DEĊIŻJONI TAL-KUMMISSJONI

tat-23 ta’ Lulju 2012

li temenda d-Deċiżjonijiet 2002/731/KE, 2002/732/KE, 2002/733/KE, 2002/735/KE u 2006/66/KE u li tirrevoka d-Deċiżjoni 2002/730/KE dwar l-ispeċifikazzjoni teknika għall-interoperabilità

(notifikata bid-dokument numru C(2012) 4982)

(Test b’relevanza għaż-ŻEE)

(2012/462/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2008/57/KE tal-Parlament Ewropew u tal-Kunsill tas-17 ta’ Ġunju 2008 dwar l-interoperabilità tas-sistema ferrovjarja fil-Komunità (1), u b’mod partikolari l-Artikolu 6(1) tagħha,

Billi:

(1)

L-Artikolu 12 tar-Regolament (KE) Nru 881/2004 tal-Parlament Ewropew u tal-Kunsill tal-29 ta’ April 2004 li jistabbilixxi Aġenzija Ewropea tal-Ferroviji (ir-Regolament tal-Aġenzija) (2) jeħtieġ li l-Aġenzija Ferrovjarja Ewropea (minn hawn ’il quddiem “l-Aġenzija”) tiżgura li l-ispeċifikazzjonijiet tekniċi ta’ interoperabilità (minn hawn ’il quddiem “TSIs” — Technical Specifications for Interoperability) jkunu adattati għall-progress tekniku u x-xejriet tas-suq u għar-rekwiżiti soċjali, u li tipproponi lill-Kummissjoni dawk l-emendi għat-TSIs li hi tqis neċessarji.

(2)

Permezz tad-Deċiżjoni C(2007)3371 tat-13 ta’ Lulju 2007, il-Kummissjoni tat mandat ta’ qafas lill-Aġenzija sabiex twettaq ċerti attivitajiet skont id-Direttiva tal-Kunsill 96/48/KE tat-23 ta’ Lulju 1996 fuq l-interoperabilità tas-sistema ferrovjarja trans-Ewropea ta’ veloċità għolja (3) u d-Direttiva 2001/16/KE tal-Parlament Ewropew u tal-Kunsill tad-19 ta’ Marzu 2001 fuq l-interoperabilità tas-sistema ferrovjarja konvenzjonali trans-Ewropea (4). Skont it-termini tal-mandat ta’ qafas, l-Aġenzija ntalbet tirrevedi t-TSIs dwar il-vetturi ferrovjarji b’veloċità għolja, il-vaguni tal-merkanzija, il-vetturi ferrovjarji lokomottivi u tal-passiġġieri, l-istorbju, l-infrastruttura, l-enerġija, il-kontroll-kmand u s-sinjalar, il-ġestjoni tal-operazzjoni u t-traffiku, l-applikazzjonijiet telematiċi għal servizzi ta’ merkanzija u ta’ ġarr ta’ passiġġieri, is-sikurezza fil-mini ferrovjarji u l-aċċessibilità għal persuni b’mobilità mnaqqsa.

(3)	Fil-31 ta’ Marzu 2011, l-Aġenzija ħarġet rakkomandazzjoni dwar l-ispeċifikazzjoni tar-reġistru tal-infrastruttura, il-proċedura għall-wiri tal-livell ta’ konformità mal-parametri bażiċi tat-TSIs għal-linji eżistenti u emendi sussegwenti għat-TSIs (ERA/REC/04-2011/INT).

(4)

Fid-9 ta’ Ġunju 2011, il-Kumitat stabbilit skont l-Artikolu 29(1) tad-Direttiva 2008/57/KE ta opinjoni pożittiva dwar l-abbozz tad-Deċiżjoni ta’ Implimentazzjoni tal-Kummissjoni dwar ir-reġistru Ewropew tat-tipi ta’ vetturi ferrovjarji awtorizzati u dwar id-Deċiżjoni ta’ Implimentazzjoni tal-Kummissjoni dwar l-ispeċifikazzjonijiet komuni tar-reġistru tal-infrastruttura ferrovjarja. Wara l-adozzjoni taż-żewġ atti tal-Kummissjoni bbażati fuq dawn l-abbozzi, b’mod partikolari d-Deċiżjoni ta’ Implimentazzjoni tal-Kummissjoni 2011/633/UE tal-15 ta’ Settembru 2011 dwar l-ispeċifikazzjonijiet komuni tar-reġistru tal-infrastruttura ferrovjarja (5) u d-Deċiżjoni ta’ Implimentazzjoni tal-Kummissjoni 2011/665/UE tal-4 ta’ Ottubru 2011 dwar ir-reġistru Ewropew tat-tipi ta’ vetturi ferrovjarji awtorizzati (6), it-TSIs relevanti jridu jiġu aġġornati sabiex tkun żgurata konsistenza globali.

(5)

Għal raġunijiet prattiċi, ikun aħjar li tiġi emendata serje ta’ TSIs permezz ta’ Deċiżjoni tal-Kummissjoni waħda sabiex jiġu implimentati korrezzjonijiet u aġġornamenti partikolari fit-testi legali. Dawn il-korrezzjonijiet u l-aġġornamenti mhumiex ġejjin minn reviżjoni globali tat-TSIs jew mill-estensjoni tal-ambitu ġeografiku tagħhom.

(6)

Għaldaqstant, huwa neċessarju li jiġu emendati d-Deċiżjonijiet li ġejjin:

—

Id-Deċiżjoni tal-Kummissjoni 2002/731/KE tat-30 ta’ Mejju 2002 dwar l-ispeċifikazzjoni teknika għall-interoperabilità li għandha x’taqsam mas-sub-sistema ta’ kmand ta’ kontroll u sinjalazzjoni tas-sistema ferrovjarja trans-Ewropea ta’ veloċità għolja msemmija fl-Artikolu 6(1) tad-Direttiva tal-Kunsill 96/48/KE (7);

—	Id-Deċiżjoni tal-Kummissjoni 2002/732/KE tat-30 ta’ Mejju 2002 li tikkonċerna l-ispeċifikazzjoni teknika għall-interoperabilità li tirrelata mas-subsistema tal-infrastruttura tas-sistemi ferrovjarji trans-Ewropej ta’ veloċità għolja msemmija fl-Artikolu 6(1) tad-Direttiva tal-Kunsill 96/48/KE (8);

—	Id-Deċizjoni tal-Kumissjoni 2002/733/KE tat-30 ta’ Mejju 2002 li tikkonċerna l-ispeċifikazzjoni teknika għall-interoperabilità li titratta s-subsistema tal-enerġija tas-sistema ferrovjarja ta’ velocità kbira trans-Ewropea msemmija fl-Artikolu 6(1) tad-Direttiva 96/48/KE (9);

—	Id-Deċiżjoni tal-Kummissjoni 2002/735/KE tat-30 ta’ Mejju 2002 dwar l-ispeċifikazzjonijiet tekniċi għall-interoperabbilità rigward is-subsistema tal-vaguni tal-ferrovija tas-sistema ferrovjarja ta’ veloċità għolja trans-Ewropea msemmija fl-Artikolu 6(1) tad-Direttiva 96/48/KE (10);

—	Id-Deċiżjoni tal-Kummissjoni 2006/66/KE tat-23 ta’ Diċembru 2005 rigward l-ispeċifikazzjoni teknika għall-interoperabilità relatata mal-vetturi ferrovjarji tas-subsistema — storjbu tas-sistema ferrovjarja trans-Ewropea konvenzjonali (mhux disponibbli bil-Malti) (11);

(7)

Id-Deċiżjoni 2002/731/KE ġiet revokata bid-Deċiżjoni tal-Kummissjoni 2006/860/KE tas-7 ta’ Novembru 2006 li tikkonċerna speċifikazzjoni teknika għall-interoperabbiltà relatata mas-subsistema ta’ kontroll u l-kmand u sinjalazzjoni tas-sistema ferrovjarja trans-Ewropea ta’ veloċità għolja u li temenda l-Anness A tad-Deċiżjoni 2006/679/KE li tikkonċerna l-ispeċifikazzjoni teknika għall-interoperabbiltà relatata mas-subsistema ta’ kontroll u l-kmand u sinjalazzjoni tas-sistema ferrovjarja trans-Ewropea konvenzjonali (12). Id-Deċiżjoni 2002/732/KE ġiet revokata bid-Deċiżjoni tal-Kummissjoni 2008/217/KE tal-20 ta’ Diċembru 2007 dwar speċifikazzjoni teknika għall-interoperabbiltà (STI) rigward is-subsistema infrastruttura tas-sistema ferrovjarja trans-Ewropea ta’ veloċità għolja (13). Id-Deċiżjoni 2002/733/KE ġiet revokata mid-Deċiżjoni tal-Kummissjoni 2008/284/KE tas-6 ta’ Marzu 2008 dwar speċifikazzjoni teknika għall-interoperabilità (STI) rigward is-subsistema tal-enerġija tas-sistema ferrovjarja tranżEwropea ta’ veloċità għolja (14). Id-Deċiżjoni 2002/735/KE ġiet revokata mid-Deċiżjoni tal-Kummissjoni 2008/232/KE tal-21 ta’ Frar 2008 dwar speċifikazzjoni teknika għall-interoperabbiltà (STI) rigward is-subsistema vetturi ferrovjarji tas-sistema ferrovjarja tranżEwropea ta’ veloċità għolja (15). Id-Deċiżjoni 2006/66/KE ġiet revokata mid-Deċiżjoni tal-Kummissjoni 2011/229/UE tal-4 ta’ April 2011 dwar l-ispeċifikazzjonijiet tekniċi tal-interoperabilità marbuta mas-sottosistema “vetturi ferrovjarji — storbju” tas-sistema ferrovjarja konvenzjonali trans-Ewropea (16).

(8)

Madanakollu, id-Deċiżjonijiet 2006/860/KE, 2008/217/KE, 2008/232/KE, 2008/284/KE u 2011/229/UE fihom dispożizzjonijiet tranżitorji dwar l-applikazzjoni tad-Deċiżjonijiet li jirrevokaw fir-rigward tal-manutenzjoni ta’ proġetti awtorizzati skont it-TSI annessata ma’ dawk id-Deċiżjonijiet u mal-proġetti għal linja ġdida u għat-tiġdid jew l-ameljorament ta’ linja eżistenti li huma fi stadju avvanzat ta’ żvilupp jew is-suġġett ta’ kuntratt li qed jiġi eżegwit fid-data rispettiva ta’ notifika tad-Deċiżjonijiet 2006/860/KE, id-Deċiżjoni 2008/217/KE, id-Deċiżjoni 2008/232/KE, id-Deċiżjoni 2008/284/KE u d-Deċiżjoni 2011/229/UE. Għaldaqstant, id-Deċiżjonijiet 2002/731/KE, 2002/732/KE, 2002/733/KE, 2002/735/KE u 2006/66/KE xorta waħda għandhom jiġu emendati kif xieraq.

