DEĊIŻJONI TAL-KUMMISSJONI

tat-23 ta’ Lulju 2012

li temenda d-Deċiżjonijiet 2006/679/KE u 2006/860/KE dwar speċifikazzjonijiet tekniċi għall-interoperabilità

(notifikata bid-dokument numru C(2012) 4984)

(Test b’relevanza għaż-ŻEE)

(2012/463/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2008/57/KE tal-Parlament Ewropew u tal-Kunsill tas-17 ta’ Ġunju 2008 dwar l-interoperabilità tas-sistema ferrovjarja fil-Komunità (1), u b’mod partikolari l-Artikolu 6(1) tagħha,

Billi:

(1)

L-Artikolu 12 tar-Regolament (KE) Nru 881/2004 tal-Parlament Ewropew u tal-Kunsill tal-29 ta’ April 2004 li jistabbilixxi Aġenzija Ewropea tal-Ferroviji (ir-Regolament ta' l-Aġenzija) (2) jeħtieġ li l-Aġenzija Ferrovjarja Ewropea (minn hawn ’il quddiem “l-Aġenzija”) tiżgura li l-ispeċifikazzjonijiet tekniċi ta’ interoperabilità (minn hawn ’il quddiem “TSIs” — Technical Specifications for Interoperability) ikunu adattati għall-progress tekniku u x-xejriet tas-suq u għar-rekwiżiti soċjali, u li tipproponi lill-Kummissjoni dawk l-emendi għat-TSIs li hi tqis bħala neċessarji.

(2)

Permezz tad-Deċiżjoni C(2007) 3371 tat-13 ta’ Lulju 2007, il-Kummissjoni tat mandat ta’ qafas lill-Aġenzija sabiex twettaq ċerti attivitajiet skont id-Direttiva tal-Kunsill 96/48/KE tat-23 ta’ Lulju 1996 fuq l-interoperabilità tas-sistema ferrovjarja trans-Ewropea ta’ veloċità għolja (3) u d-Direttiva 2001/16/KE tal-Parlament Ewropew u tal-Kunsill tad-19 ta’ Marzu 2001 fuq l-interoperabilità tas-sistema ferrovjarja konvenzjonali trans-Ewropea (4). Skont it-termini tal-mandat ta’ qafas, l-Aġenzija ntalbet tirrevedi t-TSIs dwar il-vetturi ferrovjarji b’veloċità għolja, il-vaguni tal-merkanzija, il-vetturi ferrovjarji lokomotivi u tal-passiġġieri, l-istorbju, l-infrastruttura, l-enerġija, il-kontroll-kmand u s-sinjalar, il-ġestjoni tal-operazzjoni u t-traffiku, l-applikazzjonijiet telematiċi għal servizzi ta’ merkanzija u ta’ ġarr ta’ passiġġieri, is-sikurezza fil-mini ferrovjarji u l-aċċessibilità għal persuni b’mobilità mnaqqsa.

(3)	Fil-31 ta’ Marzu 2011, l-Aġenzija ħarġet rakkomandazzjoni dwar l-ispeċifikazzjoni tar-reġistru tal-infrastruttura, il-proċedura għall-wiri tal-livell ta’ konformità mal-parametri bażiċi tat-TSIs għal-linji eżistenti u emendi sussegwenti għat-TSIs (ERA/REC/04-2011/INT).

(4)

Fid-9 ta’ Ġunju 2011, il-Kumitat stabbilit skont l-Artikolu 29(1) tad-Direttiva 2008/57/KE ta opinjoni pożittiva dwar l-abbozz tad-Deċiżjoni ta’ Implimentazzjoni tal-Kummissjoni dwar ir-reġistru Ewropew tat-tipi ta’ vetturi ferrovjarji awtorizzati u dwar id-Deċiżjoni ta’ Implimentazzjoni tal-Kummissjoni dwar l-ispeċifikazzjonijiet komuni tar-reġistru tal-infrastruttura ferrovjarja. Wara l-adozzjoni taż-żewġ atti tal-Kummissjoni bbażati fuq dawn l-abbozzi, b’mod partikolari d-Deċiżjoni ta’ Implimentazzjoni tal-Kummissjoni 2011/633/UE tal-15 ta Settembru 2011 dwar l-ispeċifikazzjonijiet komuni tar-reġistru tal-infrastruttura ferrovjarja (5) u d-Deċiżjoni ta’ Implimentazzjoni tal-Kummissjoni 2011/665/UE tal-4 ta’ Ottubru 2011 dwar ir-reġistru Ewropew tat-tipi ta’ vetturi ferrovjarji awtorizzati (6), it-TSIs relevanti jridu jiġu aġġornati sabiex tkun żgurata konsistenza globali.

