi speċifikat b'mod aktar preċiż sabiex tiġi inkoraġġita l-omoġeneità u l-interpretazzjoni u applikazzjoni uniformi tar-Regolament (KE) Nru 1071/2009. |
(3) |
Il-miżuri previsti f'dan ir-Regolament huma skont l-opinjoni tal-Kumitat imsemmi fl-Artikolu 25 tar-Regolament (KE) Nru 1071/2009, |
ADOTTAT DAN IR-REGOLAMENT:
Artikolu 1
Fl-Anness III għar-Regolament (KE) Nru 1071/2009, fit-tielet linja, is-sentenza "Kulur Pantone stout fawn — Format DIN A4 karta ċelluloża 100 g/m2 jew iżjed" tinbidel b'dan li ġej:
"Kulur Pantone stout fawn 467, jew kemm jista' jkun viċin dan il-kulur, format DIN A4 karta ċelluloża 100 g/m2 jew iżjed"
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Lulju 2012.
Għall-Kummissjoni
Il-President
José Manuel BARROSO
(1) ĠU L 300, 14.11.2009, p. 51.