li temenda d-Deċiżjoni ta' Implimentazzjoni 2011/630/UE fir-rigward tar-rekwiżiti għas-saħħa tal-annimali marbuta mal-vajrus tas-Simbu u tal-bluetongue

Wara li kkunsidrat id-Direttiva tal-Kunsill 88/407/KEE tal-14 ta' Ġunju 1988 li tistabilixxi r-rekwiżiti tas-saħħa tal-annimali applikabbli għall-kummerċ intra-Komunitarju u għal importazzjonijiet ta’ deep frozen semen ta’ annimali domestiċi tal-ispeċi tal-bovini (1), u b'mod partikolari l-ewwel subparagrafu tal-Artikolu 10(2) u l-Artikolu 11(2) tagħha,

L-Annessi tad-Deċiżjonijiet ta' Implimentazzjon 2011/630/UE huma emendati skont l-Anness ta' din id-Deċiżjoni

Għal perjodu tranżitorju sat-30 ta' Ġunju 2013, l-Istati Membri jistgħu jawtorizzaw l-importazzjonijiet tas-semen u l-istokkijiet tas-semen minn pajjiżi terzi, li jkunu akkumpanjati minn ċertifikat tas-saħħa tal-annimali maħruġ mhux iktar tard mill-31 ta' Mejju 2013, skont il-mudell stabbilit fit-Taqsima A tal-Parti 1 tal-Anness II tad-Deċiżjoni ta' Implimentazzjoni 2011/630/UE qabel l-emendi introdotti b'din id-Deċiżjoni

ANNESS

(1)

L-Anness I huwa sostitwit b'dan li ġej:

“ANNESS I

Lista ta’ pajjiżi terzi li minnhom l-Istati Membri għandhom jawtorizzaw l-importazzjonijiet tas-semen ta’ annimali domestiċi tal-ispeċi tal-bovini

Kodiċi ISO	Isem tal-pajjiż terz	Rimarki
Kodiċi ISO	Isem tal-pajjiż terz	Deskrizzjoni tat-territorju (jekk xieraq)	Garanziji addizzjonali
AU	l-Awstralja		Il-garanzija addizzjonali rigward it-testijiet stabbiliti fil-punt II.5.4.1 taċ-ċertifikat fit-Taqsima A tal-Parti 1 tal-Anness II hija obbligatorja.
CA	il-Kanada (*)
CH	l-Isvizzera (**)
CL	iċ-Ċilì
GL	il-Groenlandja
HR	il-Kroazja
IS	l-Islanda
NZ	New Zealand
PM	Saint Pierre u Miquelon
US	L-Istati Uniti		Il-garanzija addizzjonali stabbilita fil-punt II.5.4.1 taċ-ċertifikat fit-Taqsima A tal-Parti 1 tal-Anness II hija obbligatorja.

(2)

Fil-Parti 1 tal-Anness II, it-Taqsima A hija sostitwita b'dan li ġej:

“TAQSIMA A

Il-mudell 1 — Ċertifikat tas-saħħa tal-annimali applikabbli għall-importazzjonijiet tas-semen u semen fi tranżitu ta' annimali domestiċi tal-ispeċi tal-bovini miġbur, proċessat u maħżun skont id-Direttiva tal-Kunsill 88/407/KEE, kif emendata bid-Direttiva 2003/43/KE, mibgħut minn ċentru għall-ġbir tas-semen, fejn ikun inġabar is-semen

Test ta 'immaġni

Parti II: Ċertifikazzjoni

PAJJIŻ

Semen mill-bovini — Taqsima A

II. Tagħrif dwar is-saħħa

II.a. Numru ta’ referenza taċ-ċertifikat

II.b.

Jiena, il-veterinarju uffiċjali hawn taħt iffirmat, b'dan qed niċċertifika li:

II.1. …

(isem il-pajjiż esportatur) (2)

kien/et ħieles/a mir-rinderpest u l-marda tal-ilsien u d-dwiefer waqt it-12-il xahar eżatt qabel il-ġbir tas-semen għall-esportazzjoni u sad-data tal-kunsinna tiegħu lejn l-Unjoni u ma sar l-ebda tilqim kontra dan il-mard waqt l-istess perjodu.

