REGOLAMENT TA’ IMPLIMENTAZZJONI TAL-KUMMISSJONI (UE) Nru 809/2011

tal-11 ta’ Awwissu 2011

li jemenda r-Regolament (KE) Nru 2074/2005 fir-rigward tad-dokumenti li jakkumpanjaw l-importazzjonijiet tal-prodotti tas-sajd iffriżati direttament minn bastiment tal-friża

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (1), u b’mod partikolari t-tieni paragrafu tal-Artikolu 9 tiegħu,

Wara li kkunsidrat ir-Regolament (KE) Nru 854/2004 tal-Parlament Ewropew u tal-Kunsill tad-29 ta’ April 2004 li jistabbilixxi regoli speċifiċi għall-organizzazzjoni tal-kontrolli uffiċjali fuq prodotti li joriġinaw mill-annimali maħsuba għall-konsum uman (2), u b'mod partikolari l-Artikolu 16 tiegħu,

Billi:

(1)	Ir-Regolament (KE) Nru 853/2004 jipprovdi fost oħrajn li l-operaturi tan-negozju tal-ikel li jimportaw il-prodotti minn pajjiżi terzi li joriġinaw mill-annimali, għandhom jiżguraw li l-importazzjoni sseħħ biss jekk jiġu sodisfatti r-rekwiżiti tal-Artikolu 14 tar-Regolament (KE) Nru 854/2004.

(2)

L-Artikolu 14 tar-Regolament (KE) Nru 854/2004 jipprovdi li għandu jkun hemm dokument li jissodisfa ċerti rekwiżiti li jakkumpanja l-konsenji tal-prodotti li joriġinaw mill-annimali meta jiġu importati fl-Unjoni. Madankollu, l-Artikolu 15(3) ta’ dak ir-Regolament jipprovdi fost oħrajn li meta l-prodotti tas-sajd jiġu importati direttament minn bastiment tal-friża, dak id-dokument jista’ jiġi sostitwit b’dokument iffirmat mill-kaptan.

(3)

Ir-Regolament tal-Kummissjoni (KE) Nru 2074/2005 tal-5 ta’ Diċembru 2005 li jistabbilixxi miżuri ta’ implimentazzjoni għal ċerti prodotti taħt ir-Regolament (KE) Nru 853/2004 tal-Parlament Ewropew u tal-Kunsill u għall-organizzazzjoni ta’ kontrolli uffiċjali taħt ir-Regolament (KE) Nru 854/2004 tal-Parlament Ewropew u tal-Kunsill u r-Regolament (KE) Nru 882/2004 tal-Parlament Ewropew u tal-Kunsill, li jidderoga mir-Regolament (KE) Nru 852/2004 tal-Parlament Ewropew u tal-Kunsill u li jemenda r-Regolamenti (KE) Nru 853/2004 u (KE) Nru 854/2004 (3) fl-Anness VI tiegħu jistabbilixxi mudelli ta’ ċertifikati tas-saħħa, inkluż wieħed għall-prodotti tas-sajd.

(4)

L-Istati Membri u l-organizzazzjonijiet interessati talbu lill-Kummissjoni biex tistabbilixxi mudell tad-dokument li għandu jiġi ffirmat mill-kaptan sabiex l-informazzjoni mitluba u l-proċeduri applikati jiġu armonizzati meta l-prodotti tas-sajd jiġu importati direttament fl-Unjoni minn bastiment tal-friża.

(5)

Il-mudell tad-dokument li għandu jiġi ffirmat għandu jirreferi speċifikament għad-dispożizzjonijiet relevanti għall-amministrazzjoni tal-prodotti tas-sajd kif stipulati fit-Taqsima VIII tal-Anness III tar-Regolament (KE) Nru 853/2004 abbord il-bastimenti tal-friża. Il-mudell tad-dokument għandu wkoll jaqbel mas-sistema elettronika għall-iskambju taċ-ċertifikati tas-saħħa u d-dokumenti tal-importazzjoni bejn l-Awtoritajiet Nazzjonali Kompetenti għall-kwistjonijiet tas-saħħa marbuta mal-annimali ħajjin u l-prodotti li joriġinaw mill-annimali (TRACES).