(5)

Għal raġunijiet prattiċi, ikun aħjar li tiġi emendata serje ta’ TSIs permezz ta’ Deċiżjoni tal-Kummissjoni waħda sabiex jiġu implimentati korrezzjonijiet u aġġornamenti partikolari fit-testi legali. Dawn il-korrezzjonijiet u l-aġġornamenti mhumiex ġejjin minn reviżjoni globali tat-TSIs jew mill-estensjoni tal-ambitu ġeografiku tagħhom.

(6)

Għaldaqstant, huwa neċessarju li jiġu emendati d-Deċiżjonijiet li ġejjin:

—	id-Deċiżjoni tal-Kummissjoni 2006/679/KE tat-28 ta’ Marzu 2006 dwar l-ispeċifikazzjoni teknika għall-interoperabilità fir-rigward tas-subsistema ta’ kontroll u ta’ sinjalar tas-sistema ferrovjarja konvenzjonali trans-Ewropea (7) u

—

id-Deċiżjoni tal-Kummissjoni 2006/860/KE tas-7 ta’ Novembru 2006 li tikkonċerna speċifikazzjoni teknika għall-interoperabbiltà relatata mas-subsistema ta’ kontroll u l-kmand u sinjalazzjoni tas-sistema ferrovjarja trans-Ewropea ta’ veloċità għolja u li temenda l-Anness A tad-Deċiżjoni 2006/679/KE li tikkonċerna l-ispeċifikazzjoni teknika għall-interoperabbiltà relatata mas-subsistema ta’ kontroll u l-kmand u sinjalazzjoni tas-sistema ferrovjarja trans-Ewropea konvenzjonali (8).

(7)	Il-miżuri stipulati f’din id-Deċiżjoni huma konformi mal-opinjoni tal-Kumitat stabbilit skont l-Artikolu 29(1) tad-Direttiva 2008/57/KE,

ADOTTAT DIN ID-DEĊIŻJONI:

Artikolu 1

L-Anness għad-Deċiżjoni 2006/679/KE huwa emendat skont l-Anness I għal din id-Deċiżjoni.

Artikolu 2

L-Anness għad-Deċiżjoni 2006/860/KE huwa emendat skont l-Anness II għal din id-Deċiżjoni.

Artikolu 3

Din id-Deċiżjoni għandha tapplika mill-24 ta’ Jannar 2013.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell, it-23 ta’ Lulju 2012.

Għall-Kummissjoni

Siim KALLAS

Viċi President

(1) ĠU L 191, 18.7.2008, p. 1.

(2) ĠU L 164, 30.4.2004, p. 1.

(3) ĠU L 235, 17.9.1996, p. 6.

(4) ĠU L 110, 20.4.2001, p. 1.

(5) ĠU L 256, 1.10.2011, p. 1.

(6) ĠU L 264, 8.10.2011, p. 32.

(7) ĠU L 284, 16.10.2006, p. 1.

(8) ĠU L 342, 7.12.2006, p. 1.

ANNESS I

L-Anness għad-Deċiżjoni 2006/679/KE (CR CCS TSI) huwa emendat kif ġej:

(1)

Fil-Klawżola 2.2.4, it-tieni paragrafu huwa sostitwit b’dan li ġej:

“Kull ferrovija b’veloċità għolja jew konvenzjonali mgħammra b’sistema Abbord tal-Klassi A skont it-TSI korrispondenti ma għandhiex, fuq il-bażi li tikkonċerna waħda miż-żewġ TSIs u skont il-kundizzjonijiet stipulati fihom, tkun ristretta sabiex topera fuq xi rotta trans-Ewropea ta’ veloċità għolja jew konvenzjonali b’infrastruttura mgħammra b’sistema ta’ maġenb il-binarji ta’ Klassi A skont it-TSI korrispondenti”.