II.2. Iċ-ċentru (3) deskritt fil-Kaxxa. I.11. minn fejn inġabar is-semen għall-esportazzjoni:

II.2.1. jissodisfa l-kondizzjonijiet stipulati fil-Kapitolu I(1) tal-Anness A mad-Direttiva 88/407/KEE;

II.2.2. huwa mħaddem u sorveljat skont il-kondizzjonijiet stipulati fil-Kapitolu II(1) tal-Anness A mad-Direttiva 88/407/KEE.

II.3. Iċ-ċentru minn fejn inġabar is-semen għall-esportazzjoni kien ħieles mir-rabies, it-tuberkulożi, il-bruċellożi, l-antraks u l-plewropnewmonja bovina li tittieħed waqt it-30 ġurnata qabel id-data tal-ġbir tas-semen għall-esportazzjoni u t-30 ġurnata wara l-ġbir (fil-każ ta' semen frisk sal-ġurnata tal-kunsinna lejn l-Unjoni).

II.4. L-annimali bovini fiċ-ċentru għall-ġbir tas-semen:

II.4.1. ġejjin minn merħliet li jissodisfaw il-kondizzjonijiet tal-paragrafu 1(b) tal-Kapitolu I tal-Anness B mad-Direttiva 88/407/KEE;

II.4.2. ġejjin minn merħliet jew twieldu lil ommijiet li jissodisfaw il-kondizzjonijiet tal-Kapitolu I.1(c) tal-Anness B mad-Direttiva 88/407/KEE, jew sarulhom it-testijiet fl-età ta' tal-inqas 24 xahar, skont il-Kapitolu II.1(c) tal-Anness B ma' dik id-Direttiva;

II.4.3. sarulhom it-testijiet meħtieġa, skont il-paragrafu 1(d) tal-Kapitolu I tal-Anness B mad-Direttiva 88/407/KEE fit-28 ġurnata qabel il-perjodu ta’ iżolament fi kwarantina;

II.4.4. issodisfaw il-perjodu ta’ kwarantina f'iżolament u r-rekwiżiti tal-ittestjar stipulati fil-paragrafu 1(e) tal-Kapitolu I tal-Anness B mad-Direttiva 88/407/KEE;

II.4.5. ikunu sarulhom, tal-anqas darba f’sena, it-testijiet ta’ rutina msemmija fil-Kapitolu II tal-Anness B mad-Direttiva 88/407/KEE.

II.5. Is-semen għall-esportazzjoni nkiseb minn barrin donaturi li:

II.5.1. jissodisfaw il-kondizzjonijiet stipulati fl-Anness C mad-Direttiva 88/407/KEE;

(1) jew [II.5.2. baqgħu fil-pajjiż esportatur għal tal-anqas l-aħħar sitt xhur qabel il-ġbir tas-semen għall-esportazzjoni;]

(1) jew [II.5.2. baqgħu fil-pajjiż esportatur għal tal-anqas 30 ġurnata qabel il-ġbir tas-semen mid-dħul u ġew importati minn … (2) waqt il-perjodu ta’ inqas minn sitt xhur qabel il-ġbir tas-semen u ssodisfaw il-kondizzjonijiet dwar saħħet l-annimal li japplikaw għad-donaturi tas-semen, maħsub għall-esportazzjoni lejn l-Unjoni Ewropea;]

(1) jew [II.5.3. inżammu f'pajjiż jew żona ħielsa mill-vajrus tal-bluetongue għal tal-inqas 60 ġurnata qabel u matul il-ġbir tas-semen;]

(1) jew [II.5.3. inżammu matul perjodu staġunalment ħieles mill-vajrus tal-bluetongue f'żona staġunalment ħielsa għal tal-inqas 60 ġurnata qabel u matul il-ġbir tas-semen;]

