DEĊIŻJONI TA’ IMPLIMENTAZZJONI TAL-KUMMISSJONI

tas-17 ta’ Frar 2012

li temenda d-Deċiżjoni 2005/51/KE fir-rigward tal-perjodu li fih il-ħamrija li hija kkontaminata mill-pestiċidi jew minn sustanzi organiċi persistenti li jniġġsu, jistgħu jiġu introdotti fl-Unjoni għall-għanijiet ta’ dekontaminazzjoni

(notifikata bid-dokument numru C(2012) 869)

(2012/102/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2000/29/KE tat-8 ta’ Mejju 2000 dwar il-miżuri protettivi kontra l-introduzzjoni ġewwa l-Komunità ta’ organiżmi ta’ ħsara għall-prodotti tal-pjanti u kontra t-tixrid tagħhom ġewwa l-Komunità, u b’mod partikolari (1) l-Artikolu 15(1) tagħha,

Billi:

(1)

Permezz tad-deroga mid-Direttiva 2000/29/KE, id-Deċiżjoni tal-Kummissjoni 2005/51/KE tal-21 ta’ Jannar 2005 li tawtorizza lill-Istati Membri biex jipprovdu temporanjament għal derogi minn ċerti dispożizzjonijiet tad-Direttiva tal-Kunsill 2000/29/KE fir-rigward tal-importazzjoni tal-ħamrija kkontaminata mill-pestiċidi jew sustanzi organiċi persistenti li jniġġsu għall-għanijiet ta’ dekontaminazzjoni (2) tawtorizza, għal perjodu limitat, lill-Istati Membri li jipparteċipaw fil-programm tal-Organizzazzjoni tal-Ikel u l-Agrikoltura tan-Nazzjonijiet Uniti (il-FAO) dwar il-prevenzjoni u r-rimi ta’ pestiċidi li ma għadhomx jintużaw u li mhumiex iktar bżonnjużi, li jippermettu li tiddaħħal fl-Unjoni ħamrija kkontaminata minn tali pestiċidi għal trattament f’impjanti ta’ inċinerazzjoni apposta għall-iskart perikoluż. Dan il-programm għadu għaddej.

(2)	Fid-dawl taċ-ċirkostanzi li jiġġustifikaw id-deroga mogħtija bid-Deċiżjoni 2005/51/KE u fl-interess ta’ prassi leġiżlattiva tajba, huwa xieraq li dik id-deroga tiġġedded b’ħames snin.

(3)	Id-Deċiżjoni 2005/51/KE għandha għalhekk tiġi emendata skont dan.

(4)	Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar is-Saħħa tal-Pjanti,

ADOTTAT DIN ID-DEĊIŻJONI: