13.12.2011 |
MT |
Il-Ġurnal Uffiċjali tal-Unjoni Ewropea |
L 329/1 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 1292/2011
tad-9 ta’ Diċembru 2011
li jemenda r-Regolament (KE) Nru 718/2007 li jimplimenta r-Regolament tal-Kunsill (KE) Nru 1085/2006 li jistabbilixxi strument għall-assistenza ta’ qabel l-adeżjoni (IPA)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1085/2006 tas-17 ta’ Lulju 2006 li jistabbilixxi strument għall-assistenza ta’ qabel l-adeżjoni (IPA) (1) (“ir-Regolament IPA”) u b’mod partikolari l-Artikolu 3(3) tiegħu,
Billi:
(1) |
Ir-Regolament tal-Kummissjoni (KE) Nru 718/2007 tat-12 ta’ Ġunju 2007 li jimplimenta r-Regolament tal-Kunsill (KE) Nru 1085/2006 li jistabbilixxi strument għall-assistenza ta’ qabel l-adeżjoni (IPA) (2) jipprovdi regoli dettaljati għall-implimentazzjoni tar-Regolament IPA. |
(2) |
Id-dispożizzjonijiet tar-Regolament (KE) Nru 718/2007 dwar l-eliġibbiltà tal-ispejjeż operattivi għandhom jiġu allinjati mal-ftehimiet ta’ qafas li ġew konklużi ma’ organizzazzjonijiet internazzjonali. |
(3) |
Fid-dispożizzjonijiet speċifiċi għall-komponent transkonfinali, il-klawżola ta’ deroga għan-nefqa eliġibbli rigward l-ispejjeż operattivi għandha tiġi allinjata ma’ dik tal-assistenza ta’ tranżizzjoni u l-komponent tal-bini tal-istituzzjonijiet. |
(4) |
Fid-dispożizzjonijiet speċifiċi għall-komponenti tal-iżvilupp tar-riżorsi umani u tal-iżvilupp rurali, l-Artikolu 160 u l-Artikolu 188 tar-Regolament (KE) Nru 718/2007 jistipulaw il-kundizzjonijiet għall-ħlas tal-pre-finanzjmanet għall-komponenti tal-iżvilupp tar-riżorsi umani u tal-iżvilupp rurali. Fid-dawl tal-esperjenza miksuba fl-implimentazzjoni ta’ dawn ir-regoli, il-pre-finanzjament imħallas mill-Kummissjoni lill-pajjiżi li jibbenefikaw mill-komponenti tal-iżvilupp tar-riżorsi umani u tal-iżvilupp rurali għandu jiżdied u dawn id-dispożizzjonijiet għandhom jiġu allinjati mad-dispożizzjonijiet li jirregolaw il-pre-finanzjament għall-komponent tal-iżvilupp reġjonali. |
(5) |
Id-dispożizzjonijiet stipulati f’dan ir-Regolament huma konformi mal-opinjoni tal-Kumitat dwar l-IPA, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 718/2007 huwa emendat kif ġej:
1. |
Fl-Artikolu 34(3), il-punt (e) jinbidel b’dan li ġej:
|
2. |
Fl-Artikolu 89(3), għandu jiżdied is-subparagrafu li ġej: “Spejjeż operattivi, inklużi spejjeż ta’ kiri, relatati esklussivament mal-perjodu tal-kofinanzjament tal-ħidma, jistgħu jkunu kkunsidrati eliġibbli każ b’każ.” |
3. |
Fl-Artikolu 160, il-paragrafu 3 jinbidel b’dan li ġej: “3. Barra mid-dispożizzjonijiet tal-Artikolu 42, pagamenti għall-pre-finanzjament għandhom jammontaw għal 30 % tal-kontribuzzjoni tal-Unjoni Ewropea għat-tliet snin l-aktar riċenti tal-programm ikkonċernat, u għandhom isiru ladarba jiġu rrispettati l-kundizzjonijiet stabbiliti fl-Artikolu 42(1). Fejn meħtieġ, fir-rigward tad-disponibilità tal-impenn baġitarju, il-pre-finanzjament jista’ jsir f’żewġ pagamenti.” |
4. |
Fl-Artikolu 160, il-paragrafu 4 għandu jitħassar. |
5. |
Fl-Artikolu 188, il-paragrafu 1 jinbidel b’dan li ġej: “1. Għall-iskopijiet ta’ dan il-komponent, il-pagamenti ta’ pre-finanzjament jistgħu jammontaw għal 30 % tal-kontribuzzjoni tal-Unjoni Ewropea għat-tliet snin l-aktar riċenti tal-programm ikkonċernat. Soġġett għad-disponibilità ta’ approprjazzjonijiet baġitarji, il-pre-finanzjament jista’ jitħallas f’żewġ kambjali jew iżjed.” |
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Diċembru 2011.
Għall-Kummissjoni
Il-President
José Manuel BARROSO
(1) ĠU L 210, 31.7.2006, p. 82.
(2) ĠU L 170, 29.6.2007, p. 1.