|
7.7.2011 |
MT |
Il-Ġurnal Uffiċjali tal-Unjoni Ewropea |
L 179/1 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 653/2011
tas-6 ta’ Lulju 2011
li jemenda l-Anness I għar-Regolament (KE) Nru 1439/95, l-Anness III għar-Regolament (KE) Nru 748/2008 u l-Anness II għar-Regolament (KE) Nru 810/2008 fir-rigward tal-awtorità awtorizzata li toħroġ dokumenti u ċertifikati fl-Arġentina
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1095/96 tat-18 ta’ Ġunju 1996 dwar l-implimentazzjoni tal-konċessjonijiet stabbiliti fl-Iskeda CXL imħejjija mat-tmiem tal-konklużjoni tan-negozjati tal-GATT XXIV.6, (1),
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (2),
Wara li kkunsidrat ir-Regolament tal-Kummissjoni (KE) Nru 1439/95 tas-26 ta’ Ġunju 1995 li jippreskrivi regoli dettaljati għall-applikazzjoni tar-Regolament tal-Kunsill (KEE) Nru 3013/89 fir-rigward tal-importazzjoni u l-esportazzjoni ta’ prodotti fis-settur tal-laħam tan-nagħaġ u l-laħam tal-mogħoż (3), u b’mod partikolari l-Artikolu 12(2) tiegħu,
Wara li kkunsidrat ir-Regolament tal-Kummissjoni (KE) Nru 748/2008 tat-30 ta’ Lulju 2008 dwar il-ftuħ u l-amministrazzjoni ta’ kwota ta’ tariffa tal-importazzjoni għal falda rqiqa ffriżata ta’ annimali bovini fi ħdan il-kodiċi tan-NM 0206 29 91 (4), u b’mod partikolari l-Artikolu 6(2) tiegħu,
Wara li kkunsidrat ir-Regolament tal-Kummissjoni (KE) Nru 810/2008 tal-11 ta’ Awwissu 2008 li jiftaħ u jipprovdi għall-amministrazzjoni ta’ kwoti tariffarji għaċ-ċanga friska ta’ kwalità għolja, imkessħa u ffriżata, u għal-laħam tal-buflu ffriżat, (5) u b’mod partikolari l-Artikolu 7(2) tiegħu,
Billi:
|
(1) |
L-Anness I għar-Regolament (KE) Nru 1439/95 jistabbilixxi l-lista ta’ awtoritajiet ta’ pajjiżi terzi awtorizzati li joħorġu dokumenti tal-oriġini. |
|
(2) |
L-Anness III għar-Regolament (KE) Nru 748/2008, jistabbilixxi l-awtoritajiet fl-Arġentina awtorizzati li joħorġu ċertifikati tal-awtentiċità. |
|
(3) |
L-Anness II għar-Regolament (KE) Nru 810/2008, jistabbilixxi l-lista tal-awtoritajiet fil-pajjiżi ta’ esportazzjoni awtorizzati li joħorġu ċertifikati tal-awtentiċità. |
|
(4) |
L-Arġentina nnotifikat lill-Kummissjoni li, mill-1 ta’ Lulju 2011, l-awtorità ġdida li ġiet awtorizzata li toħroġ id-dokumenti tal-oriġini u ċ-ċertifikati tal-awtentiċità taċ-ċanga, tal-laħam tan-nagħaġ u tal-laħam tal-mogħoż li joriġinaw fl-Arġentina hija l-Ministeru tal-Ekonomija u l-Finanzi. |
|
(5) |
L-Anness I għar-Regolament (KE) Nru 1439/95, l-Anness III għar-Regolament (KE) Nru 748/2008 u l-Anness II għar-Regolament (KE) Nru 810/2008 għandhom jiġu emendati kif xieraq, |
ADOTTAT DAN IR-REGOLAMENT:
Artikolu 1
Fl-Anness I għar-Regolament (KE) Nru 1439/95, l-entrata Nru 1 tinbidel b’dan li ġej:
|
“1. |
L-Arġentina: Ministerio de Economia y Finanzas Publicas” |
Artikolu 2
L-Anness III għar-Regolament (KE) Nru 748/2008 jinbidel b’dan li ġej:
“ANNESS III
Lista tal-awtoritajiet fl-arġentina awtorizzati li joħorġu ċ-ċertifikati tal-awtentiċità
L-Arġentina: Ministerio de Economia y Finanzas Publicas:
għal falda rqiqa li toriġina fl-Arġentina kif speċifikat fl-Artikolu 1(3)(a).”
Artikolu 3
Fl-Anness II għar-Regolament (KE) Nru 810/2008, l-ewwel inċiż jinbidel b’dan li ġej:
|
“— |
MINISTERIO DE ECONOMIA Y FINANZAS PÚBLICAS: għal-laħam li joriġina fl-Arġentina u li huwa skont id-definizzjoni mogħtija fl-Artikolu 2(a).” |
Artikolu 4
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Lulju 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Lulju 2011.
Għall-Kummissjoni, f'isem il-President,
Joaquín ALMUNIA
Membru tal-Kummissjoni
(1) ĠU L 146, 20.6.1996, p. 1.
(2) ĠU L 299, 16.11.2007, p. 1.
(3) ĠU L 143, 27.6.1995, p. 7.