ANNESS

Deskrizzjoni tal-prodotti

Klassifikazzjoni

(Kodiċi NM)

Raġunijiet

(1)

(2)

(3)

Apparat fi struttura unika b'qisien ta' madwar 42 × 25 × 6 ċm, li jinkludi l-komponenti li ġejjin:

—	żewġ mikroproċessuri, wieħed minnhom iddedikat biss għall-qarrej tal-Blu-Ray,

—	tjuner diġitali doppju DVB-S/DVB-T

—	ħardisk interna ta' 250 GB,

—	qarrej tal-Blu-Ray 2D u 3D,

—	qarrej tal-karta SD, u

—	qarrej tal-"ismart card" għal aċċess kondizzjonali lil fornitur tas-servizzi.

L-apparat huwa mgħammar bl-interfaċċji li ġejjin:

—	żewġ inputs tas-satellita RF

—	Ethernet (RJ-45),

—

USB,

—

HDMI,

—

SCART,

—	żewġ RCA għall-output tal-awdjo, u

—	S/PDIF (output ottiku awdjo diġitali).

Mal-preżentazzjoni, l-apparat huwa kapaċi li jirċievi u jiddekodifika sinjali diġitali tat-televiżjoni (kemm kanali b’xejn kif ukoll programmi mill-fornitur tas-servizz). Huwa wkoll kapaċi li jaqbad mal-Internet permezz ta’ interfaċċja ta’ Ethernet.

L-apparat huwa kapaċi li jirċievi u jiddekodifika fajls awdjo/vidjo minn:

—	apparat f’netwerk ta’ erja lokali permezz ta’ hekk imsejħa “gateway domestika”, u

—	sorsi esterni permezz tal-interfaċċja ta’ USB (bħal ħardisk, memorja ta’ USB, rekorders tal-vidjo, kameras diġitali, kamkorders) jew permezz tal-qarrej tal-karta SD.

L-apparat huwa kapaċi jirreġistra u jirriproduċi sinjali diġitali tat-televiżjoni rċevuti kif ukoll kwalunkwe fajls tal-vidjo rċevuti permezz tal-qarrej tal-karta SD jew interfaċċja ta’ USB.

L-apparat huwa kapaċi jirriproduċi fajls minn medja esterna bħal DVD, diski Blu-Ray 2D u 3D u CD permezz ta’ qarrej integrat Blu-Ray.

8521 90 00

Il-klassifikazzjoni hija stabbilita mir-Regoli Ġenerali 1 u 6 għall-interpretazzjoni tan-Nomenklatura Magħquda, Nota 3 għas-Sezzjoni XVI u mill-kliem tal-kodiċijiet tan-NM 8521 u 8521 90 00 .

L-apparat huwa magna komposta, kapaċi twettaq il-funzjonijiet taż-żewġ intestaturi 8521 u 8528 .

Fid-dawl tal-karatteristiċi tiegħu, jiġifieri l-preżenza ta' apparat ta’ riproduzzjoni tal-vidjo tal-intestatura 8521 (il-qarrej tal-Blu-Ray f’dan il-każ) u l-possibbiltà li jirreġistra sinjali u fajls tal-vidjo minn firxa ta’ sorsi (inklużi fost oħrajn rekorders tal-vidjo, kameras diġitali, kamkorders) indipendentament mill-konnessjoni tal-fornitur tas-servizz, l-apparat mhuwiex apparat għar-riċeviment tat-televiżjoni, li jinkorpora fih apparat li jirreġistra jew jirriproduċi l-vidjo u ma jinkorporax fih il-karatteristiċi essenzjali ta' hekk imsejħa "kaxxa ta’ fuq is-sett li għandha funzjoni ta’ komunikazzjoni".

L-apparat għandu l-funzjoni prinċipali ta' apparat li jirreġistra jew jirriproduċi l-vidjo u jinkorpora fih tjuner tal-vidjo fit-tifsira tan-Nota 3 għat-Taqsima XVI.

Għalhekk l-apparat għandu jiġi kklassifikat taħt il-kodiċi tan-NM 8521 90 00 bħala apparat li jirreġistra jew jirriproduċi l-vidjo li jinkorpora fih tjuner tal-vidjo.