7.11.2012 |
MT |
Il-Ġurnal Uffiċjali tal-Unjoni Ewropea |
L 307/82 |
DEĊIŻJONI TAL-KUNSILL 2012/687/PESK
tas-6 ta’ Novembru 2012
li temenda d-Deċiżjoni 2010/413/PESK dwar miżuri restrittivi kontra l-Iran
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Wara li kkunsidra d-Deċiżjoni tal-Kunsill 2010/413/PESK tas-26 ta’ Lulju 2010 dwar miżuri restrittivi kontra l-Iran (1), u b’mod partikolari l-Artikolu 23(2) tagħha,
Billi:
(1) |
Fis-26 ta’ Lulju 2010, il-Kunsill adotta d-Deċiżjoni 2010/413/PESK. |
(2) |
Għandha tiddaħħal entità addizzjonali fil-lista ta’ persuni u entitajiet soġġetti għal miżuri restrittivi stabbilita fl-Anness II tad-Deċiżjoni 2010/413/PESK, |
ADOTTA DIN ID-DEĊIŻJONI:
Artikolu 1
L-entità elenkata fl-Anness ta’ din id-Deċiżjoni għandha tiżdied mat-taqsima B tal-parti I tal-lista stabbilita fl-Anness II tad-Deċiżjoni 2010/413/PESK.
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-6 ta’ Novembru 2012.
Għall-Kunsill
Il-President
A. D. MAVROYIANNIS
(1) ĠU L 195, 27.7.2010, p. 39.
ANNESS
ENTITÀ MSEMMIJA FL-ARTIKOLU 1
B. Entitajiet
|
Isem |
Informazzjoni ta' identifikazzjoni |
Raġunijiet |
Data tal-elenkar |
1. |
National Iranian Oil Company Nederland (magħrufa wkoll bħala: NIOC Netherlands Representation Office) |
Blaak 512, 3011 TA and Weena 333, 3013 AL Rotterdam, Netherlands. Tel. +31 (10) 225 0177, +31 (10) 225 0308. http://www.nioc-intl.com/Offices_Rotterdam.htm. |
Sussidjarja tan-National Iranian Oil Company (NIOC). |
7.11.2012 |