21.12.2012 |
MT |
Il-Ġurnal Uffiċjali tal-Unjoni Ewropea |
C 396/30 |
Rettifika tad-Deċiżjoni tal-Kummissjoni tat-13 ta’ Diċembru 2012 li temenda d-Deċiżjoni 2007/134/KE li twaqqaf il-Kunsill Ewropew tar-Riċerka
( Il-Ġurnal Uffiċjali tal-Unjoni Ewropea C 385 tal-14 ta’ Diċembru 2012 )
2012/C 396/12
Id-Deċiżjoni tal-Kummissjoni tat-13 ta’ Diċembru 2012 li temenda d-Deċiżjoni 2007/134/KE li twaqqaf il-Kunsill Ewropew tar-Riċerka għandha tinqara kif ġej:
DEĊIŻJONI TAL-KUMMISSJONI
tat-13 ta’ Diċembru 2012
li temenda d-Deċiżjoni 2007/134/KE li twaqqaf il-Kunsill Ewropew tar-Riċerka
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni Nru 1982/2006/KE tal-Parlament Ewropew u tal-Kunsill tat-18 ta' Diċembru 2006 dwar is-Seba' Programm Kwadru tal-Komunità Ewropea għall-attivitajiet ta' riċerka, ta' żvilupp teknoloġiku u ta' dimostrazzjoni (2007-2013) (1), u b'mod partikolari l-Artikoli 2 u 3 tagħha,
Wara li kkunsidrat id-Deċiżjoni tal-Kunsill 2006/972/KE tad-19 ta' Diċembru 2006 dwar il-Programm Speċifiku: Ideat li jimplimenta s-Seba' Programm Kwadru (2007-2013) tal-Komunità Ewropea għal attivitajiet ta' riċerka, żvilupp teknoloġiku u dimostrazzjoni (2), u b'mod partikolari l-Artikolu 4(2) u (3) tagħha,
Billi:
(1) |
Bid-Deċiżjoni Nru 2007/134/KE tat-2 ta' Frar 2007 li twaqqaf il-Kunsill Ewropew tar-Riċerka (3), il-Kummissjoni stabbiliet il-Kunsill Ewropew tar-Riċerka (minn hawn 'il quddiem l-ERC) bħala l-mezz għall-implimentazzjoni tal-Programm Speċifiku ‘Ideat’. L-ERC jikkonsisti f'Kunsill Xjentifiku indipendenti appoġġjat minn struttura speċifika għall-implimentazzjoni u huwa stabbilit sal-31 ta' Diċembru 2013. |
(2) |
Il-Kunsill Xjentifiku jikkonsisti fi xjenzati, inġiniera u akkademiċi tal-aqwa preġju, maħturin mill-Kummissjoni, u jaġixxu fil-kapaċità personali tagħhom, independenti minn kwalunkwe influwenza esterna. Huwa magħmul minn 22 membru u jaġixxi skont il-mandat li ngħatalu fl-Artikolu 3 tad-Deċiżjoni Nru 2007/134/KE. |
(3) |
Bid-Deċiżjoni 2009/357/KE tas-27 ta' April 2009 li temenda d-Deċiżjoni 2007/134/KE li twaqqaf il-Kunsill Ewropew tar-Riċerka (4), il-Kummissjoni bidlet 3 membri wara r-riżenja tagħhom. Bid-Deċiżjoni 2011/12/UE tat-12 ta' Jannar 2011 li temenda d-Deċiżjoni 2007/134/KE li twaqqaf il-Kunsill Ewropew tar-Riċerka (5), il-Kummissjoni bidlet 7 membri wara li ntemm il-mandat tagħhom. |
(4) |
Il-mandat ta' 10 membri tal-Kunsill Xjentifiku jiskadi fl-1 ta' Frar u fis-26 ta' April 2013 u hemm bżonn għat-tiġdid pass pass tas-sħubija tal-Kunsill Xjentifiku. |
(5) |
It-tiġdid pass pass tal-Kunsill Xjentifiku għandu jseħħ f'konformità mad-dispożizzjonijiet tal-Artikolu 4(6) u 4(7) tad-Deċiżjoni Nru 2007/134/KE, li fost l-oħrajn jiddikjaraw, li l-membri għandhom jinħatru għal perjodu ta' erba' snin, li jista' jiġġedded darba abbażi ta' sistema ta' rotazzjoni li tiżgura li l-ħidma tal-Kunsill Xjentifiku tibqa' dejjem għaddejja u membru jista' jinħatar għal perjodu ta' inqas minn dak massimu, biex b'hekk ikun hemm rotazzjoni fis-sħubija li ssir f'fażijiet. |
(6) |
Skont l-Artikolu 4(4) tad-Deċiżjoni Nru 2007/134/KE, il-membri futuri għandhom jinħatru mill-Kummissjoni abbażi tal-fatturi u l-kriterji stipulati fl-Anness I ta' dik id-Deċiżjoni, u permezz ta' proċedura għall-identifikazzjoni tagħhom li tkun indipendenti u trasparenti, miftiehma mal-Kunsill Xjentifiku li tinkludi konsultazzjoni mal-komunità xjentifika u rapport lill-Parlament u lill-Kunsill. Għal dan l-għan, kien stabbilit Kumitat għall-Identifikazzjoni permanenti u ta' livell għoli magħmul minn esperti indipendenti bħala grupp espert b'onorarji mħallsa mill-baġit operattiv tal-Programm Speċifiku ‘Ideat’. Il-Kumitat għamel rakkomandazzjonijiet għat-tiġdid pass pass tas-sħubija fil-Kunsill Xjentifiku li ġew aċċettati. |
(7) |
Skont l-Artikolu 4(4) tad-Deċiżjoni Nru 2007/134/KE, il-ħatra ta' membri futuri għandha tiġi ppubblikata skont ir-Regolament (KE) Nru 45/2001 (6). |
(8) |
Id-Deċiżjoni Nru 2007/134/KE għandha għalhekk tiġi emendata skont dan, |
IDDEĊIDIET KIF ĠEJ:
Artikolu 1
L-Anness II tad-Deċiżjoni 2007/134/UE huwa mibdul bit-test stabbilit fl-Anness għal din id-Deċiżjoni.
