24.5.2012 |
MT |
Il-Ġurnal Uffiċjali tal-Unjoni Ewropea |
L 134/29 |
DEĊIŻJONI TA’ IMPLIMENTAZZJONI TAL-KUMMISSJONI
tal-21 ta’ Mejju 2012
li temenda d-Deċiżjoni 2002/840/KE li tadotta l-lista ta’ faċilitajiet approvati f’pajjiżi terzi għat-tneħħija ta’ radjazzjoni minn fuq l-ikel
(notifikata bid-dokument numru C(2012) 3179)
(Test b’relevanza għaż-ŻEE)
(2012/277/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 1999/2/KE tal-Parlament Ewropew u tal-Kunsill tat-22 ta’ Frar 1999 dwar l-approssimazzjoni tal-liġijiet tal-Istati Membri li jikkonċernaw ikel u ingredjenti tal-ikel trattati b’radjazzjoni li tijonizza (1), u b’mod partikolari l-Artikolu 9(2) tagħha,
Billi:
(1) |
Skont id-Direttiva 1999/2/KE, oġġett tal-ikel ittrattat b’radjazzjoni li tijonizza ma jistax jiġi importat minn pajjiż terz, sakemm ma jkunx ġie ttrattat f’faċilità tal-irradjazzjoni approvata mill-Unjoni Ewropea. |
(2) |
Permezz tad-Deċiżjoni tal-Kummissjoni 2002/840/KE (2) ġiet stabbilita lista ta’ faċilitajiet approvati f’pajjiżi terzi. |
(3) |
L-awtoritajiet Tajlandiżi infurmaw lill-Kummissjoni li l-isem ta’ waħda mill-faċilitajiet tal-irradjazzjoni approvati li jinsabu fit-Tajlandja inbidel. |
(4) |
Id-Deċiżjoni 2002/840/KE għandha għalhekk tiġi emendata skont dan. |
(5) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2002/840/KE huwa emendat skont it-test fl-Anness ta’ din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, il-21 ta’ Mejju 2012.
Għall-Kummissjoni
John DALLI
Membru tal-Kummissjoni
(1) ĠU L 66, 13.3.1999, p. 16.
(2) ĠU L 287, 25.10.2002, p. 40.
ANNESS
Fl-Anness tad-Deċiżjoni 2002/840/KE,
“Nru ta’ Referenza: EU-AIF 08-2006
ISOTRON (THAILAND) LTD |
Bangpakong Industrial Park (Amata Nakorn) |
700/465 Moo 7, Tambon Donhuaroh, |
Amphur Muang, |
Chonburi 20000 |
It-Tajlandja |
Tel. (66) (0) 38 458431 sa 4: |
Faks (66) (0) 38 458435” |
jinbidel b’li ġej:
“Nru ta’ Referenza: EU-AIF 08-2006
Synergy Health (Thailand) Ltd. |
700/465 Amata Nakorn Industrial |
Moo 7, Tambon Donhuaroh, |
Amphur Muang, |
Chonburi 20000 |
It-Tajlandja |
Tel. (66) (0) 38 458431 sa 3 u (66) (0) 38 450092 sa 3 |
Faks (66) (0) 38 458435 u (66) (0) 38 717146” |