(6)	Jixraq għalhekk li jiġi stabbilit mudell armonizzat tad-dokument li għandu jiġi ffirmat mill-kaptan meta l-prodotti tas-sajd jiġu importati fl-Unjoni direttament minn bastiment tal-friża. Għaldaqstant, jeħtieġ li r-Regolament (KE) Nru 2074/2005 jiġi emendat.

(7)	Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Ir-Regolament (KE) Nru 2074/2005 huwa emendat kif ġej:

(1)

L-Artikolu 6 jinbidel b'dan li ġej:

"Artikolu 6

Il-mudelli taċ-ċertifikati tas-saħħa u tad-dokumenti għall-importazzjonijiet ta' ċerti prodotti li joriġinaw mill-annimali għall-għanijiet tar-Regolamenti (KE) Nri 853/2004 u 854/2004

1. Il-mudelli taċ-ċertifikati tas-saħħa u tad-dokumenti, kif imsemmija fl-Artikolu 6(1)(d) tar-Regolament (KE) Nru 853/2004, li għandhom jintużaw meta jiġu importati l-prodotti li joriġinaw mill-annimali u li huma elenkati fl-Anness VI ta' dan ir-Regolament, huma stipulati f'dak l-Anness.

2. Il-mudell tad-dokument li għandu jiġi ffirmat mill-kaptan, u li jista’ jissostitwixxi d-dokument meħtieġ skont l-Artikolu 14 tar-Regolament (KE) Nru 854/2004 meta l-prodotti tas-sajd jiġu importati direttament minn bastiment tal-friża, kif previst fl-Artikolu 15(3) ta’ dak ir-Regolament, huwa stipulat fl-Anness VI ta’ dan ir-Regolament."

(2)	L-Anness VI huwa emendat skont l-Anness ta’ dan ir-Regolament.

Artikolu 2

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ April 2012.

Dan ir-Regolament għandu jorbot fl-intier tiegħu u huwa applikabbli direttament fl-Istati Membri kollha.

Magħmul fi Brussell, il-11 ta’ Awwissu 2011.

Għall-Kummissjoni

Il-President

José Manuel BARROSO

(1) ĠU L 139, 30.4.2004, p. 55.

(2) ĠU L 139, 30.4.2004, p. 206.

(3) ĠU L 338, 22.12.2005, p. 27.

ANNESS

L-Anness VI tar-Regolament (KE) Nru 2074/2005 huwa emendat kif ġej:

(1)

It-titlu tal-Anness VI u s-Sezzjonijiet I sa VI huma mibdula b'li ġej:

“ MUDELLI TAĊ-ĊERTIFIKATI TAS-SAĦĦA U TAD-DOKUMENTI GĦALL-IMPORTAZZJONIJIET TA’ ĊERTI PRODOTTI LI JORIĠINAW MILL-ANNIMALI

SEZZJONI I

KAPITOLU I

IS-SAQAJN TAŻ-ŻRINĠIJIET U L-BEBBUX

Iċ-ċertifikati tas-saħħa kif imsemmija fl-Artikolu 6(1)(d) tar-Regolament (KE) Nru 853/2004 għal importazzjonijiet tas-saqajn taż-żrinġijiet u l-bebbux għandhom ikunu konformi mal-mudelli stabbiliti fil-Parti A u fil-Parti B rispettivament tal-Appendiċi I ta' dan l-Anness.