(2)	Fil-Klawżola 4.3.2.5 “Kundizzjonijiet ambjentali fiżiċi”, l-ewwel paragrafu huwa sostitwit b’dan li ġej: “Il-kundizzjonijiet ambjentali, klimatiċi u fiżiċi tat-tagħmir kontroll-kmand mistennija fuq il-ferrovija għandhom jiġu ddefiniti b’referenza għall-Anness A, Indiċi A4”.

(3)	Il-Klawżola 4.3.3.3 hija sostitwita b’dan li ġej: “4.3.3.3. Kundizzjonijiet ambjentali fiżiċi Il-kundizzjonijiet ambjentali klimatiċi u fiżiċi mistennija fl-infrastruttura għandhom jiġu ddefiniti b’referenza għall-Anness A, Indiċi A5”.

(4)

Fit-Taqsima 4.8, it-tieni paragrafu huwa sostitwit b’dan li ġej:

“Id-dejta li trid tiġi pprovduta għar-reġistri speċifikati fl-Artikoli 34 u 35 tad-Direttiva 2008/57/KE hija dik indikata fid-Deċiżjoni ta Implimentazzjoni tal-Kummissjoni 2011/633/UE tal-15 ta’ Settembru 2011 dwar l-ispeċifikazzjonijiet komuni tar-reġistru tal-infrastruttura ferrovjarja (*1) u d-Deċiżjoni ta’ Implimentazzjoni tal-Kummissjoni 2011/665/UE tal-4 ta’ Ottubru 2011 dwar ir-reġistru Ewropew tat-tipi ta’ vetturi ferrovjarji awtorizzati (*2).

(*1) ĠU L 256, 1.10.2011, p. 1."

(*2) ĠU L 264, 8.10.2011, p. 32.”."

(5)

Il-Klawżola 6.2.1 “Proċeduri ta’ valutazzjoni” hija emendata kif ġej:

(a)	it-tmien u d-disa’ paragrafi huma mħassra;

(b)

l-għaxar paragrafu huwa sostitwit b’dan li ġej:

“Id-Dikjarazzjoni ta’ Verifika tal-KE dwar Armar Abbord u Maġenb il-Binarji, flimkien maċ-Ċertifikati ta’ Konformità hija biżżejjed sabiex jiġi żgurat li Armar Maġenb il-Binarji se jopera b’Armar Abbord mgħammar li għandu karatteristiċi korrispondenti u skont il-kundizzjonijiet speċifikati f’din it-TSI mingħajr Dikjarazzjoni addizzjonali tal-KE ta’ verifika tas-subsistema”.

(6)	Fil-Klawżola 6.2.1.3 “Valutazzjoni fil-fażijiet ta’ migrazzjoni”, is-sitt paragrafu huwa mħassar.

(7)

Fil-Klawżola 6.2.2.3 “Kundizzjonijiet għall-użu ta’ moduli għal armar abbord u maġenb il-binarji”, it-tielet paragrafu tas-subklawżola “Validazzjoni ta’ armar abbord” huwa sostitwit b’dan li ġej:

“Jekk it-testijiet juru li l-ispeċifikazzjonijiet ma jkunux inkisbu fil-każijiet kollha (eż. konformità mat-TSI sa ċerta veloċità biss), il-konsegwenzi fir-rigward tal-konformità mat-TSI għandhom jitniżżlu fuq iċ-ċertifikat ta’ konformità”.

