(1)

B’konformità mad-Deċiżjoni tal-Kunsill 97/836/KE (1), il-Komunità aderixxiet mal-Ftehim tal-Kummissjoni Ekonomika tan-Nazzjonijiet Uniti għall-Ewropa (“UNECE”) dwar l-adozzjoni ta’ preskrizzjonijiet tekniċi uniformi għall-vetturi bir-roti, għat-tagħmir u l-partijiet li jistgħu jintramaw u/jew jiġu użati fuq vetturi bir-roti u għall-kundizzjonijiet għar-rikonoxximent reċiproku tal-approvazzjonijiet mogħtija fuq il-bażi ta’ dawn il-preskrizzjonijiet (“il-Ftehim tal-1958 Rivedut”).

(2)

Ir-rekwiżiti armonizzati tal-abbozz tar-Regolament tal-UNECE dwar id-dispożizzjonijiet li jikkonċernaw l-approvazzjoni ta’ vetturi fir-rigward tas-Sistema ta’ Twissija ta’ Ħruġ mil-Lejns (2) u l-abbozz tar-Regolament tal-UNECE dwar Sistemi Avvanzati ta’ Bbrejkjar b’Emerġenza (3) (“ir-Regolamenti abbozzati tal-UNECE”) huma maħsuba biex ineħħu l-ostakoli tekniċi għall-kummerċ tal-vetturi bil-mutur bejn il-Partijiet Kontraenti tal-Ftehim Rivedut tal-1958 u biex jiżguraw li dawn il-vetturi joffru livell għoli ta’ sikurezza u protezzjoni.

(3)

Ir-Regolament (KE) Nru 661/2009 tal-Parlament Ewropew u tal-Kunsill tat-13 ta’ Lulju 2009 dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom (4) jordna l-installazzjoni ta’ sistemi ta’ twissija ta’ ħruġ mil-lejns u sistemi avvanzati ta’ bbrejkjar b’emerġenza f’ċerti vetturi tal-kategoriji M2, N2, M3 u N3.

(4)

Jixraq li tiġi stabbilita l-pożizzjoni li għandha tittieħed f’isem l-Unjoni fil-Kumitat Amministrattiv tal-Ftehim tal-1958 Rivedut dwar l-adozzjoni tar-Regolamenti abbozzati tal-UNECE,