28.11.2012 |
MT |
Il-Ġurnal Uffiċjali tal-Unjoni Ewropea |
L 328/18 |
DEĊIŻJONI TAL-KUNSILL
tal-20 ta’ Novembru 2012
dwar il-pożizzjoni li għandha tittieħed f’isem l-Unjoni Ewropea fil-Grupp ta’ Studju Internazzjonali dwar il-Ġuta fir-rigward tan-negozjar ta’ termini ta’ referenza ġodda għal wara l-2014
(2012/730/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(3) u (4), flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Bid-Deċiżjoni tal-Kunsill 2002/312/KE (1), il-Ftehim li jistabilixxi t-Termini ta’ Referenza tal-Grupp ta’ Studju Internazzjonali dwar il-Ġuta, 2001 (“il-Ftehim”) ġie approvat f’isem il-Komunità Ewropea. |
(2) |
It-termini ta’ referenza ta’ bħalissa jiskadu fit-30 ta’ April 2014 u l-kwistjoni tal-ftuħ tan-negozjati għat-tiġdid ta’ dawn it-termini ta’ referenza se tiġi diskussa fil-15-il sessjoni tal-Kunsill tal-Grupp ta’ Studju Internazzjonali dwar il-Ġuta li se ssir f’Diċembru 2012. |
(3) |
It-tiġdid tal-Ftehim imsemmi hawn fuq mhuwiex fl-interess tal-Unjoni. |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni Ewropea, irrappreżentata mill-Kummissjoni, fil-grupp ta’ Studju Internazzjonali dwar il-Ġuta għandha tkun li tivvota kontra li jinfetħu n-negozjati għat-tiġdid tat-Termini ta’ Referenza lil hinn mill-2014.
Artikolu 2
Din id-Deċiżjoni tidħol fis-seħħ fid-data tal-adozzjoni tagħha.
Magħmul fi Brussell, l-20 ta’ Novembru 2012.
Għall-Kunsill
Il-President
A. D. MAVROYIANNIS
(1) ĠU L 112, 27.4.2002, p. 34.