(8)

Fil-Klawżola 7.4.2.1 “Kategorija ta’ kull każ speċifiku jingħata fl-Anness A, Appendiċi 1”, fit-tabella, il-ġustifikazzjonijiet tal-punti 1, 3, 4, 5, 6, 7, 10, 13 u 15 huma sostitwiti b’dan li ġej:

(a)	għall-punt 1: “Tagħmir eżistenti ta’ axle counter”;

(b)	għall-punt 3: “Relevanti fuq il-linji bi qsim tal-livell”;

(c)	għall-punti 4 u 5: “Tagħmir eżistenti taċ-ċirkwiti ferrovjarji”;

(d)	għall-punt 6: “Tagħmir eżistenti ta’ axle counter”;

(e)

għall-punt 7: “It-tagħbija minima fuq il-flus meħtieġa għall-bidla tal-binarji ta’ ċerti ċirkwiti ferrovjarji hija determinata f’rekwiżit tal-EBA (Eisenbahn-Bundesamt), relevanti fuq xi linji ewlenin fil-Ġermanja fiż-żona li kienet DR (Deutsche Reichsbahn) b’ċirkwiti ferrovjarji ta’ 42 Hz u 100 Hz. L-ebda tiġdid. Għandu jitlesta għall-Awstrija u għall-Iżvezja”;

(f)	għall-punt 10: “Relevanti fuq il-linji bi qsim tal-livell b’ċirkwiti ta’ detezzjoni”;

(g)	għall-punt 13: “Tagħmir eżistenti taċ-ċirkwiti ferrovjarji b’vultaġġ baxx”;

(h)	għall-punt 15: “Relevanti fuq il-linji bi qsim tal-livell”.

(9)

L-Anness A huwa emendat kif ġej:

(a)

l-Appendiċi 1 huwa emendat kif ġej:

(i)

it-Taqsima 4.6 hija sostitwita b’dan li ġej:

“4.6	Il-maniġer tal-infrastruttura jista’ jippermetti limiti inqas restrittivi”,

(ii)

it-Taqsima 5.1.2 hija sostitwita b’dan li ġej:

“5.1.2. Dwar id-distanza bx

Id-distanza bx (Fig. 1) ma għandhiex taqbeż l-4 200 mm, ħlief jekk il-Vettura Ferrovjarja taħdem biss fuq linji, li fuqhom hija permessa bx sa 5 000 mm.

Il-Vettura Ferrovjarja li fiha l-bx tkun ta’ aktar minn 4 200 mm ma għandhiex taħdem fuq linji, li għalihom mhijiex permessa bx ta’ aktar minn 4 200 mm.

Id-Dikjarazzjoni ta’ Verifika tal-KE tal-vettura ferrovjarja għandu jkun fiha din l-indikazzjoni.

Fuq sezzjonijiet mibnijin ġodda ta’ linji ta’ kategorija I, is-sistema ta’ CCS ta’ detezzjoni tal-ferroviji għandha tippermetti ferroviji b’bx sa 5 000 mm.

F’sezzjonijiet oħrajn (linji ta’ kategorija I ameljorati jew restawrati fuq naħa u linji ta’ kategorija II jew III ġodda jew ameljorati jew restawrati fuq in-naħa l-oħra), is-sistema ta’ CCS ta’ detezzjoni tal-ferroviji għandha tippermetti vetturi ferrovjarji b’bx sa 4 200 mm. Il-Maniġers tal-Infrastruttura jingħataw parir li jippruvaw jippermettu anki vetturi ferrovjarji b’bx sa 5 000 mm”,

(iii)

it-Taqsima 6.1.3 hija sostitwita b’dan li ġej:

“6.1.3. Każ speċifiku tal-Awstrija, il-Ġermanja u l-Belġju

It-tagħbija fuq il-flus għandha tkun tal-inqas 5 tunnellati fuq ċerti linji”,

(iv)	it-Taqsima 6.5.5 hija sostitwita b’dan li ġej: “6.5.5. Każ speċifiku tal-Pajjiżi l-Baxxi Minbarra r-rekwiżiti ġenerali fl-Anness A, Appendiċi 1, rekwiżiti addizzjonali jistgħu japplikaw għal lokomotivi u unitajiet multipli fuq ċirkwiti ferrovjarji”,

(v)

it-Taqsima 8.2 hija sostitwita b’dan li ġej:

“8.2. Użu tal-brejkijiet elettriċi/manjetiċi

8.2.1. L-użu ta’ brejkijiet manjetiċi u dawn b’belligħat żgħar tal-kurrent huwa permess biss għall-applikazzjoni tal-brejk ta’ emerġenza jew f’waqfa. L-użu ta’ brejkijiet manjetiċi u brejkijiet b’belligħat żgħar tal-kurrent għall-applikazzjoni tal-brejk ta’ emerġenza jista’ jkun projbit.

