3.5.2012 |
MT |
Il-Ġurnal Uffiċjali tal-Unjoni Ewropea |
L 118/1 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 374/2012
tas-26 ta’ April 2012
li jemenda r-Regolament (UE) Nru 1255/2010 li jistabbilixxi regoli dettaljati għall-applikazzjoni tal-kwoti tariffarji tal-importazzjoni għall-prodotti “baby beef” li joriġinaw fil-Bosnja-Ħerzegovina, fil-Kroazja, f'dik li kienet ir-Repubblika Jugoslava tal-Maċedonja, fil-Montenegro u fis-Serbja
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikolu 144(1) u l-Artikolu 148, flimkien mal-Artikolu 4 tiegħu,
Billi:
(1) |
L-Artikolu 3(2) tar-Regolament tal-Kunsill (KE) Nru 1215/2009 tat-30 ta’ Novembru 2009 li jintroduċi ċerti miżuri kummerċjali eċċezzjonali għal pajjiżi u territorji li jipparteċipaw fil-proċess ta’ Stabbilizzazzjoni u Assoċjazzjoni tal-Unjoni Ewropea (2) jew li huma marbutin miegħu kif emendat mir-Regolament (UE) Nru 1336/2011 tal-Parlament Ewropew u tal-Kunsill (3), ipprovda kwota annwali tat-tariffa fuq l-importazzjoni ta’ 475 tunnellati espressi f’piż ta’ karkassa għal prodotti “baby-beef” kif definit fl-Anness II għar-Regolament (KE) Nru 1215/2009 u joriġinaw fit-territorju doganali tal-Kosovo (4). |
(2) |
Dik il-kwota tariffarja annwali għandha tkun amministrata skont ir-Regolament tal-Kummissjoni (UE) Nru 1255/2010 tat-22 ta’ Diċembru 2010 li jistabbilixxi regoli dettaljati għall-applikazzjoni tal-kwoti tariffarji tal-importazzjoni għall-prodotti “baby beef” li joriġinaw fil-Bosnja-Ħerzegovina, fil-Kroazja, f'dik li kienet ir-Repubblika Jugoslava tal-Maċedonja, fil-Montenegro u fis-Serbja (5). |
(3) |
Għalhekk, ir-Regolament (UE) Nru 1255/2010 għandu jiġi emendat kif xieraq. |
(4) |
Minħabba li l-Artikolu 1 tar-Regolament (UE) Nru 1255/2010 jipprovdi li l-kwoti tat-tariffi jinfetħu kull sena mill-1 ta’ Jannar, dan ir-Regolament għandu jibda japplika mill-1 ta’ Jannar 2012. |
(5) |
Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 1255/2010 għandu jiġi emendat kif ġej:
(1) |
It-titolu jinbidel b'li ġej: “Ir-Regolament tal-Kummissjoni (UE) Nru 1255/2010 tat-22 ta’ Diċembru 2010 li jistabbilixxi regoli dettaljati għall-applikazzjoni tal-kwoti tariffarji tal-importazzjoni għall-prodotti ‘baby beef’ li joriġinaw fil-Bosnja-Ħerzegovina, fil-Kroazja, f'dik li kienet ir-Repubblika Jugoslava tal-Maċedonja, fil-Montenegro, fis-Serbja u fil-Kosovo (*) (*) Din in-nominazzjoni hija mingħajr preġudizzju għall-pożizzjonijiet dwar l-istatus, u hija konformi ma’ UNSCR 1244/1999 u l-Opinjoni tal-QIĠ dwar id-dikjarazzjoni għall-indipendenza tal-Kosovo.”;" |
(2) |
Fl-Artikolu 1, il-paragrafu 1 huwa emendat kif ġej:
|
(3) |
L-Annessi huma emendati b’mod konformi mal-Anness għal dan ir-Regolament. |
Artikolu 2
Dan ir-Regolament għandu jidħol fis-seħħ fil-jum ta' wara dak li fih ikun ippubblikat f'Il-Ġurnal Uffiċċjali tal-Unjoni Ewropea.
Għandu jibda japplika mill-1 ta’ Jannar 2012.
Dan ir-Regolament għandu japplika fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ April 2012.
Għall-Kummissjoni, F'isem il-President,
Dacian CIOLOȘ
Membru tal-Kummissjoni
(1) ĠU L 299, 16.11.2007, p. 1.
(2) ĠU L 328, 15.12.2009, p.1.
(3) ĠU L 347, 30.12.2011, p. 1.
(4) Din in-nominazzjoni hija mingħajr preġudizzju għall-pożizzjonijiet dwar l-istatus, u hija konformi ma’ UNSCR 1244/1999 u l-Opinjoni tal-QIĠ dwar id-dikjarazzjoni għall-indipendenza tal-Kosovo.
(5) ĠU L 342, 28.12.2010, p. 1.
ANNESS
L-Annessi għar-Regolament (UE) Nru 1255/2010 għandhom jiġu emendati kif ġej:
(1) |
Fl-Anness II, tiżdied l-awtorità tal-ħruġ li ġejja:
(*) Din in-nominazzjoni hija mingħajar preġudizzju għall-pożizzjonijiet dwar l-istatus, u hija konformi ma’ UNSCR 1244/1999 u l-Opinjoni tal-QIĠ dwar id-dikjarazzjoni għall-indipendenza tal-Kosovo.”" |
(2) |
Jiżdied Anness VIIa ġdid: |
(3) |
Fl-Anness VIII, fl-ewwel kolonna tat-tabella, jiżdied in-numru tal-ordni “09.4200”. |
(4) |
Fl-Anness IX, fl-ewwel kolonna tat-tabella, jiżdied in-numru tal-ordni “09.4200”. |
(5) |
Fl-Anness X, fl-ewwel kolonna tat-tabella, jiżdied in-numru tal-ordni “09.4200”. |