22.8.2012 |
MT |
Il-Ġurnal Uffiċjali tal-Unjoni Ewropea |
L 226/5 |
DEĊIŻJONI TA’ IMPLIMENTAZZJONI TAL-KUMMISSJONI
tal-20 ta’ Awwissu 2012
li temenda d-Deċiżjoni 2002/994/KE dwar ċerti miżuri protettivi fir-rigward tal-prodotti li ġejjin mill-annimali importati miċ-Ċina
(notifikata bid-dokument numru C(2012) 5753)
(Test b’relevanza għaż-ŻEE)
(2012/482/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-kontrolli veterinarji fuq prodotti li jidħlu fil-Komunità minn pajjiżi terzi (1), u b mod partikolari l-Artikolu 22(6) tagħha,
Billi:
(1) |
Id-Deċiżjoni tal-Kummissjoni 2002/994/KE tal-20 ta’ Diċembru 2002 dwar xi miżuri ta’ protezzjoni fir-rigward tal-prodotti li joriġinaw mill-annimali impurtati miċ-Ċina tapplika għall-prodotti kollha li joriġinaw mill-annimali importati miċ-Ċina (2) u intenzjonati għall-konsum mill-bniedem jew għall-għalf tal-annimali. |
(2) |
Skont l-Artikolu 3 ta’ din id-Deċiżjoni l-Istati Membri għandhom jawtorizzaw l-importazzjonijiet tal-prodotti elenkati fil-Parti II tal-Anness ta’ din id-Deċiżjoni li jkollhom magħhom dikjarazzjoni mill-awtorità kompetenti Ċiniża li tistqarr li kull konsenja, qabel ma ntbagħtet, sarilha test kimiku biex ikun żgurat li l-prodotti kkonċernati ma jippreżentawx xi periklu għal saħħet il-bniedem. Dan it-test għandu jitwettaq, b’mod partikolari, bil-ħsieb li tinstab il-preżenza tal-kloramfenikol u n-nitrofuran u l-metaboliti tiegħu. |
(3) |
L-awtorità kompetenti Ċiniża pprovdiet il-pjan ta’ monitoraġġ tar-residwi xieraq għall-għasel intenzjonat għall-esportazzjoni lejn l-Unjoni. Dak il-pjan ġie approvat permezz tad-Deċiżjoni tal-Kummissjoni 2011/163/UE tas-16 ta’ Marzu 2011 dwar l-approvazzjoni tal-pjanijiet sottomessi mill-pajjiżi terzi skont l-Artikolu 29 tad-Direttiva tal-Kunsill 96/23/KE (3). |
(4) |
L-għasel u l-ġelli rjali bħalissa huma inklużi fil-lista stabbilita fil-Parti II tal-Anness tad-Deċiżjoni 2002/994/KE. Il-propoli u l-polline tan-naħal huma prodotti li joriġinaw ukoll mill-apikultura u, minħabba l-ispeċifiċitajiet tal-proċess ta’ produzzjoni ta’ dawk il-prodotti li ġejjin mill-annimali, ir-riskji għas-saħħa tal-pubbliku jew tal-annimali ppreżentat minnhom huwa minimu. Barra minn hekk, il-pjan għall-monitoraġġ tar-residwi fl-għasel maħsub għall-esportazzjoni mressaq miċ-Ċina u approvat bid-Deċiżjoni 2011/163/UE jipprovdi garanziji xierqa ta’ sikurezza għal dawk il-prodotti. Il-propoli u l-polline tan-naħal għandhom għalhekk jiġu inklużi fil-lista tal-prodotti stabbilita fil-Parti II tal-Anness tad-Deċiżjoni 2002/994/KE u din id-Deċiżjoni għandha tiġi emendata skont dan. |
(5) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Fil-Parti II tal-Anness tad-Deċiżjoni 2002/994/KE, jiżdied l-inċiż li ġej:
“— |
il-propoli u l-polline tan-naħal” |
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, l-20 ta’ Awwissu 2012.
Għall-Kummissjoni
John DALLI
Membru tal-Kummissjoni
(2) ĠU L 348, 21.12.2002, p. 154.
(3) ĠU L 70, 17.3.2011, p. 40.