8.2.2. Jekk dan ikun permess, brejkijiet b’belligħat żgħar u brejkijiet manjetiċi jistgħu jintużaw għall-ibbrejkjar tas-servizz.

8.2.3. Każ speċifiku tal-Ġermanja:

Il-brejk manjetiku u l-brejk b’belligħat tal-kurrent mhuwiex permess fl-ewwel karru ppernjat ta’ vettura fuq quddiem sakemm dan ma jkunx espliċitament indikat b’mod ieħor”;

(b)

fl-Appendiċi 2, it-Taqsima 5 hija sostitwita b’dan li ġej:

“5. TIPI U LIMITI TA’ SISTEMI TA’ TWISSIJA

Il-HABD għandu jibni t-tipi ta’ alarms li ġejjin:

—	sistema ta’ twissija ta’ ħruq,

—	sistema ta’ twissija ta’ sħana,

—	sistema ta’ twissija ta’ differenza jew tip ieħor ta’ sistema ta’ twissija”.

(10)

L-Anness B huwa emendat kif ġej:

(a)	fit-Taqsima “UŻU TAL-ANNESS B”, it-tielet paragrafu huwa sostitwit b’dan li ġej: “L-impriżi ferrovjarji li jridu jinstallaw waħda jew aktar minn dawn is-sistemi fuq il-ferroviji tagħhom għandhom jirreferu għall-Istat Membru xieraq”;

(b)	fit-Taqsima “Parti 2: Radju”, is-sentenza ta’ wara l-punt 17 tal-indiċi hija sostitwita b’dan li ġej: “Bħalissa, dawn is-sistemi qed jintużaw fl-Istati Membri”.

(11)	L-Anness Ċ huwa mħassar.

(12)

L-Anness E huwa emendat kif ġej:

(a)

fit-Taqsima Modula SB (Eżami tat-tip), it-tieni inċiż tas-sitt paragrafu tas-Subtaqsima 3 huwa sostitwit b’dan li ġej:

“—	Ir-reġistru Ewropew għat-tipi awtorizzati ta’ vetturi, inkluż kull tagħrif kif inhu speċifikat fit-TSI”;

(b)

it-Taqsima Modula SD (Sistema ta’ Ġestjoni tal-Kwalità tal-Produzzjoni) hija emendata kif ġej:

(i)

fis-Subtaqsima 4.2, is-sitt inċiż tat-tieni paragrafu huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”,

(ii)

fis-Subtaqsima 10, id-disa’ inċiż huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”;

(c)

it-Taqsima Modula SF (Verifika tal-Prodott) hija emendata kif ġej:

(i)

fis-Subtaqsima 5, it-tielet inċiż tat-tieni paragrafu huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”,

(ii)

fis-Subtaqsima 10, it-tieni inċiż huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”;

(d)

fit-Taqsima Modula SH2 (Sistema ta’ ġestjoni tal-kwalità sħiħa b’eżami tad-disinn), it-tmien inċiż tas-Subtaqsima 10 huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”;

(e)

it-Taqsima Modula SG (Verifika tal-Unità) hija emendata kif ġej:

(i)

fis-Subtaqsima 3, it-tieni inċiż tat-tieni paragrafu huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”,

(ii)

fis-Subtaqsima 8, it-tmien inċiż huwa sostitwit b’dan li ġej:

„—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”.

(*1) ĠU L 256, 1.10.2011, p. 1.

(*2) ĠU L 264, 8.10.2011, p. 32.”.”

ANNESS II

L-Anness għad-Deċiżjoni 2006/860/KE (HS CCS TSI) huwa emendat kif ġej:

(1)

Fil-Klawżola 2.2.4, it-tieni paragrafu huwa sostitwit b’dan li ġej:

(2)	Fil-Klawżola 4.3.2.3 “Prestazzjoni u karatteristiċi garantiti tal-ibbrejkjar tal-ferrovija”, it-tielet paragrafu huwa sostitwit b’dan li ġej: “Għal ferroviji fissi, il-prestazzjoni ta’ bbrejkjar garantita hija ppruvduta mill-manifatturi”.