(9)

Matul is-sessjoni tiegħu tat-22 u t-23 ta’ April 2004, il-Kumitat stabbilit skont l-Artikolu 29(1) tad-Direttiva 2008/57/3KE qabel li jħassar it-TSI għall-Manutenzjoni stabbilita fid-Deċiżjoni tal-Kummissjoni 2002/730/KE (17), filwaqt li jittrasferixxi l-kontenuti tiegħu fit-TSIs l-oħrajn. Wara dan, it-TSIs dwar il-veloċità għolja reveduti u ppubblikati fl-2006 inkorporaw il-kontenut tad-Deċiżjoni 2002/730/KE, li għahekk għandha tiġi revokata, għal raġunijiet ta’ ċarezza.

(10)	Il-miżuri stipulati f’din id-Deċiżjoni huma konformi mal-opinjoni tal-Kumitat stabbilit skont l-Artikolu 29(1) tad-Direttiva 2008/57/KE,

ADOTTAT DIN ID-DEĊIŻJONI:

Artikolu 1

L-Anness għad-Deċiżjoni 2002/731/KE huwa emendat skont l-Anness I għal din id-Deċiżjoni.

Artikolu 2

L-Anness għad-Deċiżjoni 2002/732/KE huwa emendat skont l-Anness II għal din id-Deċiżjoni.

Artikolu 3

L-Anness għad-Deċiżjoni 2002/733/KE huwa emendat skont l-Anness III għal din id-Deċiżjoni.

Artikolu 4

L-Anness għad-Deċiżjoni 2002/735/KE huwa emendat skont l-Anness IV għal din id-Deċiżjoni.

Artikolu 5

L-Anness għad-Deċiżjoni 2006/66/KE huwa emendat skont l-Anness V għal din id-Deċiżjoni.

Artikolu 6

Id-Deċiżjoni 2002/730/KE hija revokata.

Artikolu 7

Din id-Deċiżjoni għandha tapplika mill-24 ta’ Jannar 2013.

Artikolu 8

Din id-Deċiżjoni hija indirizzata lill-Istati Membri.

Magħmul fi Brussell, it-23 ta’ Lulju 2012.

Għall-Kummissjoni

Siim KALLAS

Viċi President

(1) ĠU L 191, 18.7.2008, p. 1.

(2) ĠU L 164, 30.4.2004, p. 1.

(3) ĠU L 235, 17.9.1996, p. 6.

(4) ĠU L 110, 20.4.2001, p. 1.

(5) ĠU L 256, 1.10.2011, p. 1.

(6) ĠU L 264, 8.10.2011, p. 32.

(7) ĠU L 245, 12.9.2002, p. 37.

(8) ĠU L 245, 12.9.2002, p. 143.

(9) ĠU L 245, 12.9.2002, p. 280.

(10) ĠU L 245, 12.9.2002, p. 402.

(11) ĠU L 37, 8.2.2006, p. 1.

(12) ĠU L 342, 7.12.2006, p. 1.

(13) ĠU L 77, 19.3.2008, p. 1.

(14) ĠU L 104, 14.4.2008, p. 1.

(15) ĠU L 84, 26.3.2008, p. 132.

(16) ĠU L 99, 13.4.2011, p. 1.

(17) ĠU L 245, 12.9.2002, p. 1.

ANNESS I

L-Anness għad-Deċiżjoni 2002/731/KE (HS CCS TSI) huwa emendat kif ġej:

(1)

Il-Klawżola 6.2 hija emendata kif ġej:

(a)	it-tielet, ir-raba’ u l-ħames paragrafi huma mħassra;

(b)

it-tmien paragrafu huwa sostitwit b’dan li ġej:

“Id-dikjarazzjoni ta’ verifika tal-armar abbord u maġenb il-binarji, flimkien maċ-ċertifikati ta’ konformità, hija biżżejjed sabiex jiġi żgurat li l-armar abbord jopera b’armar maġenb il-binarji mgħammar bil-funzjonijiet korrispondenti mingħajr dikjarazzjoni ta’ verifika ta’ subsistema addizzjonali”.

(2)

Il-Klawżola 7.2.1.4 hija sostitwita b’dan li ġej:

“7.2.1.4 Reġistri

Id-dejta li trid tiġi pprovduta għar-reġistri speċifikati fl-Artikoli 34 u 35 tad-Direttiva 2008/57/KE tal-Parlament Ewropew u tal-Kunsill (*1) hija dik indikata fid-Deċiżjoni ta’ Implimentazzjoni tal-Kummissjoni 2011/633/UE tal-15 ta’ Settembru 2011 dwar l-ispeċifikazzjonijiet komuni tar-reġistru tal-infrastruttura ferrovjarja (*2) u d-Deċiżjoni ta’ Implimentazzjoni tal-Kummissjoni 2011/665/UE tal-4 ta’ Ottubru 2011 dwar ir-reġistru Ewropew tat-tipi ta’ vetturi ferrovjarji awtorizzati (*3).

(*1) ĠU L 191, 18.7.2008, p. 1."

(*2) ĠU L 256, 1.10.2011, p. 1."

(*3) ĠU L 264, 8.10.2011, p. 32.”."

(3)	Il-Klawżola 7.2.2.4 hija mħassra.

(4)	Il-Klawżola 7.2.3.1 hija mħassra.