(1) jew [II.5.3. inżammu fi stabbiliment protett minn organiżmi trasportaturi għal tal-inqas 60 jum qabel u matul il-ġbir tas-semen;]

(1) jew [II.5.3. sarilhom test seroloġiku biex jinstabu antikorpi għall-grupp ta' vajrus tal-bluetongue, imwettaq skont il-Manwal tal-OIE għat-Testijiet Djanjostiċi u t-Tilqim għall-Annimali Terrestri, b'riżultati negattivi, tal-inqas kull 60 ġurnata matul il-perjodu tal-ġbir u bejn 21 u 60 ġurnata wara l-ġbir finali għal din il-kunsinna ta' semen;]

(1) jew [II.5.3. sarilhom test għall-identifikazzjoni tal-aġent għall-vajrus tal-bluetongue, imwettaq skont il-Manwal tal-OIE għat-Testijiet Djanjostiċi u t-Tilqim għall-Annimali Terrestri, b'riżultati negattivi fuq kampjuni tad-demm meħuda mal-ewwel u mal-aħħar ġbir għal din il-kunsinna ta' semen jew tal-inqas kull sebat ijiem (test tal-iżolament tal-vajrus) jew tal-inqas kull 28 jum (test tal-PCR) matul il-ġbir għal din il-kunsinna ta' semen;]

II.5.4. kienu residenti fil-pajjiż esportatur;

(1) jew [II.5.4.1. li skont is-sejbiet uffiċjali huwa ħieles minn mard epiżootiku li jikkawża l-emorraġija (EHD);]

Test ta 'immaġni

PAJJIŻ

Semen mill-bovini — Taqsima A

II. Tagħrif dwar is-saħħa

II.a. Numru ta’ referenza taċ-ċertifikat

II.b.

(1) (5) jew [II.5.4.1. fejn, skont sejbiet uffiċjali, jeżistu s-serotipi li ġejjin ta' mard epiżootiku li jikkawża l-emorraġija (EHD): … u ġew suġġetti, b'riżultati negattivi f'kull każ, għal:

(1) jew [f'żewġ okkażjonijiet, f'perjodu ta' inqas minn 12-il xahar, test seroloġiku (4) imwettaq f'laboratorju approvat fuq kampjuni tad-demm meħud qabel u mhux inqas minn 21 ġurnata wara l-ġbir għal din il-kunsinna ta' semen;]]

(1) jew [test seroloġiku (4) għad-detezzjoni tal-antikorp għall-grupp EHDV, imwettaq fuq kampjuni meħudin f'intervalli ta' mhux iktar minn 60 ġurnata tul il-perjodu ta' ġbir u bejn 21 u 60 ġurnata wara l-ġbir finali għal din il-kunsinna ta' semen;]]

(1) jew [test għall-identifikazzjoni tal-aġent (4) imwettaq f'laboratorji approvati fuq kampjuni tad-demm miġbura fil-bidu u t-tmiem ta', u tal-inqas kull sebat ijiem (test tal-iżolament tal-vajrus) jew tal-inqas kull 28 ġurnata (test PCR) tul il-ġbir għal din il-kunsinna tas-semen.]]

II.6. Is-semen għall-esportazzjoni nġabar wara d-data li fiha ċ-ċentru ġie approvat mill-awtoritajiet nazzjonali kompetenti tal-pajjiż esportatur;

II.7. Is-semen għall-esportazzjoni ġie proċessat, maħżun u trasportat f'kondizzjonijiet li jissodisfaw it-termini tad-Direttiva 88/407/KEE.

Noti:

Parti I:

Kaxxa I.6: Il-persuna responsabbli għat-tagħbija fl-UE: din il-kaxxa għandha timtela biss jekk hi ċertifikat għal prodotti bażiċi fi tranżitu.

Kaxxa I.11: Il-post tal-oriġini għandu jikkorrispondi maċ-ċentru għall-ġbir tas-semen elenkat skont l-Artikolu 9(2) tad-Direttiva 88/407/KEE fuq il-websajt tal-Kummissjoni:

http://ec.europa.eu/food/animal/semen_ova/bovine/index_en.htm u fejn inġabar is-semen.