KAPITOLU II

IL-ĠELATINA

Mingħajr ħsara għal leġiżlazzjoni speċifika oħra tal-Unjoni, b'mod partikolari għal-leġiżlazzjoni dwar l-enċefalopatiji sponġiformi trasmissibbli u l-ormoni, iċ-ċertifikati tas-saħħa kif imsemmija fl-Artikolu 6(1)(d) tar-Regolament (KE) Nru 853/2004 għal importazzjonijiet ta' ġelatina u materja prima għall-produzzjoni tal-ġelatina għandhom ikunu konformi mal-mudelli stabbiliti fil-Parti A u l-Parti B rispettivament ta' l-Appendiċi II ta' dan l-Anness.

KAPITOLU III

IL-KOLLAĠEN

Mingħajr ħsara għal leġiżlazzjoni speċifika oħra tal-Unjoni, b'mod partikolari għal-leġiżlazzjoni dwar l-enċefalopatiji sponġiformi trasmissibbli u l-ormoni, iċ-ċertifikati tas-saħħa kif imsemmija fl-Artikolu 6(1)(d) tar-Regolament (KE) Nru 853/2004 għall-importazzjonijiet tal-kollaġen u l-materja prima għall-produzzjoni tal-kollaġen għandhom ikunu konformi mal-mudelli stabbiliti fil-Parti A u l-Parti B rispettivament ta' l-Appendiċi III ta' dan l-Anness.

KAPITOLU IV

PRODOTTI TAS-SAJD

Iċ-ċertifikat tas-saħħa kif imsemmi fl-Artikolu 6(1)(d) tar-Regolament (KE) Nru 853/2004 għall-importazzjonijiet tal-prodotti tas-sajd għandu jkun konformi mal-mudell stabbilit fl-Appendiċi IV ta' dan l-Anness.

KAPITOLU V

MOLLUSKI BIVALVI ĦAJJIN

Iċ-ċertifikat tas-saħħa kif imsemmi fl-Artikolu 6(1)(d) tar-Regolament (KE) Nru 853/2004 għall-importazzjonijiet tal-molluski bivalvi ħajjin għandu jkun konformi mal-mudell stabbilit fl-Appendiċi V ta' dan l-Anness.

KAPITOLU VI

GĦASEL U PRODOTTI OĦRA TAL-APIKULTURA

Iċ-ċertifikat tas-saħħa kif imsemmi fl-Artikolu 6(1)(d) tar-Regolament (KE) Nru 853/2004 għall-importazzjonijiet tal-għasel u prodotti oħrajn tal-apikultura għandu jkun konformi mal-mudell stabbilit fl-Appendiċi VI ta' dan l-Anness.

SEZZJONI II

MUDELL TAD-DOKUMENT LI JRID JIĠI FFIRMAT MILL-KAPTAN

Il-mudell tad-dokument li għandu jiġi ffirmat mill-kaptan, u li jista’ jissostitwixxi dak meħtieġ skont l-Artikolu 14 tar-Regolament (KE) Nru 854/2004 meta l-prodotti tas-sajd iffriżati jiġu importati direttament minn bastiment tal-friża, kif previst fl-Artikolu 15(3) ta’ dak ir-Regolament, għandu jikkonforma mal-mudell tad-dokument stipulat fl-Appendiċi VII ta’ dan l-Anness.”

(2)

Jiżdied l-Appendiċi VII li ġej:

“Appendiċi VII tal-Anness VI

MUDELL TAD-DOKUMENT, LI GĦANDU JIĠI FFIRMAT MILL-KAPTAN, U LI JAKKUMPANJA L-IMPORTAZZJONIJIET META L-PRODOTTI TAS-SAJD IFFRIŻATI JIĠU IMPORTATI DIRETTAMENT FL-UNJONI EWROPEA MINN BASTIMENT TAL-FRIŻA

Test ta 'immaġni

Test ta 'immaġni

Parti II: Ċertifikazzjoni

PAJJIŻ

Prodotti tas-sajd

I.(a) Tagħrif ieħor

Żona/i tas-sajd:

In-numru tal-IMO/Lloyd’s (jekk inħareġ) jew is-sinjal tar-radju tal-bastiment:

Perjodu tas-Sajd:

Data tal-bidu: …/…/…

Data tat-tmiem: …/…/…

II. Attestazzjoni tas-saħħa

II.a. Numru ta’ referenza taċ-ċertifikat

II.b.

