(1)

L-Artikolu 3(1) tar-Regolament tal-Kummissjoni (KE) Nru 1067/2008 tat-30 ta' Ottubru 2008 li jiftaħ u jipprovdi għall-amministrazzjoni ta' kwoti tariffari Komunitarji għal qamħ komuni ta' kwalità differenti minn dik superjuri oriġinanti minn pajjiżi terzi u li tidderoga mir-Regolament tal-Kunsill (KE) Nru 1234/2007 (2) jistabbilixxi li l-kwota annwali fuq l-importazzjoni ta' 2 989 240 tunnellata għandha tkun maqsuma fi tliet subkwoti: 572 000 tunnellata għall-Istati Uniti tal-Amerika, 38 853 tunnellata għall-Kanada u 2 378 387 tunnellata għall-pajjiżi terzi l-oħra.

(2)

L-Artikolu 3(3) tar-Regolament (KE) Nru 1067/2008 jipprevedi li s-subkwota III ta' 2 378 387 tunnellata għall-pajjiżi terzi l-oħra għandha tkun maqsuma f'erba' subperjodi ta' tliet xhur, li jkopru, b'mod partikolari, s-subperjodu 3 li jibda fl-1 ta' Lulju u jispiċċa fit-30 ta' Settembru għal kwantità ta' 594 597 tunnellata u s-subperjodu 4 li jibda fl-1 ta' Ottubru u jispiċċa fil-31 ta' Diċembru għal kwantità ta' 594 596 tunnellata.

(3)

Meta titqies is-sitwazzjoni tas-suq, sabiex għas-sena 2011 tkun iffavorita l-provvista kontinwa ta' ċereali fis-suq tal-Unjoni skont is-subkwota III, jeħtieġ li s-subperjodu 3 u s-subperjodu 4 jiġu amalgamati f'subperjodu wieħed li jkopri l-kwantità akkumulata fis-subperjodi 3 u 4, jiġifieri 1 189 193 tunnellata.

(4)

Għalhekk, jeħtieġ li, għas-sena 2011, ikun hemm deroga mir-Regolament (KE) Nru 1067/2008.

(5)

Sabiex tkun żgurata ġestjoni effiċjenti tal-proċedura għall-ħruġ taċ-ċertifikati tal-importazzjoni mill-1 ta' Lulju 2011 ’il quddiem, dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(6)

Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,