Artikolu 2
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, it-13 ta’ Diċembru 2012.
Għall-Kummissjoni
Máire GEOGHEGAN-QUINN
Membru tal-Kummissjoni
ANNESS
‘ANNESS II
Membri tal-Kunsill Xjentifiku tal-ERC
Isem u Istitut |
Bidu tal-mandat |
Tmiem tal-mandat |
Athene DONALD, University of Cambridge |
2 ta' Frar 2013 |
31 ta' Diċembru 2013 |
Nicholas CANNY, National University of Ireland, Galway |
13 ta' Jannar 2011 |
31 ta' Diċembru 2013 |
Sierd A.P.L. CLOETINGH, Utrecht University |
27 ta' April 2013 |
31 ta' Diċembru 2013 |
Tomasz DIETL, Polish Academy of Sciences |
13 ta' Jannar 2011 |
31 ta' Diċembru 2013 |
Daniel DOLEV, The Hebrew University of Jerusalem |
13 ta' Jannar 2011 |
31 ta' Diċembru 2013 |
Carlos M. DUARTE, Instituto Mediterraneo de Estudios Avanzados, Espories (Islas Baleares) |
27 ta' April 2013 |
31 ta' Diċembru 2013 |
Barbara ENSOLI, Istituto Superiore di Sanità, Roma |
2 ta' Frar 2013 |
31 ta' Diċembru 2013 |
Daniel ESTEVE, CEA Saclay, Gif-sur-Yvette |
13 ta' Jannar 2011 |
31 ta' Diċembru 2013 |
Pavel EXNER, Czech Academy of Sciences, Prague |
13 ta' Jannar 2011 |
31 ta' Diċembru 2013 |
Éva KONDOROSI, Hungarian Academy of Sciences, Szeged |
2 ta' Frar 2013 |
31 ta' Diċembru 2013 |
Timothy HUNT, ir-Riċerka tal-Kanċer fir-Renju Unit, South Mimms |
13 ta' Jannar 2011 |
31 ta' Diċembru 2013 |
Carl-Henrik HELDIN, Ludwig Institute for Cancer Research, Uppsala |
13 ta' Jannar 2011 |
31 ta' Diċembru 2013 |
Klaus BOCK, Danish National Research Foundation, Copenhagen |
2 ta' Frar 2013 |
31 ta' Diċembru 2013 |
Matthias KLEINER, German Research Foundation, Bonn |
2 ta' Frar 2013 |
31 ta' Diċembru 2013 |
Nuria Sebastian GALLES, University of Pompeu Fabra, Barcelona |
27 ta' April 2013 |
31 ta' Diċembru 2013 |
Helga NOWOTNY, WWTF Vienna Science and Technology Fund |
13 ta' Jananr 2011 |
31 ta' Diċembru 2013 |
Reinhard GENZEL — Max Planck Institute for Extra-terrestrial Physics, Garching |
2 ta' Frar 2013 |
31 ta' Diċembru 2013 |
Alain PEYRAUBE, EHSS — Centre de recherches linguistiques sur Asie orientale, Paris |
13 ta' Jannar 2011 |
31 ta' Diċembru 2013 |
Reinhilde VEUGELERS, Catholic University of Leuven |
2 ta' Frar 2013 |
31 ta' Diċembru 2013 |
Mart SAARMA, University of Helsinki |
13 ta' Jannar 2011 |
31 ta' Diċembru 2013 |
Anna TRAMONTANO, University of Rome — La Sapienza |
13 ta' Jannar 2011 |
31 ta' Diċembru 2013 |
Isabelle VERNOS, Centre de Regulació Genómica, Barcelona |
13 ta' Jannar 2011 |
31 ta' Diċembru 2013’ |
(1) ĠU L 412, 30.12.2006, p. 1.
(2) ĠU L 54, 22.2.2007, p. 81.
(3) ĠU L 57, 24.2.2007, p. 14.
(4) ĠU L 110, 1.5.2009, p. 37.
(6) ĠU L 8/1, 12.1.2001, pp. 1.