|
21.7.2011 |
MT |
Il-Ġurnal Uffiċjali tal-Unjoni Ewropea |
L 190/26 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 701/2011
tal-20 ta’ Lulju 2011
li jirrettifika r-Regolament (UE) Nru 1004/2010 dwar it-tnaqqis ta’ ċerti kwoti tas-sajd għall-2010 minħabba sajd żejjed tal-ħut fis-sena ta’ qabel
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (1), u b’mod partikolari l-Artikolu 105(1) tiegħu,
Billi:
|
(1) |
Fl-Anness għar-Regolament tal-Kummissjoni (UE) Nru 1004/2010 (2): għandhom jiġu kkoreġuti żewġ linji, minħabba r-rappurtar ħażin dwar il-ħatt l-art li sar mill-bastimenti tal-Estonja fi Spanja u fid-Danimarka. |
|
(2) |
Għaldaqstant ir-Regolament (UE) Nru 1004/2010 għandu jiġi rrettifikat skont dan. |
|
(3) |
Jeħtieġ li dawk il-korrezzjonijiet jidħlu fis-seħħ mid-data tad-dħul fis-seħħ tar-Regolament (UE) Nru 1004/2010 safejn dawn huma vantaġġużi għall-individwi konċernati. |
|
(4) |
Il-korrezzjonijiet għandhom jidħdlu fis-seħħ mid-data tad-dħul fis-seħħ ta’ dan ir-Regolament safejn ma jimponux piżijiet fuq l-individwi konċernati. |
ADOTTAT DAN IR-REGOLAMENT:
Artikolu 1
It-Tabella fl-Anness għar-Regolament (UE) Nru 1004/2010 hija emendata kif ġej:
|
(1) |
Is-seba’ linja hija sostitwita b’dan li ġej:
|
|
(2) |
It-tmien linja:
hija mħassra |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Lulju 2011.
Għall-Kummissjoni
Il-President
José Manuel BARROSO