6.10.2012   

MT

Il-Ġurnal Uffiċjali tal-Unjoni Ewropea

L 272/19

DEĊIŻJONI TAL-KUMITAT POLITIKU U TA' SIGURTÀ EUSEC/1/2012

tat-2 ta’ Ottubru 2012

dwar il-ħatra tal-Kap ta' Missjoni għall-missjoni ta’ konsulenza u assistenza tal-Unjoni Ewropea għar-riforma tas-settur tas-sigurtà fir-Repubblika Demokratika tal-Kongo (EUSEC RD Congo)

(2012/543/PESK)

IL-KUMITAT POLITIKU U TA’ SIGURTÀ,

Wara li kkunsidra t-Trattat dwar l-Unjoni Ewropea, u b'mod partikolari l-Artikolu 38 tiegħu,

Wara li kkunsidra d-Deċiżjoni tal-Kunsill 2010/565/PESK tal-21 ta' Settembru 2010 dwar il-missjoni ta' konsulenza u assistenza tal-Unjoni Ewropea fil-qasam tar-riforma tas-settur tas-sigurtà fir-Repubblika Demokratika tal-Kongo (EUSEC RD Congo) (1), u b'mod partikolari l-Artikolu 8 tagħha,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,

Billi:

(1)

Taħt l-Artikolu 8 tad-Deċiżjoni 2010/565/PESK, il-Kunsill awtorizza lill-Kumitat Politiku u ta’ Sigurtà, b’konformità mat-tielet paragrafu tal-Artikolu 38 tat-Trattat, biex jieħu d-deċiżjonijiet rilevanti sabiex jeżerċita l-kontroll politiku u d-direzzjoni strateġika tal-missjoni tal-EUSEC RD Congo, inkluża d-deċiżjoni biex jaħtar Kap tal-Missjoni, fuq proposta tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà (“RGħ”).

(2)

Fl-24 ta' Settembru 2012 saret il-proposta mir-RGħ għall-ħatra tal-Kurunell Jean-Louis NURENBERG bħala l-Kap tal-Missjoni tal-EUSEC RD Congo,

ADOTTA DIN ID-DEĊIŻJONI:

Artikolu 1

Il-Kurunell Jean-Louis NURENBERG huwa b'dan maħtur bħala Kap tal-Missjoni għall-missjoni ta' konsulenza u assistenza tal-Unjoni Ewropea għar-riforma tas-settur tas-sigurtà fir-Repubblika Demokratika tal-Kongo (EUSEC RD Congo).

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Hija għandha tapplika b'effett mill-1 ta' Ottubru 2012.

Magħmul fi Brussell, it-2 ta’ Ottubru 2012.

Għall-Kumitat Politiku u ta' Sigurtà

Il-President

O. SKOOG

(1)  ĠU L 248, 22.9.2010, p. 59.