24.8.2011   

MT

Il-Ġurnal Uffiċjali tal-Unjoni Ewropea

L 218/4

(1)

Ir-Regolament tal-Kummissjoni (KE) Nru 1881/2006 tad-19 ta’ Diċembru 2006 li jistabbilixxi livelli massimi ta' ċerti kontaminanti fl-oġġetti tal-ikel (2) jistipula l-livelli massimi permessi ta’ okratossina A fl-oġġetti tal-ikel. Il-prodotti tal-ikel li huma konformi mal-livell massimu biss jistgħu jitqiegħdu fis-suq tal-Unjoni.

(2)

Ir-Regolament (KE) Nru 882/2004 jistipula l-obbligu tal-Istati Membri li jiżguraw li l-kontrolli uffiċjali jitwettqu regolarment, fuq bażi ta' riskju u bi frekwenza xierqa biex jinkisbu l-objettivi tar-Regolament, li huma fost l-oħrajn li jiġu pprevenuti, eliminati jew imnaqqsa sa livelli aċċettabbli r-riskji lill-bnedmin u lill-annimali.

(3)

L-Artikolu 23 tar-Regolament (KE) Nru 882/2004 jistipula li jistgħu jiġu approvati kontrolli speċifiċi ta' qabel l-esportazzjoni, imwettqa minn pajjiż terz fuq l-ikel u l-għalf eżatt qabel l-esportazzjoni lejn l-Unjoni Ewropea, biex jiġi vverifikat li l-prodotti esportati huma konformi mar-rekwiżiti tal-Unjoni,.

(4)

Din l-approvazzjoni tista' tingħata biss lil pajjiż terż wara li verifika mill-Unjoni Ewropea turi li l-ikel jew l-għalf esportat lill-Unjoni Ewropea jissodisfa r-rekwiżiti tal-Unjoni jew rekwiżiti ekwivalenti u li l-kontrolli mwettqa fil-pajjiż terz qabel ma ssir il-kunsinna jitqiesu effettivi u effiċjenti biżżejjed biex jissostitwixxu jew inaqqsu l-kontrolli ta' dokumenti, ta' identità u dawk fiżiċi stipulati fil-liġi tal-Unjoni.

(5)

Fit-8 ta' Ottubru 2007 il-Kanada bagħtet applikazzjoni lill-Kummissjoni biex tikseb approvazzjoni tal-kontrolli ta' qabel l-esportazzjoni mwettqa mill-awtoritajiet kompetenti tal-Kanada fuq il-kontaminazzjoni mill-okratossina A fil-qamħ (komuni u durum) u d-dqiq tal-qamħ maħsuba għall-esportazzjoni lejn l-Unjoni Ewropea.

(6)

Il-Kummissjoni vvalutat fid-dettall it-tagħrif pprovdut mill-Kummissjoni Kanadiża għall-Qamħ, l-awtorità kompetenti tal-Kanada li taħt ir-responsabilità tagħha se jitwettqu l-kontrolli ta' qabel l-esportazzjoni, u hi tal-fehma li l-garanziji pprovduti huma sodisfaċenti u jiġġustifikaw l-approvazzjoni tal-kontrolli ta' qabel l-esportazzjoni fuq il-qamħ u d-dqiq tal-qamħ għal dik li hija l-preżenza tal-okratossina A.

(7)

Huwa għalhekk xieraq li tingħata l-approvazzjoni tal-kontrolli ta' qabel l-esportazzjoni mwettqa mill-Kanada fuq il-qamħ u d-dqiq tal-qamħ hekk li tkun aċċertata l-konformità mal-livelli massimi ta' okratossina A stipulati fil-liġi tal-Unjoni.

(8)

Skont l-Artikolu 16(2) tar-Regolament (KE) Nru 882/2004, l-Istati Membri huma mitluba jirregolaw il-frekwenza tal-kontrolli fiżiċi fuq l-importazzjonijiet mar-riskju marbut mal-kategoriji differenti ta' ikel u filwaqt li jqisu, fost affarijiet oħra, il-garanziji pprovduti mill-awtoritajiet kompetenti tal-pajjiż terz ta' oriġini tal-ikel ikkonċernat. Il-kontrolli sistematiċi ta' qabel l-esportazzjoni mwettqa taħt l-awtorità tal-Kummissjoni Kanadiża għall-Qamħ b'konformità mal-approvazzjoni tal-Unjoni u skont l-Artikolu 23 tar-Regolament 882/2004 jipprovdu livell sodisfaċenti ta' garanziji għal dak li huwa kontaminazzjoni mill-okratossina A fil-qamħ u d-dqiq tal-qamħ u għalhekk jippermettu lill-Istati Membri li jnaqqsu l-frekwenza tal-kontrolli fiżiċi mwettqa fuq dawn il-prodotti essenzjali.

(9)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(a)

qamħ li jaqa' taħt il-kodiċi HS/CN 1001, prodott fit-territorju tal-Kanada, u

(b)

dqiq tal-qamħ li jaqa' taħt il-kodiċi HS/CN 1101 00, prodott fit-territorju tal-Kanada.

(a)

rapport li fih ir-riżultati tat-teħid ta' kampjuni u l-analiżi mwettqa bi qbil mad-dispożizzjonijiet tar-Regolament tal-Kummissjoni (KE) Nru 401/2006 tat-23 ta' Frar 2006 li jistabbilixxi l-metodi tat-teħid ta' kampjuni u l-metodi ta' analiżi għall-kontroll uffiċjali ta' mikotossini fl-oġġetti tal-ikel (3), jew b'rekwiżiti ekwivalenti, minn laboratorju approvat għal dan l-għan mill-Kummissjoni Kanadiża għall-Qamħ;

(b)

ċertifikat skont il-mudell stabbilit fl-Anness, mimli, ivverifikat u ffirmat minn rappreżentant tal-Kummissjoni Kanadiża għall-Qamħ; iċ-ċertifikat għandu jkun validu għal erba' xhur mid-data tal-ħruġ.