(5)

L-Anness B huwa emendat kif ġej:

(a)	fit-taqsima “Użu tal-Anness B”, it-tielet paragrafu huwa sostitwit b’dan li ġej: “L-impriżi ferrovjarji li jridu jinstallaw waħda jew aktar minn dawn is-sistemi fuq il-ferroviji tagħhom għandhom jirreferu għall-Istat Membru relevanti”;

(b)	fit-taqsima “Part 2: Radju”, l-aħħar paragrafu tal-“INDIĊI” huwa sostitwit b’dan li ġej: “Bħalissa, dawn is-sistemi qed jintużaw fl-Istati Membri”.

(6)	L-Anness C huwa mħassar.

(7)

L-Anness E huwa emendat kif ġej:

(a)

fit-taqsima Modulu SB (eżami tat-tip), it-tieni inċiż tas-sitt paragrafu tas-subtaqsima 3 huwa sostitwit b’dan li ġej:

“—	Ir-reġistru Ewropew għat-tipi awtorizzati ta’ vetturi, inkluż kull tagħrif kif inhu speċifikat fit-TSI”;

(b)

it-Taqsima Modulu SD (assigurazzjoni tal-kwalità tal-produzzjoni) hija emendata kif ġej:

(i)

fis-subtaqsima 6.2, it-tieni inċiż tat-tieni paragrafu huwa sostitwit b’dan li ġej:

“—	ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”,

(ii)

fis-subtaqsima 6.7, it-tmien inċiż huwa sostitwit b’dan li ġej:

“—	ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”;

(c)

it-Taqsima Modulu SF (verifika tal-prodott) hija emendata kif ġej:

(i)

fis-subtaqsima 5, it-tielet inċiż tat-tieni paragrafu huwa sostitwit b’dan li ġej:

“—	ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”,

(ii)

fis-subtaqsima 11, it-tieni inċiż huwa sostitwit b’dan li ġej:

“—	ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”;

(d)

fit-taqsima Modulu SH2 (assigurazzjoni tal-kwalità kompluta bl-eżami tad-disinn), is-seba’ inċiż tas-subtaqsima 6.7 huwa sostitwit b’dan li ġej:

“—	ir-Reġistru tal-Infrastruttura, inkluż it-tagħrif kollu kif inhu speċifikat fit-TSI”.

(*1) ĠU L 191, 18.7.2008, p. 1.

(*2) ĠU L 256, 1.10.2011, p. 1.

(*3) ĠU L 264, 8.10.2011, p. 32.”.”

ANNESS II

L-Anness għad-Deċiżjoni 2002/732/KE (HS INF TSI) huwa emendat kif ġej:

(1)	Fil-Klawżola 4.1.4 “Il-qawwa massima li taġixxi fuq il-binarju (il-Parametru 4)”, it-tieni sentenza tat-tieni inċiż tat-tieni paragrafu tas-subklawżola “Il-forzi vertikali” hija sostitwita b’dan li ġej: “ir-regoli tekniċi fl-użu għal dawn il-linji huma applikabbli”.

(2)

Fil-Klawżola 4.2.3.1.3 “Il-mini t-twal”, ir-raba’ paragrafu huwa sostitwit b’dan li ġej:

“Barra minn hekk, jekk il-pjattaformi jinbnew f’żoni speċifiċi tal-mina sabiex jipprovdu ħruġ faċli għal żoni ta’ salvataġġ protetti jew inkella għall-passaġġ laterali definit skont ir-regoli nazzjonali applikabbli, l-għoli tagħhom għandu jkun ta’ bejn 550 u 760 mm sabiex tkun żgurata kompatibilità mal-aċċess għall-vetturi ferrovjarji”.

(3)

Fil-Klawżola 4.2.3.2.3 “Eċċezzjoni għall-każ tat-tlestija tax-xogħol”, it-tieni inċiż tat-tielet paragrafu huwa sostitwit b’dan li ġej:

“—	l-impriżi ferrovjarji li joperaw fuq il-linja għandhom jiġu avżati dwar dawn l-eċċezzjonijiet temporanji, il-post ġeografiku tagħhom, it-tip tagħhom u l-mezzi ta’ sinjalar, permezz ta’ avviżi li jiddeskrivu, fejn dan ikun meħtieġ, it-tip ta’ sinjali speċifiċi użati”.

(4)

Fil-Klawżola 4.2.3.2.4 “L-ispazju laterali għall-passiġġieri fl-eventwalità tal-qbiż tal-binarju barra minn stazzjon”, it-tieni paragrafu huwa sostitwit b’dan li ġej:

“Fuq linji eżistenti, li ġew ameljorati sabiex iservu għal veloċità għolja, għandu jiġi pprovdut spazju laterali simili f’kull post fejn din id-dispożizzjoni tkun raġonevolment prattikabbli. Fejn ma jkunx jista’ jiġi pprovdut biżżejjed spazju, fuq iż-żewġ naħat taż-żona ta’ ċaqliq ristrett għandhom jitwaħħlu sinjali fuq il-post u l-operaturi għandhom jiġu mgħarrfa dwar din is-sitwazzjoni speċifika”.

(5)	Il-Klawżola 4.2.3.2.6 hija mħassra.

(6)

Fil-Klawżola 4.3.1 “Il-linji mibnija apposta għall-veloċità qawwija”, il-ħames paragrafu huwa sostitwit b’dan li ġej:

“Rekwiżiti bħal dawn li huma differenti minn dawk meħtieġa għall-kisba ta’ livelli ta’ prestazzjoni bażika tan-netwerk għandhom jiġu applikati għal kull parametru jew interfaċċja relevanti b’mod uniformi f’kull sezzjoni tal-linja għall-veloċità għolja li se tinbena jew li qed tiġi ppjanata”.

(7)	Fil-Klawżola 4.3.2 “Il-linji miżjuda fil-grad apposta għall-veloċità qawwija”, il-ħames paragrafu huwa mħassar

(8)

Il-Klawżola 4.3.3.8 (a) “Id-defiċjenza tal-pożizzjoni mżerżqa fuq binarju sempliċi u fuq il-binarju priċipali tal-bdil u l-qsim tal-binarji” hija emendata kif ġej:

(a)

fis-subklawżola “Il-linji mibnija apposta għall-veloċità qawwija”, ir-raba’ paragrafu huwa sostitwit b’dan li ġej:

“Fuq il-linji li r-radji tagħhom ġew definiti fuq il-bażi tal-valuri tad-defiċjenza fit-tabella aktar ‘il fuq, il-ferroviji interoperabbli b’veloċità għolja mgħammra b’mekkaniżmi speċjali (inklinazzjoni) jistgħu jitħallew jaħdmu b’valuri ta’ defiċjenza ogħla, dejjem jekk l-adozzjoni ta’ dawn il-valuri għal dawk il-ferroviji ma ġġibx restrizzjonijiet għal ferroviji interoperabbli oħra. Il-valur ta’ defiċjenza massima għandu jiġi ffissat, fil-każ ta’ ferroviji mgħammra b’mekkaniżmi partikolari (ferroviji b’inklinazzjoni, inter alia), għal kull linja interoperabbli, permezz ta’ applikazzjoni tar-regolamenti nazzjonali għat-tip ta’ ferrovija kkonċernat. L-approvazzjoni ta’ dawn il-ferroviji sabiex jibdew joperaw għandha tkun soġġetta għar-rekwiżiti tat-TSI għall-vetturi ferrovjarji”;

(b)

fis-subklawżola “Il-linji miżjuda fil-grad apposta għall-veloċità qawwija u l-linji tal-konnessjoni”, il-ħames paragrafu huwa sostitwit b’dan li ġej:

(c)

fis-subklawżola “Il-linji mibnija apposta jew miżjuda fil-grad għall-veloċità qawwija li jkollhom karatteristiċi speċjali”, it-tielet paragrafu huwa sostitwit b’dan li ġej:

(9)

Fil-Klawżola 4.3.3.21 “Ir-reżistenza tal-binarju, tal-qlib u l-qsim tal-binarji għall-forzi tal-applikazzjoni tal-brejkijiet u l-aċċelerazzjoni”, it-tieni inċiż tal-ewwel paragrafu tas-subklawżola “Il-kondizzjoni termali” huwa sostitwit b’dan li ġej:

“—

każ 2: għal każijiet oħra ta’ bbrejkjar, bħal ibbrejkjar tas-servizz normali għal tnaqqis tal-veloċità jew ibbrejkjar mhux ripetittiv għal waqfa, jew ibbrejkjar ripetittiv għal kontroll tal-veloċità, sakemm tinħareġ il-pubblikazzjoni tal-ispeċifikazzjoni Ewropea korrispondenti jew standard tas-CEN (Kumitat Ewropea għall-Istandardizzazzjoni), l-użu tal-brejkijiet u tal-forza ta’ bbrejkjar massima permessa skont dawk il-kondizzjonijiet tal-użu li ssemmew l-aħħar għandu jiġi stabbilit mill-Maniġer tal-Infrastruttura għal kull linja interoperabbli kkonċernata”.

(10)

Fil-Klawżola 4.3.3.23 “L-effetti tar-rjieħ inkroċjati”, it-tieni paragrafu huwa sostitwit b’dan li ġej:

“Għal kull linja interoperabbli, kull Stat Membru għandu jiddefinixxi r-regoli li għandhom jiġu applikati kemm għall-vetturi kif ukoll għall-infrastruttura sabiex tiġi garantita l-istabilità tal-vetturi soġġetti għar-rjieħ inkroċjati”.

(11)

Fil-Klawżola 4.3.3.26 “Il-pjattaformi tal-passiġġieri”, is-subklawżola “Il-linji eżisenti ta’ veloċità qawwija, il-linji miżjuda fil-grad apposta għall-veloċità qawwija u l-linji tal-konnessjoni”, it-tielet paragrafu huwa sostitwit b’dan li ġej:

“Jekk is-sitwazzjoni eżistenti ma tippermettix aċċess faċli għall-persuni b’diżabilità, l-impriża ferrovjarja għandha tipprovdi mezz ta’ assistenza għall-persuni b’diżabilità u l-passiġġiera għandhom jiġu mgħarrfa b’dan. Dawn il-miżuri jistgħu jkunu:

—	rampi mobbli għal aċċess għall-ferroviji,

—	pjattaformi li jitilgħu u jinżlu.”.

(12)	Fl-Anness B, it-Tabella B.1, l-għaxar filliera l “Reġistru tal-Infrastruttura (4.2.3.2.6)” hija mħassra.

