|
17.5.2011 |
MT |
Il-Ġurnal Uffiċjali tal-Unjoni Ewropea |
L 129/7 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 471/2011
tas-16 ta’ Mejju 2011
dwar id-diviżjoni bejn il-“kunsinni” u l-“bejgħ dirett” ta’ kwoti nazzjonali tal-ħalib stabbiliti għall-2010/2011 fl-Anness IX għar-Regolament tal-Kunsill (KE) Nru 1234/2007
IL-KUMMISSJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikolu 69(1) tiegħu, flimkien mal-Artikolu 4 tiegħu,
Billi:
|
(1) |
L-Artikolu 67(2) tar-Regolament (KE) Nru 1234/2007 jipprovdi li l-produtturi jista’ jkollhom kwota individwali waħda jew tnejn, waħda għall-kunsinni u l-oħra għall-bejgħ dirett u li l-kwantitajiet jistgħu jinbidlu minn kwota waħda għall-oħra mill-awtorità kompetenti tal-Istat Membru biss, fuq talba ġġustifikata b’mod xieraq min-naħa tal-produttur. |
|
(2) |
Ir-Regolament tal-Kummissjoni (KE) Nru 445/2010 tal-21 ta’ Mejju 2010 dwar id-diviżjoni bejn il-“kunsinni” u l-“bejgħ dirett” ta’ kwoti nazzjonali tal-ħalib stabbiliti għall-2009/2010 fl-Anness IX għar-Regolament tal-Kunsill (KE) Nru 1234/2007 (2) jistipula d-diviżjoni bejn il-“kunsinni” u l-“bejgħ dirett” għall-perjodu mill-1 ta’ April 2009 sal-31 ta’ Marzu 2010 għall-Istati Membri kollha. |
|
(3) |
Skont l-Artikolu 25(2) tar-Regolament tal-Kummissjoni (KE) Nru 595/2004 tat30 ta’ Marzu 2004 li jniżżel regoli dettaljati biex japplika r-Regolament tal-Kunsill (KE) Nru 1788/2003 li jistabbilixxi imposta fis-settur tal-ħalib u tal-prodotti tal-ħalib (3), l-Istati Membri nnotifikaw il-kwantitajiet li tbiddlu definittivament fuq talba tal-produtturi bejn kwoti individwali għall-kunsinni u għall-bejgħ dirett. |
|
(4) |
Il-kwoti nazzjonali totali tal-Istati Membri kollha stabbiliti fil-punt 1 tal-Anness IX għar-Regolament tal-Kunsill (KE) Nru 1234/2007, kif emendat bir-Regolament tal-Kunsill (KE) Nru 72/2009 (4), żdiedu b’1 % b’effett mill-1 ta’ April 2010, minbarra għall-Italja li għaliha l-kwota kienet diġà żdiedet għal 5 %, b’effett mill-1 ta’ April 2009. L-Istati Membri, minbarra l-Italja u Malta li ma għandha l-ebda parti mill-kwota nazzjonali tagħha għall-bejgħ dirett, innotifikaw lill-Kummissjoni dwar id-diviżjoni bejn il-“kunsinni” u l-“bejgħ dirett” tal-kwota addizzjonali. |
|
(5) |
Għalhekk huwa xieraq li tiġi stabbilita d-diviżjoni, applikabbli għall-perjodu mill-1 ta’ April 2010 sal-31 ta’ Marzu 2011, bejn il-“kunsinni” u l-“bejgħ dirett” tal-kwoti nazzjonali stabbiliti fl-Anness IX għar-Regolament (KE) Nru 1234/2007. |
|
(6) |
Minħabba li d-diviżjoni bejn il-kunsinni u l-bejgħ dirett tintuża bħala l-bażi ta’ referenza għall-kontrolli li jsiru skont l-Artikoli 19 sa 21 tar-Regolament tal-Kummissjoni (KE) Nru 595/2004 u minħabba li din tintuża biex jiġi stabbilit il-kwestjonarju annwali mniżżel fl-Anness I għal dak ir-Regolament, huwa xieraq li tiġi stabbilita data ta’ skadenza għal dan ir-Regolament li tkun wara l-aħħar data li fiha jistgħu jsiru dawn il-kontrolli. |
|
(7) |
Il-miżuri pprovduti f’dan ir-Regolament huma skont l-opinjoni tal-Kumitat ta’ ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Id-diviżjoni applikabbli għall-perjodu mill-1 ta’ April 2010 sal-31 ta’ Marzu 2011 bejn il-“kunsinni” u l-“bejgħ dirett” tal-kwoti nazzjonali stabbiliti fl-Anness IX għar-Regolament (KE) Nru 1234/2007 tinsab fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Ir-Regolament għandu jiskadi fit-30 ta’ Settembru 2012.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta’ Mejju 2011.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 126, 22.5.2010, p. 14.
(3) ĠU L 94, 31.3.2004, p. 22.
ANNESS
|
L-Istati Membri |
Kunsinni (tunnellati) |
Bejgħ dirett (tunnellati) |
|
Il-Belġju |
3 454 910,898 |
41 266,346 |
|
Il-Bulgarija |
942 195,260 |
76 456,198 |
|
Ir-Repubblika Ċeka |
2 833 254,842 |
15 567,839 |
|
Id-Danimarka |
4 705 285,916 |
47,256 |
|
Il-Ġermanja |
29 335 337,102 |
91 916,439 |
|
L-Estonja |
664 758,821 |
7 788,376 |
|
L-Irlanda |
5 612 152,970 |
2 150,264 |
|
Il-Greċja |
852 538,418 |
1 207,000 |
|
Spanja |
6 298 788,511 |
65 910,198 |
|
Franza |
25 241 237,156 |
354 420,110 |
|
L-Italja |
10 973 963,234 |
314 579,632 |
|
Ċipru |
150 243,694 |
837,196 |
|
Il-Latvja |
738 964,267 |
19 195,434 |
|
Il-Litwanja |
1 696 613,534 |
77 274,855 |
|
Il-Lussemburgu |
283 644,448 |
500,000 |
|
L-Ungerija |
1 937 342,553 |
133 318,857 |
|
Malta |
50 670,366 |
|
|
Il-Pajjiżi l-Baxxi |
11 624 729,324 |
71 360,125 |
|
L-Awstrija |
2 816 825,721 |
87 887,065 |
|
Il-Polonja |
9 602 696,317 |
157 361,235 |
|
Il-Portugall (1) |
2 019 643,728 |
7 826,444 |
|
Ir-Rumanija |
1 495 324,220 |
1 685 490,394 |
|
Is-Slovenja |
579 468,569 |
20 524,423 |
|
Is-Slovakkja |
1 046 628,953 |
36 313,043 |
|
Il-Finlandja (2) |
2 537 362,535 |
5 440,665 |
|
L-Isvezja |
3 484 129,778 |
4 200,000 |
|
Ir-Renju Unit |
15 289 460,053 |
139 724,783 |
(1) Minbarra l-Madejra.
(2) Il-kwota nazzjonali Finlandiża kif imsemmija fl-Anness IX għar-Regolament (KE) Nru 1234/2007 u l-ammont totali tal-kwota nazzjonali Finlandiża kif indikata fl-Anness għal dan ir-Regolament huma differenti minħabba żieda fil-kwota ta’ 784 683 tunnellata biex tikkumpensal-produtturi tal-SLOM Finlandiżi fil-passat skont l-Artikolu 67(4) tar-Regolament (KE) Nru 1234/2007.