li japprova s-sustanza attiva teflutrina, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti, u li jemenda l-Anness tar-Regolament ta' Implimentazzjoni tal-Kummissjoni (UE) Nru 540/2011 u li jemenda d-Deċiżjoni tal-Kummissjoni 2008/934/KE

Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 13(2) u l-Artikolu 78(2) tiegħu,

Is-sustanza attiva teflutrina, kif speċifikata fl-Anness I, hija approvata suġġett għall-kundizzjonijiet stabbiliti f'dak l-Anness.

1. L-Istati Membri għandhom, b’konformità mar-Regolament (KE) Nru 1107/2009, u fejn hu meħtieġ, jemendaw jew jirtiraw l-awtorizzazzjonijiet eżistenti għall-prodotti għall-protezzjoni tal-pjanti li fihom it-teflutrina bħala sustanza attiva sat-30 ta’ Ġunju 2012.

Sa dik id-data huma għandhom b’mod partikolari jivverifikaw li l-kundizzjonijiet fl-Anness I ta' dan ir-Regolament ikunu ġew ssodisfati, bl-eċċezzjoni ta’ dawk identifikati fil-parti B tal-kolonna dwar id-dispożizzjonijiet speċifiċi ta' dak l-Anness, u li d-detentur tal-awtorizzazzjoni jkollu f’idejh il-fajl li jissodisfa r-rekwiżiti tal-Anness II tad-Direttiva 91/414/KEE skont il-kundizzjonijiet tal-Artikolu minn 13 (1) sa (4) ta’ dik id-Direttiva u l-Artikolu 62 tar-Regolament (KE) Nru 1107/2009, jew inkella jkollu aċċess għal tali fajl.

2. B’deroga mill-paragrafu 1, għal kull prodott awtorizzat għall-protezzjoni tal-pjanti li fih it-teflutrina bħala l-unika sustanza attiva jew inkella bħala waħda minn bosta sustanzi attivi li jkunu lkoll elenkati fl-Anness I tar-Regolament ta' Implimentazzjoni (UE) Nru 540/2011sa mhux aktar tard mill-31 ta’ Diċembru 2011, l-Istati Membri għandhom jerġgħu jivvalutaw il-prodott skont il-prinċipji uniformi, kif imsemmi fl-Artikolu 29(6) tar-Regolament (KE) Nru 1107/2009, abbażi ta’ fajl li jissodisfa r-rekwiżiti tal-Anness III tad-Direttiva 91/414/KEE u billi titqies il-Parti B tal-kolonna dwar id-dispożizzjonijiet speċifiċi fl-Anness I ta’ dan ir-Regolament. Fuq il-bażi ta’ dik l-evalwazzjoni, huma għandhom jistabbilixxu jekk il-prodott jissodisfax il-kondizzjonijiet stabbiliti fl-Artikolu 29(1) tar-Regolament (KE) Nru 1107/2009.

L-Anness tar-Regolament ta' Implimentazzjoni (UE) Nru 540/2011 huwa emendat skont l-Anness II ta' dan ir-Regolament.

Il-linja dwar it-teflutrin fl-Anness tad-Deċiżjoni 2008/934/KE għandha titħassar.

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(8) L-Awtorità Ewropea dwar is-Sigurtà fl-Ikel; Conclusion on the peer review of the pesticide risk assessment of the active substance tefluthrin. EFSA Journal 2010; 8(5):1592. [67 pp.]. doi:10.2903/j.efsa.2010.1592. Disponibbli onlajn: www.efsa.europa.eu

ANNESS I

Kundizzjonijiet għall-approvazzjoni bħala sustanza attiva skont r-Regolament (UE) Nru 1107/2009:

Isem Komuni, Numri ta’ Identifikazzjoni

Isem tal-IUPAC

Purità (1)

Data tal-approvazzjoni

Skadenza tal-approvazzjoni

Dispożizzjonijiet speċifiċi

Teflutrina

Nru CAS: 79538-32-2

Nru CIPAC: 451

2,3,5,6-tetrafluworo-4-metilbenżil (1RS, 3RS)-3-[(Z)-2-kloro-3,3,3-trifluworoprop-1-enil]-2,2-dimetilċiklopropanekarbossilat

It-teflutrina hija taħlita 1:1 ta' Z-(1R, 3R) u Z-(1S, 3S) enantiomeri.

≥ 920 g/kg

Eżaklorobenżin: mhux iktar minn 1 mg/kg

l-1 ta’ Jannar 2012

il-31 ta’ Diċembru 2021

PARTI A

L-użu bħala insettiċida biss jista' jiġi awtorizzat

Il-kisi taż-żerriegħa għandu jsir biexx f'faċilitajiet professjonali tat-trattament taż-żerriegħa. Dawn il-faċilitajiet għandhom japplikaw l-aħjar tekniċi disponibbli sabiex ikun eskluż il-ħruġ tat-trabijiet waqt il-ħażna, it-traposrt u l-applikazzjoni.

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport ta’ reviżjoni dwar it-teflutrina u b’mod partikolari l-Appendiċijiet I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa tal-Annimali fis-17 ta' Jannar 2011.

F'din il-valutazzjoni kumplessiva l-Istati Membri għandhom jagħtu kas partikolari:

—	lis-sikurezza tal-operaturi u l-ħaddiema u, fost il-kundizzjonijiet awtorizzati għall-użu, jinkludu l-applikazzjoni ta' tagħmir xieraq ta' protezzjoni personali kif ukoll ta' tagħmir protettiv respiratorju adegwat;

—	ir-riskju għall-għasafar u l-mammiferi. Għandhom jiġu applikati miżuri li jrażżnu r-riskju biex ikun hemm grad għoli ta' inkorporazzjoni fil-ħamrija u biex jiġi evitat li s-sustanza tinxtered;

—	l-assigurazzjoni li t-tikketta taż-żerriegħa trattata tinkludi l-indikazzjoni li ż-żrieragħ ġew trattati bit-teflutrina u li hija stipulata fil-miżuri tat-tnaqqis tar-riskji previsti fl-awtorizzazzjoni;

L-applikant għandu jressaq informazzjoni li tikkonferma fir-rigward:

(1)	l-ispeċifikazzjoni tal-materjal tekniku, kif immanifatturat kummerċjalment,

(2)	il-metodu analitiku vvalidat għall-ilma,

(3)	l-impatt ambjentali li possibbilment jista' jirriżulta mid-degradazzjoni/konverżjoni preferenzjali tal-iżomeri flimkien ma' stima tat-tossiċità relattiva u valutazzjoni tar-riskju għall-ħaddiema.

L-applikant għandu jressaq lill-Kummissjoni, lill-Istati Membri u lill-Awtorità, l-informazzjoni stabbilita fil-punt (1) sat-30 ta' Ġunju 2012, l-informazzjoni stabbilita fil-punt (2) sal-31 ta' Diċembru 2012, u l-informazzjoni stabbilita fil-punt (3) sentejn wara l-adozzjoni ta' dokument ta' gwida speċifika dwar l-evalwazzjoni tat-taħlita tal-iżomeri.

(1) Aktar dettalji dwar l-identità u l-ispeċifikazzjoni tas-sustanza attiva jinsabu fir-rapport ta' reviżjoni.

ANNESS II

Fil-Parti B tal-Anness tar-Regolament ta' Implimentazzjoni (UE) Nru 540/2011, trid tiżdied din l-entrata:

“10