(13)

L-Anness D huwa emendat kif ġej:

(a)

It-Taqsima D.2.1 “Disinn dettaljat tax-xogħlijiet ta’ inġinerija ċivili u ta’ superstruttura” hija emendata kif ġej:

(i)

it-tieni paragrafu huwa sostitwit b’dan li ġej:

“Bħala l-ewwel pass, sabiex il-verifiki mill-korp magħżul u notifikat isiru mingħajr intoppi, l-entità ġudikanti jew il-Maniġer tal-Infrastruttura, iħejju u jibgħatu lil dan tal-aħħar, għall-proġett ikkonċernat, ktieb ta’ verifika li jissintetizza t-tagħrif dwar id-definizzjoni tal-proġett għas-sistema ppjanata li għandu jkun parti mill-fajl tekniku tas-subsistema, hekk kif dan jirriżulta f’dan l-istadju ta’ definizzjoni, mid-disinn li serva bħala bażi għad-deċiżjoni tal-Istati Membri sabiex jipproċedu. F’kapitlu separat, dan il-ktieb ta’ verifika jiddeskrivi l-elementi li għandhom jiddaħħlu fir-Reġistru tal-Infrastruttura tal-linja kkonċernata.”,

(ii)

fis-subklawżola “Il-gejġ tal-infrastruttura, id-distanza bejn iċ-ċentri tal-binarji, l-ispazju laterali, l-aċċess u l-intrużjonijiet”, l-ewwel u t-tieni subinċiżi tal-ewwel inċiż huma sostitwiti b’dan li ġej:

“—

il-gejġ tal-infrastruttura, għal kull binarju kkonċernat, kif tirriżulta mill-għażla li saret bħala reazzjoni għall-kalkoli sabiex jiġu applikati l-ispeċifikazzjonijiet Ewropej relevanti, jew, sakemm tinħareġ il-pubblikazzjoni tagħhom, il-fuljetti 505-4 u 506 tal-UIC kif stipulat fit-Taqsima 4.3.3 għall-element ta’ ‘gejġ strutturali’ (4.3.3.1), li l-kalkoli għandhom jiġu mwaħħla mad-disinji,

—	il-gejġ ta’ approvazzjoni tal-pantograf, kif tirriżulta mill-għażliet bħala reazzjoni għall-kalkoli sabiex jiġu applikati l-fuljetti 606-1, 505-1 u 505-4 tal-UIC kif inhu speċifikat fit-Taqsima 4.3.3 għall-element ta’ ‘gejġ strutturali’ (4.3.3.1), li l-kalkoli għandhom jiġu mehmuża,”;

(b)	fit-Taqsima D.2.6 “Fażi ta’ kummissjonament tal-proġett”, ir-raba’ subklawżola (“Reġistri tal-Infrastruttura”) hija mħassra.

(14)

L-Anness E huwa sostitwit b’dan li ġej:

“ANNESS E

IL-KARATTERISTIĊI LI HUMA MEĦTIEĠA JIDHRU FIR-REĠISTRU TAL-INFRASTRUTTURA

Id-dejta li għandha tiġi pprovduta għar-reġistru speċifikat fl-Artikolu 35 tad-Direttiva 2008/57/KE tal-Parlament Ewropew u tal-Kunsill (*1) hija dik indikata fid-Deċiżjoni ta’ Implimentazzjoni tal-Kummissjoni 2011/633/UE tal-15 ta’ Settembru 2011 dwar l-ispeċifikazzjonijiet komuni tar-reġistru tal-infrastruttura ferrovjarja (*2).

(*1) ĠU L 191, 18.7.2008, p. 1.

(*2) ĠU L 256, 1.10.2011, p. 1.".

ANNESS III

L-Anness għad-Deċiżjoni 2002/733/KE (HS ENE TSI) huwa emendat kif ġej:

(1)

Fil-Klawżola 4.1.1 “Vultaġġ u frekwenza”, it-tieni paragrafu huwa sostitwit b’dan li ġej:

“Il-vultaġġ fit-terminali tas-substazzjon u fil-pantograf għandhom jikkonformaw mal-Anness N għal din it-TSI. Il-frekwenza tal-vultaġġ għandha tikkonforma mal-Anness N għal din it-TSI. Għall-valutazzjoni tal-konformità, ara l-Anness N4”.

(2)	Fil-Klawżola 4.1.2.1 “Ġeometrija tal-linja sovraposta ta’ konnessjoni għal sistemi AC”, in-nota (3) tat-Tabella 4.2 hija mħassra.

(3)	Fil-Klawżola 4.1.2.2 “Ġeometrija ta’ linja sovraposta ta’ konnessjoni għal sistemi DC”, in-nota (4) tat-Tabella 4.3 hija mħassra.

(4)

Il-Klawżola 4.2.2.4 hija sostitwita b’dan li ġej:

“4.2.2.4. Envelopp dinamiku tal-vettura

Id-disinn tat-tagħmir tal-linja fl-għoli għandu jikkonforma mal-envelope dinamiku tal-vettura. Il-gejġ li għandu jiġi adottat jiddependi mill-kategorija tal-linja. Il-valutazzjoni tal-konformità għandu jitwettaq fi ħdan is-subsistema tal-enerġija”.

(5)

Il-Klawżola 4.2.2.5 hija sostitwita b’dan li ġej:

“4.2.2.5. Limitu tal-konsum massimu ta’ enerġija

L-enerġija installata fuq linja b’veloċità għolja u ameljorata jew linja ta’ konnessjoni tiddetermina l-konsum ta’ enerġija permissibbli tal-ferroviji. Għaldaqstant, għandhom jiġu installati strumenti ta’ limitazzjoni tal-kurrent abbord kif inhu spjegat fl-Anness O għal din it-TSI. Għandha titwettaq valutazzjoni fi ħdan il-valutazzjoni tas-subsistema tal-vetturi ferrovjarji (rolling stock)”.