Kaxxa I.22: l-għadd ta' pakketti għandu jikkorrespondi mal-għadd ta' kontenituri.

Kaxxa I.23: l-identifikazzjoni tal-kontenitur u n-numru tas-siġill għandhom jiġu indikati.

Kaxxa I.26: imla skont jekk hux ċertifikat ta' tranżitu jew għall-importazzjoni.

Kaxxa I.27: imla skont jekk hux ċertifikat ta' tranżitu jew għall-importazzjoni.

Kaxxa I.28: L-Ispeċi: agħżel fost “Bos taurus”, “Bison bison” jew “Bubalus bubalis” skont il-każ.

L-identità tad-donatur għandha tikkorrispondi mal-identifikazzjoni uffiċjali tal-annimal.

Id-data tal-ġbir għandha tiġi indikata fil-format li ġej: jj/xx/ssss.

In-numru tal-approvazzjoni taċ-ċentru għandu jikkorrispondi man-numru tal-approvazzjoni taċ-ċentru għall-ġbir tas-semen indikat fil-Kaxxa I.11 fejn ikun inġabar is-semen.

Parti II:

(1) Aqta' kif meħtieġ.

(2) Pajjiżi terzi elenkati fl-Anness I mad-Deċiżjoni ta' Implimentazzjoni 2011/630/UE biss.

(3) Iċ-ċentri għall-ġbir tas-semen elenkati skont l-Artikolu 9(2) tad-Direttiva 88/407/KEE fuq il-websajt tal-Kummissjoni biss:

http://ec.europa.eu/food/animal/semen_ova/bovine/index_en.htm.

(4) L-istandards għat-testijiet dijanjostiċi tal-vajrus EHD huma deskritti fil-Kapitolu dwar il-Bluetongue tal-Manwal dwar it-Testijiet Dijanjostiċi u t-Tilqim għall-Annimali Terrestri.

(5) Obbligatorju għall-Awstralja, il-Kanada u l-Istati Uniti.

Il-kulur tal-firma u t-timbru għandu jkun differenti minn dak tal-istampar.

Test ta 'immaġni

(*) Iċ-ċertifikat li għandu jintuża għall-importazzjonijiet mill-Kanada huwa stabbilit fid-Deċiżjoni tal-Kummissjoni 2005/290/KE tal-4 ta' April 2005 dwar ċertfikati ssimplifikati għall-importazzjoni fis-semen tal-annimali tal-ifrat u laħam frisk tal-majjal mill-Kanada u li temenda d-Deċiżjoni 2004/639/KE (għas-semen miġbur fil-Kanada biss) stabbilita skont il-Ftehim bejn il-Komunità Ewropea u l-Gvern tal-Kanada dwar il-miżuri sanitarji għall-protezzjoni tas-saħħa pubblika u tal-annimali fir-rigward tal-kummerċ fl-annimali ħajjin u l-prodotti mill-annimali, kif approvata mid-Deċiżjoni tal-Kunsill 1999/201/KE.

(**) Iċ-ċertifikati li għandhom jintużaw għall-importazzjonijiet mill-Isvizzera huma stabbiliti fl-Anness D mad-Direttiva 88/407/KEE, bl-adattamenti stabbiliti fil-punt 4 tal-Kapitolu VII(B) tal-Appendiċi 2 tal-Anness 11 ma' dan il-Ftehim bejn il-Komunità Ewropea u l-Konfederazzjoni Svizzera dwar il-kummerċ fil-prodotti agrikoli, kif approvat bid-Deċiżjoni 2002/309/KE, Euratom tal-Kunsill, u tal-Kummissjoni fir-rigward tal-Ftehim dwar il-Kooperazzjoni Xjentifika u Teknoloġika tal-4 ta' April 2002 dwar il-konklużjoni ta' seba' Ftehimiet mal-Konfederazzjoni Svizzera.”