(3)	Il-Klawżola 4.3.2.5 hija sostitwita b’dan li ġej: “4.3.2.5. Kundizzjonijiet tal-ambjent fiżiku Il-kundizzjonijiet ambjentali klimatiċi u fiżiċi tat-tagħmir Kontroll-Kmand mistennija fuq il-ferrovija għandhom jiġu definiti b’referenza għall-Anness A, indiċi A4 u indiċi A5”.

(4)	Fil-Klawżola 4.3.2.9 “Rilevaturi tal-Kaxxa ta’ Fus Jaħraq”, it-tieni paragrafu huwa sostitwit b’dan li ġej: “Din l-interfaċċja hija relevanti għas-sistema HABD ta’ Klassi A”.

(5)

Il-Klawżola 4.3.3.4 hija sostitwita b’dan li ġej:

“4.3.3.4. Użu ta’ brejkijiet elettriċi/manjetiċi

Sabiex jiġi żgurat il-funzjonament xieraq tat-tagħmir maġenb il-binarji ta’ Kontroll-Kmand, l-użu tal-brejkijiet manjetiċi u l-brejkijiet b’belligħat żgħar għandu jiġi definit b’referenza għall-Klawżola 5.2 tal-Appendiċi 1 tal-Anness A”.

(6)

Fit-Taqsima 4.8, it-tieni paragrafu huwa sostitwit b’dan li ġej:

Id-dejta li trid tiġi pprovduta għar-reġistri speċifikati fl-Artikoli 34 u 35 tad-Direttiva 2008/57/KE tal-Parlament Ewropew u tal-Kunsill (*1) hija dik indikata fid-Deċiżjoni ta’ Implimentazzjoni tal-Kummissjoni 2011/633/UE tal-15 ta’ Settembru 2011 dwar l-ispeċifikazzjonijiet komuni tar-reġistru tal-infrastruttura ferrovjarja (*2) u d-Deċiżjoni ta’ Implimentazzjoni tal-Kummissjoni 2011/665/UE tal-4 ta’ Ottubru 2011 dwar ir-reġistru Ewropew tat-tipi ta’ vetturi ferrovjarji awtorizzati (*3).

(7)

Il-Klawżola 6.2.1 “Proċeduri ta’ valutazzjoni” hija emendata kif ġej:

(a)	it-tmien u d-disa’ paragrafi huma mħassra;

(b)

l-għaxar paragrafu huwa sostitwit b’dan li ġej:

(8)	Fil-Klawżola 6.2.1.3 “Valutazzjoni fil-fażijiet ta’ migrazzjoni”, is-sitt paragrafu huwa mħassar.

(9)

Fil-Klawżola 6.2.2.3.1 “Validazzjoni tal-Armar Abbord”, it-tielet paragrafu huwa sostitwit b’dan li ġej:

“Fil-każ li jkun hemm limitazjonijiet għall-applikabbiltà ġenerali tar-riżultati u tat-testijiet (eż. konformità mat-TSI sa ċerta veloċità biss), dawn il-limitazzjonijiet għandhom jitniżżlu fiċ-ċertifikat”.

(10)

Fil-Klawżola 6.2.2.3.2 “Validazzjoni tal-Armar Maġenb il-Binarji”, ir-raba’ paragrafu huwa sostitwit b’dan li ġej:

(11)	Il-Klawżola 7.2.8 hija mħassra.