(6)

Fil-Klawżola 4.2.2.8 “Kordinament ta’ protezzjoni tal-elettriku”, l-ewwel paragrafu huwa sostitwit b’dan li ġej:

“Koordinazzjoni bejn il-protezzjoni elettrika tas-substazzjonijiet u dik tal-unitajiet tat-trazzjoni hija meħtieġa sabiex jiġi ottimizzat l-ikklirjar tal-ixxortjar taċ-ċirkwiti. (L-Anness E għal din it-TSI jipprovdi r-rekwiżiti applikabbli.)”.

(7)

Il-Klawżola 4.2.2.10 hija emendata kif ġej:

(a)	it-tielet paragrafu huwa mħassar;

(b)	fis-subklawżola “Ħtiġiet għad-disinn tas-subsistema ta’ enerġija” huwa mħassar it-tielet paragrafu.

(8)

Il-Klawżola 4.2.2.11 hija emendata kif ġej:

(a)	fis-subklawżola “Ġenerali”, it-tielet paragrafu huwa sostitwit b’dan li ġej: “Trid issir għażla mill-entità ġudikanti”;

(b)	fis-subklawżola “Ħtiġiet għal-kmand tal-kontroll u tas-subsistema tar-rolling stock”, ir-raba’ paragrafu huwa mħassar.

(9)

Fil-Klawżola 4.2.3.4 “Eċċezzjoni fil-każ tal-eżekuzzjoni tax-xogħolijiet”, it-tieni inċiż tat-tielet paragrafu huwa sostitwit b’dan li ġej:

“—	l-impriżi ferrovjarji li joperaw fuq il-linja għandhom jiġu avżati dwar dawn l-eċċezzjonijiet temporanji, il-post ġeografiku tagħhom, it-tip tagħhom u l-mezzi ta’ sinjalar, permezz ta’ avviżi bil-miktub li jiddeskrivu, fejn dan ikun meħtieġ, it-tip ta’ sinjali speċifiċi użati”.

(10)	Il-Klawżola 4.2.3.5 hija mħassra.

(11)

Fil-Klawżola 4.3.1.1 “Enerġija installata”, it-tieni paragrafu huwa sostitwit b’dan li ġej:

“L-entità ġudikanti għandha tiddikjara t-tip tal-linja skont il-funzjoni tagħha b’referenza għall-Anness F għal din it-TSI. Id-disinn tas-sistema ta’ elettrifikazzjoni għandu jiggarantixxi l-abilità tal-provvista tal-enerġija sabiex tikseb il-prestazzjoni speċifikata. Għaldaqstant, il-Klawżola 4.2.2.5 tipprovdi rekwiżit dwar il-limitu ta’ konsum ta’ enerġija mis-subsistema tal-vettura ferrovjarja.”

(12)	Fil-Klawżola 4.3.1.4 “Ibbrejkjar reġenerattiv”, it-tielet paragrafu huwa sostitwit b’dan li ġej: “L-entità ġudikanti tista’ tiddeċiedi jekk taċċettax jew le l-ibbrejkjar riġenerattiv fis-sistemi DC.”

(13)

Fil-Klawżola 5.3.1.2 “Kapaċità tal-kurrent”, l-ewwel paragrafu huwa sostitwit b’dan li ġej:

“Il-kapaċità tal-kurrent tiddependi fuq il-kundizzjonijiet ambjentali li huma temperatura ambjentali massima u veloċità minima tar-rjieħ inkroċjati kif ukoll it-temperaturi permissibbli tal-elementi tal-linja ta’ kuntatt u d-dewmien tal-azzjoni kurrenti. Id-disinn tal-linja ta’ kuntatt fl-għoli għandha tikkontrolla l-limiti għat-temperaturi massimi kif inhu speċifikat fl-Anness B għall-EN 50119, il-verżjoni tal-2001, filwaqt li tittieħed f’kunsiderazzjoni d-dejta pprovduta fit-Tabelli 3 u 4 tal-punt 4.5 tal-EN 50149, il-verżjoni tal-1999. Analiżi għandha turi li l-linja ta’ kuntatt kapaċi tikkonforma mar-rekwiżiti speċifiċi”.

(14)

Fil-Klawżola 5.3.2.7 “Forza ta’ kuntatt u performance tal-interazzjoni tal-linja sovraposta/sistema tal-pantograf”, il-ħames paragrafu huwa sostitwit b’dan li ġej:

“Il-manifattur tal-pantograf għandu jipprovdi għall-bidla bejn it-tliet liwjiet li għandhom isiru abbord filwaqt li jittieħed it-tagħrif xieraq, eż. l-użu ta’ pantograf ta’ 1 950 mm jew tagħrif dwar it-tip ta’ vultaġġ dwar il-linja ta’ kuntatt fl-għoli”.

(15)

L-Anness D huwa sostitwit b’dan li ġej:

“ANNESS D

REĠISTRU TAL-INFRASTRUTTURA, TAGĦRIF DWAR IS-SUBSISTEMA TAL-ENERĠIJA

Id-dejta li trid tiġi pprovduta għar-reġistri speċifikati fl-Artikoli 34 u 35 tad-Direttiva 2008/57/KE tal-Parlament Ewropew u tal-Kunsill (*1) hija dik indikata fid-Deċiżjoni ta’ Implimentazzjoni tal-Kummissjoni 2011/633/UE tal-15 ta’ Settembru 2011 dwar l-ispeċifikazzjonijiet komuni tar-reġistru tal-infrastruttura (*2) ferrovjarja u d-Deċiżjoni ta’ Implimentazzjoni tal-Kummissjoni 2011/665/UE tal-4 ta’ Ottubru 2011 dwar ir-reġistru Ewropew tat-tipi ta’ vetturi ferrovjarji awtorizzati (*3).

(16)	Fl-Anness H, hija mħassra n-nota numru 3 tat-Tabella H.1 fit-Taqsima H.3.1 “Linji ta’ kuntatt fl-għoli”.

(17)	Fl-Anness J, hija mħassra n-nota numru 4 tat-Tabella J.1 fit-Taqsima J.3.1 “Linji ta’ kuntatt fl-għoli”.

(18)

L-Anness O huwa emendat kif ġej:

(a)	fit-Taqsima O.2 “KURRENT MASSIMU TAL-FERROVIJA”, l-ewwel paragrafu huwa sostitwit b’dan li ġej: “Il-kurrent massimu permissibbli tal-ferrovija huwa pprovdut fit-Tabella O.1: il-livelli japplikaw kemm fil-modalità ta’ trazzjoni kif ukoll ta’ riġenerazzjoni.”;

(b)	fit-Taqsima O.4 “STRUMENT TA’ LIMITAZZJONI TAL-ENERĠIJA JEW TAL-KURRENT”, it-tieni paragrafu huwa mħassar.

(*1) ĠU L 191, 18.7.2008, p. 1.

(*2) ĠU L 256, 1.10.2011, p. 1.

(*3) ĠU L 264, 8.10.2011, p. 32.”.

ANNESS IV

L-Anness għad-Deċiżjoni 2002/735/KE (HS RST TSI), huwa emendat kif ġej:

(1)	Fit-Taqsima 4 “KARATTERISTIĊI TAS-SUBSISTEMA”, it-tielet paragrafu tal-introduzzjoni huwa sostitwit b’dan li ġej: “Il-karatteristiċi komuni tal-vetturi ferrovjarji huma definiti fit-Taqsmia 4 ta’ din it-TSI”.

(2)	FIl-Klawżola 4.1.1 “Forzi massimi tal-binarji (BP4)”, fis-subklawżola (a) Tagħbija dinamika, it-tieni sentenza tat-tieni inċiż hija sostitwita b’dan li ġej: “ir-regoli tekniċi fl-użu għal dawn il-linji huma applikabbli”.

(3)	Fil-Klawżola 4.1.2 “Tagħbija tal-fus (BP10)”, fit-tieni inċiż tas-seba’ paragrafu, it-tieni sentenza hija sostitwita b’dan li ġej: “ir-regoli tekniċi fl-użu għal dawn il-linji huma applikabbli”.

(4)	Fil-Klawżola 4.1.4 “Skartament tat-tagħbija tal-vettura (BP12)”, it-tieni paragrafu huwa sostitwit b’dan li ġej: “L-għażla ta’ gejġ għall-vettura ferrovjarja għandha ssir fuq il-bażi tar-rotot li l-vettura ferrovjarja hija meħtieġa topera”.

(5)	Fil-Klawżola 7.2 “KOMPATIBBILITÀ TAL-VAGUNI AMBULANTI MA’ SUBSISTEMI OĦRAJN”, ir-raba’, il-ħames u s-sitt paragrafu huma mħassra.

(6)

Fit-Tabella 2 tal-Anness E, in-nota li ġejja hija mħassra:

“(*)	Dejta skont ir-reġistru tal-infrastruttura tal-vettura ferrovjarja”

(7)

L-Anness F huwa emendat kif ġej:

(a)

it-Taqsima Modula SD (Assigurazzjoni tal-Kwalità tal-Produzzjoni) hija emendata kif ġej:

(i)	fis-Subtaqsima 6.2, is-sentenza “ir-reġistru tal-vettura ferrovjarja, inklużi l-indikazzjonijiet kollha kif inhu speċifikat fit-TSI” hija mħassra,

(ii)	fis-Subtaqsima 6.7, titħassar is-sentenza “u b’mod partikular, ir-reġistru tal-vetturi ferrovjarji (rolling stock), inklużi l-indikazzjonijiet kollha kif inhu speċifikat fit-TSI”;

(b)

it-Taqsima Modula SF (Verifika tal-Prodott) hija emendata kif ġej:

(i)	fis-Subtaqsima 5, is-sentenza “ir-reġistru tal-vettura ferrovjarja, inklużi l-indikazzjonijiet kollha kif inhu speċifikat fit-TSI” hija mħassra,

(ii)	fis-Subtaqsima 11, is-sentenza “ir-reġistru tal-vettura ferrovjarja, inklużi l-indikazzjonijiet kollha kif inhu speċifikat fit-TSI” hija mħassra;

(c)	fit-taqsima Modula SH2 (Assigurazzjoni tal-garanzija sħiħa b’eżami tad-disinn), is-sentenza “ir-reġistru tal-vettura ferrovjarja, inklużi l-indikazzjonijiet kollha kif inhu speċifikat fit-TSI” tas-Subtaqsima 6.7 hija mħassra.

(8)

L-Anness I huwa sostitwit b’dan li ġej:

“ANNESS I

Id-dejta li għandha tiġi pprovduta għar-reġistru speċifikat fl-Artikolu 34 tad-Direttiva 2008/57/KE tal-Parlament Ewropew u tal-Kunsill (*1) hija dik indikata fid-Deċiżjoni ta’ Implimentazzjoni tal-Kummissjoni 2011/665/UE tal-4 ta’ Ottubru 2011 dwar ir-reġistru Ewropew tat-tipi ta’ vetturi ferrovjarji awtorizzati (*2).

(*1) ĠU L 191, 18.7.2008, p. 1.

(*2) ĠU L 264, 8.10.2011, p. 32.”.