II.1. Attestazzjoni tas-saħħa pubblika

Jiena, hawn taħt iffirmat, niddikjara li

il-bastiment huwa fil-lista ta’ bastimenti li l-importazzjonijiet minnhom lejn l-Unjoni Ewropea huma permessi (huwa ‘EU-listed’);

il-bastiment għandu programm ibbażat fuq il-prinċipji HACCP għall-kontroll tal-perikli;

il-parti tal-bastiment fejn ikun hemm il-prodotti tas-sajd, it-tagħmir, il-kontenituri u l-ħżin fil-kesħa tal-prodotti tas-sajd jinżammu nodfa u f’kundizzjoni tajba;

il-prodotti tas-sajd tħarsu mill-kontaminazzjoni u mill-effetti tax-xemx jew kull sors ieħor tas-sħana malajr kemm jista’ jkun wara li jkunu ttellgħu abbord, u ttrattati b’tali mod biex ma jkollhomx daqqiet jew ħsara oħra;

il-prodotti tas-sajd ma ġewx ikkontaminati bil-fjuwil, bl-ilma tas-sentina jew b’organiżmi ta’ ħsara;

il-qtil, l-iżvinar, il-qtugħ tar-ras, it-tneħħija tal-ġewwieni u tal-ġwienaħ saru b'mod kemm jista' jkun iġeniku u malajr kemm jista' jkun wara li nqabdu u l-prodotti nħaslu immedjatament u bir-reqqa. Il-vixxri u l-partijiet li jistgħu jkunu ta' periklu għas-saħħa pubblika tneħħew kemm jista' jkun malajr u nżammu apparti mill-prodotti intiżi għall-konsum mill-bniedem.

intuża biss ilma baħar nadif bħala alternattiva għall-ilma ħelu għat-trattament u l-ħasil tal-prodott tas-sajd;

il-prodotti tas-sajd ġew soġġetti għal eżami viżiv għall-parassiti viżibbli, u l-prodotti tas-sajd li jidhru li jkunu kkontaminati bil-parassiti ma tqegħdux fis-suq għall-konsum mill-bniedem;

il-prodotti ġew iffriżati b’mod iġeniku kemm jista’ jkun malajr wara li nqabdu;

il-prodotti tas-sajd iffriżati nżammu f’temperatura ta’ mhux iktar minn – 18 °C fil-partijiet kollha tal-prodott, ħlief il-ħut sħiħ li fil-bidu ġie ffriżat fis-salmura għall-manifattura tal-ikel fil-landa u li jista’ jinżamm f’temperatura ta’ mhux iktar minn – 9 °C;

il-blokok iffriżati tgeżwru b’mod iġeniku u xieraq qabel il-ħatt;

il-pakketti ġew immarkati b’marka ta’ identifikazzjoni li tindika n-numru tal-approvazzjoni tal-bastiment tal-friża u l-istat tal-bandiera;

il-materjal tat-tgeżwir mhuwiex sors ta’ kontaminazzjoni u nħażen b’tali mod li ma kienx espost għal riskju ta' kontaminazzjoni.

Noti parti I:

Il-Kaxxa I.1: Isem u indirizz (triq, belt u reġjun/provinċja/stat, skont il-każ), numru tat-telefown u tal-faks jew l-indirizz elettroniku tas-sid/ir-responsabbli tal-bastiment.

Il-Kaxxa I.2: Numru uniku tad-dokument skont il-klassifika tiegħek stess.

Il-Kaxxa I.5:

L-isem u l-indirizz (triq, belt u kodiċi postali) ta’

il-persuna fiżika jew legali li l-konsenja tkun importata direttament lilha fl-Istat Membru tad-destinazzjoni.

Test ta 'immaġni