3.9.2011 |
MT |
Il-Ġurnal Uffiċjali tal-Unjoni Ewropea |
L 228/8 |
REGOLAMENT TAL-KUMMISSJONI (UE) Nru 880/2011
tat-2 ta’ Settembru 2011
li jikkoreġi r-Regolament (UE) Nru 208/2011 li jemenda l-Anness VII tar-Regolament (KE) Nru 882/2004 tal-Parlament Ewropew u tal-Kunsill u r-Regolamenti tal-Kummissjoni (KE) Nru 180/2008 u (KE) Nru 737/2008 dwar listi u ismijiet tal-laboratorji ta’ referenza tal-UE
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta’ Apri 2004 dwar il-kontrolli uffiċjali mwettqa biex tiġi żgurata l-verifika tal-konformità mal-liġi tal-għalf u l-ikel, mas-saħħa tal-annimali, u mar-regoli dwar il-welfare tal-annimali (1), u b'mod partikolari l-Artikolu 32(5) tiegħu,
Billi:
(1) |
Ir-Regolament (KE) Nru 882/2004 jistabbilixxi l-ħidmiet, id-dmirijiet u r-rekwiżiti ġenerali għal-laboratorji ta’ referenza tal-UE għall-ikel u l-għalf u għas-saħħa tal-annimali u l-annimali ħajjin. Il-laboratorji ta’ referenza tal-UE għas-saħħa tal-annimali u għall-annimali ħajjin huma elenkati fil-Parti II tal-Anness VII ta’ dak ir-Regolament. |
(2) |
Ir-Regolament tal-Kummissjoni (UE) Nru 87/2011 tat-2 ta’ Frar 2011 li jaħtar il-laboratorju ta’ referenza tal-UE għas-saħħa tan-naħal, li jistipula responsabbiltajiet u ħidmiet supplementari għal dak il-laboratorju u li jemenda l-Anness VII mar-Regolament (KE) Nru 882/2004 tal-Parlament Ewropew u tal-Kunsill (2), ħatar il-laboratorju ta’ referenza tal-UE fil-qasam tas-saħħa tan-naħal u żiedu mal-lista ta’ laboratorji ta’ referenza tal-UE għas-saħħa tal-annimali u l-annimali ħajjin. |
(3) |
Ir-Regolament tal-Kummissjoni (UE) Nru 208/2011 tat-2 ta’ Marzu 2011 li jemenda l-Anness VII tar-Regolament (KE) Nru 882/2004 tal-Parlament Ewropew u tal-Kunsill u r-Regolamenti tal-Kummissjoni (KE) Nru 180/2008 u (KE) Nru 737/2008 dwar listi u ismijiet tal-laboratorji ta’ referenza tal-UE (3) ħa post l-Anness VII tar-Regolament (KE) Nru 882/2004. Madankollu, il-laboratorju ta’ referenza tal-UE fil-qasam tas-saħħa tan-naħal ma kienx inkluż fil-lista ta’ laboratorji ta’ referenza tal-UE għas-saħħa tal-annimali u l-annimali ħajjin stipulati fil-Parti II tal-Anness VII tar-Regolament (KE) Nru 882/2004, kif emendat mir-Regolament (UE) Nru 208/2011. |
(4) |
Huwa importanti li l-lista ta’ laboratorji ta’ referenza tal-UE stabbilita fir-Regolament (KE) Nru 882/2004 tinżamm aġġornata. Għalhekk, in-nuqqas fir-Regolament (UE) Nru 208/2011 għandu jiġi kkoreġut. |
(5) |
Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Fl-Anness tar-Regolament (UE) Nru 208/2011, fil-lista ta’ laboratorji ta’ referenza tal-UE għas-saħħa tal-annimali u l-annimali ħajjin fil-Parti II tal-Anness VII tar-Regolament (KE) Nru 882/2004, jiżdied il-punt 18 li ġej:
“18. Laboratorju ta’ referenza tal-UE għas-saħħa tan-naħal
ANSES - Sophia-Antipolis Laboratory |
Sophia-Antipolis |
Franza.” |
Artikolu 2
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Settembru 2011.
Għall-Kummissjoni
Il-President
José Manuel BARROSO
(1) ĠU L 165, 30.4.2004, p. 1.