(12)

Fil-Klawżola 7.2.9 “Vettura ferrovjarja b’tagħmir ta’ protezzjoni tal-ferrovija ta’ Klassi A u Klassi B”, it-tieni paragrafu huwa sostitwit b’dan li ġej:

“Barra minn hekk, is-sistema ta’ Klassi B tista’ tiġi implimentata b’mod indipendenti (jew, f’każ ta’ ameljorament jew tiġdid, titħalla ‘kif inhi’), fil-każ ta’ sistemi tal-Klassi B li għalihom STM (Specific Transmission Module) mhuwiex alternattiva ekonomikament vijabbli mill-perspettiva tas-sid tal-vettura ferrovjarja. Madanakollu, jekk ma jintużax STM, l-Impriża Ferrovjarja trid tiżgura li n-nuqqas ta’ ‘handshake’ (= ġestjoni mill-ETCS (European Train Control System) tat-tranżizzjonijiet bejn il-Klassi A u l-Klassi B maġenb il-binarji) ikun ġestit kif inhu xieraq xorta waħda”.

(13)	Il-Klawżola 7.2.10 hija mħassra.

(14)

Fil-Klawżola 7.5.2.1 “Kategorija ta’ kull każ speċifiku jingħata fl-Anness A, Appendiċi 1”, fit-tabella, il-ġustifikazzjonijiet tal-punti 1, 3, 4, 5, 6, 8, 11, 14 u 17 huma sostitwiti b’dan li ġej:

(a)	għall-punt 1: “Tagħmir eżistenti ta’ axle counter”;

(b)	għall-punt 3: “Relevanti fuq il-linji bi qsim tal-livell”;

(c)	għall-punti 4 u 5: “Tagħmir eżistenti taċ-ċirkwiti ferrovjarji”;

(d)	għall-punt 6: “Tagħmir eżistenti ta’ axle counter”;

(e)

għall-punt 8 għall-Ġermanja: “It-tagħbija minima fuq il-flus meħtieġa għall-bidla tal-binarji ta’ ċerti ċirkwiti ferrovjarji hija determinata f’rekwiżit tal-EBA (Eisenbahn-Bundesamt), relevanti fuq xi linji ewlenin fil-Ġermanja fiż-żona li kienet DR (Deutsche Reichsbahn) b’ċirkwiti ferrovjarji ta’ 42 Hz u 100 Hz. L-ebda tiġdid”;

(f)	għall-punt 8 għall-Awstrija: “It-tagħbija minima fuq il-flus meħtieġa għall-bidla tal-binarji ta’ ċerti ċirkwiti ferrovjarji hija determinata f’rekwiżit għall-funzjoni sigura, relevanti fuq xi linji ewlenin fl-Awstrija b’ċirkwiti ferrovjarji ta’ 100 Hz. L-ebda tiġdid.”;

(g)	għall-punt 11: “Relevanti fuq il-linji bi qsim tal-livell b’ċirkwiti ta’ detezzjoni”;

(h)	għall-punt 14 “Tagħmir eżistenti taċ-ċirkwiti ferrovjarji b’vultaġġ baxx”;

(i)	għall-punt 17: “Relevanti fuq il-linji bi qsim tal-livell”.

(15)

L-Anness A huwa emendat kif ġej:

(a)

l-Appendiċi 1 huwa emendat kif ġej:

(i)	it-Taqsima 4.6 hija sostitwita b’dan li ġej: “4.6. Il-maniġer tal-infrastruttura jista’ jippermetti limiti inqas restrittivi”,

(ii)

It-Taqsima 5.1.2 hija sostitwita b’dan li ġej:

“5.1.2. Dwar id-distanza bx

Id-distanza bx (Fig. 1) ma għandhiex taqbeż l-4 200 mm, ħlief jekk il-Vettura Ferrovjarja taħdem biss fuq linji, li fuqhom hija permessa bx sa 5 000 mm.

Il-Vettura Ferrovjarja li fiha l-bx tkun ta’ aktar minn 4 200 mm ma għandhiex taħdem fuq linji, li għalihom mhijiex permessa bx ta’ aktar minn 4 200 mm.

Id-Dikjarazzjoni ta’ Verifika tal-KE tal-vettura ferrovjarja għandu jkun fiha din l-indikazzjoni.

Fuq sezzjonijiet mibnijin ġodda ta’ linji ta’ kategorija I, is-sistema ta’ CCS ta’ detezzjoni tal-ferroviji għandha tippermetti ferroviji b’bx sa 5 000 mm.

