(1)

Wara t-talba li saret mill-Awtoritajiet tal-Pajjiżi l-Baxxi skont l-Artikolu 20(2) tad-Direttiva 2003/96/KE, il-Kummissjoni adottat id-Deċiżjoni ta’ Implimentazzjoni tal-Kummissjoni 2011/545/UE tas-16 ta’ Settembru 2011 dwar l-applikazzjoni tad-dispożizzjonijiet dwar il-kontroll u l-moviment li jinsabu fid-Direttiva tal-Kunsill 2008/118/KE fir-rigward ta’ prodotti li jaqgħu fi ħdan il-kodiċi NM 3811 , skont l-Artikolu 20(2) tad-Direttiva tal-Kunsill 2003/96/KE (2). Dik id-Deċiżjoni ta’ Implimentazzjoni tissottometti l-prodotti kollha li jinsabu fi ħdan il-kodiċi NM 3811 għad-dispożizzjonijiet dwar il-kontroll u l-moviment li jinsabu fid-Direttiva tal-Kunsill 2008/118/KE tas-16 ta’ Diċembru 2008 dwar l-arranġamenti ġenerali tad-dazju tas-sisa u li tħassar id-Direttiva 92/12/KEE (3).

(2)

B'konformità mat-talba li saret mill-Awtoritajiet tal-Pajjiżi l-Baxxi, l-intenzjoni tad-Deċiżjoni ta’ Implimentazzjoni 2011/545/UE hija li tiġi evitata l-evażjoni, l-evitar u l-abbuż tat-taxxa, billi jiġu sottomessi lid-dispożizzjonijiet dwar il-kontroll u l-moviment li jinsabu fid-Direttiva 2008/118/KE, ċerti prodotti maħsuba li jiġu użati bħala addittivi għall-fjuwils tal-magni u li, f'dan il-każ, huma soġġetti għat-tassazzjoni skont id-Direttiva 2003/96/KE.

(3)

Wara l-addozzjoni tad-Deċiżjoni ta’ Implimentazzjoni 2011/545/UE, inġibdet l-attenzjoni tal-Kummissjoni għall-pożizzjoni partikolari ta’ prodotti li jinsabu fi ħdan il-kodiċi NM 3811 21 00 u 3811 29 00 . Dawk il-prodotti mhumiex maħsuba biex jintużaw bħala karburanti tat-tisħin jew fjuwils tal-magni, u lanqas bħala addittivi għalihom u ma jwasslux għal riskju ta’ evażjoni, evitar jew abbuż tat-taxxa. Għalhekk, m'għandhomx ikunu soġġetti għad-dispożizzjonijiet dwar il-kontroll u l-moviment tad-Direttiva 2008/118/KE. Prodotti li jinsabu biss fil-kodiċi NM 3811 11 10 , 3811 11 90 , 3811 19 00 u 3811 90 00 għandhom ikunu soġġetti għal dawk id-dispożizzjonijiet dwar il-kontroll u l-moviment.

(4)

Id-Deċiżjoni ta’ Implimentazzjoni 2011/545/UE għandha għalhekk tinbidel b'Deċiżjoni analoga, li madankollu tkun limitata għall-kodiċi NM 3811 11 10 , 3811 11 90 , 3811 19 00 u 3811 90 00 .

(5)

Il-miżuri provduti f'din id-Deċiżjoni huma f'konformità mal-fehma tal-Kumitat dwar id-Dazju tas-Sisa,