21.7.2011 |
MT |
Il-Ġurnal Uffiċjali tal-Unjoni Ewropea |
L 190/1 |
REGOLAMENT TAL-KUNSILL (UE, EURATOM) Nru 699/2011
tat-18 ta’ Lulju 2011
li jaġġusta l-koeffiċjenti korrettivi li japplikaw għar-remunerazzjoni u l-pensjonijiet tal-uffiċjali u l-ħaddiema l-oħra tal-Unjoni Ewropea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolamenti tal-Persunal għall-Uffiċjali tal-Unjoni Ewropea u l-Kondizzjonijiet tal-Impjieg applikabbli għall-Ħaddiema l-oħra tal-Unjoni, stabbiliti bir-Regolament (KEE, Euratom, KEFA) Nru 259/68 (1), u b’mod partikolari l-Artikoli 64, 65(2) tar-Regolamenti tal-Persunal u l-Annessi VII, XI u XIII tagħhom, kif ukoll l-ewwel paragrafu tal-Artikolu 20, l-Artikoli 64 u 92 tal-Kondizzjonijiet tal-Impjieg applikabbli għall-Ħaddiema l-Oħra,
Wara li kkunsidra l-proposta mill-Kummissjoni Ewropea,
Billi:
Kien hemm żieda sostanzjali fl-għoli tal-ħajja fl-Estonja fil-perijodu bejn Ġunju u Diċembru 2010. Il-koeffiċjenti korrettivi li japplikaw għar-remunerazzjoni tal-uffiċjali u l-ħaddiema l-oħra tal-Unjoni għandhom għalhekk jiġu aġġustati,
ADOTTA DAN IR-REGOLAMENT:
Artikolu 1
B’effett mill-1 ta’ Jannar 2011, il-koeffiċjenti korrettivi li japplikaw, skont l-Artikolu 64 tar-Regolamenti tal-Persunal, għar-remunerazzjoni tal-uffiċjali u l-ħaddiema l-oħra impjegati fil-pajjiż imsemmi hawn taħt, huma stabbiliti kif ġej:
Estonja: 78,5.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Lulju 2011.
Għall-Kunsill
Il-President
M. DOWGIELEWICZ