(iii)

it-Taqsima 6.1.3 hija sostitwita b’dan li ġej:

“6.1.3. Każ speċifiku tal-Awstrija, il-Ġermanja, u l-Belġju

It-tagħbija fuq il-flus għandha tkun tal-inqas 5 tunnellati fuq ċerti linji”,

(iv)	it-Taqsima 6.5.5 hija sostitwita b’dan li ġej: “6.5.5. Każ speċifiku tal-Pajjiżi l-Baxxi Minbarra r-rekwiżiti ġenerali fl-Anness A, Appendiċi 1, rekwiżiti addizzjonali jistgħu japplikaw għal lokomotivi u unitajiet multipli fuq ċirkwiti ferrovjarji”,

(v)

it-Taqsima 8.2 hija sostitwita b’dan li ġej:

“8.2. użu tal-brejkijiet elettriċi/manjetiċi

8.2.2. Jekk dan ikun permess, brejkijiet b’belligħat żgħar u brejkijiet manjetiċi jistgħu jintużaw għall-ibbrejkjar tas-servizz.

8.2.3. Każ speċifiku tal-Ġermanja:

Il-brejk manjetiku u l-brejk b’belligħat tal-kurrent mhuwiex permess fl-ewwel karru ppernjat ta’ vettura fuq quddiem sakemm dan ma jkunx espliċitament indikat b’mod ieħor”;

(b)

fl-Appendiċi 2, it-Taqsima 5 hija sostitwita b’dan li ġej:

“5 TIPI U LIMITI TA’ SISTEMI TA’ TWISSIJA

Il-HABD għandu jibni t-tipi ta’ alarms li ġejjin:

—	sistema ta’ twissija ta’ ħruq,

—	sistema ta’ twissija ta’ sħana,

—	sistema ta’ twissija ta’ differenza jew tip ieħor ta’ sistema ta’ twissija”.

(16)

L-Anness B huwa emendat kif ġej:

(a)	fit-Taqsima “UŻU TAL-ANNESS B”, ir-raba’ paragrafu huwa sostitwit b’dan li ġej: “L-impriżi ferrovjarji li jridu jinstallaw waħda jew aktar minn dawn is-sistemi fuq il-ferroviji tagħhom għandhom jirreferu għall-Istat Membru xieraq”;

(b)	fit-Taqsima “Parti 2: Radju”, is-sentenza ta’ wara l-punt 17 tal-indiċi hija sostitwita b’dan li ġej: “Bħalissa, dawn is-sistemi qed jintużaw fl-Istati Membri”.

(17)	L-Anness Ċ huwa mħassar.

(18)

L-Anness E huwa emendat kif ġej:

(a)

fit-Taqsima Modula SB (Eżami tat-tip), it-tieni inċiż tal-ħames paragrafu tas-Subtaqsima 3 huwa sostitwit b’dan li ġej:

“—	Ir-reġistru Ewropew għat-tipi awtorizzati ta’ vetturi, inkluż kull tagħrif kif inhu speċifikat fit-TSI”;

(b)

it-Taqsima Modula SD (Sistema ta’ Ġestjoni tal-Kwalità tal-Produzzjoni) hija emendata kif ġej:

(i)

fis-Subtaqsima 4.2, is-sitt inċiż tat-tieni paragrafu huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”,

(ii)

fis-Subtaqsima 10, id-disa’ inċiż huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”;

(c)

it-Taqsima Modula SF (Verifika tal-Prodott) hija emendata kif ġej:

(i)

fis-Subtaqsima 5, it-tielet inċiż tat-tieni paragrafu huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”,

(ii)

fis-Subtaqsima 10, it-tieni paragrafu huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”;

(d)

fit-Taqsima Modula SH2 (Sistema ta’ ġestjoni tal-kwalità sħiħa b’eżami tad-disinn), it-tmien inċiż tas-Subtaqsima 10 huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”;

(e)

it-Taqsima Modula SG (Verifika tal-Unità) hija emendata kif ġej:

(i)

fis-Subtaqsima 3, it-tieni inċiż tat-tieni paragrafu huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”,

(ii)

fis-Subtaqsima 8, it-tmien inċiż huwa sostitwit b’dan li ġej:

“—	Ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”.